Olivier de La Marche

“ Nobiliter, le bastard, vint sur les crestiens fierement, mais le conte de Flandres, par bon advis et conseil et par la voulenté divine, combien qu'il n'avoit nulles armes pour luy, ne ses gens, se mist en bataille et en bon ordre de deffence, et se monstra de sa personne, comme il appertenoit. Et, par le racoragement et bon exemple qu'ilz virent ou conte de Flandres1, ilz desconfirent les Sarrazins, et y morut trois mille payens et moult de personnes, et meismes y morut Nobiliter, le bastard, chief d'icelle emprinse, par la main du bon chevalier Phelippe, conte de Flandres. ”

“ Mais le bon duc se ralia avec ses gens de bien et se retira par bon arroy et honnourablement ; et n'est pas la première fois que, quant peuples sont les plus fors en une grande besongne, la conclusion en est souvent de petit effect. ”

“ Marie de Bourgogne était fille d'Isabelle de Bourbon, seconde femme de Charles.
le duc poursievyt les ennemis ou pays de Franchimont, où luy et son armée eurent de grans froidures et souffertes1. Mais il brulla tout le pays qui toutesfoix est terre de montaignes, vallées et boix. Et sont les hommes fors et robustes, villains et gens dangereux à concquerre. Après celle concqueste, le duc retourna en son pays de Brabant et de Flandres, et demoura assez bonne espace sans guerre. ”

“ Ainsy doncques je vous ay monstré comme de monseigneur Charles, duc de Bourgoingne, lors conte de Charolois, et de madame Ysabel de Bourbon, vint madame Marie de Bourgoingne, vostre mere. Mais il faut pour moy acquiter que je parle de la noble maison de Bourbon, affin que vous entendez mieux la noblesse de vostre descente d'icelle lignie, car c'est ung de voz plus prochains costé maternel. Et est vray que ceste maison de Bourbon vient de la maison royale et de filz qui se nommoient de France, filz de sainct Loys de France. ”

“ Et ce grant Dieu peut en son bon plaisir rompre vos trop haultes et eslevées emprinses, et diminuer vos gloires et renommées. Et, monseigneur, ce grant trabuchement advenu à la fin de vostre grant pere, le duc Charles, ne le prenez ou reputez à ses defaultes ou peciez, car le voloir ou permission de Dieu nous est chose incongneue. Mais, pour sagement vostre prouffit en faire, pensez et entendez que ce cop et divine bature vous est advenu en la personne d'icelluy, affin que vous congnoissiez le povoir de Dieu et l'ayez en crainte et en doubte. ”

“ Roy, et fut Dieu en l'ayde du sarrazin1 tenant mauvaise loy, pource qu'il estoit en ses fais droiturier et homme de justice, et confondit le crestien qu'il trouva faulx, tyran, torturier et homme vicieux; qui doit estre exemple à tous princes qui desirent et veulent regner en honneur et en gloire.
Clotilde, la très vertueuse Royne de France, aima moult Clovis, son seigneur, et bien y avoit raison. Car toutes les histoires, qui de luy font mention, tesmoingnent moult de biens estre2 en sa personne. Et n'avoit la Royne, sa compaigne, regret que de ce qu'il vivoit en mauvaise loy et creance. ”

“ « Monseigneur, se me vouliez croire, j'ay espoir que vous gaingneriez la bataille et desferiez vos ennemis. C'est que vous veuiliez croire en Jhesucrist, en qui je croy, et luy promettez de recepvoir baptesme. Celluy seul vous peut aydier, c'est celluy qui a les victoires en sa main et la puissance du ciel et de la terre. Monseigneur, prenez mon conseil de bonne part, car aultre espoir je ne voy de vostre victoire. »
Le Roy pensa moult au sermon et conseil de sa femme, et, pour abregier, vint à la bataille contre les Alemans, et fut la pluspart de sa compaignie reboutée et comme desconfiz. ”

“ Le lundi, quatorziesme de juillet suyvant, se présenta devant le conte de Nevers, juge commis en ceste partie, ung escuyer nommé Thibault, seigneur de Rougemont3, lequel fut ordonné par les gardans le pas pour fournir à l'emprise dudit messire Diago de Valiere. Celluy escuyer fut de noble maison, et homme bien renommé de vaillance, et de sa personne le plus grant et le plus hault de stature noble homme qui pour lors fust en toute Bourgoingne, et monté et armé comme en tel cas appertient. Son cheval estoit couvert d'ung satin cramoisy fort vermeil ”

“ Et toutesfois marcha le duc sur le marchiet au poisson et jusques au devant de l'ostel de la ville, car les sieurs de la ville estoient bons pour luy. Et n'est point à doubter que ce populaire mal conduit, sans sens et sans raison, estoit deffait
et tout mors, se le bon prince, vostre pere, leur eust courut sus. Car il estoit fort accompagnié d'Allemans et de Wallons, nobles et aultres, tous en bonne voulenté de faire tele execution. Mais le Roy, vostre pere, leur manda que, s'ilz se vouloient retirer en leurs maisons, il feroit retirer ses gens d'armes sans leur porter aultre dommaige. ”

