Dolent Fortuné, Le chevalier des dames du dolent fortuné
“ Et vous mallebouche envieuse Aspic mordant/ dragon murtrier Lesarde faulse et venimeuse De toute plaisance encombrier Infernal furieux sorcier Dont pire n'est trouvé par rolles Maleureux et maldit ouvrier. ”
Dolent Fortuné, Le chevalier des dames du dolent fortuné
“ Que vous parfait avec nature Et que donneur et de noblesse Prendre vous fait la nourriture Noble cueur. Quant est de maistresse ou de dame Dont mon cueur s'esjoysse ou dueille Je n'en sçay nulle par mon ame Ne n'en ay point: que bien me vueille Non pas que leur amour desvueille Ains m'en tiendroie a bien eureux Mais homme de sy basse fueille N'est pas taillié d'estre amoureux Noblesse feminine Certes sire. ”
Dolent Fortuné, Le chevalier des dames du dolent fortuné
“ A noble cueur que il luy dist Quelle aventure il demandoit Ne qu'il queroit ne qu'il voulsist Lequel tantost luy respondist Comme sage et bien asseurez De quelque chose que il vist En maniere que vous oirez Noble cueur Je suis ung homme d'aventure Treversant bourgs villes passages Qui hay de ma propre nature Tous mauvais et villains usages Armes joustes et vasselages Sont mes esbas et mes deduis Sy veulz suire les bons et saiges En toutes choses se je puis Icy a forte et grande emprise Et ung pas hardy a deffendre Nonobstant/ tout ce qu'il devise Contre vous. ”
Dolent Fortuné, Le chevalier des dames du dolent fortuné
“ Et vous rendez au droit du pas Car d'amours ont et grace et gloire Pluseurs. qui ne vous vallent pas. Noble cueur Dames peuent leurs cueurs donner Ou il leur plaist de leur franchise Et en elles est. ”
Dolent Fortuné, Le chevalier des dames du dolent fortuné
“ Noble cueur Helas tresexcellente dame Pardonnez moy se j'ay mal fait Car je vous jure par mon ame Que je ne pense a nul meffait Fortune icy/ venir me fait Que long temps m'a esté cruelle Et s'en ce point vous ay tort fait Certes la coulpe en est en elle Noblesse feminine Il n'y a pas grant mesprison Ne vous en donnez ja soucy Mais certes je n'ay pas foison Trouvé. que homme venist icy Le lieu est sy tresdigne aussy Que homme n'y doit venir jamais Si ce n'est ung/ que j'ay choisy Et si ne me vit oncques mais Noble cueur Helas. ”
Dolent Fortuné, Le chevalier des dames du dolent fortuné
“ Icy noble cueur/ depuis la poursuite qu'il fist aprés les complices de mallebouche et cueur villain. retourna sur le camp. et dist. O vilain cueur/ puant yvroingne Creature deffiguree Plus vile que ver ne charoigne Plus orde et plus desnaturee De la grant diablesse engendree Ou fons d'enfer tout ou dessoubz Que maldicte soit la ventree Quant elle n'avorta de vous. Tant estes vous abhominable Et de vile ordure amassez Que pour estre frere au grant diable. Voustre corps n'est pas digne assez Car en tant vous le surpassez. ”
Dolent Fortuné, Le chevalier des dames du dolent fortuné
“ Lors je vy que dame nature Ensemble o la parfaicte et pure L'oultrepasse de corps humains Prindrent noble cueur par lez mains Mais gaires long ne cheminerent Qu'en ung si beau lieu le menerent Que je tien sur ma conscience Qu'il n'est cueur si plain de science Qui proprement pourroit suffire A la beauté du lieu descrire Car c'estoit le plushault retrait Ouquel nature se retrait. ”
Dolent Fortuné, Le chevalier des dames du dolent fortuné
“ Parquoy noble cueur. je vous dis Cest arbre qui fluerist tousdis. Et est de si plaisant umbrage Est l'arbre dont l'humain lignage Sourdist/ et sourd de jour en jour Par quantité telle et vigour Comme au jourd'uy pouez veoir Dont adam et eve de voir Jadis ung corps et une eschine Furent le boys et la racine Dont tout l'arbre tel comme il est Se croist. se fleurist. et se naist Gectant deux branches contremont Sans plus. que bien a noter sont Et est bien de necessité Car la gist la diversité Du sexe. qui est masculin. ”
