Jacques de Mailles

“ Le Roy son mary ne donnoit pas les grans sommes de deniers, de paour de fouller son peuple , mais ceste bonne dame y satisfaisoit ; et y avoit peu de gens de vertus en ses pays , à qui une fois en sa vie n'eust fait quelque present. Pas n'avoit trente et huyt ans acomplis, la gentille princesse, quant cruelle mort en fist si grant dommage à toute noblesse ; et qui vouldroit ses vertus et sa vie descripre, comme elle a mérité, il fauldroit que Dieu fist ressusciter Cicero, pour le latin, et maistre Jehan de Meung, pour le françois; car les modernes n'y sçauroient attaindre. ”

“ Toutesfois, le Roy en feust bien marry, et n'en fist pas grand estime ; car il se fioit bien en l'amitié qu'ils avoient le Pape et lui ensemble. Et en ce temps l'Advantureux fist faire une maison nommée Messencourt, que son pere lui avoit donnée, merveilleusement belle et jolie pour la chasse et pour la guerre, et pour toutes autres choses ; et la fist bastir en fourche ; et estoit ung merveilleusement beau commencement de place ; et y fist faire force artillerie, tellement qu'il y en avoit assez pour faire une bonne batterie, et la place bien gardée. ”

“ Toutesfois l'allarme feust grosse, et s'arma ledict Adventureux dedans son basteau, et vint à ses gens, lesquels se mettoient en ordre ; et à vous en dire le vray, c'estoit une merveilleusement belle bande. Et vinrent les uns contre les aultres, tellement qu'à l'abord y eust merveilleusement belle escarmouche, tant de gens de pied que de cheval, en laquelle y eust tout plein de gens tués et affolés. Et à donc lesdicts lansquenets et le jeune Adventureux avecques eulx baiserent la terre, comme ils font de coustume, et marchèrent tout droict contre leurs ennemis ”

“ Mais ung grant malheur advint au bon Chevalier : ce fut qu'ainsy qu'il estoit au bout du pont pour le garder, fut tiré ung coup de faulconneau de la ville, qui luy fraya entre l'espaule et le col, de sorte que toute la chair luy fut emportée jusques à l'oz. Ceulx qui virent le coup cuydoient bien qu'il feust mort ; mais luy qui ne s'effraya jamais de chose qu'il veist, combien qu'il se sentist merveilleusement blessé, et par ce aussi qu'il congnoissoit bien n'estre pas, à l'heure, saison de faire l'estonné, dist à ses compaignons : « Messeigneurs, ce « n'est riens. » ”

“ Toutesfois, par longueur de temps, la peste et famine se frappa tellement entre eulx, qu'ils feurent contraincts de rendre la ville, mais si honnestement, que les gens de chevaulx sortirent la lance sur la cuisse, et les piétons la picque sur le col ; et en estoient beaucoup morts de la peste : et ainsy s'en revinrent en France. Et après ce, tinrent encore assez le chasteau de Milan et le chasteau de Cremone, le parti des François. ”

“ Le cappitaine Loys d'Ars le nourrit en jeunesse, et croy bien que soubz luy aprist le commencement des armes. Aussi, toute sa vie luy a il porté autant d'honneur que s'il eust esté le plusgrant roy du monde. Et quant on parloit de luy, le bon Chevalier y prenoit plaisir merveilleux, et n'estoit jamais las d'en bien dire. Il ne fut jamais homme suyvant les armes, qui mieulx en congneust l'ypocrisie : et souvent disoit que c'est la chose en ce monde où les gens sont les plus abusez ; car tel fait le hardy breneux en une chambre, qui aux champs, devant les ennemys, est doulx comme une pucelle. ”

“ Et y fust monsieur de Maugiron tué sur une charette, et tout plain de gens de bien : et tous les piétons, tant françois que lansquenets, tous tués ou mis en fuite ; et sortirent les Espaignols à la queuë de ses gens de pied fuyans. Ils fisrent un grand meurdre, et y feust tué bien douze cent hommes. Cela veu, le gros nombre
que les Espaignols estoient, et gens frais, si du commencement ils pensoient bien avoir gaigné la bataille, encore pensoient-ils mieux avoir gaigné à ceste heure là ”

