Bernard de Ventadour

“ E qui l’i quer, vilanamen domneya,
Que re no vol amors qu’esser no deya;
Paubres e rics fai amdos d’un paratge;
Can l’us amics vol l’autre vil tener,
Pauc pot amors ab ergolh remaner,
Qu’ergolhs dechai e fin’ amors capdolha. ”

“ Li seu belh olh träidor,
que m’esgardavon tan gen,
s’atressi gardon alhor,
mout i fan gran falhimen :
mas d’aitan man mout onrat
que, s’eron mil ajostat,
plus gardon lai on eu so
c’a totz aicels d’eviro. ”

“ Om no la ve que no creya
Sos bels olhs e so semblan,
E no cre qu'ilh aver deya
Felo cor ni mal talan ;
Mas l'aiga que soau s'adui,
Es peyer que cela que brui.
Enjan fai qui de bon aire
Sembla e non o es gaire . ”

“ Paor mi fan malvatz cosselh,
Per que.l segles mor e dechai;
C’aras s’ajoston li savai
E l’us ab l’autre cosselha
Cossi fin’ amors dechaya.
A ! malvaza gens savaya,
Qui vos ni vostre cosselh crei,
Domnideu perd’ e descreya. ”

“ Per leis es razos e mezura
Qu’eu serva tota creatura ;
Neis l’enemic dei apelar senhor,
C’ab gen parlar conquer om melhs d’amor
Tot lo pejor ad ops de be volen.
Amors, cil que.us volon delir,
Son enoyos e desliau. ”

“ Al cor cal que dousa sabor !
E que val viure ses amor
Mas per enoi far a la gen
Ja Domnedeus no.m azir tan
Qu’eu ja pois viva jorn ni mes.
Pois que d’enoi serai mespres
Ni d’amor non aurai talan. ”

“ Ni auzes far mo joi parven !
Del melhs del mon sui jauzire !
E s’eu anc fui bos sofrire,
Ara m’en tenh per garit,
Qu’e re no sen mal que’m dolha.
Si m’a jois pres e sazit,
No sai si.m sui aquel que sol ! ”

“ Mos Bels Vezers e’n Fachura, mos drutz,
E’n Alvernhatz, lo senher de Belcaire.
Mos Bels Vezers, per vos fai Deus vertutz
Tals c’om no.us ve que no si’ ereubutz
Dels bels plazers que sabetz dir e faire. ”

“ Ges amors no.s franh per ira
Ni se fenh per dih savai,
Can es de bo pretz verai.
Qui la te en dissiplina,
Re no sap que.s fai,
Que no cove ni s’eschai
Que nuls om la destrenha.
Eu.m sui cel que res no tira. ”

“ Jonh las mas et ador !
Gens cors ab frescha color,
Gran mal me faitz traire
Qu’el mon non a nul afaire
Don eu tan cossire,
Can de leis au re retraire,
Que mo cor no i vire
E mo semblan no.m n’esclaire. ”

“ Ni.m lais d’amar per dan c’aver en solha,
Qu’eu non ai ges en poder que m’en tolha,
C’amors m’asalh, que’m sobresenhoreya
Em fai amar cal que.lh plass’, e voler.
E s’eu am so que no.m deu eschazer,
Forsa d’amor m’i fai far vassalatge. ”

“ Que jois fos vezutz ni auzitz,
Totz autre jois fora petitz
Vas qu’eu tenc, que.l meus jois es grans.
Tals se fai conhdes e parlers,
Que.n cuid’ esser rics e sobrers
De fin’ amor, qu’eu n’ai dos tans ! ”

“ Amor blasmen per no-saber,
Fola gens; mas leis no.n es dans,
C’amors no.n pot ges dechazer,
Si non es amors comunaus.
Aisso non es amors ; aitaus
No.n a mas lo nom e.l parven,
Que re non ama si no pren ! ”

“ Segon mon esper entratz,
Car sui tengutz per fin amic
Lai on es ma volontatz ;
Que re mais sotz cel no.n envei
Ni ves autra part no soplei
Ni d’autra no sui en cura.
Ben a mauvais cor e mendic
Qui ama e no.s melhura ! ”

“ Be l’agra per fol qui.m disses
Tro aras, qu’en sui tan prion,
Que ja.m tengues tan deziron
Amors qu’eu morir en pogues!
Mas aras sen e sui sabens
Que totz autres mals es niens
Vas lo dezir ab pauc d’esplei . ”

“ Ben estai a domn’ ardimens
entr’ a vols gens e mals vezis ;
e s’arditz cors no l’afortis,
greu pot essor pros ni valens ;
per qu’eu prec, n’aya membransa
la bel’, en cui ai fiansa,
que nos chamje per paralas ni.s vir,
qu’enemics c’ai, fatz d’enveya morir ”

