Université de Paris

“ Et consideré que vous en avez tres grant besoing comme il appert clerement, quelconque personne n'en devroit estre mal contente ; et sur ce vous plaise avoir en memoire le grant gouvernement du bon roy Charles, vostre pere, dont Dieux ait famé, qui si notablement emploia lesdis aides en son temps, qu'il chassa hors de son royaume les Angloiz ses annemis, recouvra honnorablement les forteresses qui estoient hors de sa main, ediffia moult grandement, et estoient ses gens et officiers tres bien paiez et contentez et aussi laissa grant chevance, tresor et beaulx joiaulx. ”

“ Et ne desplaise à ceulx de vostre conseil : car supposé qu'ilz ne feussent assemblez ne appeliez pour ces causes, silz en devroient ilz parler en particulier, procurer et pourchasser les bons remedes quilz sont affaires sur teles matieres qui tant touchent le bien de vous et de vostre royaume; et en tant qu'ilz sont trouvez en telle négligence que on puet bien appeler coulpe, on ne voit point de raison qui face pour leur excusacion, ainçois fault dire que en eulx ou aucuns d'eulx gist ladicle faulte. ”

“ Et aussi l'en devroit expedier ambassadeurs tant estrangiers comme autres bien tost et convenablement, sans les faire longuement muser. Et quant une bonne conclusion est prinse par maniere de deliberacion de conseil, on ne la doit pas rompre à part par pou de gens, comme l'en voit bien souvent faire. ”

“ Et quant une bonne conclusion y est prinse, comme il advient bien souvent, elle demeure sans execution, ja soit qu'elle vous touche souverainement; laquelle faulte vient tant par ceulx des finances, pour ce qu'ilz reculent a bailler l'argent neccesaire pour ladicte execucion faire, comme il appartient, comme par aucuns autres quilz n'ont pas bien le cuer à voz besoingnes. ”

“ LVI. Item et n'est pas à oublier comme depuis aucun temps ença, vostre monnoie est grandement [diminuée] en pois et en aloy, tant que ung escu est de mandre valleur deux solz qui ne souloit, et. 1 de mandre valeur chascune piece d'un denier et maille ou environ, qui est en la fraude et [prejudice de vous] et de tout le peuple ; car quant ung homme a vendu pour cent escus de denrées et. nouveaulx, il se treuve de ce de douze frans pour cent ; ainsi ce royaume est. ”

“ Et voit on communément que quant ung jeune homme vient en service d'un general, d'un tresorier, d'un recepveur ou grenetier, ja soit ce qu'il soit de tres petit estat et sans science, en bien peu de temps il devient riche et maine ung grant et excessif estât en plusieurs manieres, achete offices, héritages, tres grosses sommes de deniers et tout à voz despens. ”

“ XXXIV. Item par les trésoriers de vos guerres ont esté commises plusieurs grans fraudes ou fait de vos finances, comme l'en dit, et ont une maniere de prendre de vos chevaliers et escuiers blans seellez, desquelz ils ont tres mal usé, comme scevent lesdiz chevaliers quilz vous en sauront mieulx informer que nous ne sarions : et est grant meschief d'oir les plaintes desdis chevaliers et escuiers sur le fait des paiemens, qui tousjours a esté en si petit envers les plusieurs et la plus grant partie de trop desdis chevaliers et escuiers. ”

“ Premièrement pour vous adviser et affin qu'il vous plaise remedier aux choses dessusdictes, semble que pour avoir promptement tres grande, bonne et juste finance, et plus tost que par quelconque autre voie, est tres neccessaire et expediant, et autrement la chose ne se puet bonnement faire, que des maintenant vous clouez la main ausdis gouverneurs desdictes finances sans nul espargner ne excepter, et qu'ilz soient mis hors de tous poins de leurs offices ”

“ Car maintenant c'est chose inreguliere à gens d'armes quant ilz vivent sur le pueple sans paier, de dire qu'ilz ne sont point paiez de leurs gaiges, et fault qu'ils se vivent en bons servant.
XXXV. Item et pour ce que lesdis generaulx et le souverain maistre des finances et les autres dessusdis, tantost que l'en les vouldra poindre des choses dessusdictes, pour eschever et passer temps, cuidant vous contempler, respondront qu'ilz sont tous prests de monstrer leurs estas ainsi comme se feust rapporté suffisance ”

“ LXIII. Item que pour recevoir toutes les finances, tant du demaine des aides comme par les manieres dessusdictes, seroit expedient que jusques à ce que autrement il seroit pourveu, feussent ordonnez en petit nombre certaines nottables et loyalles personnes doubtans et amans Dieu et vous, non suspecz d'avarice, d'ambicion ou de convoitie, et quilz ne se soient meslés des abuz dessusdis, lesquelz avoient gaiges moderez sans aucuns dons, ausquelz seraient apportées toutes lesdictes finances et distribuées par eulx et non autres ”

