Guillaume de Machaut

“ Et pour ce que je ressoigne d’aler en vostre présence, pour les doubtes dessus dites, je vous suppli encor, tant doucement comme je puis comme à ma souveraine dame, que vous me vueilliez envoier vostre douce ymage au vif, & en unes petites tables. Car se il a lieu au monde où on la puist bien faire, c’est là ou vous estes. [28] Et je vous jure & promet par ma foy, que elle sera de moi bien amée, bien gardée, honnourée, aourée ; nuit & jour enclinée, desirée & loée ; ne à créature née ne gehiray ma pensée & m’amour. ”

“ Mais ainsi, (come autres fois vous ay escript,) ce que je ne suis mie digne de vous amer me donne trop de pointures & de pensées dont je n’eusse mestier. Toutesvoies je m’atens & fie en vostre bonté : car je n’ay nul autre fors moy & ma loyauté, qui m’aidera tousdis, se Dieu plaist, envers vous. Et se Dieus me doint joie, je vous aime tant, & prise tant l’onneur & la bonté de vous, qu’il ne me puet sembler que vous aiez pareille. Si ne saroie penser qu’il peust avoir nul mal en vous, & vous tiens bien pour excusée de tout ce que vous m’avez mandé. ”

“ Il faut en effet le remarquer : dès qu’on commence à parler des Jouvenel, on cesse de voir paroître les Jouveignes ; & les terres d’Oulchy-le-Château & d’Armentières, passées de Gauthier d’Unchair à sa veuve Peronne de Jouveignes & à leur fille Peronnelle, semblent avoir été transmises aux Jouvenel des Ursins, qui les ont gardées jusqu’au dernier siècle. [1]
La jeune Peronnelle passoit le temps que ne réclamoient pas les devoirs religieux à lire des histoires anciennes & des romans ; à apprendre & même à composer des vers ; à chanter les plus beaux airs faits sur virelais, rondeaux & balades. ”

“ Toutevoie, je me conforte en ce que onques encor ne fu qui encores ne soit, se Dieus plaist. Et, mon tres-dous cuer, je sui nices & rudes, au départir de vous : si, le me vueillez pardonner quant je ne vous sceus mercier ; pour ce que, en l’ame de mi, je estoie si pris & si souspris, que je ne savoie qu’il m’estoit advenu, pour le grant miracle que la Déesse fist en nostre présence. Et toutes les fois que je y pense, je en suis tous esbabis, aussi de vostre grant humilité. Car se je estoie li plus biaus, li plus sages & li plus parfais du monde, si m’a Dieus & vous bien pourveu ”

“ À la loenge & à l’onnour
De tres-fine Amour que j’honnour,
Aim, obéy & ser & doubte,
Qu’en lui ay mis m’entente toute ;
Et pour ma gracieuse dame
À cui j’ay donné corps & ame,
Vueil commencier chose nouvelle
Que je feray pour Toute-belle. ”

“ Que tous les haus dieus sont venus,
Et les déesses ensement
Qui onques amoureusement
Amerent, à cesse assemblée,
Pour que jamais désassemblée
Ne puist estre, par nulle voie ;
Et qu’en pais, en solas, en joie
Puissiens vivre & manoir tousdis,
Et puis en la fin paradis.
Vesci la lettre qui tesmongne
L’effect de toute la besongne
Que mon cuer & ma dame chiere
M’escript à bonne & lie chiere,
Et qui à la mienne respont,
Qui bien l’entent & bien l’espont. ”

“ Si, vous prie pour Dieu, que tant comme je seray près de vous, vous mettés peine de mi conforter pour le temps à venir : car, par Dieu, il n’est biens ne joie ne confors qui me péust venir, s’il ne venoit de vous ; n’onques mais dame ne fu tant aimée ne si loiaument desirée comme je vous aim & desir, sans partir ne muer ; en ceste pel mourray. Ma tres-douce amour, je vous verray briesment, se Dieu plaist, & seray en l’ostel ou je fui les autres fois. Si, me recommande à vostre grâce, car vous savés que je ne vous puis bonnement véoir ne parler à vous, s’il ne vient de vous. ”

“ Assurément nous nous garderons d’appliquer la fameuse devise de l’ordre de la Jarretière à ceux qui verroient ici ce que la reine Genievre, dans le beau roman de Lancelot, appelle le Trespas des convenances ; mais au moins le dirai-je en toute sincérité : je mis du parti de ceux qui n’y découvriront rien qui ne soit de bon exemple, à l’honneur des dames & des gens de bien. ”

“ Machaut, qui commença le Voir-Dit pendant qu’il accomplissoit sa neuvaine, avoit dit au début : « Il n’a pas un an » &c. (vers 29) .
XXV. P. 85, v. 1946.
Car Honte me vint assaillir.
Aujourd’hui, au lieu du débat qu’on va lire nous dirions, assurément d’une façon moins poétique : « En rentrant chez moi, je me sentis honteux & confus d’avoir présumé qu’une dame si accomplie pourroit s’abaisser jusqu’à moi : mais bientôt l’espoir d’être aimé me ranima. » À tout prendre, il est permis de préférer la façon dont notre poëte s’y est pris pour exprimer la même lutte intérieure. ”

