Georges de Scudéry

“ Puissant Maistre des sens, escoute vn mal-heureux ;
Amour, sois Alchimiste, & sers toy de tes feux,
A faire que son cœur prenne vne autre nature :
Comme ce cœur constant, me seroit un thresor,
Ie ne demande point, que tu faces de l’or,
Travaille seulement, à fixer ce Mercure. ”

“ Ouy Monseigneur, iay sçeu par ceux à qui i’ay porté enuie, pour auoir esté les tesmoins de vostre valeur : que le feu ni l’eau ; que la guerre ni les tempestes, n’ont rien eu d’assez effroyable pour ébranler la fermeté de vostre courage : & que vous auez paru d’vn visage assuré, & d’vne ame intrépide, au milieu de ce que l’vne & l’autre ont de plus affreux. La Mer a esté le vaste Théâtre de vostre gloire : la fameuse Ville de Naples en a esté le tesmoin : & l’espoisseur obscure de la fumée des Canons, n’a fait qu’augmenter l’esclat, & que la rendre plus brillante. ”

“ Achille estoit comme vous parmi des Dames auant que d’aller au fameux Siége de Troye : & parmi des Dames qui n’auoient ni le rare mérite, ni l’extraordinaire vertu de l’excellente & illustre Personne que vous quittastes, pour vous aller embarquer. ”

“ Tout l’Vniuers en deüil, perd ce qu’il a de beau ;
Et ces diuins attraits, ont le destin des Roses.
Cette pasle Beauté, nous afflige, & nous plaist ;
Elle enchante les yeux, toute morte qu’elle est,
Et de sa belle Cendre, il sort encor des flames :
Nous en voyons l’esclat ; nous en sentons l’effort ”

“ L’Air paroist tout obscur ; la clarté diminuë ;
Les arbres sõt tous nuds ; les ruisseaux tous glacez ;
Et les rochers affreux, sur leurs fronts herissez,
Reçoiuent cét amas, qui tombe de la Nuë.
Tout le Ciel fond en eau ; la gresle continuë ”

“ Les Roses & les Lis, d’un merueilleux esclat,
Confondent la blancheur, au beau lustre incarnat ;
La Tulipe changeante, estalle sa peinture :
Le Narcisse agreable, à l’Anemone est ioint ;
Bref, tout se raieunit ; tout change en la Nature ”

“ Ie vous dis la mesme chose de quelques autres Sonnets, où la rime des quatre premiers Vers est d’vne couleur, & celle des quatre qui les suiuent d’vne autre : car Ronsard, Du Bellay, Des Portes, Du Perron, Bertaut, Malherbe, Théophile, & Mainard, ont manqué les premiers si i’ay manqué, & ie ne l’ay fait qu’apres le leur auoir veù faire. Voila, Lecteur, tout ce que i’ay à vous dire en prose de mes Vers : ne voulant preuenir vostre iugement, ni par vne louange orgueilleuse, ni par vne humilité affectée. ”