Pierre de Bérulle

“ O amour triomphant, & triomphant de I ES v s" mesme dans le triomphe de sa gloire ! Car comme en la Naissance hors de la Vierge en la vie mortelle, vous naissez en la terre, & la terre est le lieu qui vous doit receuoir en cette humble Naissance: Aussi en cette Naissance hors du sepulchre dans la vie immortelle, vous naissez au Ciel, & le Ciel est le lieu qui vous doit proprement receuoir en cette heureuse Naissance dans l'estat de la Gloire. ”

“ Quant à vous, vous ne pouuez arrêster le cours de vostre creance à cette diuine parole du Verbe eternel, que par le doute de son pouuoir ou de son vouloir ; Que si vous doutez de son pouuoir, Souuenez-vous, s'il vous plaist, que vostre estre & nature a desja fait hommage à sa toute-puissance , ou vous ne feriez pas au monde; & que vostre foy la desia
recogneuë au Symbole, ou vous ne feriez pas Chrestiens; Et qu'il faut que ce corps (qui fait ombre à la lumiere de la Foy en cét article ) luy face encore joug en la Resurrection ou il demeureroit en cendre & pourriture. ”

“ Nous adorons une Trinité de personnes en la Divinité, mais nous auons à adorer une Trinité d'effets & de grandeurs en ce Mystere: Car la Naissance de LES VS aggrandit l'homme en le faisant Dieu, aggrandit la Vierge en la faisant Mere de Dieu* Et si on peut viser en vn certain sens de cette parol, elle aggrandit le Pere eternel, en la Couronne, en son Etat, & en l'etendue de son pouuoir, luy donnant puissance, non sur vn Monde , mais sur le Souverain, & le Sauueur du mon- de, son Fils unique , Homme & Dieu tout ensemble. ”

“ Ne ferons-nous pas les efclaues de son Amour ? S'il se rend l'esclaue de nos malheurs & miseres ; Ne ferons-nous pas les Esclaues de ses Grandeurs & de sa gloire ? Et s'il daigne se rendre ainsi comme l'efclaue des seruiteurs; Ne ferons-nous pas les esclaues du Fils & du Fils vnique de Dieu? Comme il se rend l'esclaue du Pere Eternel qui est son Pere & son Dieu en son humanité sacrée ”

“ Contemplant ce procédé de Dieu en la creation de l'homme, Qui
n'admirera le foin particulier qu'il a en ce seul ouurage, & Qui ne s'eftonnera de cet abbaissement de la grandeur de Dieu, qui se mesle deslors dans la bouë & la fange pour creer l'homme, & s'applique au limon de la terre? ”

“ En cét Estat heureux indépendant & Diuin, Dieu crée le monde quand il luy plaist , & le tire hors des abysmes du neant & des Threfors de sa puissance. Il le crée par sa bonté & non par indigence. Il le crée par sa franche volonté & non par neccnite. Il le crée pour faire bien au monde, & non pas à soy. Il le crée non pour estre heureux, mais pour respandre le bonheur hors de soy-mesme. Ainsi par sa puissance, Tout est de luy & rien d'ailleurs. Par son immensité, Tout est en luy &rien ailleurs. Par sa Grandeur, Tout est à luy, Tout est pour luy & non pour autre chose. ”

“ L'art excellent de la peinture est vne imitation de la Nature,qui va sigurant à nos yeux par son industrie ce que Dieu a produit au monde hors de soy-mesme par sa Puissance: Mais cét art ne paroit en rien moins que lors qu'elle veut peindre le Soleil le plus no- ble des corps que Dieu ayt formé en l'U niuers: Tât il y a de vigueur, de splendeur & de clarté en cet Astre celeste, qui ne peuuent estre representées par les ombres & les couleurs de la Terre. ”

