Alexandre Assier

“ Ils vindrent donc jusques à Clerevaulx qui est un lieu en l’éveschié de Lengres près de la rivière d’Aube là où estoit une grande larronnière et fosse de larrons. Et anciennement estoit appellé ce dit lieu la vallée d’Amaritude, tant pour cause de ce qu’il y avoit grande habondance d’une herbe amère, laquelle aucuns appellent aloine et en latin est dicte absinthiam : comme pour l’amaritude de la douleur et de l’horreur de ceulx qui y estoient prins ou mys à mort par les larrons. ”

“ Lors sainct Bernard appelle un des frères nommé Guibert et lui dist : --— Frère Guibert, prens nostre asne et t'en vas à la foire de Risnel [2] et nous achetes et raportes du sel. Auquel le dit frère demanda argent pour l'acheter et payer. Et le sainct homme luy dist: — mon fils, saiches pour vray que je ne scay dès quel temps je euz ou tins ne or, ni argent. Là sus au ciel est celuy qui a ma bourse et mes trésors sont en ses mains. Adoncques le frère comme en soubzriant luy dist : — s’il fault que je aille sans argent, je retourneray sans denrées. ”

“ Quant il pleut a Dieu qui avoit séparé sainct Bernard du siècle et l’avoit appellé pour révéler en luy sa gloire, affin que par luy, il assemblast plusieurs enfans de Dieu qui estoient disperser, il inspira le vénérable abbé Estienne d’envoyer des frères pour édifier la maison et abbaye de Clerevaulx. ”

“ Car celluy qui a nos trésors, comme je t'ay dit, sera avec toi au chemin et te fera avoir ce pourquoy je t’y envoye.
Après ces parolles, le frère print la bénédiction du sainct homme, et s’en alla avecques l’asne à la foire plus incrédulle qu'il ne devoit. Mais Nostre Seigneur ne regarda pas à son incrédulité, mais à la bonne foy de son loyal et dévot serviteur et lui fist avoir tout ce pourquoyil estoit envoyé. Car ainsi comme il approucha du chasteau de Risnel en passant par une ville assez près, il rencontra ung prestre qui le salua en demandant dont ïl estoit et là où il alloit. ”

“ Le fruit des faoux et autres fruits sauvages que la terre produit naturellement estoient leurs meilleures viandes. Leur vesture, tant en esté comme en yver, estoit une coule et une robe peu souvent renouvellée et estoient povrement chaussez de souliers souvent et longuement derompuz et descousuz premièrement qu'ils fussent réparez, lesquels par faulte de cuir, ils lyoient de cordes. ”