Pernette du Guillet

“ Si ont veu sur un estang
Long & grand, comme une Mer,
Un beau Cygne pur & blanc,
Qui chantait un chant amer.
O Deesse, disoit il,
Regnant au ciel Empiree,
Par ton engin trop subtil
Nostre joye est empiree. ”

“ Ces Monstres vains, mais tresbien les mauldire :
Veu qu’ilz venoient le monde inquieter,
Et si ne sont d’eulx mesmes moins, qu’une umbre,
Qui le cerveau nous vient a hebeter,
Au libre arbitre estant fascheux encombre
Pour coulourer nostre concupiscence,
Noz vains desirs, & folies sans nombre.
Et nonobstant qu’ilz n’ayent aucune essence,
Par une folle imagination
Nous en faisons nostre vraye science.
Ò miserable est la condition
De nous humains, laquelle est tousjours prompte
A inventer nostre perdition. ”

“ Mon Dieu, comme le monde passe
En oysiveté par simplesse !
Ne voit on point tant de sagesse,
Que le plus fol demeure maistre ?
Il n’y à rien si beau, que d’estre
Aupres de quelque beau donneur. ”

“ Dont mes grandz pleurs montent jusques aux yeulx,
Jamais les voix ne peuvent estre ouyes,
Ny en haulteur si grande resjouyes :
Car ce mien feu, qui peu a peu me fond,
Est dens mon cueur allumé si profond,
Qu’il ne peult pas, bien qu’il soit grand, reluire
Devant les yeulx, qui pour mal me conduire
Font le Soleil de grand honte retraire :
Ainsi je meurs, estant contrainct me taire. ”

“ C’est ce, qui plus éternellement lye.
La haulteur sienne, ou son cueur se pourmaine,
(Qui la demonstre estre doulce, & humaine)
La contrainct estre en voulenté tres rude,
Comme confite en toute ingratitude :
Mais elle fainct, contre le sien vouloir,
D’avoir d’amour un constant nonchalloir :
Car son desir, & la crainte d’injure
Vainct ton servir, qui a t’aymer l’adjure. ”

“ Devant les Cieulx, qui t’ont faict cette grace
D’estre venu en ce temps pour la veoir
Telle, ou Nature à mis tout son sçavoir :
Telle pour qui, pour non la veoir, plaindront
Tous Siecles sainctz, qui apres toy viendront.
Ne cherche point remede a prendre fin,
N’a te priver de sa presence, afin
Que de ta mort la nouvelle piteuse
Ne luy causast douleur, & vie honteuse. ”

“ Tascha le plus, qu’il peult, d’avoir la congnoissance
Des Archiers de Vertu,
Par qui mon cueur forcé fut soubdain abbatu.
Mais elle ne permit qu’on me feist autre oultrage,
Fors seulement blesser chastement mon courage,
Dont Amour escumoit & d’envie, & de rage :
O bien heureuse envie,
Qui pour un si hault bien, m’à hors de moy ravie. ”

“ Sa grand faintise, en acquiert plus de gloire.
Car l’un faindra de desirer la grace,
De qui soubdain vouldra changer la place :
L’autre fera mainte plaincte a sa guise,
Portant tousjours l’amour en sa devise ”

“ Mais pour la main, qui pour plus rendre estable
Sa foy vers toy, te l’à voulu lyer
D’un Dyamant, ou tu peulx desplier
Un cueur taillé en face pardurable,
Pour te monstrer, que ne doibs oublier,
Comme tu fais, la sienne amour durable. ”

“ Pource qu’a vice elle vient toute appoint :
Mais a vous toute estre
Certes je veulx bien,
Pource qu’en vostre estre
Ne gist, que tout bien.
Là ou en tenebres
On ne peult rien veoir,
Que choses funebres,
Qui font peur avoir. ”

