A.C.

“ Et le samady il se remua d'illesqes V leages de la terre à l'abbeie de Bek-Harlewin (3) . Et la dismenge il se remua d'illesqes tanqe al ville de Counse (4) par VIII leages de. la terre, où il fist assault al chastiel et gaigna la primère garde du chastiel par force et le fist mettre en feu. ”

“ Et le dit Robert et les VII vingt ditz hommes d'armes les tuèrent trestoutz, hors pris III qe furent pris à raunsoun.
Et chescune jour les gentz pristrent diverses forteresses etmult graunt plentéde prisonners et du pilage, et à lour retourner amesnèrent ovesqe II mil chivals des enemys ; si qe en ceste chivaché mounseir ad eu graunt grace et graunt honour ; qar unqes n'estoit vewe si poy de gentz feare tiele chivaché en tiele païs et saunz perdre de ses gentz. En loiez soit Dieux! ”

“ Et la ville de Vernoyl n'est qe XVIII leages de Paris, et est appellé le chief de Normandy.
Et le jeofdy (1) mounseir demurra illesqes pour refrescher ses gentz. Et le vendredy en retournaunt devers la isle de Constantin, mounseir le ducz remua à une ville q'est appellé la Egle (2) , où mounseir Charle d'Espayne estoit mis à la mort de. (3) Le roy Johan de Fraunce et soun eigné filz Dolphin de Vienne et son frère ducz d'Orlyens et plusours grauntz de la terre ove VIII mil gentz d'armes arbalestiers et aultres comunes XL mil estoient de costé de la dite ville à une leage petite d'illesqes ”

“ Et quaunt ils (1) oierent qe mounseigneur le ducz estoit passé le dit pount de Corboun, ils se fuirent de nuyt ove trop graunt haste, issint q'ils lasserount toutz lour engynne et artillers, arblastes, pavys et autres herneys diverses, où il demurreit le jeofdy et le vendredv (2) pour refaire les mynes q'ils avoient faitz très-biens et très-forts à chastiel si près q'ils ne faillerent fors qe de 1111 piés de les murs del chastiel. Et fist vitailler le chastiel pour un an et mist leyns un chasteleyn, mounseigneur Johan de Luke chevalier de Braban od L hommes d'armes et L archiers de sesgentz. ”