François Bonnardot

“ Nous ne povons pas faire que à une ville si grande et de telle liberté, qu'il n'y ait aussy grande liberté aux langues et propos, et que chascun n'en preigne pars où bon luy semble; mais en tout ce qu'il nous sera possible, nous nous efforcerons et mettrons peyne que les choses seront entretenues et à la vérité, suyvant ce qu'il a pieu au Roy en avoir escript, et que ses parolles ligieres et oysives ne soient si aisiement et facillement dispercées. ”

“ Servite Domino in timore et exultate ei cum tremore, vous saluent par nous, Prevost des Marchans et Eschevins, louent Dieu et luy rendent graces tant grandes que faire peuvent, de ce qu'i luy a pleu vous conduire et raconduire, mener et ramener par deçà en bonne prosperité et santé pour laquelle ilz ont faict, font et feront perpetuellement et incessamment veuz, prieres et supplications qui redoubleront en vostre absence pour doubte et craintte de vostre personne, qui est la chose la plus digne, la plus chaire, la plus precieuse qu'ilz ayent en ce monde. ”

“ Sr ayt bien congneu que led.
sr Cardinal, depuis son arrivée par delà, ayt mys toute la peine et usé de toute la plus grande dexterité qui luy a esté possible pour contenir ceulx de la ville de Paris, et les asseurer; neantmoyngs, ad ce qu'il a sceu, la perte de Hesdin2 a amené parmi eulx ung tel effroy que secretement les principaux de lad. ville font retirer les plus pré- cieuses choses qu'ils ayent : de quoy il pourroit advenir un plus grand desordre, congnoissant combien une ville composée de gens de tant de sortes et de si diverses humeurs y est subjecte ”

“ Pour plus de brièveté, le Reg. H 1783 sera désigné dans les notes par la lettre A, et le Reg. H 1782 par la lettre B.
3. François de Lorraine, duc d'Aumale et de Guise (15 19-1563) , lieutenant général du Royaume, s'illustra par sa glorieuse défense de Metz contre Charles-Quint, qui fut forcé de lever le siège après avoir perdu trente mille hommes. Le siège avait duré deux mois et demi (19 octobre-Ier janvier) . ”

“ Qu'il ne sauroit trouver que bon qu'ilz regardent de bonne heure les moyens qu'ilz ont en lad. ville, s'il survenoit ung danger, et que c'est sagement et prudemment faict. Touteffoys, il luy semble meilleur que ces choses là se facent sans grande ostantation, qui ne peuvent estre, comme ilz sçavent, cachez aux estrangers mesmes et trainent une grande conséquence : chose qu'il desire que l'on mette en considération. ”

“ Sr a ce jourd'huy receu lettres de Monsr le Duc de Guise 3, par lesquelles il l'advertit que ses ennemys, depuis sept ou huit jours qu'il y a qu'i sont logez à deux mil pas de Metz, n'ont osé aprocher plus prest, ny commencé à faire tranchées, de sorte que ceulx de dedans font faire le guet à cheval hors lad. ville à mil pas desd. ennemys, sans que jamais ilz ayent faict semblant de les en voulloir desloger, se souvenant du mauvais traittement qu'ilz receurent à la saillye qui fut faicte sur eulx, quant ilz vindrent recongnoistre lad. ville, où ilz perdirent beaucoup de gens. ”

“ En Assemblée le jourd'huy faicte, en l'Ostel de la ville de Paris, de Messrs les Prevost des marchans, Eschevins, Conseillers, Quarteniers, et quatre notables bourgeois de chascun quartier, pour oyr la lecture de certaines lettres missives du Roy apportées par monsr de Longchamp, son conseiller et maistre d'Hostel ordinaire, portant creance sur led. sr de Longchamp4 ; en laquelle sont comparuz en la Grande Salle de l'Hostel d'icelle Ville, c'est assavoir : Monsr me Christofle de Thou, Prevost des Marchans ”

“ Aussi doibvent il estre asseurez qu'i le trouveront tousjours prest et appareillé de les favoriser, secourir et ayder de tout ce que Dieu a mys en sa puissance, jusques à exposer sa propre personne pour leur salut et protection; qu'il scet bien ce qu'il doibt, et ce que ung prince doibt et est tenu faire, quant Dieu luy a faict tant de graces que de luy en donner de telz, et qu'il leur-fera congnoistre, quant il en sera besoing, combien il est vertueulx et magnanime. ”

