Jacques Pelletier du Mans

“ E suis bien d’auis qu’íz n’an ússɇt pas trop mal : męs qu’íz abusɇt euidãmant du c dauãt e, i, qu’íz sonnɇt tãt an Latin qu’an vulguerɇ cõmɇ nous sonnons notrɇ c as‍ps‍pire, quand íz prononcɇt Cicero, commɇ si nous voulions dirɇ an Françoęs Chicheron, déquéz sɇ dìt ę́trɇ lɇ signeur Dɇbęzɇ : męs il lui plę́t einsi, Mę́mɇs quand íz veulɇt dirɇ notrɇ cha, íz l’ecriuɇt cia, einsi qu’on voę̀t an ciascuno, pour chacun, la ou l’i nɇ s’antand commɇ point, ni plus ni moins quɇ quand íz veulɇt exprimer cɇ quɇ nous sinifiɇ notrɇ j consonɇ, íz męttɇt gi : cõmɇ giamai giesu, giosefo. ”

“ Auec priuilegɇ du Roę.
1550 Par Priuilege du Roy, donné a Ian & Enguilbert de Marnef freres, est permis d’imprimer & vendre le present liure intitulé Dialogue de l’Ortografe & Prononciation Francoise, departì en deux liures par Iacques Peletier du Mans: & defenses a tous autres de non en vendre ne Imprimer autres que ceulx Imprimez par lesdic‍tc‍tz de Marnef, iusques au temps de cinq ans, a compter du temps qu’ilz seront paracheuez d’imprimer: soubz les peines contenues par les lettres sur ce faic‍tc‍tes, donnees a Escoan le septiesme de Mars 1547. ”

“ A quoę̀ dít Dauron, Iɇ n’i voę̀ point dɇ rɇmedɇ an cɇ cas la : Commɇ quand on dit monsieur Syluius, cɇla ę́t pęrmis pour doublɇ causɇ, l’unɇ ę́t cęllɇ quɇ vous dittɇs : l’autrɇ ę́t qu’un maladɇ qui l’à ouì tousjours einsi nõmer, si on lui fę̀t cas d’unɇ ordonnancɇ fęttɇ par lui, e qu’on nɇ lɇ nõmɇ einsi commɇ il l’à appris, il n’an guerira pas si tót : Car vous sauę̀z qu’an cas dɇ maladiɇ, il j à deus poinz qui nɇ sont pas legers pour rɇcouurɇmant dɇ santɇ, l’un ę́t lɇ bruit du Medɇcin, l’autrɇ qui an depand, la confiancɇ. ”

“ Pausèz quel honneur cɇ nous ę́t d’ecrirɇ comptɇ par mp par cɇ qu’il vient dɇ computum : Itam solampnęl e condampner, commɇ si nous disions an Latin solempnis e condempnare, téz quɇ dɇ verite on les trouuɇ ancorɇs einsi ecriz an quelquɇs bouquins du tans paßè. Iz ecriuɇt außi Comtɇ par m par cɇ qu’il vient dɇ Comes : mę́s si c’ę́t bien fę̀t, jɇ m’ebahi commant íz nɇ sɇ sont auisez d’ecrirɇ samtɇ par m, par cɇ qu’il vient dɇ semita, e traim, par cɇ qu’il vient dɇ trames : faim, dɇ fames, d’autrɇs infiniz. ”

“ Męs quand nous voions mons‍tftrɇ pour montrɇ qui sinifiɇ l’apparancɇ e represantation dɇ quelquɇ chosɇ, l’eulh plus tót nous dɇçoę̀t qu’il nɇ nous addressɇ, an nous fę́sant croęrɇ quɇ tous les deus moz sinifiɇt mę́mɇ chosɇ : cɇ qui n’ę́t pas vrei. S’il ę́t donq einsi quɇ l’es‍ps‍prit nɇ puissɇ rien comprandrɇ dɇ la prattiquɇ dɇ parler ni d’ecrirɇ, mi la mein n’an sachɇ sinon cɇ quɇ l’es‍ps‍prit lui à montrè, n’ę́t cɇ pas rę́son quɇ tous troęs soę̀t d’accord ansamblɇ ? ”