“ Le messagier luy alla dire sa charge; mais Francisque, tout esmeu et courroucé, luy respondit : « Retournez dire au conte de Nansso a que je n'en feray riens, et que à son appétit je ne « demoureray pas à la boucherie ; et s'il me veult « garder de loger aupres de luy, nous verrons par le « combat à qui demourera le camp, à luy ou à moy. »
Le gentil homme du conte de Nansso s'en retourna, et luy dist ce qu'il avoit ouy de la bouche du seigneur Francisque. Jamais homme ne fut si esbahy qu'il fut : toutesfois, pour n'estre point surpris, fist mettre tous
ses gens en bataille. ”

“ La casemate ainsi minée, et les deflenses rompues, tant du hault que des fossés, Pedro Navarre se print à miner le plat de la muraille, et ceulx dedans voulurent contreminer; toutesfois ceulx dedans avoient une mine, qui estoit leur chef, assçavoir le More, qui tenoit si mauvaise mine, que cela les estonna plus que la mine de Pedro Navarre ; et dient qu'il ne sçavoit où estre de peur. Toutesfois le chasteau de Milan est une très bonne place : et l'avoit faict le roy de France, Louis douzième, bien amender, du temps que en estoit chef le chevalier de Louvain, gentil capitaine et bon chevalier. ”

“ Toutesfois les gens d'armes dudict sieur de Teligny, qui estoient las, n'en tinrent compte, et se voulurent coucher à la françoise ; et eux despouillerent, disant qu'ils n'avoient garde ; et sur la minuit vinrent donner quatre cent piétons avec ledict meusnier, tellement qu'ils en tuerent beaucoup, et les deffirent tous ; et y feust bien fort blessé et prins monsieur de Teligny, et plusieurs autres : de laquelle chose feust fort desplaisant le roy Louis, quand il le sceut ; et aussi feust monsieur de Sedan bien délibéré, si le Roi eust voulu, d'en faire une bien grosse vengeance. ”

“ Le gentil seigneur d'Ymbercourt leur donna la chasse à tire de cheval, et manda au bon Chevalier, par ung archer, qu'il se hastast. Il ne luy convint pas dire deux fois. Avant que les gens du seigneur Prospre eussent gaigné Villefranche, ou à tout le moins ainsi qu'ilz vouloient rentrer en la porte, les attaignit le seigneur d'Ymbercourt, qui commença à crier : France! France! On voulut serrer la porte , mais il les en garda tant qu'il peut; et y fist d'armes le possible , sans estre blessé, fors ung peu au visaige. ”

“ Et à donc feust d'opinion le sieur de Sedan, le jeune Adventureux, et aultres capitaines lansquenets, de couper chacun une manche de chemise, et la remplir de poudre, pour boutter le feu dans la ville ; qui eust esté une chose merveilleusement bien faicte, et de quoi on se repentit beaucoup depuis. Toutesfois ne se fist point, et demeura on là toute la nuict, là où on eust nouvelle, par les Albanois et advanturiers françois, que secours estoit venu à ceux de la ville, en estoit dedans entré à dix heures de nuict. ”

“ Entre toutès maniérés de gens, c'estoit la plus gracieuse personne du monde, qui plus honnoroit gens de vertu, et qui moins parloit des vicieux. Il estoit fort mauvais flateur et adulateur. Tout son cas estoit fondé en vérité ; et à quelque personne que ce feust, grant prince ou autre, ne flechissoit jamais pour dire autre chose que la raison. ”

“ Cela faict, Berthelemi d'Alvienne, qui estoit un peu blessé au visage, feust amené devant le Roy; et, quand il feust arrivé, le Roy lui dit qu'il eust bonne pacience, et qu'il auroit bonne prison : sur quoy il respondit qu'aussy auroit-il ; et que, s'il eust gaigné la bataille, c'estoit le plus victorieux homme du monde ; et non obstant qu'il l'eust perdue, si avoit - il de l'honneur, quand il avoit eu en bataille un roy de France, en personne, contre luy : toutesfois eust il mieux aimé la victoire, et en eust esté assez plus joyeux. ”

