Jean de Roye

“ Le septiesme jour dudit mois de fevrier, monseigneur l'evesque de Paris (1) fils de monseigneur de La Forest, fist son entree comme evesque de ladicte ville, et y eut grande solemnité gardee à son entree. Et apres le service fait en la grant eglise, donna à disner aux gens d'eglise, université, parlement, chambre des comptes, generaulx, maistres des requestes, secretaires, prevost des marchans, eschevins et bourgois de ladite ville, bien et honnorablement. ”

“ Estradiots sont gens comme genetaires, vestus à pied et à cheval, comme les Turcs, sauf la teste où ils ne portent cette toile, qu'ils appellent Tolliban (r) : et sont dures gens, et couchent dehors tout l'an , et leurs chevaux. Ils estoient tous Grecs, venus des places que les Venitiens y ont, les uns de Naples de Romanie en la Morée, autres d'Albanie, devers Duras, et sont leurs chevaux bons, et tous chevaux turcs. ”

“ Or donc pour continuer les miserables adventures qui advinrent en si peu d'espace, ce roy et reyne de Castille, qui si glorieusement et heureusement avoient vescu jusques environ en rage qu'ils sont, de cinquante ans tous deux, (combien que la Reyne avoit deux ans davantage) avoient donné leur fille à ce roy de Portugal, pour n'avoir aucun ennemy en Espagne, qu'ils tiennent toute, excepté la Navarre, dont ils font ce qu'il leur plaît, et y tiennent quatre des principales places. ”

“ Estant l'avant-garde montée la montagne, pour attendre, ceux qu'ils voyoient aux champs, qui estoient assez loin , n'estoient point sans soucy : toutesfois Dieu (qui toujours vouloit sauver la compagnie) osta le sens aux ennemis : et fut interrogé nostre Alleman, par le comte de Cajazze, qui c'estoit qui menoit ladite armée, et présente avant-garde, il luy demanda encores le nombre de nos gens-d'armes : car il cognoissoit tout, mieux que nous-mesmes : car il avoit esté des nostres toute la saison. ”

“ Ledit messire Francisque Secco soustint fort son opinion, monstrant gens qui alloient et venoient au long d'un grand chemin, qui alloit à Parme (qui estoit la plus prochaine ville de leur retraite) et alleguoit que c'estoient fuyars, ou qui en revenoient : et à ce que sceusmes depuis, il disoit vray : et à sa parole et contenance, estoit hardy et sage chevalier : et qui eut marché : tous fuyoient ( et tous les chefs le m'ont confessé, et quelqu'un devant le duc de Milan ) qui eut esté la plus belle et grande victoire, qui ait esté depuis dix ans, et la plus profitable. ”

“ Vray est qu'aucuns vieux avoient amour au roy Louys XI: et y vint beaucoup de capitaines, qui avoient soixante et douze ans passez : qui avoient esté capitaines contre le duc Charles de Bourgogne : mais la principale cause estoit avarice, et leurs grandes pauvretez : car à la vérité, tout ce qu'ils avoient de gens combatans y vinrent. Tant de beaux hommes y avoit, que je ne vis jamais si belle compagnie, et me sembloit impossible de les avoir sceu deseonfire, qui ne les eut pris par faim, par froid, ou par autre nécessité. ”

“ Pratique se meut à Florence, et deputerent gens pour envoyer devers le Roy, jusques à quinze ou seize, disans en la cité qu'ils ne vouloient demeurer en ce grand péril d'estre en la haine du Roy et du duc de Milan, qui tous jours avoit son ambassade à Florence, et consentit Pierre de Medicis cette allée. Aussi n'y eut-il sceu remedier, aux termes en quoy les affaires estoient ; car ils eussent esté destruicts, veu la petite provision qu'ils avoient : et si ne sçavoient ce que c'estoit de guerre. Après qu'ils furent arrivez, offrirent de recueillir le Roy à Florence, et autres parties ”

“ Bailloit abbayes à un fauconnier, et à plusieurs pour leurs enfans, disant : Vous entretiendrez tant d'oyseaux, et les nicherez à vos despens * et tiendrez tant de gens à vos despens. Le fils ne fit jamais quaresme, ne semblant qu'il en fut : maintes années fut sans se confesser, ne recevoir nostre Seigneur et redempteur Jesus-Christ: et pour conclusion il n'est possible de pis faire qu'ils ont fait tous deux.
Aucuns ont voulu dire que le jeune roy Ferrand eut esté le pire, combien qu'il estoit humble et gracieux, quand il mourut : mais aussi il estoit en nécessité. ”

“ Prés dudit Pietresancte est le pas de la Seiere d'un costé, et le Roctaillé d'autre costé, marais de mer bien profond : et faut passerparune chaussée, comme celle d'un étang : et estoit le pas, qui fut depuis Pise jusques à Pontreme, que je craignois le plus, et dont j'avois ouy parler ; car une charette jettée au travers, et deux bonnes pieces d'artillerie, nous eussent gardez d'y passer sans y trouver remede, avec gens en bien petit nombre. De Pietresancte alla le Roy à Serzane, où fut mis en avant, par le cardinal de Sainct-Pierread- Vincula, de faire rebeller Genes, et d'y envoyer gens ”

