“ Comment le roy d'Espaigne, accompagné des autres rois, alla inviter Jehan de Paris 1.
Vrayement, dist le roy d'Espaigne, il vault mieux qu'on aille vers luy, et ne puis croire que ce ne soit un sage homme. Sy iray, si je ne le pourray admener, et croyez que ja ne sera ma faulte qu'il ne se vienne festoyer avec ses dames. — Je yray avec vous, dist le roy d'Arragon, et ainsi dirent tous les autres. Le roy d'Angleterre, pour faire du bon varlet, dist : Certes, messeigneurs, je yray, car nous sommes venus longtemps ensemble ; si en viendra plus volontiers, car dejà l'avois semons d'y venir. ”

“ Vrayement, ma fille, vous dictes verité. Si envoyerai devers ses gens qui sont venuz, pour le faire fournir de linge et vaisselle, et tapisserie, et tout ce qu'il luy sera necessaire. Si apella son maistre
78 LE ROMAN
d'hostel et luy dist : allez au quartier qu'avez delivré à ses gens, et leur faictes bailler tout ce qu'il leur fauldra. Le maistre d'hostel y alla et les trouva tous embesognés : les uns faisoient barrières, les autres rompoient maisons pour passer de l'une en l'autre, les aultres estendoient la tapisserie; il sembloit que ce fut un monde. ”

“ Tous les princes avec lesquels il se rencontre, bien qu'un peu étonnés d'un tel faste chez un simple particulier, consentent à le traiter avec honneur. Il donne une fête d'une richesse dont rien ne pouvoit approcher ”

“ Un certain attrait nous pousse tous, plus ou moins, à rechercher les particularités intimes de la vie des personnages que l'histoire fait poser, devant nous ; cette curiosité est, ici, très amplement satisfaite. ”

“ Pour seize années de la vie du grand siècle, on y trouve , en effet, outre la relation de tous les actes importants de la minorité et des premiers-jours du règne de Louis XIV, le récit détaillé de ces mille petits faits divers qui préparent, qui expliquent les grands événements ; qui ont passé presque inaperçus des contemporains eux-mêmes, et dont les plus pénibles et les plus minutieuses recherches n'amèneraient pas toujours l'historien à saisir la trace ailleurs. ”

“ Le roy d'Angleterre estoit au bort de la rivière, lamentant ses gens qu'il avoit perdus, et regardoit comme Jan de Paris passoit. Il fut esmerveillé de ce que personne de ses gens ne demoura noyé en la rivière. Et quand ils furent oultre, le roy commença à dire à Jan de Paris : Mon amy, vous avez eu meilleur heur que moy en ceste rivière, qui y ay perdu largement de mes gens. Lors Jan de Paris se print à soubzrire, qui luy dit : Je m'esmerveille de vous, qui estes si puissant et riche, qui ne faictes porter un pont pour passer vos gens. ”

“ Mon amy, dictes luy que Jehan de Paris suis appelé. Le herault ne l'osa plus interroger, doubtant luy deplaire. Si s'en retourna vers son seigneur, tout emerveillé de ce qu'il avoit veu. Si chevaucha fort jusques à ce que il fut venu vers son maistre. Et quant il fut à luy, il luy compta les triumphes et nouvelles qu'il avoit ouyes et veues. Et luy dist qu'ilz estoient environ deux cens chevaulx tout d'un poil, et y avoit ces hommes et ces pages tout d'un mesme habit et mesme aage, les plus belles gens que jamais avoit veu. Si croiroye plustost que ce fussent espritz mortelz ”

“ Si dist le herault grant mercy. Si chevaucha le herault parmi la presse, voyant si grand triumphe qu'il en estoit quasi en reverie. Si chevaucha
52 LE ROMAN
tant que il vit celuy que on luy avoit dict, et le salua honorablement en disant : Très hault et puissant seigneur, ne sçay vos tiltres par quoy vous puisse honorer ; si me aurez pour excusé. Plaise vous scavoir, mon très redoubté seigneur, que le roy d'Angleterre, mon maistre, m'a envoyé par devers vostre seigneurie scavoir quelz gens vous estes, car il est ici bien prez et desire fort estre en vostre compaignie. ”

