Arthur Rosny

“ Les vivres, ad ce qu'ils m'ont compté renchérissent fort audict Calays. Il est vraye que les gens de guerre pour ceste heure ne s'en sentent gueres A raison qu'ils vivent à la taille. Tout le pays d'Oye est fort ruyné et sans la faveur qu'ilz ont des pays de l'empereur Hz seroient bien en plus grande extremité.
Il se faict bien des deffences generalles oudict pays que l'on n'ayt à porter vivres ny a voz subiectz, ny aux Angloys, et ceulx qui en portent de deça sont bien rigoureusement chastiez, mais non ceulx quy en portent ausdicts Angloys. ”

“ Or combien quil ait satisfait à la contribution de la guerre offensive sellon les traitez comme à la vérité il en a recongnoissance et quittance en forme très bonne et très ample, si est-ce que aïant envahi le Roy en son royaulme ès années 42, 43 et 44 Il a enfrainct manifestement ledict traicté de paix et pension perpétuelle Et si l'on dit que la guerre a esté juste, pour ce que lors luy estoient deues 7 ou 8 années des payemens que Ion devoyt faire pour l'acquit des 2 millions d'or. ”

“ Autant de gens de guerre d'Arthois qui veullent estre au souldre des Anglois le Roy leur donne paye et demie et leur faict faire serment et deffence sur le hart de ne prendre aulcuns Franchois à mercby, mais tout tuer hommes, femmes et enffans : plusieurs y sont de cette ville de S'-Omer et des païs à l'enuiron, qui est la cause porquoy en auons souuent nouuelles. ”

“ Comme je veulx bien faire que mes affaires envers les Anglois vont Dieu mercy de bien en mieux, car outre l'ordre que j'ay donné par la terre de brider Boullongne, je tiens le port de si prez qu'il sera bien mal aisé qu'ils en ayent doresnavant secours Et espere que bien tost en aurez-vous encores de meilleurs nouvelles. ”

“ La plus grant part ont esté taillez en pièces. Il en a esté icy amené huict ou dix entre lesquels il y a un homme d'apparence. Hz disent qu'ils attendoient de la grant artillerie qui leur doit venir de Calais et qu'ils sattacheroient à quelque une de noz places memes à Ardres ou à Montreuil. Parquoy je vous prye donner ordre d'y faire marcher la diste enseigne de voz gens de pied, et faire advancer les gens d'armes, estant nouvelle que le roy vous a envoyé par delà avecques un bon renfort qui nous sera moyen de luy faire bon service. ”

“ Ce que nous mandons et très expressement enjoignons declairer et faire entendre a nos dicts gens de guerre chevaulx legiers en faisant leur dicte prochaine monstre Qu'avons ordonné leur estre faicte pour ung quartier commençant assçavoir des bandes des srs d'Autingues et de Sinpierre au 18e jour de ce present mois Et celle du cappue Pelloux le XIIe de décembre prochain, leur enjoingnant et commendant de par nous que incontinent après ladicte monstre faicte et avoir receu payemens à la raison cy dessus declairée Hz aient à vivre en la maniéré susdite sur peyne de la vye. ”

“ Touttes fois, sire, sa resolution est quil se remect ad ce quil vous plaira luy commander et ce que Vous estimerez estre de plus important pour vostre service, Se tenant pourasseuré que vous regarderez à luy faire conserver son crédit avec ceulx de sadite nation dont Il faudra qu'il s'ayde pour vostre dict service. ”

“ Combien qu'il ayt faict tirer le moins quil luy a esté possible pour n'avoir en sa place que troys ou quatre piecces dont on se puisse aydcr pour tirer ausdicts vaisseaulx. Quant à moy je ne veulx faillir à vous dyre ce que j'en sens. C'est que quelque chose que l'on veuille dyre on offence de là si fort ces vaisseaulx qui s'efforcent de passer (ce que l'on a peu veoir et
congnoistre par plusieurs foys) que l'admonition qui sen va en cela profficte beaucoup pour le service du Roy, et a ceste occasion, saichant que sy on cesse d'y tirer, pour ung vaisseau quil y entre Il y en entreroyt troys. ”

“ Vous deffendant aussi de passer à ladicte monstre aucuns harquebuziers ny aultres personnes silz ne sont montez, armez, portans lance et en l'estat et esquypaige que doibvent estre les gens de guerre de ladicte quallité de chevaulx legiers et cappables de nous faire service. ”

“ Et generallement advisera ledict duc d'Aumale sur toutes choses quil cognoistra concerner le bien et aduantage du service du roy et la seureté de ses places et de ses forces qu'il a par delà, selon l'entière et parfaicte science (lire: fiance) que ledit seigneur a en luy.
Dauantage fera venir par deuers luy La Fontaine pour entendre de luy ce quil a faict en execution de la commission qui luy a esté baillée pour le faict des vivres Et ordonnera aux munitionnaires des places quils gardent l'ordre à fournir et tenir plains leurs magasins ainsy qu'ils ont promis au Roy. ”

