Anonyme

“ A Toulon la plus part des maisons sur le couuert estoit taché dudit sang, le paué & l’Eglise parroissiale dudit lieu à la sortie de la Messe fut veu pisser le cornet de vray sang pur & naturel.
Le dixhuictiesme dudit mois d’Aoust à Rilianne en presence de tout le peuple, fut veu vne pluie de sang, tellement que nul ne sortoit dehors des maisons qu’incontinent ne fussent tachez dudit sang qui distiloit du couuert des toicts, ou bien de celuy qui tomboit de la prime pluie. ”

“ Et nous qui sommes Chrestiens nourris en vne meilleure escole, il faut que sainctement nous presentions nos cœurs constris, & repentans, & humblement prier le tout puissant de nous pardonner nos fautes, & vouloir appaiser sa iuste colere, à celle fin que les malheurs qui nous sont preparez par sa iustice, soient détournez & chassez loin de nous par sa sainte misericorde. ”

“ Puis ayant continué lesdits iours l’espace de sept heures, tout en vn instant vne nuë espoisse apparut en l’air, & couurit si obscurément, que rien de deux heures ne parut que nuees & broüillards noirs, obscurcis sentant comme le salpettre & apres que l’air fut purifié, ne fut rien veu de toutes ces chemeries lesquelles furent esuanouyes. ”