“ Ledit seigneur Ludovic commença tost à monstrer de fort vouloir garder son authorité: et fit faire monnoye, où le duc estoit empraint d'un costé, et luy de l'autre ; qui faisoit murmurer beaucoup de gens. Ledit duc fut marié avec la fille du duc de Calabre : qui depuis fut roy Alphonse, après la mort de sondit pere le roy Ferrand, roy de Naples. Ladite fille estoit fort courageuse : et eut volontiers donné credit à son mary , si elle eust peu ; mais il n'estoit pas gueres sage, et reveloit ce qu'elle luy disoit. ”

“ Le plus fort n'estoit point de monter : car incontinent après on trouvoit une vallée : car le chemin est tel que la nature l'a fait, et n'y a rien adoubé : et falloit mettre les chevaux à tirer contremont, et aussi les hommes : et estoit de plus grande peine sans comparaison, que le monter : et à toute heure y falloit les charpentiers ou les mareschaux, et tomboit quelque piece qu'on avoit grand peine à redresser. Plusieurs eussent esté d'advis de rompre toute la grosse artillerie, pour passer plustost : mais le Roy pour rien ne le vouloit consentir. ”

“ Car un faulcon tira un coup qui tua un de leurs chevaux, qui incontinent les fit retirer : car ils ne l'avoient point accoustumé : et en se retirant, prirent un capitaine de nos Allemans, qui estoit monté à cheval, pour voir s'ils se retiroient, et eut un coup de lance au travers du corps : car il estoit desarmé. Il estoit sage, et fut mené devant le marquis de Mantoiie, qui estoit capitaine general des Venitiens, et y estoit son oncle le seigneur Rodolphe de Mantoüe, et le comte de Cajazze, qui estoit chef pour le duc de Milan, et cognoissoit bien ledit capitaine. ”

“ Leur ligue n'estoit encore ne faite ne rompue, et vouloient partir les Allemans mal-contens. Le duc de Milan se faisoit encores prier de je ne sçay quel article : toutesfois il manda à ses gens qu'ils passassent tost; et en effect conclurent la ligue. Et durant que cecy se demenoit, j'avois sans cesse adverty le Roy du tout, le pressant de conclure, ou de demeurer au royaume, et se pourvoir de plus de gens-de-pied et d'argent, ou de bonne heure se mettre en chemin pour se retirer, et laisser les principales places bien gardées, avant qu'ils fussent tous assemblez. ”

“ Toutesfois le Roy estoit ja de dix-neuf ans, ou plus, nourry de ceux que j'ay nommez: qui luy disoient journellement, que ledit royaume de Naples luy devoit appartenir. Je le dis volontiers, parce que souvent petites gens en menoient grande noise : et ainsi le sceus par aucuns de ces ambassadeurs, qui alloient à Rome, Florence, Gennes, et ailleurs, pour ledit duc de Lorraine ; et le sceus mesmement par ledit duc propre : qui vint passer par Moulins, où lors me tenois, pour les differends de Cour, avec ledit duc Jehan de Bourbon. ”

“ Plusieurs le blasmoient de ce qu'il disoit que Dieu: luy avoit révélé, autres y ajoûterent foy. De ma part je le repute bon homme : aussi luy demanday si le Roy pourroit passer, sans peril de sa personne, veu la grande assemblée que faisoient les Venitiens : de laquelle il sçavoit mieux parler que moy, qui en venois.
Il me respondit qu'il auroit affaire en chemin ; mais que l'honneur luy en demeureroit, et n'eut-il que cent hommes en sa compagnie: et que Dieu, qui l'avoit conduit au venir, le conduiroit encores à son retour ”

“ En Calabre laissa monseigneur d'Aubigny (1) , de la'nation d'Ecosse, bon chevalier et sage, bon et honorable: qui fut grand connestable du royaume ; et luy donna le Roy (comme j'ay dit) la comté d'Acri, et le marquisat de Squillazzo. Il laissa au commencement le seneschal de Beaucaire , appellé Estienne de Vers, capitaine de Cajette, fait duc de Noie, et d'autres seigneuries, grand chambelan : et passoient tous les deniers du royaume par sa main ; et avoit iceluy plus de faix qu'il ne pouvoit, et n'eut sceu porter: mais affectionné estoit à la garde dudit royaume. ”

“ Et que dedans le mardy ensuivant il seroit à Paris, comme au lieu du monde que plus il desiroit estre, pour donner remede, et provision par tout, et qu'il aimeroit mieulx avoir perdu la moitié de son royaume que mal ne inconvénient aucun venist en ladicte ville, où possible luy seroit de y pourveoir. Aussi dit et pria ledit Cousinot de par le Roy, que ceulx de Paris pourveussent au logis des gens d'armes et de traict que le Roy avoit et menoit avecques luy : et aussi de mettre pris raisonnable sur les vivres. ”

