Anonyme

“ Et le pire que i’y voye, c’est que les femmes qui en sont yssues ont telle playe comme celle que feist ce dict Pandora, & nous povres hommes en sommes detenus en un très-grand servage. Parquoi après que ledict Pandora lui connoissant & sçachant avoir failly & erré grandement envers ladite femme, pour la contenter s’efforçoit du tout de lui donner de son huylle de reins, par quoy nous aultres hommes héritans de ce malheur sommes subiects leur en faire au cas pareil. ”

“ Et si est autant loing de mensonge que est ung chien de sa queue. Je doubte que faciez difficulté de la croire, & n’eust esté que vous m’avez trouvé credible, & que vous me portez cette grande foy ; ne me feusse ingeré vous en mettre aucune chose en lumiere. ”

“ Mais de malheur & de malle fortune le povre homme regardoit de près s’il faisoit bien, & ladicte femme lascha une grosse Vesse orde, puante & infecte, qu’il en feust tant estourdy qu’il ne sçavoit ce qu’il faisoit, & en tréssaillant de paour son instrument vasillant en sa main feist le trou si très-profond, que de la fente ne sçeust trouver le bout, qui est pourquoy il est incurable : & aussi par sa sourdité l’avoir faict aussi grand que une besche, au lieu de le faire comme pour mettre le noyau d’une pesche. ”

“ À ceste cause pour retourner de pis à mieulx & éviter le scandalle de tous & toutes, ie les conseille de laisser ses pompes desordonnez, vestementz, passefillons : arceletz : deschiqueteurs : vertugalles : busquines & autres infinies dissolutions de parement, & leur reduire à la pristine & ancienne observance des Dames du temps passé, & vivre comme elles ont faict. ”

“ Le hault des chausses pour parler
Braguette ny fault quoy qu’on dice
Non obstant qu’on dict que c’est vice,
Ie trouve leur parler abbus,
Le cheval qui court cerf ou biche
Souvent tombe qui est dessus. ”

“ Si non i’ai déliberé pour me venger de leur obstination & pertinacité ne leur être plus favorable : ains me fermer & clorre. Et quelques clysteres, ou médecines qu’elles puissent prendre, à la conservation & entretenue de leur tainct fardé, les rendre malades iusques à la mort. ”