“ Quand le roy de France vit leur grand humilité, le cueur luy attendrit et eust grant pitié d'eulx , et leur respondit en ceste manière : Chers amys, je vous remercie de la grande affection que avez envers moy, et sachez que vostre fille n'est pas à refuser, et se Dieu donne gracé à mon filz de vivre en aage parfait, et vostre fille, je seroye fort joyeulx que fussent conjoincts par mariage ensemble. Se Dieu me donne grace de vivre jusques à l'heure, je vous prometz que mon filz n'aura aultre femme que vostre fille. ”

“ Tantost vindrent les autres XXV chariotz, tous couverts d'un velours sur velours cramoisy broché d'or, moult riche frange d'or de Cyprel; si reluisoit contre le soleil à merveilles. Quand on les vit approcher, chacun s'avança pour regarder, les seigneurs et dames comme le populaire.
Comment les chariotz de la vaisselle de Jehan de Paris entrèrent.
Certes, dist la pucelle, je crois que Dieu de paradis doit arriver à ceste heure. Est- il homme mortel qui puisse tel noblesse assembler. ”

“ Messeigneurs, nostre maistre est à table, mais ce nonobstant, il veult bien que vous entrez ; or vous en venez aprez moy. Il se mist devant les barons aprez, et quand il entra dans la salle, il se getta à genoulx; aussi firent les Angloys quand ilz veirent ung tel estat, et que Jehan de Paris estoit à table tout seul et ses gens autour de luy, et ceulx à qui il parloit mettoyent le genoul à terre, si en furent esbahis. La salle estoit toute tendue de riche tapisserie, et le ciel et le parement bien tendu aussi : Jehan de Paris festoya bien les Angloys et leur fist bonne chère. ”

“ Messeigneurs, Jehan de Paris est il en ceste compaignie? — Sire, dist celuy, nenny. Il ne viendra encore de deux heures, car luy et ses principaulx disnoient aux champs ; mais nous sommes commis pour la garde de ses XXV chariotz qui sont icy devant. Quand les chariots et les deux cens hommes d'armes eurent passez, le roy dist qu'on allast disner cependant, mais les dames luy firent requestes qu'il laissat bonnes gardes à la porte pour veoir quand il viendrait, car elles disoient : Tous ses gens sont passez, si n'en maine pas guère avec luy ”

“ La rareté native et le prix exorbitant de ces publications les rendaient inabordables pour le plus grand nombre des lecteurs, et particulièrement pour ceux qui lisent pour les autres : les littérateurs ne sont pas tous assez riches pour acheter des livres sans regarder au prix. ”

“ Leroy deist à Jehan de Paris : Mon amy, vous et vos gens avez trouvé bons habillemens contre la pluye et le mauvais temps. Car luy ne ses gens n'avoient nulz manteaulx. Et alors n'en usoient point en Angleterre, et aussi ne sçavoient pas la maniere de les faire, et si portaient les Angloys leurs bonnes robes qu'ilz avoient fait faire pour les nopces. Car en leur pays n'estoit point nouvelles de porter malles ne mener bahus. ”

“ Quand elle fut devant le roy de France, elle se mist à deux genoulx d'aussy loing qu'elle le peult veoir, et de là ne se voulut lever jusques à ce que le roy descendit bien hastivement, et la dressa, puis la baisa. Et la royne, qui moult sage dame estoit, va dire telles parolles : « Helas, très hault et puissant roy, qui benigne grace avez donné à ceste pauvre captive, c'est chose impossible à tous les humains, mais Notre Seigneur Jesus-Christ doint grace à monseigneur mon mary et moy d'y faire le possible et y vueille par sa saincte bonté le residu parfaire. » ”

“ Et le roy disoit parfois à ses gens: cest homme est fol de ainsi aller despendant le sien par le pays à si grande triumphe, se fut il empereur ou roy. — Sire, dirent ils, il a moult belle contenance ; s'il ne fust bien sage il n'eust sceu assembler pour argent une telle compaignie. — Rien vray, dist le roy, et si ne sçay que penser. Mais ce m'est chose impossible à croire que le filz d'un bourgeois de Paris puisse maintenir cest estat. Puis picquoit et venoit parler à Jehan de Paris, qui ne tenoit compte de luy que bien à point en bonne forme. ”