“ Le très chrestien Roy Henry avec sa noblesse estoit dedans le second cueur où sont les sepulchres des Roy s.
Ainsi que ces choses se ordonnoient2, estans trois presidens des generaulx de la Justice des Aydes assiz en leurs places et vestuz de robbes d'escarlattes, portans sur l'espaulle le chapperon fourré de lettices, chose nouvelle et inacoustumée, et que messrs de la Court de Parlement n'auroient voullu souffrir; par quoy auroit lad. Court envoyé ung huissier vers eulx leur signiffier qu'ilz eussent à oster leursd. chapperons comme à eulx impertinans : ce qu'i feurent reffusans de faire. ”

“ Vous povez arriver à toutes heures de jour, de nuyt, tost, tard; mais vous n'arriverez jamais si tart et ne sera point la nuyt tant obscure que vostre venue, vostre arrivée n'apporte une grande clarté, une grande lumiere à tout vostre peuple. ”

“ Monsr, je suis merry que l'occasion de ceste despesche se soit offerte telle que vous verrez, par ce que le Roy vous en escript; mais les evenemens de la guerre si incertains est jeu, comme vous savez, où l'on ne se tient point asseuré de tousjours gaigner. Je loue Dieu de quoy la perte a esté beaucoup plus petite que l'on ne penseroit, y ayans esté prins prisonnier monsr d'Aumalle et le sr de Rohan, que le reste (sic) , comme vous povez juger, que moy et tous les serviteurs du Roy doibvent faire. ”

“ Court de Parlement, envoya [vers led. seigneur Roy] le Procureur General du Roy [et Advocat] en icelle par devers led. Sr luy faire remonstrance qu'il n'appartenoit ausd. Generaulx de porter robbe d'escarlatte et chapperons fourrez, et que jamais leurs predecesseurs ne l'avoient voullu entreprandre; et qu'il n'appartenoit que à la souveraine Court de Parlement qui estoit son ymage et représentation, et creez par st Charlemaigne à l'exemple des cent senateurs de Romme, de porter lesd. robbes d'escarlatte et chapperons fourrez, pour les signiffications d'iceulx habitz expliquez bien au long aud. ”

“ Sr la laissera de tous costez, de maniere qu'ilz n'auront lieu d'entrer à aucune crainte ou frayeur desd. ennemys; les priant très affectueusement de
sa part qu'ilz veullent tenir le peuple adverti de ce que dessus, et pourveoir à toutes occasions dessus, en culx asseurant qu'ilz ne sauroient jamais voir moings de danger et moings aparent qu'il ne vueille encourir une mesme fortune avec eulx, et n'y espargner sa propre vie comme avec ses meilleurs et plus chers subjectz. ”

“ Louis fut successivement évêque de Laon (1510) , cardinal ( 1516) , archevêque de Sens (1535) , abbé de Saint-Denys (1541) , légat en Savoye et gouverneur de Paris et de l'Ile-de-France.
2. Au Registre 1783 (A) , ce paragraphe est notablement modifié et réduit en cette forme : « pour conferer des affaires de lad. Ville, led. Sr luy a monstre lettres du Roy dont la teneur ensuit, adressantes aud. Cardinal. »
3. Cette dernière phrase a été transcrite à une date un peu postérieure,
LETTRES DU ROY A MONSEIGNEUR LE CARDINAL DE BOURBON, LIEUTENANT DU ROY A PARIS 1. ”

“ Mond. sr le Cardinal nous a ce jourd'huy monstré lettres que le Roy lui avoit escriptes, en datte du vie jour de ce moys. Nous n'avons rien obmis de ce que nous avons deu faire pour nostre acquict et descharge, conformément au bon vouloir et intention du Roy. à quoy nous ne fauldrons tousjours à nous conformer comme ceulx qui desirent estre et demeurer ses très humbles, très obeyssans et très
1. Leçon du Registre A : Cedict jour, Monsr le Prévost des Marchans escript une lettres au Roy, dont la teneur ensuit. ”

“ Après, la Court de Parlement marchoit, les quatre Presidens vestuz de leurs robbes d'escarlatte, leurs mortiers d'or en la teste ; A costé d'eulx, messrs des Comptes; Après les Comptes, les generaulx de la Justice des Aydes; Et après les generaulx, le Chastelet dont monsr Aubry, Lieutenant civil, estoit le premier [et tous les officiers du Roy du Chastelet de Paris] ; [Après et] à costé de luy, de l'autre part de la rue et au dessoubz, estoit la Ville : messrsle Prevost des Marchans et Eschevins, Conseillers, Quarteniers et bourgeoys de lad. ”

“ Mon Cousin, vous avez entendu comme, pour la longueur dont le marquis Albert2 usoit sur l'accord et acception des parties que je lui avoys faict proposer par mes ministres deputtez à ceste fin, pour demourer en mon service ou bien aller faire la guerre à l'Empereur en ses pays patrimoniaulx; mon cousin le duc d'Aumalle3 se alla loger auprès de luy avec quelque nombre de ma cavallerye legere, à fin que, en atendant la derniere resolution qui se pretendoit sur led. ”