“ Ges d’amar no.m recre
Per mal ni per afan !
E can Deus m’i fai be,
No.l refut ni.l soan;
E can bes no m’ave,
Sai be sofrir lo dan,
C’a las oras cove
C’om s’an entrelonhan
Per melhs salhir enan. ”

“ Bernartz, greu er pros ni cortes
qui ab amor no.s sap teuer :
ni ja tan no.us fara doler
que mais no valha c’autre bes,
car, si fai mal, pois abena.
greu a om gran be ses dolor ;
mas ades vens lo jois lo plor. ”

“ C’om parle de drudaria,
Per que pretz e cortezia
E solatz torn’ en no-chaler.
Dels baros comensa l’enjans,
C’us no.n ama per bona fei.
Per so.n sec als autres lo dans,
E negus om de lor no.s jau. ”

“ Qu’eu sai be per uzatge,
Qu’olh no celon coratge.
Sol aisso.m n’asegura,
Qu’eu no.n ai autre gatge.
Mout fai gran vilanatge
Qui trop leu s’espaventa,
Qu’apres lo fer auratge
Vei que.lh dous’ aura venta. ”

“ Bels Vezers, senes doptansa
sai que vostre pretz enansa,
que tantz sabetz de plazers far e dir :
de vos amar no.s pot nuls om sofrir.
(Ben dei aver alegransa,
qu’en tal domn’ ai m’espéransa.
que, qn.in ditz mal, no pot plus lag mentir,
e qui.n ditz be, no pot plus bel ver dir.) ”

“ Faihz es lo vers tot a randa,
si que motz no.i deschapdolha,
outra la terra normanda,
part la fera mar prionda;
e si.m sui de midons lonhans,
vas se.m tira com azimans
la bela cui Deus defenda.
Si.l reis engles e.l ducs normans
o vol, eu la veira abans
que l’iverns nos sobreprenda. ”

“ Qui ve sas belas faissos, Ab que m’a vas se atraih, Pot be saber atrazaih Que sos cors es bels e bos E blancs sotz la vestidura (non o dic mas per cuda
Que la neus, can ilh es nuda,
Par vas lei brun’ et escura. ”

“ Qui be remira ni ve
Olhs e gola, fron e faz,
Aissi son finas beutatz
Que mais ni menhs no i cove:
Cors lonc, dreih e covinen,
Gen afliban, conhd' e gai.
Om no.l pot lauzar tan gen
Com la saup formar Natura. ”

“ Qu’e.l n’agra dih de joi, s’eu li saubes;
Mas no li sai, per so m’en lais de dire.
Totz tems volrai sa onor e sos bes
E.lh serai om et amics e servire,
E l’amarai, be li plass’ o be.lh pes,
C’om no pot cor destrenher ses aucire. ”

“ Mout vin a gran aliscara
et ab dolor angoissoza
selh cui totz tems assenhora
mala domna ; qu’eu m’estegra
jauzens, mas aissi m’ave
que leis cui dezir, no cre
qu’eu l’am tan c’a mi covenha
l’onors ni.l bes qu’eu n’aten ”

“ Mas no sai de que ni de cui,
Car eu non am me ni autrui,
E fatz esfortz, car sai faire
Bo vers, pois no sui amaire.
Mais a d'Amor que domneya
Ab orgolh et ab enjan
Que cel que tot jorn merceya
Ni.s vai trop umilian ”

“ Ades es us e no.s muda,
C'una.n volh e.n ai volguda,
Don anc non aic jauzimen.
Pois ela no.n pert lo rire,
E me.n ven e dols e dans,
C'a tal joc m'a faih assire
Don ai lo peyor dos tans,
(C'aitals amors es perduda
Qu'es d'una part mantenguda)
Tro que fai acordamen. ”

“ Car eu sec tan las mias volontatz. —
Mas negus om no deu aital re dire,
C’om no sap ges com s’es aventuratz.
Que farai doncs dels bels semblans privatz ?
Falhirai lor ? mais volh que.l mons me falha ! ”

“ N'ai agut, e n'ai gran,
Mas sofert o ai tan . —
No m'o tenh ad afan;
C'anc no vitz nulh aman,
Melhs ames ses enjan,
Qu'eu no.m vau ges chamjan
Si com las domnas fan.
Pois fom amdui efan,
L'am ades e la blan ”

“ Negus jois al men no s’eschai
can ma domna.m garda ni.m ve,
que.l sens bels doux semblans me vai
al cor, que m’adous’ e.m reve ;
e si.m dura va lonjamen,
sobre sainhz li jnraria
qu’el mon mais nulhs jois no sia :
mais al partir art et encen. ”