“ Aussi dans la fourniture des vivres et victuailles pour ce qu'ils ne pevent avoir le doubte ne la vision de la comission, ne pareillement des cotisations qu'on dit ja estre faictes, sans leur sçavoir et consentement, que est impossible que ne soit inégalement faicte pour ant qu'on ne scet pas la possibilité d' ung chacun diocèse. ”

“ En hayne desquelles ordonnances le visiteur des gabelles avoit baillé certains articles contenans plusieurs parolles convicieuses et diffamatoires contre luy, et mesmement: qu'il avoit [fait] plusieurs injustices, que nul ne luy osoit contrarier et de ceulx qui le faisoient prenoit vengence, avoit fait et trouvé plusieurs nouvelletez au pays, tendans à la folle d'icelluy, et si manhoit l'argent et fraiz dudit pays et le distribuoit et départoit à son plaisir, opprimoit par exéqutions indeues les habitans dudit pays, sans qu'ilz, par crainte de luy, osassent avoir recours à la justice ”

“ M. maistre Bernard Nicolas et maistre Glaude de Russone, docteur de Carcassonne, commis parle pays, ensemble le greffier desdits Estatz (G. Bertrand) pour aller devers le roy, la royne et en la Chambre des Comptes à Paris, à cause du différent de l'imposition foraine ou de la composition de 3000 livres pour raison d'icelle que
ladite dame prétend luy estre deue, ensemble les arrérages pour l'assignat de son douaire, ont fait leur rapport de la charge à eux donnée. ”

“ Les consulz de Carcassonne ont remonstré leurs doléances : premièrement de la garnison des gens d'armes, de pié et de cheval qu'ilz ont souffert et supporté toute l'année, qui leur ont gasté, mangé et consommé tous leurs vivres, et la plupart sans paier, aussi ont prins de denrées et marchandises, et puys s'en sont allez sans payer ; aussi les bastons du parc qu'ilz ont forny, vivres, charrettes et voictures ; et perte de gens, vivres et bestail par surprinse d'ennemys ; item les terralhons auxquelz avoient fourny pale et ayssade, et dix solz à chacun, dont la plupart y sont morts ”

“ Et chacun diocèse et diocésains voloient faire leurs doléances et avant que octroier aucune somme audit seigneur, luy voloient remonstrer lesdites doléances et pitiez.
(17 novembre 1503) Mgr l'évesque de Viviers.. a dit que la triefve estoit faicte entre le roy de France et le roy d'Espaigne jusques au XIIIIe jour d'avril prochainement venant. Desquelles triefves MM. les comissaires en ont baillé le double de ceste teneur : Voyant le sérénissime. ”

“ Et par plusieurs fois, pour solaiger le povre peuple et affin qu'ilz ne fussent surchargez de gaiges des receveurs pour les avances qu'il convenoit faire, a baillé, presté et fait courir le sien propre pour ledit pays. Et quant aux fraiz du pays, ne s'en mesla onques n& n'a esté présent ne voyant quant se mectent sus et se départent: et par plu-
sieurs foys 'a sollicité et. ”