Dolent Fortuné, Le chevalier des dames du dolent fortuné
“ Noble cueur. Vous cueur vilain et malebouche Gens oultrageux et inutiles Maldiz de la divine bouche Par voz escriptz et euvres viles Par quel venin. sont maintes ysles Infectes et empoisonnees Et maintes nobles et habiles Dames/ d'honneur dessaisonnees De vous se plaint dame nature Et aussy la noble substance Des dames/ que de voustre ordure. Crient/ d'une voix par vengance Les cieulx ont prins en desplaisance De leur clarté vous aporter Et la terre grant ennuyance De vous nourrir et supporter Dieu et diables/ et tout le monde Les cieulx les anges. ”
Dolent Fortuné, Le chevalier des dames du dolent fortuné
“ Vous en pouez icy conquerre Plus qu'oncques ne fist alexandre Mais s'il vous fault beaucop enquerre Vous craignez voustre sang espandre Mal fustes baptisé de fait Noble cueur. comme vous savez Se vous ne monstrez par effect Q'un noble cueur en vous avez Se vous ces faitz ne relevez Ne sçay qui les relevera Et se la pene en eschevez En qui plus l'on se fiera Sus a cheval. ”
Dolent Fortuné, Le chevalier des dames du dolent fortuné
“ S'il vous plaist. je le vous diray¶ Icy fait noble cueur ung Conte a noblesse feminine Comment luy estant en l'aage de douze ans. vint devers lui dame Nature: et lui donnoit plusieurs enseignemens de bonnes meurs: et beacoup d'autres choses/ lui remonstrant: dont de mot a mot Come nature lui disoit/ il le reconte a noblesse feminineNoble cueur Dame. ”
Dolent Fortuné, Le chevalier des dames du dolent fortuné
“ Noble cueur Se je pouoie mectre a euvre Et que dieu me donnast puissance De descouvrir ce que je couvre Dedans ma riche bien vueillance J'esperoie par vaillance Gaignier en traveil de jeunesse Aucune grace. en recueillance Pour le repos de ma vieillesse Noblesse feminine. Le hault vouloir que vouz avez Ne peult qu'il ne vous tourne en bien Estre leal certe debvés Et secret je vous le dis bien Ce sont les poins et le moyen Parquoy parvenir on y peult Que aultrement fait il ne fait rien. Dont a la fin son cueur s'en deult Noble cueur. ”
Dolent Fortuné, Le chevalier des dames du dolent fortuné
“ Que cheoir le convint a terre¶ De la venue de mallebouche contre noble cueur. Quant mallebouche la serpent Son frere ainsi voit laidangié A qui la mort en la char pent Dont il fut moult descouragié Lors comme ung dragon enragié Vers noble cueur s'en vint volant Lequel il eust endommagié Se le cop n'eust esté coulant. L'espee branloit en sa main Comme s'il eust voulu confondre. A ung cop tout le sang humain. Et le faire en abisme fondre Mais noble cueur/ qui bien respondre. ”
Dolent Fortuné, Le chevalier des dames du dolent fortuné
“ Maintesfoys plus qu'ilz ne voulsissent Parquoy forment ilz s'esbaissent Et s'en tiennent a mal contens Mais trop seroit se ilz mesprissent De si legier comme autres gens Noble cueur Je ne tien point cecy fortune Ains m'est tresjoyeuse aventure D'avoir trouvé des belles. l'une Qu'oncques formast dieu ou nature Sy vous pry. ”
Dolent Fortuné, Le chevalier des dames du dolent fortuné
“ Mensonge engendre deshonneur Mais certes trop indigne en suis Car l'on m'appelle. Noble cueur Noblesse feminine Ha noble cueur/ digne tresor Riche joyaux et precieux Plus chier qu'argent pieres et or Parement tresmelodieux Ha mon doulx amy gratieux Fermail de toutes nobles meurs Tant est mon cueur de vous joyeux Qu'a pene apresent je ne meurs Ha vaillant Champion et ferme Ha fier et courageux enfant Ha que m'avez fait plus enferme D'amours/ que nul qui soit vivant: Ha vive clarté eslevant Ha dignité tresrenommee Sur qui mon ame. dieu devant Se repose. ”