“ « A ceste fois ay je partie trop forte et trop pesante. » Et ceste chose j'ay voulentiers ramentue et mise en escript, pour commencer, temps après aultre, selon les lieux, les raisons et les causes, à dire et deviser les biens, les vertuz, les bontez et les courtoisies de cestuy noble prince le bon duc Philippe de Bourgoingne, cinquiesme de ce nom, auquel, en la premiere sepmaine que je l'eusse jamais veu, je luy veiz faire et monstrer publicquement tel honneur et tel port de soy monstrer et declairer parent de son subject. ”

“ Plus avant furent les lices dressées pour faire les armes, et au millieu des deux lices avoit une haulte maison de bois, forte et charpentée et couverte ; et regardoit icelle maison sur chascune des deux lices1, dont du cousté du grant chemin fut la lice pour combatre à pied grande et spacieuse ; et de l'aultre part fut celle qui estoit pour faire les armes à cheval, plus grande beaucop, comme il appertenoit ; et au millieu d'icelle lice fut la toille mise pour la conduicte des chevaulx et pour servir à la course des hommes d'armes, comme il est de coustume en tel cas. ”

“ Cestuy Martin fust ung grand homme maigre, bien représentant, et de condicion grant parlier et fort grant vanteur, et apparent de petite vertu; et fist toucher l'escu noir, semé de larmes d'or, pour faire armes à cheval; et tenoit parolles qu'avant qu'il partist, feust par requeste, ou par le droit du pas, ou aultrement, il combatroit à pied trois ou quatre des meilleurs des gardes du pas. De ses parolles se rioit le duc qui voulontiers veoit telles nouvelletez ; et si faisoient ceulx qui ouïrent ledit Martin. ”

“ Le Roy des Rommains estoit habillé d'ung pourpoint à gros cul, à la guise de Behaigne, et d'une robe de drap bleu brun; et avoit ung chapperon par gorge, dont la patte venoit jusques à la selle, et estoit decouppé à grans lambeaulx ; et portoit en son chief ung petit chappel gris, à court poil, et sur son chappel avoit une petite et estroitte couronne d'or, et estoit la premiere couronne dont il avoit esté couronné à Ais en Allemaigne Il fut homme de bonne taille, beau seigneur, et povoit avoir vingt six ans d'cage. Ung chevalier portoit toujours une espée devant luy. ”

“ Il tenoit beaucoup et largement de villes et de chasteaulx en frontiere de Henault, de Champaigne et de Barrois, et avoit gens et souldoiers duitz à la guerre, et norris de butin, et peult on legierement croire qu'ilz vivoient avec leurs voisins, et qu'ilz monstroient de toutes pars que la paix estoil pour eulx, à traicter, consentir et faire. Et estoit ledit conte de Ligny porté des Angloix, et aimé du duc de Bourgoingne, et conduisit si haultement ses affaires, qu'il vescut et finit en grant bruit, et sans foule 1. ”

“ J'Empereur Frédéric, son pere et vostre grant pere, il fut esleu Roy des Romains par la clemence de Dieu ; et n'est pas venu à celle dignité par estre tirant, par force ne par violence, mais par vraye élection, digne, sainte et canonicque et par rappors de vive voix des grans vertus qui sont en sa noble personne. Mon souverain seigneur, ce vous est miroir et exemple de bien vivre et de bien regner et d'estre leal en vos fais, car Dieu, le pardessus de toutes choses, guerdonne les bons et leur rent le merite de leurs bonnes euvres. ”

“ Mon souverain seigneur, il est bon 2 que vous entendez que les grans seigneuries sont portées et entretenues de Dieu seulement, non pas par 3 la puissance des Roys ou des princes qui sont hommes mortelz; et, selon qu'ilz acquièrent envers Dieu merite de regner et qu'ilz entretiennent leur peuple en justice et à la discipline de la saincte foy crestienne et à garder ses commandemens, Dieu leur permet et fait ayde à demourer princes puissans et en honneur et prospérité, ou les laisse périr, et leur peuple souffrir par l'abomination de leurs vices ”

“ Le dixiesme jour d'aoust, par un jour sainct Laurens, vint monseigneur de Bourgoingne, madame son espouse, toutes les dames et la seignorie, pour veoir les armes des deux nobles hommes ; et là se présenta Jaques de Challant, seigneur de Manille, moult noblement acompaigné du seigneur de Charny et de ses compaignons, comme d'aultres ses parens et amys ; et se présenta sur ung destrier couvert de drap damas bleu, broudé de ses lettres et devises moult gentement ; et estoit monté et armé pour ses armes fournir. ”

“ Pendant ce temps se faisoient les cris par les roys d'armes et heraulx aux quatre coings de la lice, et commandoient, de par le duc de Bourgoingne, que nul ne demourast en la lice close, s'il n'estoit commis du duc ou de son mareschal, ou s'il n'avoit de sa personne combatu en lices ou champs clos ; et deffendoient, sur peine d'estre corporellement puni à la voulenté du prince, que nul, de quelque estat qu'il fust, ne parlast, toussist ou fist signe pour advantaiger ou advancer nul des champions, en faisant et fournissant la bataille de leurs armes. ”