“ Il advisa ung gentil homme, fort son amy, qui faisoit porter le sien à son paige, auquel il dist: « J'ay paour de me morfondre, pource « que j'ay sué d'avoir si longuement esté à pied: je vous « prie, faictes moy bailler vostre armet, que vostre « homme porte, pour une heure ou deux. » Le gentil homme, qui ne pensoit pas à ce que le bon Chevalier entendait, le luy fist bailler : dont il fut bien ayse ; car depuis ne le laissa que la bataille ne feust finye, qui fut le vendredy, environ dix ou unze heures ”

“ Ory en toute l'armée du roy de France n'estoient point alors plus de douze mille combatans; car une
grosse partie estoit demourée à Boulongne : toutesfois, au peu de nombre qui y estoit, n'y avoit que redire, car c'estoit toute fleur de chevalerie, et croy que cent ans paravant n'avoit esté veu pour le nombre plus gaillarde compaignie, et davantage avecques le bon vouloir que chascun avoit de servir son bon maistre le roy de France. Ce gentil duc de Nemours avoit tant gaigné le cueur des gentilz hommes et des adventuriers, qu'ilz feussent tous mors pour luy. ”

“ Les Mémoires de Fleurange, qui font mention de presque tous les événemens importans des règnes de" Louis XII et de François l, depuis i5oi jusqu'en i52i, sont remarquables par un ton de naïveté et de franchise qui inspire beaucoup de confiance. Si l'auteur se trompe quelquefois, on voit que c'est involontairement. Il parle de lui avec une modestie qui donne l'idée la plus avantageuse de son caractère. Le sang froid avec lequel il raconte ses malheurs et les désastres de sa famille, montre qu'il avoit autant de fermeté et de courage que de désintéressement. ”

“ LE duc de Nemours, qui ne voulut point songer en ses affaires, apres qu'il fut monté au chasteau, assembla tous ses cappitaines, pour sçavoir qu'il estoit de faire ; car dedans la ville y avoit gros nombre de gens, comme huyt mille hommes de guerre, et douze ou quatorze mille vilains du pays, qui s'estoient avecques eulx assemblez : et si estoit la ville forte à merveilles.
Ung bien y avoit, qu'on descendoit du chasteau en la citadelle sans trouver fossé qui gueres donnast empeschement : bien avoient fait ung bon rampart. ”

“ Plusieurs eussent bien voulu qu'il n'en feust jamais party ; toutesfois il s'en retourna en France, quant il eut achevé son terme, et fut conduit et tresbien acompaigné jusques à trois lieues des pays de son maistre.
Quelques jours demourerent l'Empereur et le roy d'Angleterre devant Theroenne, qui en fin se rendit, par faulte de vivres. Et fut la composition que les cappitaines et gens de guerre sortiroient, vies et bagues sauves, et que mal ne seroit fait aux habitans de la ville, ne icelle desmolie. Ce qu'on promist aux gens
de guerre fut bien tenu, mais non pas à ceulx de la ville ”

“ Quand lesdicts vivres feurent dedans, ne feust rien faict ; car le mesme jour falloit renvoyer les chariots qui les avoient amenés, et estoient cinq ou six cent; et, de cette heure là mesme, qui n'estoit que deux heures de jour, les fist passer près de Damvilliers, qui est à l'Empereur, et les y fist conduire, pour ce que les Bourguignons les attendoient sur ung aultre chemin ; et par ainsy feurent ces deux places ravitaillées, qui feust ung grand bien pour la frontiere de France. ”

“ Quand le Roy feust dedans les montaignes, et passé oultre Grenoble, le mareschal de Chabannes, qui avoit quelques espies et intelligences en Italie, feust adverti comment Prosper Colonne estoit en une petite ville en la fin du Piedmont, nommée Villefranche, avecques toute la gendarmerie, sans les Suisses. Ledict sieur de La Palice qui estoit un grand homme de guerre, print son chemin vers le pays de Saluces; et estoient avecques lui monsieur d'Aubigny, monsieur d'Humbercourt, monsieur Bayart, et trois cent hommes d'armes, d'aultres capitaines; et pouvoient estre en tout cinq cent lances. ”