“ E si nous nous voulons regler aus languɇs lęttreɇs, nous connoę́trons notrɇ fautɇ an rɇgardant les dic‍tc‍tions Latinɇs composeɇs, la ou les prępositions simplɇs nɇ sɇ trouuɇt jamęs changeɇs, sinon quɇ la prolation lɇ portɇ, c’ę́t a dirɇ pour euiter mauuęs son : Commɇ ad e a, nɇ s’alterɇt point an aduocare ni auocare : an admittere e an amittere. Vrei ę́t quɇ les Latins disɇt appellare, attrahere, annumerare, alligare : Mę́s cɇ c’ę́t ajoutè ni diminuè, einstant seulɇmant męttrɇ vnɇ lęttrɇ pour autrɇ a causɇ dɇ dousseur dɇ son qui gìt an prolation. ”

“ Il faut qu’il i ę̀t quelquɇ differancɇ antrɇ la manierɇ d’ecrirɇ des g’ans doc‍tc‍tes e des g’ans mecaniquɇs: car sɇroę̀t cɇ rę́son d’imiter lɇ vulguerɇ, lɇquel sans jugɇmant mettra außi tót vn g pour vn i, e vn c pour vn s, cõmɇ vn mot pour vn autrɇ, brief qui nɇ gardera ni reglɇ ni gracɇ an son ecritturɇ, non plus qu’an son parler ni an ses fęz ? ę́t cɇ rę́son qu’un Artisan qui nɇ saura quɇ lirɇ e ecrirɇ, ancorɇs assez mal adroę̀t, e qui n’an antant ni les rę́son, ni la congruite, soę̀t es‍tftimè außi bien ecrirɇ, cõmɇ nous qui l’auons par etudɇ, par reglɇ, e par excercicɇ? ”

“ Sans quɇ jɇ discourɇ cɇ qu’il a volonte dɇ vous presanter si apres : moiennant qu’il antandɇ quɇ cɇ qu’il ecrit d’un bon zelɇ, nɇ soęt calomnie sans propos, dɇ g’ans qui nɇ sauɇt, ou quɇ sɇ tairɇ, commɇ ignorans, ou rɇprandrɇ cɇ qu’íz nɇ pourroę́t seulɇmant panser, quand l’inuantion sɇroit ancorɇs a naitrɇ. Quɇ dirę̀ jɇ plus? Il n’i a chosɇ plus facilɇ a supporter quɇ cęllɇ qui nɇ coutɇ rien, e profitɇ, sinon a l’un, pour lɇ moins a l’autrɇ : ou, au fort, nɇ nuit à pęrsonnɇ. ”

“ Et quand nous lui aurons donnè vn habit lɇ plus jus‍tftɇ quɇ nous lui pourrons talher, nous n’aurons pas pęrdù notrɇ tans, mę́mɇs pour lɇpresant : Car par cɇla nous dõnɇrons a connoętrɇ aus etrangers qui la goútɇront, quɇ c’ę́t vnɇ languɇ qui sɇ peùt reglɇr, e qu’ęllɇ n’ę́t point barbarɇ : car lɇ plus qu’an puissɇ sęruir lɇ reglɇmant pour lɇ tans presant, c’ę́t pour les etrangers, aúquéz il faut apprandrɇ a la prononcer : Car combien qu’íz viegnɇt lɇ plus souuant sus les lieus, toutɇffoęs si n’i dɇmeurɇt íz pas si longuɇmant qu’íz puissɇt auoę̀r loę́sir d’an rɇtɇnir la naiuɇ prolation. ”

“ L’autrɇ point, ę́t quɇ vous vous tɇnèz fort du signeur Dauron: męs vous serièz bien trompè s’il vous contrɇdisoę̀t lɇ prɇmier. E croę qu’il nɇ sɇ tiendra pas dɇ sɇ declerer cõtrɇ vous an la plus grãd’ partiɇ dɇ vos fantęsiɇs. Signeur Sauuagɇ di jɇ allor, Si nous auons a vɇnir la, nɇ vous soucièz quɇ dɇ vous tɇnir sus voz gardɇs, quɇ vous mę́mɇs nɇ soièz gagnè, quɇ nɇ soièz contreint par rę́sons d’an croęrɇ, peùt ę́trɇ plus quɇ n’an cofęßɇrę̀z : Car quant a lui, e disoęɇ an rɇgardant Douron, jɇ nɇ suis pas dɇ cettɇ heurɇ a connoę́trɇ quel ę́t son iugɇmant an cɇci. ”

