Philippe de Commynes

“ Et enfin me semble que à tout bien considérer, qu'ilz n'ont gueres d'advantaige en ce monde plus que les aultres , s'ilz veulent bien veoir et entendre par eulx ce qu'ilz voient advenir à leurs voisins, et avoir craincte que le semblable ne leur adviengne. Car eulx, ilz chastient les hommes qui vivent soubz eulx et à leur plaisir, et Nostre Seigneur dispose d'eulx à son vouloir : car aultre n'ont ilz par dessus eulx. Et est le pays ou royaulme bien heureux, quant il a roy ou seigneur saige , et qui crainct Dieu et ses commandemens. ”

“ Je croy que, depuis l'enfance et l'innocence, il n'eut jamais que tout mal et travail1 jusques à la mort. Je croy que, si tous les bons jours qu'il a euz en sa vie, esquelz il a eu plus de joye et de plaisir que de travail et d'ennuy, estoient bien nombrez, qu'il s'y en trouveroit bien peu ; et croy qu'il s'y en trouveroit bien vingt de peine et de travail, contre ung de plaisir et d'ayse. Il vesquit environ soixante et ung ans : toutesfois il avoit tousjours ymagination de ne passer point soixante ans, et disoit que puis long temps roy de France ne les passa. ”

“ Au duc de Lorraine print bien de ce que on s'ennuyoit de luy en nostre cour, et croy bien qu'il n'en sceut jamais la vérité; mais quant ung grant homme a tout perdu le sien, il ennuye le plus souvent à ceulx qui le soustiennent. Le Roy luy avoit donné ung petit d'argent et le feit conduire avec bon nombre de gens d'armes au travers du pays de Lorraine, lesquelz le misrent en Allemaigne, et puis retournerent. Ledict seigneur n'avoit pas tant seullement perdu son pays de Lorraine, la conté de Vaudemont et la pluspart de Barrois, le demourant le Roy le tenoit : ainsi ne luy estoit riens demouré. ”

“ Ainsi a bien à faire un prince d'estre bien sage, quand il va en pays estrange pour accorder toutes ces choses ; et si un prince n'est doué de cette vertu, qui "sur toutes les autres vient de la grace de Dieu seulement, quelqu'autre bien qu'il ait en luy, à peine en pourra il venir au dessus, et s'il vit age d'homme, il aura de grands troubles et affaires, et tous ceux qui vivront soubs luy, par especial quand il viendra sur la vieillesse, et que ses hommes et serviteurs n'y auront nulle esperance d'amendement. ”

“ La république de Venise chercha vainement à renouer des négociations de paix entamées naguère par le Turc. Mahomet, certain du succès de ses armes ( Naples et la Hongrie ne devant pas intervenir, et le Pape lui-même mettant moins d'empressement à secourir Venise) , répondit à l'ambassadeur de la république qu'il ne consentirait à la paix qu'autant que les Vénitiens lui céderaient la ville de Scutapi ”

“ En une aultre maison de la ville avoit retiré tout ce qu'il avoit vaillant : le peuple pilla tout. La Seigneurie eut partie des plus riches bagues et vingt mil ducatz contans qu'il avoit à son banc en la fille, et plusieurs beaux potz d'agatte, et tant de beaux camayeulx bien taillez que merveilles , que aultresfois j'avoye veuz, et bien trois mil médailles d'or et d'argent, bien la pesanteur de quarante livres : et croy qu'il n'y avoit point autant de belles médaillés en Italie. ”

“ Le vingt-six du mois de juillet ( 1496) , feste de madame Sainte Anne, furent apportés les chapitres à la ville de Naples, et attachés aux carrefours de ladite ville, du traité et appointement fait entre le roy Ferrand et monsieur de Monpensier, archiduc de Cesse, conte dauphin d'Auvergne, viceroy et lieutenant-general pour le roy de France, de Sicile et de Jerusalem, au reaume de Naples ”

“ Et pour parler d'Allemaigne en general-, il y a tant de fortes places, et tant de gens enclins à mal faire et à piller et à rober, et qui tant usent de ces deffiances pour petite occasion, que c'est chose merveilleuse. ”

