François Béroalde de Verville 

“ Et ma douleur est grande autant qu’elle est cruelle.
Plein de felicité je me brusle pour elle,
Par ses chastes rayons je me transporte aux cieux,
Par sa rigueur j’en tombe & puis tout furieux,
Je consomme mon cœur d’une peine eternelle. ”

“ III.
Je sçay bien de que le ciel en vous donnant la vie,
Ne mist en vos beautez rien qu’amour & douceur,
Je scay bien qu’aux flambeaux qui d’une belle ardeur
M’embrasent doucement, loge la courtoisie. ”

“ Pour triompher de moy, a mon ame ravie :
Mon esprit erre en bas en la plaine obscurcie,
Et mon corps au tombeau, croist le nombre des morts :
Ma vie sous l’horreur des meurtrissans efforts
Qui bourrellent mon cœur, de moy s’est departie. ”

“ Je vay cerchant l’objet qui à mon cœur presente,
Avec tant de malheurs l’esperance de mieux.
Celle dont obstiné la vie je respire,
Prend plaisir à ma peine & voyant que j’empire,
Fait ignorer le mal que me causent ses yeux. ”

“ Je veux vaincre la mort, & je suis son objet.
Je me veux d’une sorte & par divers effets,
Vous le voulez aussi, moy par la douce envie
Qui rend sous vos beautez mon ame assujettie,
Et vous usant vers moy d’un amour trop discret. ”

“ Languissant dedans moy, ne respire autre flame
Que les heureux rayons, qu’elle en va souspirant :
Ainsi d’un beau malheur ma vie se contente,
Et n’osant esperer tandis que je lamente
Il faut que par mes yeux je vivotte en mourant. ”

“ Veu qu’un rien cree & ma glace & ma flame.
Qu’ainsi ne soit des beaux yeux de Madame
Un rien sortant, met en braise mon cœur,
Et mon cerveau fait voguer sur l’humeur
Du froid glaçon de l’amour qui m’enflame. ”

“ Ploye sous les efforts de l’aveugle fureur
Qu’excite dans le sang une rage amoureuse.
Tout vostre vain pouvoir n’a pouvoir sur l’amour
Je veux doncqu’encor voir les douceurs de ce jour,
Flattant en mon malheur ma vie malheureuse. ”

“ Et ces perfections ont mon ame ravie,
Au bien-heureux sujet de ma felicité.
Que puissay-je à jamais en pensée si belle,
Souspirer les douceurs d’une vie eternelle,
N’ayant d’autre soucy le courage agité. ”

“ Que glissant dans mon sang, heureusement me gesne
Tant me sont doux les traits de vostre cruauté :
Aussi je ne voudrois vivre sans mon martyre,
Car mon contentement est lors que je souspire
Pressé de passion servant vostre beauté. ”

“ Je voy l’amour cruel qui mon ame ruyne.
Je me perds de langueur, de douleurs je me mine,
Ma vie fuit de moy par trop de cruauté,
Et de mortels desdains mon esprit agité
Sent le dernier effort qui ma vie termine. ”

“ Recognois le destin qui fait qu’en ta puissance,
Je vive, je trespasse en langueur nuict & jour,
Et si tu peux sçavoir combien elle m’est douce,
Combien a de pouvoir la force qui me pousse,
Tu croiras que tu dois m’aymer pour mon amour. ”

“ Ou vivant ou mourant, me rende miserable.
Je ne veux point vous voir d’un œil trop pitoyable,
Adoucir mon travail, puis que par ma langueur
Vous avez du plaisir, mais je veux qu’en mon cœur
Se loge pour vous plaire une mort effroyable. ”

“ N’avoit logé le soin au plus beau de mon ame.
Jamais aussi les yeux d’une si belle dame
N’avoyent peu arrester mon humaine raison,
Jamais je n’avois veu cette belle saison,
Qu’un souspir amoureux doucement nous enflame. ”

“ Que le cruel desir qui pousse son courage,
À respandre le sang, appaiseroit sa rage,
S’il voyoit vos beaux yeux au fort de sa fureur.
Un Cyclope noircy de sa bruslante ardeur
Des soufflets eternels qui chauffent son ouvrage,
Voyant de vos beautez la venerable image,
Osteroit de son front l’espouvantable horreur. ”