“ Qui à fęt qu’íz ont etè contreins dɇ mandier tous les ornɇmans d’es‍ps‍prit, mę́mɇs dɇ ceus qui les auoę́t dęrnierɇmant ampruntę̀z, allors qu’il leur ę́t pris anuiɇ dɇ sauoę̀r quɇ c’etoęt. Tant qu’auęq l’Eglisɇ Rommeinɇ lɇur à etè forcɇ d’user des liurɇs Latins, e par vn moyen an prandrɇ les lęttrɇs pour leur vulguerɇ e pour tout : déquelɇs pour leur neglig’ancɇ d’ã fęrɇ d’autrɇs, n’etoę̀t poßiblɇ qu’íz n’abusássɇt, quoę qu’íz úßɇt opinion d’an bien vser. ”

“ E an cɇ fęsant, il faut quɇ cɇ qu’íz veulɇt fęrɇ soę̀t an faueur des Françoęs, ou des etrangers, ou bien peut ę́trɇ, dɇ tous deus. S’iz lɇ fontn an faueur des Françoęs, il mę́t auis sauuɇ leur bonnɇ gracɇ, qu’íz nɇ leur font pas si grand plęsir commɇ íz pansɇt: Car les Françoęs, pour ę́trɇ dɇ si long tans accoutumèz, assurèz e confirmèz an la modɇ d’ecrirɇ qu’íz tienɇt dɇpresant, sans jamęs auoę̀r oui parler dɇ compleintɇ ni reformation aucunɇ, sɇ trouuɇront tous ebahiz, e pansɇront qu’on sɇ veulhɇ moquer d’eus, dɇ la leur vouloę̀r óter einsi a coup. ”

“ Iɇ nɇ dì pas quɇ lɇ Françoęs a grand’ peinɇ puißɇ jamęs ę́trɇ si repandu cõmɇ sont lɇ Greq e lɇ Latin, qui sont vniuęrsęllɇmant celebrèz par toutes tęrrɇs, sinon quɇ parauãturɇ nous úßions tel couragɇ qu’íz auoę́t anciennɇmant, d’amployer an notrɇ langagɇ toutɇs sortɇs dɇ disciplinɇs e sciances : léquelɇs sont aujourdhui tant bien eclęrciɇs, qu’il samblɇ ni falloę̀r plus rien, si nous les voulions goúter des vręiɇs sourcɇs e fonteinɇs, sans suiurɇ les ruisseaus, c’ę́tadirɇ, sans nous amuser a vn tas d’ę́criueins commantateurs la ou il n’i à ni maies‍tfte ni gracɇ aucunɇ. ”

“ Mę́s par cɇ quɇ l’e nɇ sonnɇ quɇ bien peu, des qu’on les veùt nommer, lequel nɇ sauroę’ mieus figurer quɇ par notrɇ e sourd : les magis‍tstęrs dɇ villagɇ pansans fęrɇ quelquɇ chosɇ dɇ nouueau, pour randrɇ lɇ son plus antandiblɇ, aus anfans, an ont si bien abusè, qu’íz ont prononcè mę́mɇs an Latin terra par e cler : e les auons suiuìz dɇ sortɇ qu’a nous ouir parler Latin il samblɇ quɇ terra soę̀t vɇnù dɇ tęrrɇ, e nompas au contrerę : Car a prononcer naïuɇmant, l’e nę́t point autrɇ ni nɇ sonnɇ point autrɇmant an terra qu’il fę̀t an tero, e n’i à differancɇ quɇ dɇ deus rr a vnɇ. ”

“ Męs j’è vnɇ autrɇ rę́son a dirɇ : qui ę́t quɇ des n’ę́t pas la vręyɇ dic‍tc‍tion composantɇ, męs quɇ c’ę́t dɇ : lɇquel vient du Latin de. E qu’einsi soę̀t la plus part de téz moz sont formèz du Latin, ou il à de commɇ dɇ derogare, deprimere, demittere, sont desçandùz deroguer, deprimer, e demęttrɇ : E toutɇffoęs an tous ceus ci vous mɇttę̀z s : qui ę́t chosɇ assez suffisantɇ pour arguer l’impęrtinancɇ. ”