“ Et Dieu scet pourquoy ilz y entrent si voulantiers, se ce n'est pour les groz lopins et groz morceaulx et larcins qu'ilz treuvent esdis offices; car se ung tresorier n'amende chascun an de quatre ou cinq mil frans, se n'est riens.
Et combien que ou temps passé n'y en avoit que deux, toutesvoies pour la grant praticque qui y est maintenant, il en y a quatre ou cinq, et telle fois a esté qu'il en y avoit vr ou vu; et en quoy appert clerement que vous avez dommaige chascun an de xvi à Xxm frans pour le prouffit particulier desdiz trésoriers. ”

“ XXI. Item et combien qu'il ne soit aucun besoing d'avoir tresorier sur le fait de la justice dudit [trésor] , maiz a l'en acoustumé de y tenir ung clerc conseillier, toutesvoies l'en dit qu'il y a quatre conseilliers qui en portent grans gaigesà la charge dudit tresor sans cause.
XXII. Quant est pour le gouvernement des aides, sont ordonnez officiers quilz s'appelent generaulx, par l'ordonnance desquelz passe toute la finance des aides ordonnez pour la guerre, qui monte à xncm frans, par gens. ”

“ XII. Item aussi à vostre escuisie, qui est office de bien grant recepte, y a pareillement faulte et ilz sont faictes par grosses despences quilz ne tournent pas à l'onneur ne prouffit de vous.
XIII. Item, pour ce que l'en pourroit dire que voz serviteurs pevent bien avoir largement du bien, on respond que c'est vostre chose loisible que voz bons etloiaulx serviteurs admendent de vous selon leur estat et leur office et la vaillance et souffisance de leurs personnes ; car tel serviteur povez avoir quil devroit plus tost admender de vous de dix mil que plusieurs autres de cent frans. ”

“ Et ne gaigneront pas leurs causes par telles paroles : car pour eulx, ne pour autres quelconques de leur condicion et voulanté, elle ne taira la verité pardevant vous, toutesfoiz que de vostre grace vous plaira icelle escouter. ”

“ Maiz maintenant nonobstant ladicte somme de IIIIC Lm franz, ne sont point paiez lesdis marchans de leursdictes denrées, et avient souventesfoiz que vostre hostel et cellui de la Royne et de monseigneur de Guienne sont rompus et par especial puis pou de temps a l'en veu l'ostel de monseigneur de Guienne estre rompu, et jeudi derrain passé, l'ostel de la Royne. Par quoy appert clerement icelle somme n'est point toute emploiée en ladicte despence, si comme on monstrera evidamment en temps et en lieu, maiz au prouffit des gouverneurs de ladicte despence ou de ceulx que bon leur semble. ”

“ XXVI. Item apres cest office vient ung autre office qui s'appelle la garde des coffres, que tient et occupe Morisede Ruilly, et reçoit ledit officier tous les jours pour ordinaire dix escus, lesquelz se doivent bailler à vous manuelment pour faire vostre bon plaisir; maiz il n'y a croix, car il le distribue pour la plus grant partie haullement à son plaisir ”

“ Et quant est du droit des nottaires, ja soit ce qu'ilz prennent aucuns avecques eulx telz que bon leur semble pour distribuer tous les mois à chascun ses bourses, neantmoins ilz en font ce que bon leur semble et comment ilz se gouvernent il sera declaré plus au long quant besoing sera. ”

“ XIV. Item, quant aux gaiges des serviteurs de vostre hostel, qu'ilz sont tres bien comptez à la chambre aux deniers ; maiz du paiement d'iceulx voz diz serviteurs ne pevent savoir nouvelles, par quoy ilz
ont de grans povretez et souffretes et ne sont pas si honnestement entour vous comme il appartient, par deffault qu'ilz ne sont point paiez, en grant abessement de vostre estat qui doit preceder tous les autres, comme raison est. ”

“ Et par ainsi povez clerement juger, veu qu'ilz ne se doivent mesler ne empescher fors à vostre service à la cause desdis offices, que ceste chevance n'est point convertie à vostre prouffit, pour quoy semblera raisonnablement que plus tost devroit on recevoir sur eulx ceste chevance, qui appartient à vous, que sur autres personnes. ”

“ Et aussi iceulx prevostz pour occasion desdictes exaccions ont acoustumé de mettre les fermes desdictes prevostez à plus grant pris qu'elles ne doivent estre et par ainsi est justice vendue en leurs mains et par eulx lesdictes povres gens destruiz et eulx enrichis. ”