Guillaume de Machaut

“ Et que s’amour sur toute riens m’enflame :
Je voy assez puis que je voy ma dame.
XXXVII. — Mon tres-dous cuer, ma douce suer & ma tres-douce amour, j’ay receu vos lettres par mon vallet qui m’a dit de vostre bon estat, duquel j’ay plus grant joye que de chose en ce monde. Et du mien, s’il vous plaist à savoir, j’estoie en bonne santé de corps, la mercy Nostre Seigneur qui ce vous ottroit, quant ce fu escript. Je ne suis pas alés à Saint Quentin, ne vers Monseigneur le Duc, pour aucuns ennemis qui sont en Beauvesis. Si le m’a-on desconsillié ; pour laquelle chose je suis demourés. ”

“ Dont je juray moult tres-fort s’il estoit ainsi, que jamais n’ameroye autre ne ne me fieroie en femme. Dont, ainsi come par desesperance, je fiz unes lettres, encloses ès presentes, & autres choses avecques pour vous envoier : mais je ne vorroie pour riens que je le vous éusse envoié adont [278] . Et sachiez certainement que je songay environ la Sainte Crois que vostre ymage me tournoit la teste & ne me daignoit regarder, & estoit vestue de vert qui signifie nouvelleté ; dont je fui en si tres-grant merencolie que nuls ne le pourroit penser. ”

“ Et j’ay veu une balade en laquelle il a En lieu de bleu dame vous vestez vert, & si ne scay pour qui vous la séistes ; se ce fu pour moy, vous avez tort. Car, foy que je doy à vous que j’aime de tout mon cuer, onques puis que vous méistes & envelopastes mon cuer en fin azur, & l’ensermastes eu tresor dont vous avez la clef, [App. LXXXIX.] il ne fu changiez ne ne sera toute ma vie. Car se je le voloie bien, ne le pourroie-je faire sans vous, car moy ne autres n’en porte la clef que vous. Si en poez einsi estre asseur, comme se vous le teniez en vostre main. ”

“ Et s’en véés tous les jours pluseurs meilleurs & plus biaus, sans nulle comparison, que je ne suis, qui riens ne suis encontre vous, si n’est pensers que vous préissiez à moi acertes. Toutes-voies, je pren confort, en ce que jamais si grant biauté comme la vostre ne puet estre sans pitié, ne si gentil corps sans noble cuer, qui ne vorroit dire ne faire que loiauté & verité. Et, par Dieu, s’il avenoit autrement, vous m’ariés mort ; car se je avoie en ce monde un seul souhait, je souhaideroie que je péusse mon cuer & mes yeux saouler de vous veoir & oyr ”

“ Mais c’est chose qui ne puet estre. Et, mon dous cuer, mes derreniers confors & refuges est tels que je scay bien que, quant il vous plaira & Dieu, avenra la bonne heure ; que vous estes si bonne & si douce que Dangier n’osera groucier contre vostre douceur. Et si estes si saige que vous endormirez Argus, si qu’il ne verra nez que une taupe. Et par ce, Malebouche se taira. Si que, mon dons cuer, vous véez bien que ma mort & ma vie, mon deduit & ma joie, ma doleur & ma santé gist en voz mains & en vostre ordenance ; & en povez ordener come de ce qui est vostre, sanz rien retenir. ”

“ Et ne cuide mie que se Desirs y vient, qu’il nous puist en riens grever ; [App. XLVI.] car celle noble compagnie l’aroit tost desconfit. J’ay veu le rondel que vous m’avez envoié, & y ay bien trouvé mon nom : & ay grant joie de ce que vous estes remis à faire nostre livre, car j’ay plus chier que vous le faciés que autre chose, & me souffira, se vous m’envoiés, toutesfois que vous m’escrivés, .i. petit rondelet ou aucune chanson nouvelle. Car je n’en vueil nulles aprendre que des vostres ; &, par ma foi, il ne me desplaist point se vous envoiés à autres qu’à moy ”

