“ Au dict an 1520, le jour de la feste de Pentecouste, le roy d'Espaigne, comte de Flandres et archeduc d'Autriche, vint d'Espaigne, pour s'en Tenir en Flandres ; et, pour ce faire, passa la mer et arriva ce jour en Angleterre où y estoit pour lors le roy d'Angleterre, son oncle à cause de sa femme ; lequel estoit en la cité de Londres, qui receut honnestement le dict roy d'Espaigne, comme en tel cas est requis ; et fut le dict roy en Angleterre, jusques au lundy ensuyvant, qui sont deux jours; auquel jour il s'embarqua et se mist en mer1. ”

“ Le dict comte Dorie a dit à Jean Joachin de la Specia, homme de Madame de France, qui estoit là de par monsieur de Lautrec, qu'il attend plus de trente gallères des Vénitiens avec ceulx de la France, qui seront bien vingt. Et si la chose est, les Espaignolz auront bien affaire. Il y a beaucoup de vivres, c'est assçavoir grain et vin, mais le vin est cher pour la difficulté de le faire; et Naples n'est point moins deffaict que Rome. ”

“ Lors le Roy oyant ces nouvelles, le vendredy xie de mars, fist faire une belle procession généralle à Paris en grande solemnité où il se trouva en personne à pied avec toute la noblesse ; c'est assçavoir monsieur d'Alençon, messieurs de Vendosme, de Longueville, la Trimoulle, le grand-maistre de France, le bastard de Savoye, le seigneur de Pont-de-Remy 2, de Roussy et aultres gros seigneurs; aussi la cour de Parlement, les seigneurs des comptes, le prévost et eschevins de la ville, et les archers et arbalestiers d'icelle, avec grand nombre de bourgeoys et de peuple. ”

“ Au dict an 1522, en juillet, le dict Grand Turcq, après avoir par luy subjugué le dict royaume de Hongrie, comme dict est cy dessus, il alla à Rhoddes et mit son siège, et assiégea la ville tant par mer que par terre avec une grande et merveilleuse armée, qui estoit estimée à plus de troys cens mille hommes combatans, et avec luy plus de troys cens grosses navires avec galiotz et galions sans nombre. ”

“ Madame la Régente, par le maistre d'hostel de mon vice-roy de Naples ay receu voz lettres gratieuses et piteuses pour l'infortune survenue au Roy vostre filz; il m'a despleu que d'heure il n'a voulu entendre à la paix d'entre luy et moy et conséquemment de toute crestienté, laquelle sçavez mieux que autre ay pourchassée de mon pouvoir, sans avoir esté ouy de vostre fil ; mais Dieu qui est conservateur du sang humain, qui congnoist ma vraie intention, m'a de sa grâce donné victoire de laquelle ne veulx user par vouloir extrême, mais persévérer en ce bon vouloir de la paix universelle ”

“ Si advint un grand miracle, c'est qu'un pauvre escolier qui avoit ses ordres de prestrise, sans qu'il eust chanté une messe seulement, pour avoir beu du vin que les mutins luy donnèrent à boire en la rue, il fut prins et pendu en une potence sur le pont de
Saulne, et incontinent qu'il fut pendu et que le bourreau fut descendu de ladicte potence, cheut et le pauvre homme aussi, et fut trouvé qu'il n'estoit estranglé ne mort, combien que le bourreau le cuidoit bien avoir estranglé. ”

“ Marseille, qui venoit de devers l'Empereur qui estoit en Espaigne, et alloit vers le duc de Bourbon, et avoit avec luy dix ou douze gros seigneurs d'Espaigne; entre aultres on disoit que le filz de l'admirai d'Espaigne y estoit. Et fist la dicte prinse un cappitaine de mer genevoys, nommé messire André Dorie, qui estoit de la lignée de Frégouzes1, laquelle lignée tient pour le roy de France, et lequel Dorie estoit des bannis de Gennes, à cause qu'il tenoit le party pour le roy de France ”