“ Disons donc : QUE le Verbe Eternel se contemplant soy-mesme, & se voyant estre Dieu en son Essence diuine, a voulu prendre une nouvelle Essence, & se faire Homme-Dieu pour le salut des hommes : Et se voyant en la Diuinité par naissance & par origine de son Pere Eternel, a voulu estre en cette humanité par naissance & origine de sa saincte Mere. Et il a ainsi voulu estre en vn estat correspondant à celuy auquel il est en la Divinité, & estre fils de l'homme en la terre, comme il est Fils de Dieu au Ciel : & auoir l'Humanité par filiation humaine, comme il a la Diuinité par filiation diuine ”

“ Et comme elle est releuée du Ciel par le témoignage exprès du Verbe eternel, il faut que le Ciel mesme nous en releue le lens & l'intelligence, & que le Pere qui est aux Cieux nous déclaré la Grandeur de son Fils, & la grandeur de la naissance de son Fils, & la Grandeur qui est propre au Pere en la naissance de son Fils, Grandeurs cachées & comprises en ce peu de paroles. ”

“ Car il séble que Dieu ne peut estre sans vn abbaissement & sans vn interelt manifeste dans l'A- mour des choses qui existent hors la grandeur de son estre: & qu'a- iant en son Essence une bonté infinie qui compréd toute bonté, & qui égale son pouuoir à aimer, il ne peut pas estendre son A mour hors de luy mesme. Et n'est -ce pas assez de bô-heur aux choses creées d'estre en la main, en la puissance, & en la conduitte de Dieu, afin qu'il en dispose pleinement selon sa volonté, comme citant le Sou- uerain & le Seigneur de toutes choses ? ”

“ Nous voila au moment, moment pretieux dans les siecles & dans l'Eternité ; Moment auquel tous nos momens doiuent estre referez ; Moment auquel ce grand Dieu comme s'oubliant soy-mesme, pour se souuenir de nous , veut se reuestir de nostre Mortalité: Et nous voila au poinct de l'Estat admirable, auquel Dieu entre dans nos miseres, & l'homme entre dans les grandeurs de Dieu. Car le Verbe se fait chair, Dieu se fait homme, l'homme deuient Dieu, & Dieu se fait homme, pour faire les hommes Dieux. ”

“ Remarquons cette vérité soigneusement remarquée par l'Apostre, & contemplons le Fils de Dieu lors qu'il entre dans l'estat de ces abbaissemens. Il part du Ciel des Cieux. Il vient en la Terre, non des viuans, mais des mourans. Il y vient pour y mourir luy-mesme. Il porte la ressemblance du peché. Il doit habiter au milieu des pecheurs. Et ce qui est intolerable, il doit porter sur soy les pechez.
de tout le Monde, &c. En ces abaissemens & humiliations, adorons son Amour qui l'abbaisse, & ne mécognoiffons pas sa Grandeur dans son abbaissement. ”

“ Mais, ô Seigneur, son cœur était beaucoup plus brifé de vostre amour, que ce vase qu'elle brise pour mieux respandre sur vous cette sienne liqueur; & elle fait à vos pieds vne plus grande effusion de son cœur & de son esprit, que de ce baume precieux ; & l'odeur de son amour est plus grand en vostre Eglise & de plus longue durée, que l'odeur de ses parfuns,qui ont remply tout le lieu où vous habitiez en la terre : Car le Diuin odeur de son amour remplit & la terre & le Ciel, & y est permanent à toute eternité. ”

“ EST la Diuinité qui a donné principe & origine à ce petit Corps: car Elle l'attire & forme dans la Vierge. C'est la Diuinité aussi qui luy donne l'Estre, la Dignité & la saincteté infinie que nous adorons en luy. Il est bienvray que la Diuinité le regarde, le cherit & le traitte comme son propre Corps ”