“ Sr a eues depuis peu de temps sur ses ennemys, mesmes pour la prinse de la ville [de] Danvillers. Et sont allez mesd. Srs à la Saincte Chappelle où estoient mesd. srs de la Court et des Comptes qui attendoient l'Evesque et Chappitre de Paris, pour lad. ”

“ Vous faisant par nous en vostre tant desiré retour que impossible seroit de povoir assez exprimer la congratulation acoustumée estre faicte de bonne, louable et ancienne coustume, nous ne vous povons faire otfre sinon de ce qui est vostre et plus que vostre, de noz personnes, de noz biens, de ce qui est en nostre aisance et puissance ”

“ Que led. Sr a esté bien adverty que l'on a voullu mettre quelque peur parmy eulx, mesmement pour ceste perte de Hesdin, n'a gueres advenue ; mais qu'ilz se sont monstrez si constans et tant sages qu'ilz ont très bien sceu pourveoir et remedier à rompre ce coup, et destourner ce bruyt pour tant mieulx contenir ce peuple. ”

“ Il a advisé despescher par delà, poursuivant l'advis dud. sr Cardinal et par son bon conseil, faire entendre aux gens de sa Court de Parlement et aussi aux Prevost des Marchans et Eschevins de lad.
Ville, l'estat de ses affaires, et comme graces à Dieu ilz se portent de tous costez. ”

“ Tout le monde le scet bien comme il avoit pourveu lad. place de Hedin de quinze cens hommes de pied, cinquante hommes d'armes et de quatre ou cinq chefz de personnages experimentez et dont il avoit asseurance ”

“ I. La reine de Hongrie : Marie (1505-1558) , sœur de Charles-Quint, femme de Louis roi de Hongrie et de Bohême, veuve en 1526, gouvernante des Pays-Bas (15 3 1 - 15 5 5) .
2. Vaudrevange, sur la Sarre, petite place située entre Bouzonville et Sarrelouis.
3. Le Bureau avait fait expédier ces mandements en vertu de certaines lettres du Connétable, sur lesquelles voyez le début de l'article suivant.
lad. eglise Nostre Dame et faire la procession dedans icelle eglise ; ce que mondit Sr de Paris a envoyé dire à lad. Court par monsr le Chantre. ”

“ « Monseigneur, après nous estre très humblement recommandez à vostre bonne grâce, nous prirons nostre Createur vous donner sa grace et en parfaicte santé bonne vie et longue.
« De Paris, ce IXe jour de Novembre Vc LU.
« Voz très humbles obeyssans serviteurs, « Les Prevost des Marchans et Eschevins de la ville de Paris. »
XIV. — ASSEMBLÉE GENERALLE EN LA GRANDE SALLE.
24 novembre 1552. (Reg. H 1783, fol. 23 r°; Reg. H 1782, fol. 52 v°.) ”

“ Sr à la porte Sainct Denis pour luy dire de rechef à l'entrée de lad. porte qu'il feust le plus que très bienvenu ; ce qu'ilz ont faict, et est entré led. Sr à lad. ville environ les trois heures de relevée, à son retour du voyage des Allemaignes.
XVIII. — [MANDEMENS AUX CONSEILLERS ET QUARTENIERS.] 7 janvier 1553. (Reg. H 1782, fol; 77 v°; Reg. H 1783, fol. 35 r°.) Du samedi VIIe jour de Janvier, an Ve LII.
Ce jourd'huy messrs Prevost des Marchans et Eschevins estantz advertiz et semons à la procession generalle qui se fera demain par le commandement du Roy et où led. ”

“ Au jourd'huy, messrs les Echevins sont allez trouver monsr le Pré- vost des Marchans en son hostel, duquel lieu sont partiz ensemblement, environ les sept heures du matin en habitz des champs, pour aller à Sainct Denis en France assister à la solempnité qui se fera cedict jour à remonster les Corps Sainctz, suivant le mandement du Roy, et où led. Seigneur estoit en personne.
Eulx arryvez à Sainct Denis, sont allez descendre en la maison du Greffier qui avoit esté retenue pour eulx ”

“ De rechef lad. Court leur envoya signiffier qu'ilz eussent à les oster, en peyne de dix mil livres parisis d'amende, dont ilz ne feirent pas grand compte ; mais depputerent aucuns d'eulx pour aller vers le Roy pour luy demander congé et permission de porter lesd. chapperons fourrez; qui leur fut donné pour ceste foys, soubz leur donner à entendre. ”