“ Et le jeudy vingt et troysiesme jour du dict moys et an, le Roy, la Royne, madame la Régente, sa mère, et toute sa noblesse allèrent à Sainct-Denis, en France, en voiage et dévotion ; et ce dict jour furent montées les chasses des glorieux Sainct Denis et ses compaignons, et furent mises sur le grand autel1 ; et y eust une grande messe dicte solemnellement, présente toute la noblesse ; et se confessa le Roy à la personne du prieur des Célestins de Paris, qu'il voulut avoir, et fist ce voyage en grande dévotion, affin qu'il pleust à Dieu de luy donner victoire contre ses ennemis. ”

“ Dont après, il tira son armée et fit mettre le siège devant la ville de Fontarrabie , qui est sur la mer et l'une des meilleures de Biscaye et la plus forte ; et si est la clef pour entrer en France, et dont le chasteau d'icelle est assis sur le dict roch, qui est quasi imprenable, pourveu qu'il soit garny de vivres ; et que par l'avoir battu par plusieurs foys d'artillerie par noz gens, la dicte ville fut rendue au dict seigneur admirai, pour le roy de France, par force d'armes et par un assault qui y fut donné, où y fut tué des ennemis de huict à dix mille hommes ”

“ Au dict an 1526, au mois de septembre, vindrent nouvelles que le Grand Turc avoit destruict et gaigné le royaume de Hongrie, avec grande armée qu'il avoit avec luy, et que le dict roy de Hongrie, en s'enfuiant, après avoir perdu la victoire, s'estoit noyé en passant un fleuve, et après la desconfiture fut prinse sa femme et ses enfans et furent prisonniers du Turc, qui fut grand pitié. Iceluy Roy estoit jeune, environ de l'aage de trente ans, et avoit espousé la seur de l'empereur d'Allemaigne Charles Ve de ce nom, nommée madame Yoland1. ”

“ Et luy fut baillé pour confesseur un docteur en théologie, nommé monsieur Merlin, curé de la Magdaleine, en le conduisant jusques sur l'eschafaut qui estoit préparé à la dicte place de Grève ; et y avoit à le mener moult grande compaignie, tant d'archers, arbalestiers, le guet à pied et à cheval avec les sergens du Chastelet; et y estoient le lieutenant criminel et procureur du Roy du Chastelet, et le dict de Vignolles qui estoient devant luy ; et y avoit grand nombre de peuple par les rues et en Grève. ”

“ En ce temps il y eust grande mutinerie en Angleterre du peuple contre le Roy et le cardinal d'lors 1, parceque le Roy vouloit lever grosse imposition sur le peuple pour mener guerre en France à cause de la prinse du Roy, dont furent tuez les commissaires qui cueilloient les deniers, et fut contrainct le Roy et le cardinal d'eulx retirer en forteresses, et tellement que le Roy fut contraint d'envoier ses lettres patentes déclarant qu'il ne leur demandoit rien à tousjours, et estoient bien mutinez vingt et un mil hommes1. ”

“ En l'an 1521, la veuille de Sainct-Jean Baptiste, la ville de Milan et toute la duché cuyda estre perdue pour le rôy de France et prinse des ennemys, parce que le seigneur Mauffre Palvasin', accompaigné de grand nombre de banniz avec aultres, descendirent à Cosme et sommèrent le gouverneur de la ville de rendre icelle ville pour le duc de Bar', frère puisné du seigneur Maximilian qui estoit en France ; et, à son refïuz, il le mettroit à sang et à feu, comme il luy estoit commandé par le dict duc ; ce que le dict cappitaine refusa. ”

“ Au dict an, le quatorziesme d'octobre, fut décapité René de Bonnevile, général des monnoyes, à Paris,
par sentence du lieutenant criminel Maillard, confirmé par arrest. Et ce pour avoir par trahison tué en sa maison le frère de sa femme, le jour de Nostre-Dame de mars précédent. Lequel sien beau-frère il estoit allé querir pour venir disner avec luy, mais c'estoit pour le tuer, comme il fit. Parquoy il ne peult avoir sa grâce quelque argent qu'il offrit. Il fust traisné sur une claye depuis le Palays jusques au pillory des halles, où il fut exécuté, avec son saye de veloux. ”

“ Et y estoit le Roy en personne tenant une torche de cire ardente en sa main, la teste nue, à pied, en grand honneur, après le Corpus Domirii, et avec luy le cardinal de Lorraine y estoit, tenant un cierge de cire en sa main, et toute la noblesse : et estoient les rues tendues par où ilz passoient. Y assistoient aussi plusieurs cardinaulx et prélatz en grand nombre. Et après le service faict, le Roy et la Royne vindrent disner en la maison de l'évesque de Paris. ”

