Jean Barrillon

“ Oultre, leur exposera l'entière amour et très cordialle affection que ledict seigneur leur a tousjours portée et porte comme à ses bons et féables alliez et confédérez, desquelz il répute le bien, proffict, honneur et exaltation comme le sien propre.
Et désire ledict seigneur, de tout son coeur, que l'alliance, amytié et confédération, qu'il a avec lesdictz seigneurs des Ligues, soit et demoure indissoluble et telle que réciproquement le bien, proffict et honneur de I'ung soit le proffict et honneur de l'aultre. ”

“ Tertio, que, par son soing et diligence, a trouvé façon avoir alliance et confédération avec le Pape, Empereur et Roy catholicque et paix et amytié avec les Suisses, et de sorte que, demourans les choses en l'estat qu'elles sont, il pourroyt vivre en grand repos et tranquilité, soulager et enrichir son peuple et amasser de l'argent pour faire par cy-après quelque bonne entreprinse contre les infidelles ou ceulx qui luy tiendront tort. ”

“ Henry VIII avait aussitôt expédié en mission auprès de Maximilien Richard Pace, qui devait s'entendre avec l'empereur sur l'union à conclure contre la France. (Voir l'instruction de Pace dans Letters and papers, t. Il, part, l, p. 287-288.) — D'autre part et dans le même but, Ferdinand d'Aragon avait fait partir pour Innsbrück don Pedro de Urrea. Enfin, les cinq cantons suisses qui avaient refusé de ratifier le traité conclu à Genève le 7 novembre 1515 (voir plus haut) avaient envoyé des ambassadeurs à Maximilien. ”

“ François 1er faisait là un premier pas dans la voie qui devait l'amener, en dépit du voeu de ses sujets, à la suppression de la Pragmatique sanction.
2. Champdenier et La Vernade remplaçaient Antoine Trivulze, évêque d'Asti, qui avait obtenu son rappel. Champdenier demeura à Venise jusqu'à la fin de décembre 1515, La Vernade jusqu'à la fin de février, date à laquelle il fut remplacé par M. de Pins.
3. André Le Roy, seigneur de Guynes, notaire et secrétaire du roi, ambassadeur extraordinaire en Suisse (avril-mai 1508) , valet de chambre ordinaire du roi. ”

“ Quarto, pour vous remercier que, quant il vous a demandé quelque chose pour ses affaires occurrens, vous l'avez faict libérallement et promptement et combien que ce fust pour le bien de son royaume et conséquemment de vous, toutesfoys il vous en scait aussy bon gré comme s'il l'eust mis en sa bourse, car le bien du royaume est le sien. Aussy vous remercie des prières et oraisons qu'avez faictes et faict faire pour la conservation de son estat et personne. Il vous prye de continuer et estre de bien en mieulx ses bons subjectz, et il vous sera bon prince. ”

“ Michel Pavie, doyen de Cambray, confesseur de l'archiduc ; Philippe Dalles, son maître d'hôtel ; Jean Caulier, seigneur d'Aigny, conseiller et maître des requêtes ; Gilles Van den Damme, secrétaire. L'instruction générale de ces ambassadeurs, un des premiers actes importants signés par l'archiduc après son émancipation, qui eut lieu le 5 janvier 1515, est datée de Louvain du 19 janvier 1515. Elle est dans Le Glay (t. II, p. 2 à 8) . Barrillon ne donne que le texte des pouvoirs délivrés par l'archiduc à ses ambassadeurs. Nous intercalons ici ces pouvoirs à leur place naturelle. ”

“ Vous jurez Dieu la foy et la loy que tenez et sur vostre honneur que bien et loyaument exercerez Testat et office de connestable de France; serez obéissant au Roy, le servirez et gouvernerez son royaume envers tous et contre tous de vostre personne pouvoir et puissance jusques à la mort inclusivement; n'aurez intelligence ne partialité à personne vivante, ains sera vostre regard seullement au Roy, son honneur et proffict, bien et utillité de son royaume et chose publicque ”