“ Roy d'Angleterre est de sa conscience responsable à Dieu et aussi que parvenu en aage Il sçaura bien
e si ire ce qui lui sera salutaire et utille. Et ou cas que l'on soit d'accord de la restitution de Boullongne, paf ung mesme moyen pourra estre accordé de l'exécution dud. traicté soubz les 2 formes qui s'ensuivent: c'est assavoir : Que le Roy asseurera le Roy d'Angleterre par lettres de bancque en forme de depost à son contentement dedans la ville de Londres de la somme à quoy aura esté convenu païable icelle somme aud. ”

“ Ledict Villegaignon, comme j'ay peu veoyr par vostre dicte lettre, vous a mandé qu'il estoyt prest à partyr Et que si l'on veult II se mectra en effort de combler de nouveau le port de Boullongne Espérant d'y faire en telle sorte que les Angloys ne le pourroyent descombler, En luy tenant seullement escorte une marée Je ne puis veoyr de quelle façon il entend en sortir a son honneur. Car je trouve ceste choze plus difficile que jamais. Que s'il ne s'ayde en cela d'aultre chose
que de ce que l'on a faict cy deuant Il est impossible que cela réussisse comme il le dict. ”

“ Pour nouvelles ne vous sçauroie faire sçauoir sinon belliqueuses et destructiues des pays tant d'Arthois que Boullenois. Le roy d'Engleterre a faict publier par toutes les frontières de decha la mer de non permettre les franchois porter vivres à Ardres sur peine de la hart, et de tout tuer hommes, femmes et enfants. ”

“ Roolle de la monstre et reveue faicte à la tour d'Ordre près Boullongne sur le mer le 3e jour de novembre 1350 de 22 hommes de guerre à pied picardz estans de présent pour le service du Roy en ladite tour, pour la garge, seurlé et deffense d'icelle, soubz la charge du sr de Heucourt. leur cappitaine, sa personne y comprinse, par nous Jehan de Bournoville, escr, sr d'Amiringant, commissaire ordonné à faire la dite monstre et reveue pour ung mois commençant le 1er jour du mois de novembre. Desquelz XXII hommes les noms et surnoms s'ensuivent. ”

“ Sire : en signant ceste despesche j'ay encores reçeu de vostre ambassadeur en Angleterre ung pacquet à vous adressant que je vous envoie, lequel ad ce qu'il ma escript vous faict présentement entendre la responce que luy ont faicte ceulx du conseil d'Angleterre sur ce quil vous avoit pieu luy commander dire de vostre part. Signifiant en substance quilz sont délibérés de vous faire la guerre et que à ceste fin font toutes dilligences d'assembler gens de guerre de toutes parts. ”

“ A quoy il vous plaira tenir la main et n'est possible de tenir par deça moins de gens, ne faire les choses à moins de frais pour la seureté desdictes places que ce que j'ay demandé, qui sont imm hommes et quatre cens hommes d'armes, et j'en ay 350 et 3,000. J'adjousteray encores cest article pour vous supplyer de donner ordre que le payement des XIIe hommes estans à Ardre, soit envoyé, lequel eschet le xin0 et xve du présent, semblablement celluy de la gendarmerye qui est audict Ardre. Car si ce mylord Wardon descend, il sira plancter devant ladite place avant que le dit paiement y soit entré. ”

“ Ne pouuant, Sire, sur tous ces advertissemens asseoir jugement de ce quilz ont deliberé faire pour tenir ce quilz ont de gens passez deça qui sont en nombre de huict à neuf mil hommes tousiours ensembleet logez à Calais,à Mercq,à Oye,et à Guynes, sans quil en soit encores passé ung seul à Grauelingues et à St Omer pour aller en Flandres ainsi quilz en ont faict courre le bruict. Et ny peuuent longuement demourer sans entrer en jeu tant pour espargner leurs viures que pour estre la saison desia bien advancée pour faire effort ceste année silz en ont enuye. ”

“ Pour les dernières nouuelles, Lundi dernier, me de march, deux hommes de guerre auecq ung marchant de drap de St-Omer sont venus de la ville de Callais, lesquels ont veult touttes munitions de guerre, si comme artilleries, pouldre, boullés, harnas, bastons, victualles, instrumens de pionniers, venant de Londres et de Douvres par nauires et basteaulxà Callais, mesme une maison estoffée tout de ploncq qu'on dit que le roy d'Engleterre a enuoiet : l'on estime que c'est pour veoir la basterie de Ardres et aultres villes à son plaisir. ”