“ Cette vie ne s'est pas écoulée, & n'a pas siny auec les années, qu'il a vescu parmy nous; mais elle doit demeurer & en luy & en nous pour l'eternité : elle n'est pas plus la vie de sa personne,que la vie de son œuure. En vn mot, c'est autant nostre vie, & la vie, l'Esprit & la grace de la Congrégation, que de celuy qui en est l'Auteur & le Pere. Nostre conuersation la doit exprimer, nos actions la doiuent pourtraire,& nostre pieté la representer au vif. Car en vn meilleur sens que le Philosophe ne disoit à ses amis, qu'il leur laissoit l'image de sa vie ”

“ Dieu fera par sa Bonté & par sa Sapience tout ce que sa Puissance & son Amour peut faire de grand, de rare, de singulier &de merueilleux au monde: Dieu fera vne nouuelle communication de soy-mesme à cette humanité, digne de sa grandeur, digne de la Filiation de son Fils vnique, donnée à cette nature, digne de sa Subsistence propre & diuine, digne d'vne humanité remplie de Dieu, & sanctifiée de la mesme Diuinité, digne de l'estat & grandeur de ce Mystere, digne de l'Amour in- finy par lequel il l'a operé, digne des choses admirables qu'il veut faire & operer par elle. ”

“ Et le Pere eternel luy donnant son Fils, il luy donne en ce Fils la mesme Diuinité qu'il luy a donnée en l'engendrant dedans l'eternité : Et ainsi il est singulierement le Dieu de cette humanité, non seulement par sa grâce, mais par sa Diuinité mesme, par laquelle il la consacre en luy conférant l'onction de la Diuinité, qui rend cét hom- me Dieu, & qui communique à la nature humaine l'essence, la subsistence & la Filiation diuine. ”

“ Et partant cette humanité sacrée est ainsi à Dieu & par le tiltre de Création, & par le tiltre de génération tout ensemble : Par le tiltre, dy-je, de generation haute, diuine & inenarrable , qui porte heureusement & transporte diuinement du Ciel à la Terre, de l'eternité au temps, du sein du Pere au sein de la Vierge, la Filiation diuine & eternelle;& la porte en cette Humanité glorieuse, laquelle par ce moyen est transférée de l'estat commun & ordinaire à la nature & à la grace dans l'ordre vnique, su préme & extrordinaire de l'vnion hypostatique ”

“ Et mourans, il nous rend coulpables de damnation eternelle. Et la Terre qui deuoit estre à Dieu, vn Temple sacré pour le loüer, & à l'Homme vn Paradis de delices pour y viure en repos, est couuerte de ronces & espines: est vne cloaque d'ordures & abominations : est vne Valée de larmes, de mort, de miseres; & elle ne porte plus que des pecheurs & ennemis de Dieu au monde. Et ce mal est sans aucun remede, si le mesme Dieu qui a crée le Monde par sa puissance, ne le regarde par sa bonté, & ne pouruoit à son malheur par vne rare & nouuelle Prouidence. ”

“ Tous Esprits tellement animez du zele de l'honneur de Dieu, que leur vie , leur mouuement, leurs actions, leurs paroles ne respiroient autre chose: Et tellement hors de tout soupçon d'Idolatrie, que c'estoit lors qu'ils l'exterminaient de la terre ”

“ Ce qui est vn des plus grands Offices du Paradis, comme l'Office qu'il fait maintenant en la Terre, est le plus grand que la Terre receura iamais du Ciel de la part de ses Anges. Cet Ange est vn Séraphin, & vn des Grands entre les Séraphins. Ce Mystere d' Amour, qui contient le plus grand secret de l'Amour de Dieu hors de luy-mesme, meritoic bien vn Ange d'Amour pour l'annoncer, c'est à dire, vn Ange Seraphique, vn des plus Grands entre les Séraphins. Et si i'ose proposer mes pensées en vn poinct si secret, ie dirois volontiers que cét Ange, est le plus grand absolument apres raina: Michel. ”