“ Audict camp le duc de Savoye, qui avoit grand désir trouver quelque moien de paix entre le Roy et les Suisses et qui estoit allé devant à Verseil 1, escripvit au Roy que aucuns des seigneurs des ligues de Suysse luy avoient mandé que, sy ledict seigneur voulloit envoyer quelques ambassadeurs à Verseil, ilz y en envoyeroient pour faire une paix et alliance entre eulx. Ce que le Roy, désirant éviter effusion de sang chrestien et la paix plus que la guerre, accorda et envoya le bastard de Savoye, auquel fit bailler instructions desquelles la teneur ensuyt. ”

“ Salomon fut riche et enrichit son peuple, pour ce qu'il fut aucteur de paix. Le temple de Janus fut fermé à Romme du temps de Numa Pompilius et deux fois du temps de Octovian pour ce qu'ilz furent aucteurs de paix, par laquelle enrichirent le peuple. Et sans vaguer par les estrangiers, Charles le Quint et Charles VIIe, après que par la force eurent chassé du royaume leurs ennemys, furent aucteurs de paix soubz lesquelz le peuple fut riche. ”

“ Sexto, si l'Empereur voulloit tenir bon pour ledict seigneur, tellement que on peult prendre en luy quelque ferme seureté et stabilité, ne fauldroit craindre ne doubter des aultres, car les Suisses et Gibelins ne innoveront aucune chose contre ledict seigneur tant que l'Empereur tiendra son party, le Roy catholicque demourera tousjours en la bonne volunté que est envers le Roy, le Pape seul n'oseroit aucune chose entreprendre et aura grand plaisir sy on le laisse vivre en paix, le Roy d'Angleterre sera en grande craincte et ne pensera que de soy sauver. ”

“ « Nous vinsmes faire la révérence à la Royne, laquelle du visage ressemble fort la Royne sa mère ; au demourant elle est bien petite et d'estrangie corpulence et est desjà fort grosse. Et la pluspart craignent le dangier à enfanter et mesmes pour ce que le Roy est puissant et qu'il y ha signe et apparence que l'enfant qu'elle porte sera gros et puissant. En luy faisant la révérence, elle baisa monsieur de Nassau et, quant à monsieur de Sainct-Py et nous aultres, elle bailla la main. » (Lettre de Gattinara à Marguerite d'Autriche du 14 février, de Paris, dans Le Glay, t. II, p. 53.) ”

“ Et espèrent voz très humbles subjectz doresnavant soubz la domination de Vostre très prudente Majesté vivre en grande paix, repos et tranquillité, aultant ou plus que feurent jamais soubz quelque prince qui ayt dominé sur eulx, et viennent icy tous d'un accord, sans aucune fiction, vous faire le serment de fidélité qu'ilz sont tenuz faire et vous présenter coeurs, corps, biens et fortunes et offrir tout ce qu'il a pleu à Dieu leur donner pour vostre service avec asseurance de ferme propoz et bonne volunté qu'ilz ont de demourer perpétuellement voz obéissans et loyaulx subjectz. ”

“ Vous voyez le Roy de France qui n'est qu'à huict mille d'icy, jà tout esbahy de ce qu'il a esté sy long temps à sy grans despens et travaux sur les champs sans riens faire ; tous les princes, seigneurs et gens d'armes de son armée sont ennuyez, et la plus part d'iceulx, qui n'ont accoustumé la guerre et coucher aux champs, ne demandent que le repos; son armée est séparée, car il y en a une partye à Galleras et des plus usitez à la guerre, et une aultre partye est à Pavye, quelques aultres sont à Laude et au pont de Bupharola. ”

“ Secundo, jaçoit que aux royaume, païs, terres et seigneuries du Roy y ait des laynes à suffire pour la drapperie et autre manufacture de layne et aussy pour ce qui sort dehors, néantmoings, par curiosité et pour avoir de plus fins draps, les marchans vont quérir des laynes en Angleterre et en Espaigne, dont sort gros argent de ce royaume ”