“ Qui gesne sans repos mon ame impatiente :
Rien que peur à mes yeux ores ne se présente ;
Je suis rongé de soin de moment en moment,
Et sous le desespoir par trop cruellement
Amour conduit helas ! le bien de mon attente. ”

“ L’agreable soucy de mon heureux esmoy,
Pour vivre ainsi constant que mon cœur le desire,
Encores crains-je, helas ! de mourir sans souffrir
La peine, & le souci qu’il me plaist de sentir
Adorant les beautez qu’en mon ame j’admire. ”

“ L’escueil qui se presente à tous coups pour destruire
L’attente du bon-heur, dont je vis langoureux,
Sont joints incessamment sous le sort rigoureux
Qui fait qu’en mon mal-heur, mon malheur je desire. ”

“ Helas ! qu’il est cruel il cause mon martyre,
Car plus il me destruit lors que plus je suis sien,
Hé : que ses feux sont doux, au monde il n’a a rien
D’agreable & de beau, que l’air que j’en respire. ”

“ Termine en un moment ma vie langoureuse :
Qu’apres vous vivottant mourir cent fois le jour.
Laissez moy donc tuer : mais tuez moy vous mesme
Afin que plus constant dedans les mains que j’ayme
Je laisse ma douleur, ma vie & mon amour. ”

“ Mes yeux ne sont plus yeux, leur essence est changee
En ruisseaux eternels pour plorer mon malheur,
Et mon sang n’est plus sang, mais las ! cette froideur
Qui c’est presque desja de moy toute escoulee. ”

“ Maistresse vous teniez mon ame miserable.
Je ne possede rien qui soit tant desirable
À mon amie, que l’œil par qui j’ay pris l’humeur
Des vostres pour ma vie, & toutefois mon cœur
Le hait si vous n’avez sa lumiere agreable. ”

“ Bravant le fier destin, je vive pour mourir,
Et meure pour encor vivre pour ma maîtresse.
Quand je serai perdu on me regrettera,
Et ce petit regret que de moy on aura,
Si possible on en a contentera mon ame,
Je vais doncq’és désers mort attendre la mort,
Me souvenant tousjours de l’agreable sort
Des effets bien heureux de ma plus chaste flame.
En fin bois & rochers où je fay ma complainte,
Lors que pressé de mal dont mon ame est atteinte,
Je me consume en pleurs, en douleurs, en souspirs. ”

“ Sans valeur, sans desirs, sans puissance, sans foy.
Sans cœur on a tousjours dedans le sang l’effroy,
Je veux dont le ravoir, & encor davantage
Je veux le vostre aussi, vous estes assez sage
Pour vivre sans douleur, sans crainte, sans esmoy. ”

“ Du tourment agréable, où demeure mon cœur,
Qu’ores l’espoir abuse, & ores reconforte.
En l’erreur de mes yeux, je conduiray mes yeux,
En mon sort incertain, je verray si les Cieux
Guariront la fureur du mal qui me transporte. ”

“ Non feray, si feray : mais lequel doys-je faire ?
Mourir en le voyant c’est mourir sans mourir,
Mourir en le perdant, c’est en la mort languir :
Il vaut doncq’mieux servir le bel œil qui m’esclaire. ”

“ Attendant que la mort vienne mon cœur saisir,
Je gesneray mon ame où elle est asservie.
Je me veux obstiner en ma peine envieillie,
Je veux par mon ennuy contenter mon desir,
Dans quelque antre je veux ma retraite choisir
Vviant en la douleur dont mon ame est saisie. ”

“ Qui le fait vivre en moy par sa douce rigueur,
Et qui par ses beaux yeux humble fiere, le tuë,
L’oste cruellement, le remet doucement,
Me l’arrache humblement, me le rend fierement,
Gouvernans mes destins d’une sorte inconnuë. ”

“ La mort de tous costez pres à prez me poursuit,
Redoublant les douleurs de mon cruel martyre,
Et son trait inhumain peu à peu de destruit,
Ores que malheureux ma langueur je souspire
Attendant les horreurs d’une derniere nuict. ”

“ Que je n’ose esperer que vous m’aymiez un jour.
Ha ! mal-heureux destin, ha toy par trop cruelle,
Qu’il faut qu’en bien aymant devot, humble, fidelle,
Je ne puisse esperer un doux semblant de mieux. ”