“ Ledit comte alla droit aux ennemis. Il estoit homme bien cognu des gens-d'armes : car tousjours avoit eu charge, tant des Florentins que du roy Ferrand: et se prit à crier : Petïllane, Petillane: et alla après ceux qui fuirent, plus de trois lieues, crians que tout estoit leur, et qu'ils vinssent au gain ; et en ramena la plujpart, et les asseura : et si n'eust-il esté, tout s'en fut fuy : car ce ne leur estoit petit reconfort d'un tel homme, party d'avec nous : et mit en avant, le soir de nous assaillir : mais ils n'y voulurent entendre. ”

“ Car ledit seigneur d'Aubigny estoit en force de cent cinquante, ou de deux cens hommes-d'armes françois, et d'un nombre de Suisses : et se reculoit ledit dom Ferrand vers leurs amis : et estoit demie journée ou environ devant nos gens : et tira devers Forly, dont estoit dame une bastarde de Milan, veufve du comte Hieronyme, qui avoit esté neveu du Pape Sixte. On disoit qu'elle tenoit leur party : mais nos gens luy prirent une petite place d'assaut, qui ne fut batuë que demy jour : parquoy elle se tourna, avec le bon vouloir qu'elle en avoit : et de tous costez. ”

“ EN ce temps passa la mer en Angleterre un legat de Rome, legat de par le Pape, qui illec prescha le peuple du pays. Et par especial en la ville de Londres, maistresse ville dudit royaulme, là où il fist plusieurs remonstrances aux habitans dudit lieu, et aultres d'environ, contre et au préjudice du roy Henry d'Angleterre, lesquelles remonstrances le cardinal d'Yorth qui accompagnoit ledit legat apres ladicte exposition par lui exposee en leur langage. ”

“ Ainsi passa le Roy outre Pontreme : et alla loger en une petite valée, où n'y avoit point dix maisons : et n'en sçay le nom : et y demeura cinq jours (et n'en sçaurois dire la raison) a trés-grandc famine, et à trente milles de nostre avantgarde, qui estoit devant, ayant des montagnes trés-hautes et trés-aspres à l'entour, et où onques homme ne passa artillerie grosse, comme sont canons et grosses coulevrines, qui lors y passèrent. Le duc Galcas y passa quatre faucons de telle grosseur qu'ils pesoient paravanture cinq cens livres, au moins ”

“ Lesdits Dorie sont partisan desdits Fregouses, et ne peuvent estre ducs, à cause qu'ils sont gentils-hommes : car un gentil-homme ne le peut estre, et ledit messire Baptiste l'avoit esté, n'y avoit gueres, et avoit esté trompé par son oncle le cardinal de Genes (1) , et cestuy-là avoit mis la seigneurie de Genes en la main du duc de Milan ( il n'y a pas encores fort long - temps ) et gouvernoient à Genes les Adornes, qui aussi ne sont point gentilshommes : mais souvent ont esté ducs de Genes, et aidez par les Spinoles, qui sont aussi gentils-hommes. ”

“ Le mareschal de Gié, qui estoit à trente milles de nous, pressoit le Roy de se haster : et mismes trois jours à le joindre : et si avoit les ennemis logez devant luy, en beau camp, au moins à demie lieuë prés; qui en eussent eu bon marché, s'ils l'eussent assailly : et après il fut logé à Fornoüe (qui vaut à dire un trou nouveau) qui est le pied de la montagne, et l'entrée de la plaine, bon village : pour garder qu'ils ne nous vinssent assaillir en la montagne : mais nous avions meilleure garde que luy. ”

“ Autres suspicions eut le roy Charles VI qui devint fol : et le tout par rapport. Ce qui doit estre réputé à grande faute aux princes, quand ils ne les averent ou font averer, si ce sont choses qui leur touchent, et encores que ne fussent de trop grande importance (car par ce moyen ils n'en auroient point si souvent) et faudroit en demander aux personnes l'un devant l'autre : j'entens de l'accusateur et de l'accusé, et par ce moyen ne se feroit aucun rapport, s'il n'estoit veritable. ”

“ Car quand le seigneur se contenteroit de cinq cens mille ducats l'an, les subjets ne seroient que trop riches, et vivroit ledit seigneur en seureté ; mais il en leve six cens cinquante mille, ou sept cens mille, qui est grande tyrannie ; aussi le peuple ne demande que mutation de seigneur.
Ce voyant le seigneur Ludovic, avec ce que dit est, si prés d'achever son désir, et qui estoit marié avec la fille du duc de Ferrare, dont il avoit plusieurs enfans, il mettoit peine de gagner amis, tant en ladite duché, que hors d'Italie ”