“ Ce que toutes foys à la fin par prières luy accorda et donna.
On dit que en la dicte armée du Grand Turcq il y avoit plus de chrestiens regniez que autres gens, qui estoit grand pitié. Et est à sçavoir que, après la conqueste et prinse de Rhoddes, le dict Grand-Maistre et toute l'armée christiane s'en allèrent de Rhoddes sans rien emporter ; et s'en allèrent le premier jour de janvier ensuyvant, firent voyle et s'embarquèrent et misrent en mer, et s'en allèrent en l'ysle de Candie, pour eulx rafreschir et reposer; la quelle ysle est aux Vénitiens. ”

“ Le mardy d'après, le Roy et le principal ambassadeur firent les sermens en la grande esglise NostreDame de Paris, en grande solemnité, recepvans ensemblement le corpus Domini à la grand messe, qui fut chantée avec trompettes et clairons.
Le dimanche ensuivant furent faictes processions généralles par la ville, à cause de ladicte paix, fut chanté haulte messe en la grande esglise, et sermon faict par M. Cornebut, cordelier. Après le Roy fist au dict ambassadeur un grand festin et bancquet au Palays, et leur fist de beaux dons et présens, comme vaisselle et autres choses. ”

“ Le bruit estoit qu'ilz estoient venuz de par le Turcq pour prendre alliance avec le Roy par mariage, et pour soy faire baptiser, luy et son filz, dont le Roy envoya vers le Turcq un nommé monsieur de La Foirest, avec le dict ambassadeur, et estoient environ douze hommes1.
En l'an 1534, le Roy, par grande délibération de son conseil, vers Noël, délaissa les Suysses et leur donna congé, leur mandant qu'il ne se vouloit plus servir d'eulx en ses guerres et ne leur vouloit plus donner pension par chacun an : et partant qu'ilz se pourveussent autre part. ”

“ Ilz furent bruslez jusques à vi jeunes garçons et aultres penduz, qui n'avoient pas plus hault de douze à quatorze ans qui ont confessé que ce sont gens incogneuz qui leur ont faict mettre le feu et qui avoient délibéré de brusler le demeurant de la ville. Et n'eust esté la diligence qu'on faisoit nuict et jour, chacun devant les maisons, avec fallotz, lampes et chandelles pendues aux liuys , avec gros guet à pied et à cheval de v à vic hommes de la ville, toute la ville estoit perdue. ”

“ Au dict an 1523, en octobre, le Roy estant à Lyon, manda à toute la cour de Parlement de Paris pour obvier aux grandz maul, pilleries, larcins, meurtres et viollemens de filles et femmes qui se faisoient en France, tant es villes que au plat pais, par maulvais garçons, soy-disans advanturiers, que d'oresnavant à tous juges royaulx et subalternes, la justice en fut faicte ; et que, pour avoir faict les dictz maulx, ilz fussent penduz et estranglez, leur donnant puissance de faire telle justice : et où ilz seroient rebelles et faisans effort, qu'on les tuast ”

“ Lemardy ensuyvant, quatriesme de décembre1, furent en la grande église Nostre-Dame de Paris, le Roy et les dictz ambassadeurs, en grand triumphe, avec les seigneurs du sang royal de France et toute la noblesse, pour faire le serment solemnel avec les dictz ambassadeurs.
Et est à noter que, à aller par les rües , il y eut la plus belle triumphe que on vit jamais; car le Roy estoit accompagné de ses archers de la garde, qui marchoient devant, puys après sa garde des Suysses ”

“ Loys Barquin, seigneur du dict lieu, en Picardie, qui estoit grand clerc ; mais il estoit luthérien ; lequel avoit esté prisonnier à la conciergerie du Palais à Paris, el depuis rendu à l'évesque de Paris, comme clerc. Et fut ce faict pour les dictz livres estans hérétiques et maulvais contre Dieu et sa glorieuse mère. Depuis fut prisonnier quelque temps à la cour d'église, néantmoins il en fut mis hors de par le Roy, qui estoit près de Meleun, et s'en alloit de là les montz ; lequel il envoia quérir par son cappitaine, Frédéric, des archers de sa garde ”