“ Mais, mon dous cuer, je cuidoie bien faire. Mon dous cuer, vous m’avez mandé de bouche & par escript que je envoiasse point vers vous jusques vous envoieriez vers my, & j’ay obéi à vostre commandement qui m’a esté & est moult dure chose ; pour ce que je ne savoie mie la cause. Mais je pense que on vous ait blasmé ou dit aucune chose de my, ou que vous me vueilliez eslongier de vous. Car qui de po aime de po het. Non mie que vous scéussiez haïr moy ne autrui, mais qui bien aime à tart oublie, & de pou pleure à qui la leppe pent. ”

“ Quelle est donc la véritable date du Voir-Dit ? Que Guillaume de Machaut soit né en 1300 ou vers 1315, l’incertitude de ce premier point ne sauroit empêcher que ses amours avec Peronnelle d’Armentières, la correspondance & les vers qui nous en révèlent le secret, ne répondent aux trois années 1362–1364. Il est aisé de le démontrer. ”

“ Et quant à vostre honneur [143] que j’aim plus .c. fois que ma vie, jà Dieus ne me doinst tant vivre que par moy ne par mon fait, elle soit en peril en tout ou en partie : car, par Dieu, je l’aim & ameray & garderay, tant comme je vivray ; ne je n’aray pensée du contraire. Et, par la foi que je vous doy, que j’aime .c. fois mieus que moy n’autrui, j’ameroie mieux mort premiere & seconde, que faire ne dire chose dont elle fu empirée ne amenrie. Mon tres-dous cuer, je suis à hostel où je fui l’autre fois ”

“ Si vous jure, en l’ame de moy, qu’il n’est eure en quelque estat que je soie que il ne me soit avis que je vous voie devant moy, & que il ne me souviengne de vostre maniere & de tous vos dis & vos fais. Et, par especial, de la journée de la beneyçon du Lendit, & de l’eure que vous partistes de moy & je vous baillay ma clavette d’or : si la vueilliés bien garder, car c’est mon tresor plus grant. Si n’os onques-mais .ii. si bons jours à mon gré. Si ne cuide mie quil peust avenir chose par quoy je vous peusse oublier ; car il n’est riens de quoy il me souviengne tant, nes Dieu prier. ”

“ Mais vous n’en avez riens daignié faire ; dont il me semble pour certain que vous m’avez de tous poins guerpie & mise en nonchaloir, & que vous n’avez mais nulle amour à moy. Si avez tort & faites mal & pechié ; car je pri à Dieu que jamais ne me doint honneur & joie de chose que je li requiere, se onques, n’en dis n’en fais n’en pensée, je fis riens vers vous pourquoy me déussiez ainsi laissier, ne mettre mon cuer en si grant destresse come il est pour vous. Si le povez bien savoir, & si ne vous en chaut, ne il n’est nul remede que vous y vueilliez mettre. ”

“ Si, vous prie pour Dieu, que tant comme je seray près de vous, vous mettés peine de mi conforter pour le temps à venir : car, par Dieu, il n’est biens ne joie ne confors qui me péust venir, s’il ne venoit de vous ; n’onques mais dame ne fu tant aimée ne si loiaument desirée comme je vous aim & desir, sans partir ne muer ; en ceste pel mourray. Ma tres-douce amour, je vous verray briesment, se Dieu plaist, & seray en l’ostel ou je fui les autres fois. Si, me recommande à vostre grâce, car vous savés que je ne vous puis bonnement véoir ne parler à vous, s’il ne vient de vous. ”

“ Et, par Jhesûcrist, je ne fis onques puis riens qui ne fust pour vous, car je ne say ne ne vueil faire de sentement d’autrui fors seulement dou mien & du vostre, pour ce que : Qui de sentement ne fait, — son dit & son chant contrefait. Si vous suppli tant humblement comme je puis & say, comme à la femenine créature qui vive que j’aime le plus, & en cui j’ay plus grant fiance, vous ne vueilliés avoir pensée ne ymagination contre moi : car, par m’ame, si tost comme je le saray, jamais par moi ne seront fais dis, loenges, ne lais, ne chans ; si que vous remis m’averez où vous me préistes. ”