“ Le roy d'Angleterre, qui ouyt parler de ceste fille qui estoit tant belle et saige et bien moriginée, si pensa en luy mesmes qu'il estoit bon qu'il la fist demander. Si envoya en Espaigne une moult belle compaignie de ses barons et chevaliers en ambassade pour demander la fille en mariage, et donnèrent les ditz ambassadans de beaux presens au roy et à la royne, à la fille, aux barons et chevaliers d'Espaigne; pour mieux attraire à leur fille, et elle leur fut accordée, dont la fille ne fut pas contente, car on lui avoit rapporté que le roy d'Angleterre estoit jà fort vieulx ”

“ Le roy et la royne d'Espagne firent nourrir leur fille moult bien, et luy firent aprendre toutes bonnes meurs et à parler tous langages, tant qu'on ne sçavoit fille en tout le royaume d'Espagne plus belle, plus sage et plus gracieuse, mieulx moriginée qu'elle estoit. Le père et la mère, c'est assavoir le roy et la royne, devindrent vieulx, qui aultres enfans n'avoient que celle fille, de l'aage de quinze ans. ”

“ Lors Jehan de Paris respondit au roy en ceste manière : Sire, vous qui estes roy et grand seigneur, deussiez faire porter à vos gens maisons pour eulx couvrir en temps de pluye. Le roy, pour ses parolles, se print fort à rire, et luy respondit : Pardieu, mon amy, il fauldroit avoir des helephans grand planté à porter tant de maisons. Puis se retira devers ses barons, en disant en se riant : N'avez vous pas bien ouy que ce gallant a dist? ne monstre il pas qu'il est fol. ”

“ Si furent esmerveillez les deux rois, quand ilz alloient par les rues, de veoir si belle tapisserie, car il leur sembloit un paradis dés grans plaisirs qui luy estoient tout plain de gens d'armes, et point ne faisoit aucun semblant de eulx desarmer. Et quant ilz furent arrivez devant le logis, si trouverent le capitaine de la garde qui à merveille estoit bel homme, et qui estoit en un moult riche estat ; le roy luy dist : Sire, pourrons-nous point parler à Jehan de Paris? — Et qui estes vous? dist le capitaine. ”

“ Puis dist Jehan de Paris à ses barons : Allez baiser toutes ces dames, nous nous irons reposer. Si print les deux roynes par les mains et dist au duc de Normandie, qui après luy estait, qu'il lui admenast la damoyselle; il s'en va asseoir au plus noble lieu de la table, qui grande estoit, et se assit au milieu des roynes ; puis dist au duc d'Orléans, son cousin : amenez moy ce que vous ay baillé ; vous n'estes pas si honteux que ne prenez du meilleur endroict, dont chascun se print à rire; puis dist haultement : Messeigneurs, prenez place, car nous avons prins la nostre. ”

“ Et quand ilz s'en furent allez, le roi cuidoit dormir , mais il ne peult ; si veilla là toute la nuit en pensant à la beauté qu'ilz luy avoient dict qui estait en la fille, car elle luy estoit jà entrée au cueur; mais il doubtoit le refus, pour ce que le roy d'Angleterre l'avoit jà fiancée; se delibera en soy une moult belle façon et estrange à faire, laquelle il proposa en son entendement de la parfaire et accomplir, et la mena à fin le plus sagement que ne fist homme. Quant vint au matin, le roy se leva, qui n'avoit pas oublié la besongne ”

“ Deux cens hommes d'armes arriverent bien en point, armez et bardez comme le cas requiert, et alloient deux trompettes devant et deux tambourins de suisse à un fifre, et estaient montez ces gens sur bons coursiers, qu'ilz vous faisoient saillir et faire pennades que c'estoit une triumphe à les regarder, et vendent deux à deux en fort belle ordonnance. Le roy d'Espaigne demanda au roy d'Angleterre qui estoient ces gens. Sire, dist le roy d'Angleterre, je n'en sçay riens, car point ne les ay veuz en voyage. ”