“ Qu’elle faisoit a tous les autres honte.
Parquoy les siens, estans ainsi prisez,
Ne craignoyent point souvent a repoulser
Ceulx, qui n’estoyent par elle autorisez.
Dont en peu dheure elle vint a haulser,
Et tellement son grand pouvoir estendre,
Que les plus loings craignoyent la courroucer.
Et mesmement qu’elle faisoit entendre
A la grand Dame, a croire trop facile,
Qu’elle pouvoit sur les Roys entreprendre.
Et qu’il n’estoit chose tant difficile,
N’engin si dur reduict soubz son pouvoir,
Qui ne devint incontinent docile. ”

“ Qu’en se mourant, comme les Sainctz ravis,
Feit telle fin, que malingz souhaitterent
Ainsi mourir, & les bons desirerent
Telle vertu, & tel sçavoir ensuyvre,
Qui l’Ame au Ciel, & son Nom faict cy vivre. ”

“ Soubz moy, qui suis sans grace, & sans merite.
Laissez le aller, qu’Apollo je ne irrite
Le remplissant de Deité profonde,
Pour contre moy susciter tout le Monde,
Lequel un iour par ses escriptz s’attend
D’estre avec moy & heureux, & content. ”

“ Et toutesfois d’une masque couverte,
Se tenant loing de celle gent infame :
En faictz discrete, & en parler diserte,
Sur la grand Dame ayant tousjours l’œil droict,
Maulgré la Royne a l’avarice experte :
Ceulx, qui fuyoient le faulx, aymant le droict,
La fuyoient tous, & la tenoient de pres,
Dont ilz estoient louez en maint endroit :
Bien que souvent par les malings d’aupres
Fussent mocquez, secrettement apart,
Et en public par motz & signe expres :
Mais la grand Dame allant en mainte part,
Tousjours tournoit sa veue çà, & là,
Dont ilz avoient maulgré la Royne, part. ”

“ Me peult promettre de soy.
Je voy les uns fort contents,
Les autres pleins de souffrance :
De ceulx là les rys j’entens,
De ceulx cy la douleance :
Ces passions j’apperçoy
Regner toutes deux en moy. ”

“ Pour celle Dame attoucher, & puis suyvre,
Comme captifz, & joyeux de son umbre.
Plus la suyvoient, plus la vouloient pour suyvre,
Son seul regard si fort les delectoit,
Qu’ilz ne pouvoient, sans elle, une heure vivre. ”

“ Et pource, quand vous orrez detracter l’envie pour vous descourager, & d’estourner de
bien faire, souvienne vous, qu’il fault necessairement :
que les Asnes voisent tousjours a
leurs chardons, & a Dieu mes Dames,
en grace de qui j’ay mieulx
aymé desplaire aux malingz,
que, en leur
complaisant,
vous
faire tort. ”

“ Dont en male grace
Se fault retirer.
Car un tel service
Ne pretend qu’au poinct,
Qui par commun vice
L’honneur picque, & poinct.
Et ce trauvail en fumee devient
Toutes les fois, que la raison survient. ”

“ Qui est la cause, qui m’à meu, entre les autres persuasions, a vous communiquer ce peu de commencement, que son affectionné mary à trouvé parmy ses brouillars en assés povre ordre, comme celle, qui n’estimoit sa facture estre encor digne de lumiere jusques a ce, que le temps la luy eust par frequent estude & estendue, & lymée. ”

“ Vient tous les jours a s’allumer,
Ne me debvez vous bien aymer ?
Quand vous me voyez tousjours celle,
Qui pour vous souffre, & son mal cele,
Me laissant par luy consumer,
Ne me debvez vous bien aymer ? ”

“ Et nostre povre Maistresse
Seule au boys il à laissee
De douleur, & de destresse
Mortellement offencee.
Tant que plus ne veult porter
Ny le vert, ny couleur gaye :
Mais pour se réconforter
A la mort en vain s’essaye. ”

“ Pour en toy veoir si force il à :
Je ne sçay rien moins, que celà.
Qui dira, que d’ardeur commune,
Qui les Jeunes gentz jmportune,
De toy je veulx, & puis holà :
Je ne sçay rien moins, que celà. ”