“ Fors un ; Dieus le gart où il maint, [78]
Et à grant joie le ramaint !
Mais ce ne me desplaisoit mie, [79]
Car j’aloie véyr m’amie.
Si que là maintes fois pensay
Et mon veu ainsi commensay.
Mais elle si bien l’entendi
Qu’à chascun fait me respondi :
BALADE.
De mon vrai cuer jamais ne partira
L’impression de vo douce figure ;
Car vostre ymage emprainte si l’i ha,
Qu’il n’est cysel ne liqueur ne rasture,
N’au monde n’a si subtil créature
Qui l’en péust effacier ne oster,
Ne qu’on porroit tarir la haute mer.
Mon Dieu terrien est & fu & sera,
Tant comme en moy sera vie & nature ”

“ Et pour ce que je ressoigne d’aler en vostre présence, pour les doubtes dessus dites, je vous suppli encor, tant doucement comme je puis comme à ma souveraine dame, que vous me vueilliez envoier vostre douce ymage au vif, & en unes petites tables. Car se il a lieu au monde où on la puist bien faire, c’est là ou vous estes. [28] Et je vous jure & promet par ma foy, que elle sera de moi bien amée, bien gardée, honnourée, aourée ; nuit & jour enclinée, desirée & loée ; ne à créature née ne gehiray ma pensée & m’amour. ”

“ Car je n’os onques bien ne joie tant come je scéusse vostre cuer à meschief, & que tantost que je le savoie, je ne méisse peine de vous conforter à mon pooir. Et je croy que vous savez bien le grant meschief que mes cuers a pour vous, & si, ne vous en chaut de riens : dont j’ay plus grant merveille que je n’éusse de tous les homes du monde. Car je croy quil ne fu onques nuls homs qui tant ait gardée & amée la pais, [355] le bien & l’onneur de toutes femmes, come vous avez tousjours fait. ”

“ XXVI. — Mon dous cuer, ma douce amour & mon tres-chier ami, plaise vous à savoir que, la merci Dieu & la vostre ! je suis en tres-bon point de corps & de cuer aussi ; car je le say en si plaisant & si dous demour, que il ne porroit nul mal avoir ; tant que il soit par devers vous. Car, par Dieu, il i est à toute heure & sera toute ma vie. Et quant je m’avise que je l’ay si tres-bien hebergié que je porroie ne voldroie mieus, il n’est nuls maus que li corps puist avoir. ”

“ Que, par le Dieu qui me fist, de la journée que je vous dis que se je povoie prenre mon cuer dedens mon corps & le vous mettre en vostre main, je le vous bailleroie afin que vous en fussiez plus seur, je le vous donnay & le mis en vous si parfaittement que je pourroie aussitost avoir & esrachier tous les dens de vostre bouche sans vous malfaire, & sans ce que vous en scéussiez riens, come je pourroie y avoir ne oster mon cuer de vous que je vous ay donné. Et aussi, par Dieu, ne vueil-je mie ; car il me plaist mieus qu’il soit en vous que en nul home qui soit vivant au monde. ”

“ Mon tres-dous cuer, par m’ame, onques je n’oy dire de vous que bien & loyaulté & honneur. Si ay toute doubte, toute souspeçon bouté hors de mon cuer, & tien que vostre belle & douce bouche ne daigneroit mentir. Si tenés fermement que je vif en joie & en revel plus que amans qui soit en pays où je demeure ; & me suis remis à faire vostre livre, enquel vous serés loée & honnourée de mon petit pooir, & toutes autres dames pour l’amour de vous. Et, ma tres-douce amour, les oreilles vous deveroient bien fort & souvent mengier ”

