Philippe de Commynes

“ Toutesfois, puisqu'il y a payement, il seroit bien facile à y mettre ordre : et que les gens-d'armes fussent payez de deux mois en deux mois pour le plus tard : et ainsi n'auroient occasion ny excuse de faire les maux qu'ils font, sous couleur de n'estre point payez : car l'argent est levé, et vient au bout de l'an : je dis cecy pour nostre royaume, qui est plus oppressé et persécuté de ce cas que nul autre royaume, ne nulle autre seigneurie que je connoisse: et ne sçauroit nul y mettre le remede qu'un sage roy : les autres pays voisins ont d'autres punitions. ”

“ C'est pourquoy le duc Philippe, quand on luy disoit queles Gandois aimoient tant son fils, et qu'il les sçavoit si bien conduire, respondoit qu'ils avoient tousjours bien aimé leur seigneur avenir : mais depuis qu'il estoit seigneur, ils le haïssoient. Et ce proverbe fut veritable: car onques puis que le duc Charles fut seigneur, ils ne l'aimerent : et luy monstrerent bien, comme j'ay dit ailleurs: et aussi de son costé, ne les aimoit point: mais à ce qui est descendu de luy, ils ont fait plus de dommage, qu'ils n'eussent sceu faire à luy. ”

“ Une grace luy fit Dieu: car comme il l'avoit créé plus sage, plus libéral, et plus vertueux en toutes choses, que les autres princes, qui regnoient avec luy, et de son temps, et qui estoient ses ennemis et voisins, avec ce qu'il les passa en toutes choses, aussi les passa-il en longueur de vie : mais ce ne fut de gueres. Car le duc de Bourgogne Charles, la duchesse d'Austriche sa fille, le roy Edouard, et le duc Galeas de Milan, le roy Jehan d'Arragon, tous ceux-là estoient morts, peu d'années par avant luy ”

“ OR voyez-vous la mort de tant de grands hommes, en si peu de temps, qui tant ont travaillé pour s'accroistre, et pour avoir gloire, et tant en ont souffert de passions et de peines, et abregé leur vie : et par aventure leurs ames en pourront souffrir. ”

“ Je responds à cela que l'information sera la plainte et clameurs du peuple qu'ils foulent et oppressent en tant de manieres, sans en avoir compassion ne pitié: les douloureuses lamentations de veufves et orphelins, dont ils auront fait mourir les maris et peres, dont ont souffert ceux qui demeurent après eux : et generalement tous ceux qu'ils auront persecutez, tant en leurs personnes, qu'en leurs biens. ”

“ Ne sont - ce pas ici des vrays préparatifs, que Dieu faisoit en l'ancien Testament à ceux desquels il vouloit muer la fortune de bien en mal, ou de prosperité en adversité? Son cœur ne s'amollit jamais : mais jusques à la fin a estimé toutes ses bonnes fortunes procéder de son sens et de sa vertu : et avant que mourir, a esté plus grand que tous ses predecesseurs, et plus estimé par le monde. ”

“ Il paroîtroit même impossible d'en conserver après avoir lu le testament que fit le duc de Guyenne quelques jours avant sa mort, et par lequel il institua le Roi son héritier, en lui recommandant ses anciens serviteurs.
Le duc n'avoit pas encore rendu les derniers soupirs, que Lescun fil arrêter frère Jourdan Favre , et Henri de la Roche. On a dit qu'ils avoient confessé leur crime et chargé le Roi; les interrogatoires n'out pas été conservés. Le Roi faisant occuper la Guyenne par ses troupes , Lescun enleva les prisonniers, et les conduisit lui-même au duc de Bretagne. ”

“ Je m'accorderay assez qu'un jeune Roy le fasse entre les dames : car il en aura du passe-temps, et du plaisir assez, et sçaura des nouvelles d'entre elles : mais nourrir les partialitez entre les hommes, comme princes et gens de vertus et de courage, il n'est rien plus dangereux. C'est allumer un feu en sa maison : car tantost l'un ou l'autre dira : le Roy est contre nous : et puis pensera de se fortifier, et de s'accointer de ses ennemis. ”

“ Et s'il n'est vray ce que l'on m'a dit, il est à croire; et telle est la fin des princes qui veulent vivre bestialement. Et ce qui me les fait tant blasmer, c'est la grande charge et grand office que Dieu leur a donné en ce monde. ”

“ Ledit duc Maximilian n'avoit connoissance de rien, tant pour sa jeunesse que pour estre en pays estrange : et aussi avoit esté assez mal nourry, au moins pour n'avoir connoissance de grandes choses : et si n'avoit point de gens pour faire grand effort; et alloit ce pays en grand trouble, et a esté jusques icy avec apparence d'y estre encore : et est bien grand inconvénient à un pays, comme j'ay dit, quand il faut qu'il quiere seigneur de pays estrange; et fit Dieu grande grace au royaume de France de cette ordonnance, dont j'ay parlé cy-dessus : c'est à sçavoir que les filles n'heritent point. ”

“ Il entendoit bien que cette fortification ne suffisoit pas\contre grand nombre de gens, ne contre une armée : mais de cela il n'avoit point peur : seulement craignoit-il que quelque seigneur, ou plusieurs, ne fissent une entreprise de prendre la place de nuict, demy par amour, et demy par force, avec quelque peu d'intelligence: et que ceux-là prissent l'authorité, et le fissent vivre comme homme sans sens, et indigne de gouverner. ”

“ Le plus grand fut monseigneur Despiris. Aucuns en cuidoient beaucoup plus : il y eut mille hommes de blessez. La nuict d'après, ceux de dedans firent une saillie : mais ils estoient peu de gens : et la pluspart estoient à cheval, qui se mirent par le cordail des pavillons : ils ne firent rien de leur profit : et perdirent deux ou trois gentilshommes : ils blesserent un fort homme de bien, nommé messire Jacques d'Orson, maistre de l'artillerie du dit duc, qui peu de jours après mourut de ladite blessure. ”

“ La duchesse de Savoie, quoique sœur de Louis XI, avoit embrassé les intérêts de Charles, parce qu'on lui avoit promis de faire épouser à son fils l'héritière de Bourgogne. Louis étoit en guerre avec l'Arragon. Enfin, le duc de Milan renonçoit à l'alliance
Et est bien une pratique que ces roys d'Angleterre font, quand ils veulent amasser argent, que faire semblant d'aller en Escosse ou en France, et faire armées : et pour lever grand argent, ils font un payement de trois mois, et puis rompent leur armée, et s'en retournent à l'hostel, et ils ont receu l'argent pour un an. ”