“ Royaumes aller venir de lieu en aultre, y demorer tant que bon leur semblera, frequenter ensemble, trafficquer, vendre, achapter, transporter et emmener les choses par eulx achaptées et quils auront de juste acquest, saynement et sans aucun empeschement sans quil soit besoing de sauf conduit, demeurans tous jours en leur entier ès loix et statuts des Royaumes et citez ainsi quil a esté loisible faire par les anciennes confédérations. ”

“ Arrivâmes à Calais le 8 ou 10 d'octobre ensuivant, ou en la premiere communication faite auec les ducs de Norfolk et Suffolk, comte d'Urfoch, Evesque de Vincestre, secretaire Paget et autres en la presence dudit sieur d'Arras et du sr de Courrieres, les dessusdits nous declarerent absolument l'intention de leur maistre estre de ne rendre Boulogne, ny entrer en alliance ny autres capitulations avec nous, sans accorder premièrement nous vouloir départir d'alliance auec Escosse,au moyen de quoy nous n'entrâmes pas plus avant en la declaration de nos offres particulières. ”

“ Le lendemain, qui estoit samedy qu'on partit de Bains pour venir en ceste ville, cest advertissement fut confirmé par le capitaine de Gravelingues qui adjoustoit la prinse de Blaquctet dont tout ce monde fut fort émerveillé pour la célérité de cette exécution et le peu de résistance qu'on avoit trouvé aux Anglois lesquelz s'estoient vantez d'avoir si bien pourveu à leurs fortz quilz ne
craignoient la puissance des hommes à tout ce moins pour cest esté, de sorte, Sire, qu'on ne pouuoit bonnement croire que cest advertissement fust vray jusques à ce que je l'eusse confirmé par les lettres qui! ”

“ Seront la Royne et Royaume d'Ecosse, comme confederez, comprins en ce présent traité, ausquels ne pourra ledit Roy d'Angleterre sans nouvelle et juste cause venant de leur costé faire guerre et sera ladite Royne tenue dans 40 jours à compter de la datte de ce present traité declarer par lettres scellées du grand sceau d'Escosse quelle a, en tant que ce traicté luy touche, pour agréable, sauf, tant audicts Roys que à lad. ”

“ Les Anglois les ont pilliés et tous despouilliés, puis les cappitaines ont dict: Messieurs, quant à
nous, qui vous avons prins à merchi, nous vous laissons la vie saulve, mais quant aux gens de guerre nous ne nous en meslons point. Tellement que le bruict court en ceste ville de SLOmer que les piettons entrèrent dedans icelle église et tuerent tous ces poures païsans sans en eschapper ung seul ; aulcunes femmes entrèrent par une verrière pensant saulver leurs maris et enffans, mais autant quil y en entra furent toutes tuées ”

“ Pour monstrer et faire cognoistre à l'Empereur comme le tort est du costé des Anglois, il luy dira que quant le Roy a eu longuement attendu raison des torts quils luy tenoient et après l'avoir mené de belles parolles le protecteur d'Angleterre lui a fait entendre quil ne falloit point quil s'attendist jamais d'auoir paix ne amitié avecques le roy d'Anglettre, son Me S'il ne habandonnoit les Ecossois et luy rendist la Royne d'Escossc. ”

“ Desquels hommes d'armes et archers nous avons trouuez en bon et suffisant estat pour servir le Roy nostre dit sr ou faict de ses guerres et par tout ailleurs où il luy plaira, cappables d'avoir et prendre les gaiges et souldes ordonnés par le Roy nostre Sire pour le quartier d'avril, may, juing 1543 dernier passé. ”

“ Et que l'ordonnance que le Roy d'Angleterre a faicte des gens de guerre quy doibvent passer la mer est de 10,000 hde pied et mil chevaulx Et que pour leur vivre Hz avoient desjà mis en farines xiuim quartiers de bled, quy est ung septier et demy mesure de paris chacun quartier, qu'ils feront passer deça et 5,000 quils mectent oultre ce dedans leurs navires de guerre : par où on pourroit juger que ce seront pour nourrir lesdicts 10,000 h. ”

“ Monsieur mon filz jay reçeu vostre lettre faicte pour responce. 11 fault que vous advertissiez à la court de ceste muraille tombée en vostre ville Affin qu'il vous soit envoié argent pour y besongner Car il fault quil vyenne de là. Au regard de ce qu'on demande à ceulx de Rollencourt et autres villaiges du comté de St-Poi Il fault bien quilz se gardent den riens bailler. A quoy vous debuez bien tenir la main Car ce seroit permis une chose qui pourroit préiudicier cy après au Roy
Et n'y auroit propos de la souffrir principallement de ceulx dudit Rollencourt, estant la place entre voz mains. ”