Dolent Fortuné, Le chevalier des dames du dolent fortuné
“ Et reparer de toute injure¶ Icy cesse a parler Nature a noble cueur/ et parle l'acteur comment Nature menoit noble cueur en ung merveilleusement beau lieu Ou quel y avoit ung arbre a deux branches sans pluz fleury de diverses fleurs/ assiz ou milieu d'une fontaine/ dont l'eau estoit toute noire et troublee. Nature. ”
Dolent Fortuné, Le chevalier des dames du dolent fortuné
“ Les sens de noble cueur mectoient En tresgrande admiration Mais la grant persuasion De dame nature la sage Le venoit d'un riant visage De tout informer et apprendre Et lui donnoit les poins entendre Sur le fait de cest arbre icy Et puis elle luy dist ainsy Nature ”
Dolent Fortuné, Le chevalier des dames du dolent fortuné
“ Prenés pays: je vous supplie Faites ce dont je vous recors Car l'eure est plus que paremplie Dieu vous doint sa grace acomplie Bonne aventure en briefve adresse Priant celle que nul oblie Qu'elle vous garde et vous adresse.¶ Icy Noble cuer prent congié de Dame Nature Noble cueur. ”
Dolent Fortuné, Le chevalier des dames du dolent fortuné
“ Et prendre ailleurs ung peu repoz Sans plus parler de tel matiere Qui est treshaulte et trop entiere¶ Icy parle Nature a noble cueur/ et l'enorte luy donnant courage de vengier le desconfort de noblesse feminine Nature. ”
Dolent Fortuné, Le chevalier des dames du dolent fortuné
“ Amendement Honneur exaulcement aux bonnes. Et de louenges leurs coronnes Vueilliez donner dame au cueur doulx Et aux mauvaises et felonnes Qui ont tort fait a leurs personnes Tout support. pour l'onneur de vous L'acteur Lors vy je que la coronnee Dame des cieulx. se descendoit D'un ray luisant environnee Qui comme feu resplendissoit Et sa doulce main extendoit Sur luy qui faisoit sa priere Et puis de bouche luy disoit Les motz qui sont icy derriere Mon serviteur mon chier amy Que sy long temps avez gemy En grant desir. ”
Dolent Fortuné, Le chevalier des dames du dolent fortuné
“ Noble cueur Je n'ay pas le cueur si d'acier Contre le cours de tous humains Qu'amour ne puist en moy fichier Son trait/ si bien qu'en autres mains Mais l'ome est fol. me semble au mains Qui par desir mect a malaise Son cueur. ”
Dolent Fortuné, Le chevalier des dames du dolent fortuné
“ Par reverence curieuse Noble cuer se mist a genoulx Rendant a la tresglorieuse Les graces qui sont cy dessoubzComme noble cueur rend graces a noustre dame de la victoire qu'il a eu contre malle bouche Et cueur vilain Eternelle dame des cieulx. ”
Dolent Fortuné, Le chevalier des dames du dolent fortuné
“ Et noble cueur fort estouy Plusfort que ne fut oncques ame Ses mains joingnoit la voix y clame La joye son cueur entamoit Et l'enflamoit de telle flame Qu'a peine qu'il ne se pasmoit La demeura et la se tint Plus ne savoie qu'il devint Ne comment aprés se maintint Ne quelle chose luy survint Mais mon levrier vers moy revint. Qui du fait estoit bien apris Et me rendit comme il advint Sur le lict/ ou il m'avoit pris Lors tout acop je m'esveillay. ”
Dolent Fortuné, Le chevalier des dames du dolent fortuné
“ Lors se par armes vous faillon L'on jugera des plus vaillans L'acteur. Lors sont descenduz les geans Si est noble cueur aussy tost Et eulx trois sont entrez leans Sans avoir plus ame en leur ost Baston gaine espee on luy tolt Mais lui qui ne lez craint ne fuit Commença lors en hault son mot En la maniere qui s'ensuit¶ Icy argue noble cueur a cueur vilain et Male bouche et leur remonstre tressagement leurs grans vices et faultes par plusieurs arguments et raisons bien notables. ”
Dolent Fortuné, Le chevalier des dames du dolent fortuné