“ Le jour que les François partirent de Parme, et leur artillerie avecques eulx, par ces grandes neiges, ne fisrent pas grand chemin, et se logèrent de bonne heure. L'armée logée, monsieur le grand-maistre, qui estoit homme joyeux et le meilleur compaignon du monde,- commença, contre monsieur de Nemours et autres, à faire un tournois à pelotte de neige; et s'échauffa le jeu si fort, qu'à la fin y eust quatre cent - hommes d'un costé et d'autre; et en la fin, de peur de débats, leur convint de partir ”

“ Le trompette en vint faire son rapport, lequel ouy par le bon Chevalier, ne fist autre delay, sinon de faire asseoir quatre grosses pieces d'artillerie qu'il avoit, et bien canonner la place, et vivement. Ceulx de dedans, qui estoient environ cent hommes, avoient force hacquebutes à croc, et deux faulconneaux, qui firent tresbien leur devoir de tirer à leurs ennemys; mais si bien ne sceurent jouer leur roolle, qu'en moins d'une heure n'y eust berche à leur place, assez grandete, mais mal aysée, pource qu'il failloit monter. ”

“ Avant que les vivres du tout leur faillissent, commencerent à parlementer et traiter en bon appointement, qui feust honnorable, et feust tel: que la gendarmerie sortiroit la lance sur la cuisse, et les piétons la picque sur l'espaule, avecques leurs harnois, et ce qu'ils pourroient porter. Et ne faisoient ceulx de la ville rien sans l'adveu du Roy, lequel estoit à Amiens, et monsieur d'Angoulesme, lieutenant général pour luy au camp. ”

“ Toutesfois le gentil duc de Nemours, ne tous ses cappitaines et gens de guerre, ne desiroient autre chose que à les combatre, mais qu'on les trouvast en lieu marchant ; ceste finesse avoient que tousjours se tenoient en fort, et encores les y alla l'on querir le jour de la bataille de Ravenne, comme vous orrez.
Mais premier parleray comment le bon Chevalier sans paour et sans reprouche partit de Bresse, pour s'en aller apres le duc de Nemours, et de la grande courtoysie qu'il fist à son hostesse. ”

“ Le Roy et la Royne espousés, toute l'après-disner et sur le soir feust faicte la plus grande cliere du monde. La nuict venue, se coucherent le Roy et la Royne ; et le lendemain le Roy disoit qu'il avoit faict merveilles. Toutesfois je crois ce qu'il en est, car il estoit bien malaise de sa personne. Toutesfois c'estoit un gentil prince, tant à la guerre qu'aultre part, et en toutes choses où on vouloit le mettre ; et feust dommaige quand cette maladie de goutte l'assaillit, car il n'estoit pas vieil homme. ”

“ Les François n'eurent pas loysir de tout emporter; car nouvelles vindrent que les Suysses, devers lesquelz ces deux Albanoys estoient allez, marchoient, le grant trot, et estoient desja bien près. Si furent entre eulx mesmes conseillez d'eulx mettre au retour; et sonna la trompette à ceste fin. Chascun pristle meilleur de son butin, misrent leurs prisonniers devant eulx, puis s'en retournerent; et, comme ilz sortoient par une porte, les Suysses entroient par l'autre: mais les ungs estoient à pied et lu autres à cheval, qui ne
s'en soucyoient gueres. ”

“ QUAND l'hyver feust passé, et que vint vers le mois de mars, l'armée du Pape et des Venitiens se commença à arroyer et desloger, pour tirer vers Boulongne la Grasse ; laquelle l'armée des François poursuivit tous jours pas à pas, pour veoir si elles se pourroient trouver en lieu, hors de fort, pour eulx donner le combat, laquelle chose feust impossible; et allèrent tousjours escarmouchant, et de fort en fort, dissimulant ledict combat, qui faschoit tout plain de gens de bien qui y estoient, que la chose ne s'abbregeoit plus fort. ”