“ Cestuy Fernant fut prince voyageur et vint ès parties de France4 , et se maria à une noble dame nommée Marie, fille du conte de Boulongne, et en eut ung filz nommé Henry, qui depuis fut Roy de Portugal. Celluy Roy Henry fist bordure ès armes de Portugal des armes de sa mere. Et, combien que la bordure des armes de Portugal soit 5 de gheules semée de chasteaulx d'or, ne desplaise aux paintres et aux deviseurs, car la bordure de gheules est bonne, mais les chasteaux sont faulx, selon l'entendement du Roy Henry, car ce doivent estre confennons 6 qui sont les armes de Boulongne. ”

“ Du duc Jehan de Bourgoingne, filz d'iceulx, qui se nomma Jehan sans Paour ; de ses grans fais; et pourquoy les filz aisnez de la maison de Bourgoingne se sont nommez jusques à present contes de Charolois; et augmenta ses armes du lyon de Flandres; et se maria à madame Margherite de Baviere, fille du duc Aubert de Baviere, conte de Haynaut, de Hollande, de Zellande et seigneur de Frize. ”

“ Et, en effect, le Roy d'Angleterre et sa puissance s'en retournerent et rapasserent en Angleterre sans faire autre exploit. Et combien que le duc de Bourgoingne [vostre grand pere] se trouva par ce moyen frustré de l'ayde qu'il cuidoit avoir des Anglois, toutesfois il tint son propos et emprinse plus ferme que devant, et entra en Loraine et concquist le pays entièrement. Et de là alla pour aydier1 la ducesse de Savoye, seur du Roy de France, laquele avoit ung filz de dix ans, nommé Philebert, duc et héritier de Savoye, auquel les Suysses faisoient la guerre. ”

“ Parquoy luy, congnoissant le duc estre bon amy et vray catholicque, mettoit sa fiance et son confort, après Dieu, en luy seullement ; car desjà avoit tant approuvé et sceu de son noble vouloir et de son povoir, que ses naves et ses navieres, à grans fraiz et à grant puissance, avoient waucré la mer de Ponant1 et fait grand secours à la chrestienté ; et pour ce envoi oit devers luy, en esperance de secours et d'ayde ; et certes le chevalier embassadeur estoit tenu l'ung des adrois archiers, à leur maniere, qui fut en toute Grece ”

“ Et en ce temps estoit Roy de la terre franchoise le Roy Clovis. Et, combien que celluy Clovis tenoit encoires la loy payenne, toutesfois il estoit vertueux, veritable justicier, vaillant et droiturier en ses fais. Celluy Clovis, Roy de France, fut adverty de la beaulté, des vertus et des bonnes meurs que l'en disoit estre en celle Clotilde, fille du Roy Cideric trespassé, et niepce de Gondebault, Roy de Bourgoingne; et, combien que celle Clotilde fut très crestienne, et luy payen, toutesfois il desira de l'avoir en mariage. ”

“ Combien que je ne die pas qu'il faille tempter Dieu et demourer les bras croisiez, et laissier honneur et avoir à l'adventure, sans deffense; mais il s'entend que l'en doit, par humble et devot courage, marchander à Dieu la victoire et y mettre coer et fiance, pour avoir de luy confort et ayde. ”

“ Celluy Roy Estienne augmenta moult la foy de Nostre Seigneur et eut la croix sainct Andrieu en tele devocion et reverence, qu'il la prist pour ensaigne, toutes et quantes fois qu'il yroit en gherre ou en bataille. Et de là vint que l'ensaigne des Bourguignons est la croix sainct Andrieu, et se aucune fois ilz ont porté aultre ensaigne, ce a esté quant la seignourie par quelquefois a esté ès mains des Roys de France. ”

“ Sy estoit l'aisné et le chief, au temps de lors, ung noble prince nommé Jaspar. Il avoit nulz enffans et avoit ung jeune frere de xx ans, nommé 2 Frederick, beau chevalier et de grant corsaige. Et n'estoient pas si bons amis enssamble, pour aucunes questions de partaige, que freres devroient estre par raison. Toutesfois icelluy Frederick fist son assemblée grande et puissante, et marcha pour servir son Dieu et sa loy, garder son honneur, aydier son frere et son chief, et deffendre sa part de la seigneurie d' Austrice. ”

“ Et se nous voulons que l'oreloge de nostre charge et de nos affaires soit gouverné deuement et par raison, il nous fault requerir et meriter par oroisons et par biens fais, à ce hault Dieu tout puissant, qui tient la periode du monde en sa main, qu'il nous vueille conduire, enseignier et gouverner en tele maniere que de la charge qu'il nous a donnée en gouvernement en ce monde, nous luy puissions rendre compte qui luy soit agreable. ”