“ Chose si grande doit-elle estre mortelle ? Que si l'excez de vostre amour vous porte à lùbir nostre mortalité, il est temps de tirer ce corps sacré & deifié de la Croix & du sepulchre, pour l'establir en Gloire & Immortalité. C'EST le Conseil du Pere eterncl sur son Fils : C'est son bon plaisir de le tirer hors de la mort & du sepulchre: C'est son vouloir deluy dire pour vue troisiéme fois, Ego hodie génui te, par vne troisiéme Naissance, en laquelle il veut donner IESVS vne nouuelle vie, & vie plus puissante & glorieuse que n'est pas celle que tu luy as rauie, ô suis. ”

“ Il l'adore comme principe de sa Diuinité & de sa Million dans cette Humanité. Il l'aime d'vn amour infiny en puissance, en mérite, en dignité. Et c'est le seul amour que le Pere Eternel a encores receu vrayement digne de luy, de son Estre supréme & de son amour increé depuis quatre mil ans qu'il a creé le Monde. Le Fils de Dieu, Fils de l'Homme viuant en cét humble estat d'Enfant recognoist l'ordre su- préme de la Divinité, dans lequel sa Personne tient le milieu entre le Pere & le sainct Esprit, comme produit de l'un & produisant l'autre. ”

“ Vie grande, haute & profonde de l'Homme-Dieu & de Dieu-homme : Vie rare & admirable, mais cachée en sa sublimité : Vie incognue mesme aux Anges & à toute la nature creée hors la manifestation de la gloire: Vie cachée, dy-je, & incognuë de la Diuiniré en cette humanité, & de l'humanité en la Diuinité : En l'homma ge de cette double Vie & essence, ie luy dedie & consacre mavic & mes actions de nature & de grace, & luy consacre en qualité de vie & actions d'un sien esclaue pour iamais. ”

“ Eternel, nous le contemplons comme en son Thrône & en sa grandeur, & nous le suiuons d'Esprit, comme descendant en nostre humanité. Mais nous remarquons que les autres Personnes Diuines demeurant dans le Ciel & dans la Gloire, il s'abaisse seul en la Terre, pour estre seul reuestu de la Nature humaine : Ce qui n'est pas sans fondement dans les conditions propres de sa Personne. Car nous auons expressement remarqué, qu'il est non seulement procedant dans l'Eternité, ce qui luy conuient auec le S. Esprit ”

“ C'est le vouloir du Fils pour l'Amour du Pere : C'est cette volonté mutuelle & du Père & du Fils qui nbus tire de la mort & nous donne la vie,qui nous deliure du pécher nous met en la grâce. Dés l'entrée de la mort & du péché au Monde, on nous reparle de la vie, & le Fils de Dieu nous donne les promesses de son aduenement; Il ne tarde pas vn moment à nous en donner les affeurances: mais quatre mil ans s'écoulent en ces preparatifs, en cette attente. En cét estat nos pc- chez font obstacle à vn si grand dessein: mais sa bonté & sa confiance en ses promesses, surmonte nos iniquitez. ”

“ Et de ce que les Anges qui font seuls en Gloire, vous rendent alors hommage dans leur lumiere de Gloire, & vous adorent comme leur Souuerain, si tost que le dessein du Pere Eternel leur a esté declaré: Et ils feruent dés l'origine du Monde à vostre Grace & Empire dans les Ames, dans la Loy ,dans les Oracles & dans les Figures de vostre aduenement. C'est assez auoir tardé: L'heure est tant desirée, tant salutaire, & tant necessaire à l'Vniuers. Il est temps que le Ciel s'ouure pour vous donner, & que la Terre se prepare pour vous receuoir, vous porter & vous produire. ”

“ Car le Verbe est Dieu, Dieu est homme, & l'homme est Dieu, selon les notions les plus familieres & communes de la Foy : Et le Verbe est Dieu par cette Essence diuine, & Dieu est homme par cette humanité : Et l'homme est Dieu par la Diuinité que l'humanité reçoit en la Subsistence du Verbe Eternel : Et il n'est pas possible de comprendre Comment cét estre Personnel de Dieu peut estre communiqué sans l'estre essentiel de Dieu, lequel il comprend & enclost das sa conception formelle. ”