“ Ma tres-chiere suer, je pense à esTre à ceste Toussains à Saint Quentin, & de là aler vers monseigneur le Duc, [312] & ne scay com longuement il me vorra tenir, quant je seray vers ly. Et ne vous tenez pas à malpaïe se je n’envoie si briesment vers vous ; car de tout ce j’en feray à votre ordenance & selon ce que vous me manderez par ce messaige. Je vous envoie la balade T. Paien, & la responfe que je li fais, laquelle je fis en present ; mais il fist devant, & prist toute la graisse du pot à son pooir, & la fis après : si en jugerez, sil vous plaist. ”

“ Au cuer, par dessus la mamelle,
Que moult de meschief li faisoit,
Mais toutevoie s’en taisoit ;
Elle souffroit en pacience
Pour ce qu’elle avoit esperence
Qu’onques ne fu qu’encor ne soit. [209]
Car cils qui tel dolour reçoit
Ne se doit pas desesperer
Pour Desir, ains doit esperer
Que, comment que joie demeure,
Encores venra la bonne heure
Que de la tres-douce rousée
De Mercy sera arrousée.
Là pluiseurs fois sa lettre lui,
Tous seuls qu’il n’i avoit nelui,
Fors moy sans plus & son ymage,
À cui j’amenday mon outraige,
Mon meffait, & ma grant folie,
Pour ma douce dame jolie. ”

“ « Toute vertu, douce dame, as :
« Pour ce, d’un fin drap de damas
« Fait de fin or seras parée,
« Qu’à toi nulle n’est comparée. »
Ainsi sur mon chevés la mis,
Com vrai serf & loiaus amis ;
Dont moult de gent se merveilloient
Que c’estoit, quant la regardoient.
Quant j’avoie aucune pensée
Contre moi ou mal ordenée,
Et la manière simple & coie
De celle ymage regardoie,
Tous mes pensers estoit taris,
Et tous mes maus estoit garis.
Et pourquoi la m’envoia-elle ?
Pour ce qu’elle savoit bien qu’elle
Ne pooit devers moi venir ;
Aussi ne pooit avenir
Que devers li si tost alasse ”

“ Si que se os paour, nuls ne s’en doit mervillier ; car, & devant tous vint une dame qui me dist : « Vous estes prins. » Et quant je m’aperceus que c’estoit une si noble dame, & aussi qu’il me souvint plus ardemment de vous, pour ce qu’elle estoit dame moult noble, je respondis moult humblement : « Dame je me « rens, » & li demanday qui elle estoit qui m’avoit pris. Et elle respondi que bien le saroie, & qu’elle m’avoit fait moult de services & de bontés, desqueles onques ne li avoie fait remuneration : mais, avant que jamais partisse de li, elle saroit bien comment ce seroit. ”

“ Si n’aiez pas le cuer einsi failli, [144]
Car ce n’est pas preus, ne honneur aussi. » [145]
— « Vous dites voir, sire ; mais trop mar vi [146]
240 L’eure et le jour
Qu’onques amay de si parfaite amour,
Car je n’en puis eschaper par nul tour ;
Eins y congnois ma mort sans nul retour. » [147]
244 « Dame, or oiez
Ce que diray et a mal ne l’aiez : [148]
N’est merveille se vous vous esmaiez. [149]
Car bien est drois que dolente soiez. [150]
248 Mais vraiement
On trouveroit plus tost aligement [151]
En vostre mal qu’en mien ». ”

“ Et si, vous promet loiaument & jure, seur tous les sacremens que nuls crestiens puet jurer ; car se il est einsi que Amours que j’ay si longuement & si loiaument servi & en qui j’ay mis cuer, pensée & amour, me tolt la riens ou monde que j’aime plus chierement, dont elle m’avoit promis bien & parfaite joie, je la renye, & renunce de tous poins à li & à son service. Ne jamais sa serve ne seray, n’en telle subjeccion, ne moy ne nulle autre femme que j’en puisse destourner. Ne jamais bien ne plaisir ne feray à nul homme que je saiche qui aime par amours moy ne autre femme seur qui j’aye pooir ”