“ Jacques Jouvenel, archevêque de Reims, &c., &c. Ce n’est pas d’ailleurs, comme le prétend Grosley, l’archevêque de Reims Guillaume des Ursins (ou plutôt Jean II) qui auroit le premier voulu relever la noblesse de sa famille ; c’est le Moine de Saint-Denis, auteur de l’Histoire de Charles VI (que Jean II n’a fait que suivre dans la sienne) . Ce premier annaliste racontant comment, en 1388, le duc de Guyenne avoit choisi Jean I de Jouvenel pour son chancelier, s’exprime ainsi : « Joannem Jouvenelli, virum utique scientificum & a generosis proavis ducentem originem... » ”

“ Et ainsi vous savés bien que c’est pour le milleur. Et, mon dous cuer, vous m’escrivés que vous avés si grant joie de mon bon renon qu’il n’est mal qui vous puist venir. Et, par Dieu, mon dous cuer, si ay-je dou vostre, & je l’en doi bien avoir, car je croy qu’en tout le monde n’en a nul qui ait meilleur renommée de vous de tous les bons ; & vous savés que ce fu le commencement de nos amours, lequel fu trop tart, à mon gré ; car c’est le plus grand regret que j’aie que du bon temps que nous avons perdu : & n’ay riens que je ne vosisse avoir donné par quoy nous éussions plus tost commencié. ”

“ Car il vous a pleu que je y mette tout nostre fait, si ne scay se je y met ou trop ou po : & sachiez vostre rondel s’il vous plaist ; car je l’aime trop. Quant vous arez vostre livre, si le gardez chierement, car je n’en ay nulle copie & je seroie courrecié s’il estoit perdu & se il n’estoit ou livre ou je met toutes mes choses. [300] Adieu mon dous cuer, qui vous doint honneur & joie de quanque vostre cuer aime, & nous doint grace que nous nous puissons briesment veoir : si seront acompli tout mi desir. Escript le ixe jour d’octembre. ”

“ Et s’en véés tous les jours pluseurs meilleurs & plus biaus, sans nulle comparison, que je ne suis, qui riens ne suis encontre vous, si n’est pensers que vous préissiez à moi acertes. Toutes-voies, je pren confort, en ce que jamais si grant biauté comme la vostre ne puet estre sans pitié, ne si gentil corps sans noble cuer, qui ne vorroit dire ne faire que loiauté & verité. Et, par Dieu, s’il avenoit autrement, vous m’ariés mort ; car se je avoie en ce monde un seul souhait, je souhaideroie que je péusse mon cuer & mes yeux saouler de vous veoir & oyr ”

“ Et comment que je ne vaille riens & sache moins, elles me font amer honneur & haÿr deshonneur, & fuir vice, pechié & toute villenie. Si que je en amende tant que je fusse pieça mors, se vous & elles ne fussent. Mais chose que je vous envoie ne vous puet amender ne embellir : car vous estes des dames la flour, le fruit d’onneur, l’estoc de bonté & de toute biauté, & si, avés en vous tout ce que Dieus & Nature donnent à dame bonne-eureuse. Et comment que je aie parfaite souffisance ès dons biens que vous me faites, nuls n’est si assevis qu’il ne li faille aucune chose. ”

“ Et, par Jhesûcrist, je ne fis onques puis riens qui ne fust pour vous, car je ne say ne ne vueil faire de sentement d’autrui fors seulement dou mien & du vostre, pour ce que : Qui de sentement ne fait, — son dit & son chant contrefait. Si vous suppli tant humblement comme je puis & say, comme à la femenine créature qui vive que j’aime le plus, & en cui j’ay plus grant fiance, vous ne vueilliés avoir pensée ne ymagination contre moi : car, par m’ame, si tost comme je le saray, jamais par moi ne seront fais dis, loenges, ne lais, ne chans ; si que vous remis m’averez où vous me préistes. ”

“ Noble poëte & faiseur renommé
Plus qu’Ovide, li vrais maistres d’Amours,
Qui m’a nourri & fait maintes douçours,
Veuillez, lui mort, pour l’amour de celui,
Que je soie vostre loial ami.
M. Tarbé s’est encore étrangement mépris sur l’intention assez claire de cette balade. « Eustache Deschamps, dit-il, écrivit à la Comtesse de Foix une balade railleuse. Le trait du dernier vers étoit sanglant. » Or tout ce qu’on pouvoit déjà conclure de ce couplet, c’est que Guillaume de Machaut avoit aimé jusqu’à sa mort la dame à laquelle s’adressoit Deschamps. ”