“ Et il entendoit bien que ceste fortification ne suffisoit point contre grant nombre de gens, ne contre une armee ; mais de cela il n'avoit point paour, mais craignoit que quelque seigneur, ou plusieurs, ne feissent une entreprinse de prendre la place, demy par amour et demy par force, avec quelque peu d'intelligence, et que ceulx là prinssent l'auctorité et le feissent vivre comme homme sans sens, et indigne de gouverner. ”

“ Car le duc de Bourgongne Charles, la duchesse d'Austriche sa fille, le roy Edouard, et le duc Galleasche de Millan, le roy Jehan d'Arragon, tous ceulx là estoient mors peu d'annees paravant luy; et de la duchesse d'Austriche, du roy Edouard et de luy, n'y eut comme riens à dire. En tous y avoit du bien et du mal , car ilz estoient hommes; mais, sans user de nulle flaterie, en luy avoit trop plus de choses appartenantes à office de roy et de prince que en nul des aultres. ”

“ Parquoy estant hors de toute craincte, Dieu ne luy permit pas prendre ceste matiere, qui estoit si grande, par le bout qui luy estoit le plus nécessaire : et combien que Dieu monstrast et ait bien monstre depuis que rigoureusement il vouloit persecuter icelle maison de Bourgongne, tant en la personne du seigneur que des subjectz et y ayans leurs biens, toutesfois semble que pour ce le Roy nostre maistre ne print les choses par le bout qu'il les debvoit prendre, pour en venir au dessus, et pour joindre à sa couronne toutes ces grans seigneuries, ou par bon tiltre ou par mariaige ”

“ Pour compaignie tenoit leans ung homme ou deux aupres de luy, gens de petite condition et assez mal renommez, et à qui il povoit bien sembler, s'ilz estoient saiges, que, dès ce qu'il seroit mort, ilz seroient desappoinctez de toutes choses, pour le moins qui leur en pourroit advenir : et ainsi leur en advint. Ceulx là ne luy rapportoient riens, de quelque chose que on luy escripvist ne mandast, de quelques affaires que ce fust, s'il ne touchoit à la préservation de l'Estat et deffense du royaulme : car du tout il ne luy challoit qued'estre en trefve ou en paix avec chascun. ”

“ Ceulx qu'il aura ainsi (avec ce conseil ) chassez et deboutez, et qui par longues annees auront servy et ont accointance et amytié en sa terre, sont mal contens, et à leur occasion d'aultres 1 : et par adventure que on les vouldroit tant presser, qu'ilz seroient contrainctz à se deffendre ou de fuyr vers quelque petit voisin, par adventure ennemy et malveillant de celluy qui les chasse, par division de ceulx de dedans le pays y entreront ceulx de dehors. Est il nulle playe ne persécution si grande que guerre entre les amys et ceulx qui se congnoissent, ne nulle hayne si horrible et mortelle? ”

“ Nostre roy est le seigneur du monde qui moins a cause de user de ce mot : « J'ay privilege de lever sur mes subjectz ce qui me plaist, » car ne luy ne aultre ne l'a : et ne luy font nul honneur ceulx qui ainsi le dient pour le faire estimer plus grant, mais le font hayr et craindre aux voisins, qui pour riens ne vouldroient estre soubz sa seigneurie : et mesmes aucuns du royaulme s'en passeroient bien, qui en tiennent. ”

“ Or voyez vous la mort de tant de grans hommes, en si peu de temps, qui tant ont travaillé pour s'acroistre et pour avoir gloire, et tant en ont souffert de passions et de peines, et abrégé leur vie, et par adventure leurs ames en pourront souffrir. En cecy ne parle point dudict Turc : car je tiens ce point pour vuydé , et qu'il est logié avec ses predecesseurs. De nostre roy, j'ay esperance (comme j'ay dict) que Nostre Seigneur ait eu misericorde de luy, et aussi aura il des
aultres, s'il luy plaist. ”

