Marguerite de Navarre

“ Les vrays amans, saiges, hardiz, et doulx,
Et se mocquer des glorieux et foulz
Qui font les braues,
Oultrecuydez, pensans faire les graues
Puis reffusez, bien sotz font les esclaues,
Car cest le rolle
Quil fault iouer, ou deffault la parolle
Et le bon sens, et quelque poure folle
Ou les craindra,
En brauegeant ou pour morts les tiendra,
Ne parlant plus, ce que point naduiendra
A vne sage.
Qui prend plaisir douyr vng bon langage
Dit dun bon cueur vertueux, dun visage
Plein dune audace,
Dune doulceur et dune bonne grace
Qui plaist tousiours a chacun quoy quil face. ”

“ Car ceste amour en noz cueurs emmuree
Soit de monstrer ce liure ou le cacher
Fera si bien quon ne pourra toucher
À mon honneur quentre voz mains ie mectz,
Comme à la dame en qui ie vous promectz
Jay mis cueur, corps, amour, entendement
Où ne verrez iamais nul changement.
Parlant de moy, oublier ie ne doy
Celles de qui la douleur, ie le croy,
Merite bien que vous vueillez entendre
Leurs passions car elles veullent tendre
A qui aura de bien aymer lhonneur
Et dauoir plus dans le cueur de douleur. ”

“ Qui de regret importable est pressee.
Ou l’autre qui laisse vng amy parfaict
Pour ressembler, et en dict et en faict,
Aux autres deux et lunion tenir
Ou ferme amour leurs troys cueurs faict vnir. ”

“ Signe damour verray, rompre ne veulx
Ceste amytie prise a sa grant requeste.
Si fermes sont les lyens et les nœudz
Que si rompuz ilz sont de son coustè
Ilz sont du mien encor entiers et neufz.
Dames croyez quil ma bien cher coustè
Ce faulx amy, et couste, et coustera
Tant qu’a la mort cœur, et corps soit bouttè. ”

“ Que mieulx veulx viure
En ce tourment, sans en estre deliure
Que leurs deux cueurs a tel ennuy ie liure.
Pour elles vis,
Et viure veulx du tout a leur deuis,
Et pour moy non, parquoy il mest aduis
Que pis que morte
Chascun me peult tenir en ceste sorte
Puis que la mort, qui seulle me conforte
Ie veulx fouyr.
Cest tout mon bien, mais ie nen veulx ioyr
Que leurs deux corps ie ne voye enfouyr
Auecques moy en noyre sepulture
Noz troys malheurs me feront resiouyr
Destre assemblez soubz vne couuerture. ”

“ Passant la nuict a ce doulx air serain.
Celles en qui serain trauail, sommeil
Nestoit senty, et du trescler soleil
Labsence estoit de leurs yeulx incongnue
Et de la nuyct la soubdaine venue,
Congnurent bien, escouttans ma raison
Que du partir estoit heure et saison.
Qui leur despleut, car chacune nauoit
De son ennuy dict ce qu’elle scauoit.
Parquoy en pleurs voulurent reueler
Ce que le temps les contraignoit celer. ”

“ Qu’amour leurs cueurs vnist par doulx accords.
Croyez pour vray que pitie et desir
De soulaiger leur couuert desplaisir
Me contraignit leur dire en soupirant
Vng mal cachè va tousiours empirant
Et sil est tel quil ne puisse estre pire
Il samoindrist quelque foys a le dire. ”

“ Par main dautruy, mect toute sa science
De soustenir son mal par patience
Qui de tous maulx est le soulagement.
¶ Vous endurez par le tort et le vice
De voz amys en despit de voz cueurs
Pis que la mort, O petites douleurs
Mises aupres de mon grand sacrifice. ”

“ Que si leurs cueurs ont peine pour aymer
Ceulx que lon peult cruelz amys nommer,
Le mien en est comme les leur puny.
¶ Comm’elles iay creu leurs amys loyaux
Lesquelz iaimoys comme le propre mien,
Participant en leur plaisir et bien
Comme ie veulx auoir part en leurs maulx. ”

“ Vous luy ostez soubdainement la vie
Car son cueur est du vostre le demy.
¶ Que fera il se voyant separè
De sa moytie ? Croyez quil ne peult viure,
Sera chacun des cueurs delles deliure
De leur ennuy le voyant esgare ? ”

“ Et laissoit lair sans chault, ny froid, si doulx
Que ie ne scay cueur si plein de courroux
De ire, et dennuy, qui neust eu guarison
En vng tel lieu, fors moy qui sans raison
Fuyant les gens me retiray a part
Pour nauoir plus a leur passetemps part.
Car cueur qui na de plaisir vne goutte
Den veoir ailleurs il a peine sans doubte. ”

“ Le vray amant la tient à son escolle
On le peult bien congnoistre a sa parolle
Qui tant se doit priser et estimer.
¶ Quant elle aura veu nostre doulx combat
Seure ie suis que sans fauoriser
Lune partie et lautre despriser
Fera la paix de nostre long debat. ”

“ Car vng chacun de leurs doulx cueurs sentoit
Lennuy trop grant que la tierce portoit.
Moy qui dun mal en veoye troys pleurer
Dys, vous pourriez iusque au soir demeurer
En ce plourer, que ne pouez finer.
Et ne scauriez me faire deuiner
Qui de vous troys seuffre plus de martyre
Si ne voullez le me dire ou escripre. ”

“ Couuroient leurs colz leurs visaiges et testes.
Leurs yeulx ie vey vers la terre baissez
Et de leurs cueurs par trop d’ennuy pressez
Sailloit souspirs, dont tout lair raisonnoit
Mais vng seul mot leur bouche ne sonnoit.
Leur marcher lent monstroit bien que tristesse
Rendoit leurs piedz agrauez de foiblesse. ”