“ Si vous prions que le nous veuillez nommer. — Vrayment, dist Jehan de Paris, c'est chose bien aysée à entendre, car je croy que de maistre d'hostel, d'escuyers et de secretaires elle est bien fournie, mais voluntiers, quand dames sont loing de leur pays, elles en desirent souvent avoir des nouvelles, et pour elles a besoing d'ung bon cher vaucheur. Quand ils entendirent ces parolles, chascun se print fort à rire. — Or par Dieu, dist le roy d'Espaigne, Sire, vous sçavez bien ce qu'il fault aux dames, mais en voz motz il fault tousjours gloser. ”

“ Si n'a pas bien esté regardé de mettre tant de gens en ceste ville. — Par Dieu, dist le page, qui là estoit, lequel estoit duyt à entretenir dames et seigneurs, car autrement n'eut eu la charge de demourer en ce lieu, il ne vous fault riens doubter, car ils viennent icy pour nul mal vous faire, ne tant y a que, quant vous luy feriez refus, s'il se courrouçoit contre vous, vostre cité ne vous sçauroit garantir. ”

“ De la feste et triumphe je m'en passe. Quant ce vint le soir, le roy Jehan dist quepoint ne coucherait au palays, et pour ce furent lesdames en son logis avecque la mariée. Quand elles virent les merveilles qui y estoient, toutes disoient que à bonheur estoit la pucelle née d'avoir ung tel prince; espousé, et qu'elle avoit faict en peu d'heure un beau change. La pucelle estoit si joyeulse qu'elle ne sçavoit quelle contenance faire. Cependant que les dames la deshabilloient, le roy Jehan arriva avecques belle compaignie ”

“ Mais quant est de me advouer de vous et de vostre subjection, cela ne vous fault-il penser, car, par mon Dieu, pour vostre royaulme ne le feroye, ne vostre argent je n'en ay que faire, car j'en ay plus que vous .Quant le roy se ouyt ainsi refuser, il fut dolent, et eut bien voulu que Jehan de Paris fut encore en France, doubtant que s'il alloit à Burges, son estat n'en serait pas si prisé contre le sien. Si ne luy osa parler forz qu'il luy dist : Par vostre foy, pensez vous point venir ? ”

“ Si estoient couvertes d'orfaveries, et leurs chevaulx aussi, jusques à terre, et estoient douze trompettes. Après venoit le capitaine, qui portait une banière de taffetas bleu, et n'y avoit nulles armes, de paour d'estre congneu; si estoit monté sur un beau cheval tout couvert de damas violet semé d'orfaverie, et estoit habillé de la même couleur. Si le cheval estoit fier, aussi estoit le maistre qui dessus estoit, et après luy venoit mille cinq cens hommes d'armes montez et habillez richement. ”

“ Si leur bailla un sien maistre d'hostel et leur dist : Or, allez de par Dieu, mes amys, et s'il vous plaist et avez affaire de quelque chose, demandez le et je vous le feray delivrer. — Grandz mercis, sire, dirent les héraulx. Si s'en allèrent par la cité, et leur vouloient bailler logis pour trois cens; chevaulx; mais ilz n'en tindrent compte, et furent ramenez devant le roy, qui leur demanda s'ilz avoient assez de logis. Par Dieu, sire, nenny, car il nous en faut bien dix fois autant avant que nostre maistre et ses gens puissent loger. ”

“ Beaux cousins, je vous ay envoyé querir comme mes principaux amys et de mon filz; vous avez ouy les grans biens qu'on dict estre en ceste fille d'Espaigne; il est temps, comme vous voyez, que le roy, mon filz, soit marié. Si me suis pensé que plus bel mariage on ne pourrait trouver, se la fille est telle comme on dict ; pour ce vous prie que m'en conseillez : car bien croy que si le roy d'Espaigne sçavoit que mon filz la voulsist avoir, voluntiers la luy donneroit. Les seigneurs regardèrent la royne et luy dirent que mieulx ne pouvoit faire. ”

“ Qui estes vous, messeigneurs ? —Nous sommes les conducteurs des chariotz de Jean de Paris, qui icy viennent après nous. — Hé ! Vierge Marie, dist la pucelle, que voila ung estat triumphant pour le filz d'ung bourgeois de Paris. — Pensez vous, belle soeur, dist le roy de Navarre, que j'en suis estonné; par mon Dieu, il me semble mieulx estre un songe que autre chose. ”