“ Le dimanche, premier jour d'avril M Ve XIIII, avant Pasques, le Roy alla ouyr vespres en la grande églize Nostre-Dame de Paris, et après vespres jura de tenir ledict traité sans enfraindre, en la présence des ambassadeurs dudict prince des Espaignes. ”

“ Barrillon semble diminuer un peu de parti pris le mérite des Vénitiens, qui, dans leurs récits, se font en revanche la part trop belle. Barthélemy d'Alviane prétend qu'à peine arrivé sur le champ de bataille « avec ses gentilshommes, » il mit en déroute 6,000 Suisses et « furono de modo rebatuti, che dove la vitoria era prima incerta, anzi in grande pericolo, allora fu per noi. » (Lettre d'Alviane à la seigneurie, du 14 septembre 1515, dans Marino Sanuto, t. XXI, col. 101.) ”

“ Et pareillement nous lisons du Roy sainct Lois, vostre prédécesseur, que, en l'aage de quatorze ans, fut faict Roy de France. Les glorieulx faictz et mérites duquel sont sy congneus et manifestes qu'il n'est besoing en faire récit. Aussy, le Roy Charles VIe, en l'aage de douze ans, fut couronné Roy de France, et de nostre temps le Roy Charles VIIIe, en l'aage de XIII ans, que Dieu absolve, fut couronné Roy de France. Tous lesquelz ont esté vaillans et vertueux princes. ”

“ Touteffois n'avez eu la vertu de force et persévérance en l'obéissance et fidélité envers ledict feu seigneur et avez esté tellement eslevez en voz coeurs de ceste grande prospérité, que avez mis en oubly Dieu le créateur et vostre honneur avez desprisé et rompu la foy que aviez promise à vostre bon prince et estes décheuz à tous vices d'infidélité, ingratitude et désobéissance. Les Romains, qui ont esté estimez sur toutes nations du monde, avoyent en sy grande révérence la foy que réputoyent crime capital de rompre la foy etiam à son ennemy ”

“ Aussy seroit utille et proffitable qu'il fut prohibé et deffendu aux marchans estrangiers, qui apportent en ce royaume leurs marchandises et denrées pour icelles vendre, qu'ilz ne missent hors du royaume les deniers d'icelles marchandises, ains, si bon leur sembloit, se chargeassent de noz marchandises, à tout le moings de deux tiers, pour reporter en leurs païs, où là où bon leur sembleroyt ; et ainsy le faict le Roy d'Angleterre en son païs, qui est la cause principale de la richesse d'icelluy. ”

“ Or, Messieurs, vous pouvez assez penser que si grandes et si grosses choses, ne ung si grand bien qui en est advenu ne s'est peu conduire sans grande somme de deniers et finance et trop plus grande que le Roy n'a prins ne levé de son royaume. Je crois qu'estes assez informez et advertiz que au trespas du feu Roy, pour la grosse despense qui luy avoit convenu supporter pour la tuition et deffense du royaume, les finances estoient en arrière de douze cens mille francz. ”

“ La plus belle vertu qui puisse estre en ung prince pour le faire aymer est clémence et bénignité et voz subjectz de Milan, quand congnoistront que aurez usé envers eulx de sy grande miséricorde que, nonobstant leur rébellion et désobéissance et les crimes par eulx commis, ne les voulez destruire ne user envers eux de rigueur de justice, seront contrainctz de vous obéir et servir plus ferventement et gaignerez leur coeur, qui est le principal que sçauriez avoir d'eulx. ”

“ Madame, nous sommes dans le plus estrange païs où jamais fut homme de ceste compaignie. Mais demain j'espère estre en la plaine de Piedmont avec la bande que je mène, ce qui nous sera grand plaisir, car il nous fasche fort de porter le harnois parmi ces montagnes, parceque la pluspart du temps nous fault estre à pied et mener nos chevaux par la bride. À qui n'auroit veu ce que voyons seroit impossible de croire qu'on pust mener gens de cheval et grosse artillerye comme faisons. ”