“ Ville, au denier douze, lesquelz seront bien asseurez et remboursez sur les fermes des aydes nouvelles de lad. Ville; et que aussi le corps de lad. Ville se obligera comprins le Greffier, Receveur et Procureur, à les garantir et faire rembourser. Et pour plus grande seureté de ceulx qui feront lesd. prestz, lesd. Prévost des Marchans et Eschevins, soubz le bon plaisir du Roy et par lettres que led. seigneur octroyera, obligeront tous et chascuns les biens, renies et revenuz du dommaine de lad. Ville. Et avec ce, seront prins les deniers estans ès mains du Receveur de lad. ”

“ Anglois, seureté et deffence de nostre royaulme, que avoit feu nostredict seigneur et pere, et oultre cela, à payer ses obsèques et funérailles, avec ceulx de noz très chers et très amez frères, les feuz Daulphin et duc d'Orléans, qui monteront à grande somme de deniers, sans les autres despences extraordinaires qui surviennent par chascun jour, de sorte que l'occasion est beaucoup plus aparante pour nous de croistre et augmenter les deniers extraordinaires, ordonnez estre levez en cestedicte année, que en riens les diminuer. ”

“ Vous supplians très humblement, Sire, demeurer en ceste oppinyon et croyre que, de tant de peuple que vouz avez soubz vostre obeyssance, vous n'avez subgetz qui de meilleure, plus franche et liberalle volunté, veillent employer leurs biens et leurs personnes pour vostre service. Nous sommes venuz par deça pour vous faire la reverence et entendre ce qu'il vous plaira nous commander, pour vous obeyr d'aussi bon cueur, comme nous supplions très humblement le Créateur conserver vostre royalle Magesté en toute prospérité et vous donner très longue et très heureuse vie. ”

“ Nostre amé et feal, voyant que le roy d'Angleterre, nostre ennemy, ne veult entendre à la paix, mais est obstiné à la guerre, laquelle nous desirons plus tost gecter en ses pays que de la soutenir en nostre royaulme, nous sommes contrainctz faire lever grandes sommes de deniers sur noz subgectz de tous estatz, pour conduire les despences de lad. guerre, mesmement sur les habitans des villes closes de nostre royaulme la somme de huit cens mil livres tournois, pour subvenir à la soulde des gens de pied qu'il nous convient entretenir en ceste présente année. ”

“ Ville estoit grandement solicitée par le seigneur de Mandosse, son premier Maistre d'Hostel.
Pour ces causes, auroit prié et exorté le peuple
voulloir s'efforser de trouver les moyens de obeyr aud. seigneur et satisfaire à son voulloir. Et ce faict, a mys la matière en délibération, et demandé l'avis et oppinyon aux assistans. Tous lesquelz, considerans le grand peril et danger qui pourroit advenir, comme autresfoys l'on a veu, de lever pareille somme par cappitacion ou sur les maisons, chose si difficille que jamais ne c'est peu mener à fin, et que, en ce faisant, ce seroit rendre par led. ”

“ Ce que, toutesfoys, je n'ay voullu accorder pour ne mettre en hazard ung jeu que je voy avecques l'ayde de Dieu tout asseuré. J'ay bien voullu vous en donner advis, affin que, pour venir à l'effect que je desire, vous faictes en toute dilligence besongner aux rampars et forteresses de ma ville de Paris, asseurant bien les habitans d'icelle qu'ilz n'ayent aucune doubte et crainte, car si l'ennemy dresse là la teste par desespoir, comme je voy qu'il est contrainct, ou de se retirer, j'ay toutes mes forces prestes et entieres, dont je mettray la plus grande partie au devant desd. ”

“ Ville estre supportez ; lequel ayde sera levé soubz la main de lad. Ville par le receveur d'icelle, tant pour savoir la valleur d'icelluy que pour ce qu'on n'a sceu trouver nul qui l'ayt voullu prandre à main ferme, à la charge de advancer deniers; neantmoings seront mys affiches pour savoir combien on en vouldra donner ; aussi de parachever de faire la recherche des roolles des quarteniers, et faire promptement recevoir les deniers qui y seront trouvez, et cesser les rachaptz des rentes qui se font de l'entrée de ville du pié fourché, et du guesde ( 2) et garance. ”

“ Ville, et plus, emsemble la peste qui regne fort en lad. Ville et faulxbourgs. Neantmoings, comme bons et loyaulx subgectz du Roy, n'ont cessé journellement de vacquer à chercher les moyens de luy obeyr, et ont faict plusieurs assemblées de Conseillers, Quarteniers et bourgeois de lad. Ville, lesquelz ont esté d'avis chercher autre moyen et aller vers led. seigneur, obtenir quelques provisions pour constituer rente sur lad. Ville à ceulx qui vouldront advancer deniers. ”