“ Pour satisfaire au cardinal, ledict messire Jehan Jacques luy bailla partie de l'armée, pour aller à Savonne. Il trouva la place garnie et son entreprinse rompue, et s'en revint. On en bailla d'aultres audict messire Baptiste, pour aller à Gennes, qui asseuroit fort de ne faillir point. Comme il eut faict trois ou quatre lieues, ceulx qui alloient en sa compaignie entrerent en aucunes doubtes de luy, tant Allemans que François : toutesfois c'estoit à tort; mais leur compaignie, qui n'estoit pas grande , se fust mise en dangier d'y aller, si sa partialité ne se fust levée. ”

“ Toutesfois aucuns ont voulu dire que leur vouloir n'y estoit point et qu'ilz se contenteroient de ce qu'ilz avoient faict, qui est d'avoir conquis le royaulme de Grenade : qui, à la vérité, a esté une belle et grant conqueste et la plus belle qui ait esté de nostre temps, et que jamais leurs predecesseurs ne sceurent faire; et vouldroye, pour l'amour d'eulx, que jamais n'eussent entendu à aultre chose, et tenu à nostre Roy ce qu'ilz luy avoient promis. ”

“ Jamais peuple ne monstra tant d'affection à roy ne à nation comme ilz monstrerent au Roy, et pensoient estre tous hors de tyrannie, et se prenoient eulx mesmes : car en Calabre tout tourna , où fut envoyé monseigneur d'Aubigny , et Peron de Basche quant et luy, sans gens d'armes. Toute l'Abousse' tourna d'elle mesme, et commencea la ville de l'Aquelle laquelle aesté tousjours bonne francoise. Tout se tourna en Pouille, sauf le chasteau de Brandis 3 (qui est fort et bien gardé) et Gallepoly 4, qui aussi fut gardé; aultrement le peuple fust tourné. ”

“ Comme tout fut assemblé aupres du Roy, on veoit encores hors de leur ost grant nombre d'hommes d'armes en bataille : et s'en veoit les testes seullement et les lances, et aussi des gens de pied, et y avoient tousjours esté; mais il y avoit plus de chemin qu'il ne sembloit, et eust fallu repasser la riviere, qui estoit creue et croissoit d'heure en heure : car tout le jour avoit tonné, esclairé et pieu merveilleusement, et par especial en combatant et chassant. Le Roy mit en conseil s'il debvoit chasser contre ceulx là ou non. ”

“ Quelle douleur luy fut d'ouyr ceste nouvelle ! car oncques homme ne craignit tant la mort, ny ne feit tant de choses pour cuyder y mettre remede : et avoit, tout le temps de sa vie, prié à ses serviteurs, et à moy comme à d'aultres, que, si on le veoit en ceste nécessité de mort, que on ne luy dist, fors tant seullement : « Parlez peu », et que l'on l'esmeust seullement à se confesser sans luy prononcer ce cruel mot de la mort : car il luy sembloit n'avoir jamais cueur pour ouyr une si cruelle sentence. ”

“ Le plus fort de l'affaire estoit à ceux qui menoient l'artillerie ; car pour en tirer une seule pièce, il convenoit bien y employer quarante ou cinquante chevaux et autant de pionniers : ce qui ne fut pas sans une merveilleuse peine; et encore pour augmenter d'avantage l'ennuy de ceste fatigue, ce jour là mesme il falloit que toute l'armee passat auprès de Plaisance, qui est une des fortes villes et dangereuses de toute l'Italie ”

“ Si avoit il
tort en une chose : hay de plusieurs de ses nourris et qui avoient receu biens de luy, de ceulx là eust il trouvé ung grant nombre qui pour la mort ne luy eussent faict faulte :a.
Premier, il n'entroit gueres de gens dedans le Piessis du Parc (qui estoit le lieu où il se tenoit) , fors gens domesticques et les archiers, dont il en avoit quatre cens, qui en bon nombre faisoient chascun jour le guet et se pourmenoient par la place, et gardoient la porte. Nul seigneur, ne grant personnaige ne logeoit dedans, ne n'y entroit gueres compaignie de grans seigneurs. ”

