Pierre de Marbeuf

“ Le froid de vos pauots assoupiroit mes feux :
Allez sommeil, allez, laifsez venir l’aurore.
Car puisque les proces m’ocupent tout le iour,
Si cependant la nuit ie reposois encore,
Ie n’aurois point de temps pour penser à l’amour. ”

“ L’ On se trompe, anciens, d’écrire qu’en vostre âge
L’amour n’auoit point d’yeux , il en auoit deux beaux :
Mais vous n’auez pas veu ces celestes flambeaux,
Desquels depuis vint ans il a perdu l’vsage ”

“ Quand ie priay l’amour qu’il luy pleût de chercher
Vn remede qui peût adoucir ma misere.
Montre-moy (me dit-il) cette ame trop austere,
Vn trait si penetrant ie luy veux décocher,
Que ie la perçeray fut-elle de rocher,
Et luy feray sentir combien ie suis seuere. ”

“ Cependant que captif vous me tenez encore.
Beau visage, plus beau que celuy de l’aurore,
Le desirable obiet de ma felicité :
Bel esprit, qu’vn rayon de la diuinité,
Fait que l’homme l’admire & que l’Ange l’honore. ”

“ Le tombeau de Mausole estoit miraculeux,
Et ne luy cedoit pas Iupiter olimpique.
Les anciens ont dit merueilles en leurs vers,
Des miracles premiers qu’on vit en l’vniuers :
Mais moy i’ay pour sujet la merueille feconde. ”

“ Afin de t’assurer que i’aimeray tousiours,
Ma main dessus cette eau t’en signe la promesse.
Ie creu tout aussi-tost que ces divins sermens,
Commençant mon bonheur, finiroient mes tourmens,
Et qu’enfin ie serois le plus heureux du monde. ”