“ Et aussi, s'il advenoit que les deniers procedans du résidu desd. petites fermes et de lad. ferme du pié fourché, comprins Sainct Laurens, n'estoient suffisans pour payer les arreraiges desd. rentes et fraiz nécessaires, ce qui s'en deffauldra sera prins sur les plus valleurs des fermes du VIIIe du vin vendu en détail et taverne, aux quartiers des Halles et Petit Pont, et sur la ferme de l'imposition de XII deniers pour livre, à prandre sur le poisson fraiz et sallé, vendu ès Halles et autres lieux de lad. ville de Paris, venduz par le feu Roy ausd. ”

“ Force et vigilance puissent garder vostre Royaulme ; par conseil, bonne expedicion et prudence soyent voz limittes estenduz, si qu'a vous soit soubzmise toute la ronde machine de la terre, et que dominiez à la mer, ayant tousjours Dieu pour vengeur et deffenseur contre voz ennemys, par ferme paix et concorde, en affluence de tous biens, longuement et sainement, triumphateur, vivez, regissez et gouvernez. ”

“ Davantage, il seroit grandement à craindre que, au moyen du grand fond de deniers que les maistres de lad. banque auraient par devers eulx, ilz feissent, contre le nom de quelques personnes interposées, passer toutes marchandises par leurs mains, pour après les revendre à si hault pris qu'il leur plairait, qui seroit une grande charge sur tout le peuple et ruyne totalle de l'estat de marchandise.
Le prouffit promis aud. seigneur ne seroit tel que l'inventeur de lad. banque s'efforce persuader, joinct que l'utilité ne peult estre séparée de l'honnesteté ”

“ Ne reste que argent pour les souldoyer et advitailler ; et pour ce qu'il se actendoit aux villes closes de son royaulme, mesmes à sa bonne ville de Paris, cotisée à VIxx M livres tournois, pour cestedicte année, laquelle somme n'a esté aucunement fournye ne encommencée, combien que tous les termes contenuz ès lettres patentes du Roy sont escheuz ; ce que led. seigneur treuve grandement estrange, actendu le bon voulloir et obeyssance que luy a tousjours porté lad. Ville, et aussi que chascun scet qu'on ne sauroit riens faire touchant la guerre sans argent; à ceste cause, led. ”

“ En premier lieu, quant à la noblesse, laquelle de son naturel est encline à libéralité et despence, ce seroit luy donner occasion de faire mauvais mesnage et consommer tout son bien prodigallement, sans penser à la conduicte de sa maison et à tenir prest l'équipage neccessaire pour aller au service du Roy, soubz l'ombre de l'esperance certaine qu'elle auroit de recouvrer deniers en lad. banque, toutes les foys que bon luy sembleroit ; et qui est plus à craindre, après que lesd. nobles seroient une foys
encrez et endebtez en lad. ”

“ Ville, la gendarmerye qui a passé ès environs d'icelle, qui ont tout mengé leur revenu, la cherté et sterilité des vivres et la peste qui regne en icelle ; emsemble les previllegiez que le Roy veult exempter qui sont ceulx qui debveroient payer ; qu'on doibt aller vers le Roy, nostre sire, le prier très humblement avoir pitié de son povre peuple de Paris, qui par cy devant a tousjours faict son entier devoir de ayder aud. seigneur, en ce qui leur a esté possible ; et qu'il luy plaise quicter icelle, ou à tout le moings modérer lad. somme de moictié, ou autre somme qu'il luy plaira ”

“ Jehan Lelieur, et generalement d'autant faire, en ce que dit est et qui en deppend, comme led. constituant feroit et faire pourroit, si présent en sa personne y estoit, jaçoit ce que le mandant requist mandement plus especial, ou presence de personne. Promectant led. constituant, en bonne foy et soubz l'obligacion de tous ses biens, avoir agréable, tenir ferme et estable à tousjours tout ce qui par sond. procureur sera faict, en ce que dit est et qui en deppend. En tesmoing de ce, nous, à la relation desd. notaires, avons faict mettre le scel de lad. Prevosté de Paris à cesd. ”

“ Chambre du Conseil, auparavant que voulloir faire le serment, a remonstré que Messrs de la Ville qui avoient faict eslection de sa personne, pour telle charge conduire et administrer, luy avoient faict trop plus d'honneur qu'il ne meritoit, et luy sembloit qu'il se feust trouvé en lad. Ville beaucoup de personnes plus anciens d'aage et d'experience à régir et gouverner faictz publiques et politiques, que luy qui n'y avoit jamais esté nourry. ”