“ Pendant que ceulx qui estoient dedans Nancy attendoient Iedict secours, ledict Colpin, dont j'ay parlé, qui estoit chief de ceste bende d'Anglois qui estoient dedans, fut tué d'ung canoù, qui fut grant dommaige audict duc de Bourgongne : car la personne d'ung seul homme est quelquesfois cause de preserver son maistre d'ung grant inconvénient, encores qu'il ne soit ne de sa maison, ne de lignee grande, mais que seullement le sens et la vertu y soient. ”

“ « Passez, Sire, passez », et le feirent venir devant sa bataille et devant son enseigne : et ne veoye nulz hommes plus près des ennemys que luy, excepté ce bastard de Bourbon, et n'y avoit point ung quart d'heure que j'estoye arrivé : et estoient les ennemys à cent pas du Roy, qui estoit aussi mal gardé et conduict que fust jamais prince ne grant seigneur ; mais, au fort, il est bien gardé que Dieu garde, et estoit bien vraye la prophetie du venerable frere Hieronyme, qui disoit que Dieu le conduisoit par la main.' Son arriere garde estoit à la main dextre, de luy ung peu recullee ”

“ De toutes ses aultres entreprinses, il en avoit eu l'honneur et le prouffit. Quel dommaige luy advint ce jour pour user de sa teste et mespriser conseil ! Quel dommaige en a receu sa maison, et en quel estat en est elle encores , et en adventure d'estre d'icy à long temps ! Quantes sortes de gens luy en devindrent ennemys et se desclarerent, qui le jour de devant temporisoient avec luy et se faignoient amys ! Et pour quelle querelle commencea ceste guerre ? Ce fut pour ung chariot de peaulx de mouton que monseigneur de Romont print à ung Suisse passant par sa terre 2. ”

“ Apres tant de paour et de suspections et douleurs , Nostre Seigneur feit miracle sur luy, et le guerit tant de l'ame que du corps, comme tousjours a acoustumé en faisant ses miracles : car il l'osta de ce miserable monde en grant santé de sens et d'entendement, en bonne memoire, ayant receu tous ses sacremens, sans souffrir douleur que l'on congneust, mais tousjours parlant jusques à une patenostre avant sa mort. ”

“ Vous avez ou y comme Dieu en ce monde establit ce conte de Campobache commissaire à faire la vengeance de ce cas du connestable 1, et au propre lieu, et en la propre mauiere, et encores beaucoup plus cruellement : car il trahyssoit celluy qui l'avoit recueilly vieil, povre et sans nul party, et qui l'avoit souldoyé à cent mil ducatz l'an, dont il payoit ses gens d'armes par sa main , et d'aultres grans advantaiges qu'il avoit. ”

“ De luy n'avoit il riens, mais ce pays de Hollande estoit fort riche et luy faisoit de grans dons, et plusieurs grosses villes des aultres pays, pour l'esperance qu'ilz avoient d'acquérir sa grace pour le temps advenir, qui est coustume generalle : et tousjours on complaist plus aux gens dont on espere la puissance et auctorité acroistre pour l'advenir, que l'on ne faict pour celluy qui est ja en tel degré qu'il ne peult monter plus hault, et y est l'amour plus grande , par especial entre peuple. ”

“ Au fort, il me semble que Dieu n'a créé nulle chose en ce monde, ny hommes, ny bestes, à qui il n'ait faict quelque chose son contraire, pour le tenir en craincte et en humilité. Et ainsi ceste ville de Gand est bien seante là où elle est : car ce sont les pays de la crestienté plus adonnez à tous les plaisirs à quoy l'homme est enclin , et aux plus grans pompes et despepces. ”

“ Et aussi estoit il bien informé et sentoit bien que ces gens de Gand estoient en tel estat qu'ilz troubloient tant leur compaignie qu'ilz ne scauroient donner aucun ordre ou conseil à conduire la guerre contre luy : car nul homme de sens, ne qui euct eu auctorité avec leurs princes passez, n'estoit appellé en riens touchant leurs affaires; mais estoit persecuté, et en dangier de mort. Et par especial avoient en grant hayne les Bourguignons, pour la grant auctorité qu'ilz avoient eue le temps passé. ”