“ Quant si grant dame le te mande¶ Icy continue l'acteur sa demande/ et devise comment le levrier le porta en une Isle nommee l'isle de secret. Et lors vit arriver une dame nommee Noblesse feminine/ et puis aprés ung Jeune homme nomme noble cueur Lesquelz ne s'entrecongnurent point jusques a grant temps aprés. ”
Dolent Fortuné, Le chevalier des dames du dolent fortuné
“ Si a ja six mil ans. ou plus Et doit fleurir en ses vertus Que lez cieulx que nul ne peut rompre Fors dieu il conviendra corrumpre. Quel temps: combien il durera Ame ne vous asseurera Car la providence divine Seule/ de ce point determine Les fleurs dessus la branche destre Sont les hommes/ qu'on a veu naistre Depuis adam. jusqu'au jourd'uy Lesquelz quant ilz partent d'icy Leur fleur y remaint toute telle Comme ilz ont vertu corporelle: Parquoy/ entre les fleurs la sus L'une est belle/ l'autre encor plus L'autre est tresclere. ”
Dolent Fortuné, Le chevalier des dames du dolent fortuné
“ Et la feray pluz reclamee Par ung los. que je vous vueil lire. Qu'el ne fut oncques diffamee Par blasmer qu'en sceussiez escrire¶ Icy fait noble cueur. louenge aux dames. en confondant et ravalant les faulx parlers et argumens de Cueur vilain et malebouche.Noble cueur. Femme est la fille a dieu le pere Et mere a son filz precieux Amie seule et singuliere Au saint esperit glorieux Femme est miroir melodieux On quel la sainte trinité Prent tout plaisir delicieux Tant est plaine de dignité ”
Dolent Fortuné, Le chevalier des dames du dolent fortuné
“ Ne a qui mon maintien ressemble A vous de ce je me rapporte D'en dire ce que bon vous semble Maint homme est autre qu'il ne semble Et maint semble/ ce qu'il n'est pas Car tousjours ne vont pas ensemble Semblance/ et cueur tout en ung paz Noblesse feminine Cest argument cy n'est qu'escume Legier comme fueille en forest L'on congnoist tousjours a la plume L'oyseau. de quel affaire il est Mais puis qu'ansi couvrir vous plest Aille comme il en peut aler Et dieu vous doint joyeux acquest Et bien amer et bien celer Noble cueur Las. ”
Dolent Fortuné, Le chevalier des dames du dolent fortuné
“ Noble cueur Las/ j'ay la pluspart de ma vie Esté auz dames vray servant Mais encor n'ay pas deservie La grace d'une. en les servant Non obstant/ qu'en soye observant J'espoir il m'en viendra quelq'une Que je servirey loyaulment De fait/ pour toute la commune Noblesse feminine Ayez de ce ferme esperance Vouz l'aurez. ains que trespassez Se vous faites perseverance Voustre desir aurez assez En honneur. ”
Dolent Fortuné, Le chevalier des dames du dolent fortuné
“ Vous pouez croire et n'en doubtez Qu'il y avoit grant compaignie De nobles et de redoubtez Sy bien que de meschant lignie Puis en bataille bien rengee Vers noble cueur tous s'approucherent Qui d'une chiere desdaignee Par semblans maintz bourdons coucherent ”
Dolent Fortuné, Le chevalier des dames du dolent fortuné
“ Gratieux motz. doulces manieres Maintz durs souspirs maintez astraintes y vey. qui sont tresmal legieres A porter long temps par contraintes En fin par ung piteux souspir Noble cueur montoit a cheval Et comme honteux va ferir D'esperons courrant contreval Mais dieu scet en quel piteux mal La pouvre dame demouroit A qui le cueur fist sy tresmal A pene qu'elle n'en mouroit Et tout acop vecy venir Le beau levrier ferme et delivre Parquoy il me va souvenir Que noble cueur me failloit suivre. ”
Dolent Fortuné, Le chevalier des dames du dolent fortuné
“ Quant noble cueur vit ceste gent En la place ainsi se bouter Et que son travail diligent Sur eulx ne pouoit prouffiter Lors fist serment/ que se habiter Devoit dix ans en celle plaine Il les en feroit hors gecter Ou il y mouroit en la pene Lors luy qui estoit fort et rades Viroit bride tant qu'il pouoit. ”