“ La cause de la dicte prinse fut, comme on dit, pourceque lors d'une assemblée faicte par les prévost et eschevins dans l'hostel de la ville, dès le mois d'octobre 1525, que le Roy estoit prisonnier, Madame avoit mandé qu'il convenoit que les habitans de Paris s'obligeassent aux Angloys, eulx et leurs biens sur peine d'excommunication , et pareillement toutes les autres villes de France, à paier aux dictz Angloys par chacun an, cent mil escus jusques à fin de paiement de deux millions d'escus. Desquelz habitans par spécial les dessus dictz emprisonnez n'avoient esté d'oppinion d'eulx obbliger. ”

“ De tout ce madame la Régente estant a Lyon eut nouvelles qui luy furent rapportées. Parquoy elle manda à monsieur Morin, lieutenant du baillif de Paris, qu'il en fist la justice pour les punir, dont le dict Morin en fist prendre aucuns et emprisonner, mais de ce il n'en fut rien faict. On dit que c'estoient des clercz de la bazoche du Palais, mais à la fin rien n'en fut plus ; et demeura cela sans en faire autre chose, ne autre poursuite contre ceulx qui ce firent; dont bien leur en print ; car ilz se mirent en grand danger d'estre appréhendez et puniz, veu la ruine de la prinse du Roy. ”

“ En la dicte année, le lundy dernier jour de février, fut prins prisonnier par commandement du Roy, un relligieux de l'ordre Sainct-Benoist, nommé Jean Josses, docteur en théologie; et fut prins par le cappitaine Fédéric et ses archers de la garde du Roy, ce dict jour, après son sermon faict en caresme, en l'église Sainct-Sévérin, à Paris; et de là il fut mené par les dictz archers en la maison de monsieur Rusé, l'un des deux advocatz du Roy en Parlement, en la
1. Annihiler. — Au moyen âge on écrivait souvent nie lui pour nihil. C'est encore l'usage à Rome. ”

“ L'an 1521, le jeudy douziesme jour de décembre, fut apporté nouvelles par un Suysse au roy de France, estant vers Compieigne, et la Royne et madame la Régente, sa mère, que le pape Léon, dixiesme de ce nom, estoit puis naguères mort à Rome, et qu'il estoit mort comme environ le sixiesme jour du dict moys de décembre1. Il estoit d'aage environ cinquante et troys ans et mourut soudainement; il estoit homme gras et replet, ce qui pouvoit estre cause de sa mort. ”

“ La quelle guerre tut commancée par. l'Empereur auprès de Mozon s. qui est près de Reims, à cause que messire Robert de la Marck s'estoit révolté du parti du roy de France ; et que, par l'espace d'un an ou plus, il s'estoit allé rendre du party du dict Empereur, combien que toute sa vie il eust esté bon François. Lesquelz ambassadeurs touteffois ne sceurent rien fayre, et, partant, la guerre qui estoit en Champaigne entre l'Empereur et le Roy ne cessa point, mais continua de plus. ”

“ Iceluy tenoit une torche à genouilz, criant mercy à Dieu, à justice, et à la veufve de feu monsieur le grand maistre de France, Boisy ; parcequ'il maintenoit avoir eu sa compaignie par mariage ou aultrement, dont elle jura et afferma le contraire ; fut aussi condamné à faire la dicte amende devant les Tournelles et autres lieux de Paris, et à payer la somme de deux mil livres à la dicte veufve, et en cinq cens livres envers le Roy, et à tenir prison cinq ans en la tour de Loches. ”

“ On sait que François Ier avait pour dveise une salamandre au milieu de flammes avec ces mots : extinguo, nutrior.
laquelle poulie portoit sur elle une chose qui estoit assez pour faire mourir dix hommes. Laquelle chose estoit à interpréter que le Roy aymoit et joyssoit d'une femme de Paris qui estoit fille d'un conseiller à la cour de Parlement, nommé monsieur le Coq. Et icelle estoit mariée à un advocat en parlement très habille homme, nommé monsieur Jacques Dishomme, qui avoit tout plain de biens dont le Roy se saysit. ”