“ Souffrons donq qu’il ę̀t autorite pour lɇ moins apręs sa mort, qui an voulons bien auoę̀r auant la notrɇ. Cɇ quɇ j’an dì n’ę́t point, quɇ iɇ pansɇ quɇ tu la lui veulhɇs amoindrir. Męs jɇ la luj meintien par cɇ quɇ suiuant l’usagɇ, auquel son bon naturel l’addressoę̀t, il nɇ pourroę̀t ęsémant auoę̀r fę̀t fautɇ an chosɇ si communɇ. Quɇ si an quelquɇs androęz qui concęrnɇt l’art, il auoę̀t ęrrè, íz pourroę́t ętrɇ téz quɇ iɇ sɇroęɇ cɇluj qui lui sɇroę̀t lɇ plus rigoreus. I’antans an l’inuãtion e dis‍ps‍position e beaucoup moins an matierɇ dɇ moz qui nɇ sont quɇ l’ecorcɇ au pris des santancɇs. ”

“ Cɇ quɇ nous obsruons si mal quɇ s’il etoę̀t poßiblɇ qu’il rɇuint quelquɇ Rõmein dɇ l’autrɇ mondɇ, pour nous ouir parler Latin, il sɇroę̀t ampeschè nõseulɇmant a nous antandrɇ, męs außi a pouoę̀r sauoę̀r quel langagɇ nous parlɇrions, tant nous auons deprauè la naturęllɇ Prolation Latinɇ an cɇla e an autrɇs mil audroęz : Si n’è jɇ pas pourtant oubliè Ciceron qui dìt quɇ la prɇmierɇ dɇ Iclytus e dɇ tous móz composez dɇ in, fors dɇ ceus qui ont la sɇcondɇ partiɇ dɇ la composition commançant par f ou s, ę́t briëuɇ. Męs pourquoę e commant cɇla sɇ fęt, cɇ n’ę́t ici lɇ lieu dɇ lɇ dirɇ. ”

“ Car nous auons pris lɇ c à lzeuɇ, qui ę́ samblablɇ a la lęttrɇ s an figurɇ e an puissancɇ. Bien dít Dauron, Iɇ trouuɇ cɇla bien bon, e j’an vsɇ assez voulontiers : e sè bon gre a ceus qui nous l’ont apportè : e a mon auis nous nɇ lɇ dɇuons a autrɇs qu’aus Es‍ps‍pagnóz, ausquéz il à etè e ę́t fort frɇquant dɇ longuɇ mein. E mę́mɇs les Apos‍tftrofɇs qui ont etɇ trouueɇs dɇ notrɇ tans, mɇ samblɇt bien proprɇs : combien qu’il i ę̀t des Imprimeurs qui nɇ font cõtɇ d’an vser : Męs jɇ croę̀ bien quɇ c’ę́t par cɇ qu’íz nɇ sauɇt a quoę ęllɇs sont bõnɇs, ni la ou ęllɇs sɇ doęuɇt appliquer. ”

“ Męs si faut il auoę̀r discretion an cɇla : Car nous nɇ dirions pas Mucɇ Gaucher pour Mucɇ Sceuolɇ, ni batard ou champi, pour Spurɇ : Mę́mɇs nous nɇ changɇrions pas lɇ nom dɇ Cesar qu’on dìt lui auoę̀r etè donnè a causɇ qu’a sa nęscãcɇ lɇ vantrɇ dɇ sa merɇ fùt insisè, ou ouuert. E pour cɇla, jɇ nɇ suis point bien d’accord auęc ceus qui disɇt Seint Ian Bouchɇ d’or, pour seint Ian Crisos‍tftomɇ : par cɇ qu’il n’ę́t pas assez antãdiblɇ pour nom d’hommɇ : toutɇffoęs a leur commandɇmant. ”

“ Auęc cɇla bien sachant quɇ j’è tous les Françoęs pour moę, e quɇ j’è a aller par lɇ grand chɇmin, jɇ n’è point dɇ peur quɇ jɇ n’aiɇ lɇ meilheur sans combattrɇ guerɇs long tans. Iɇ suis bien ę́sɇ, di jɇ adonq, dɇ cɇ quɇ vous vous tɇnèz aßurè. Męs auisèz bien außi quɇ vous n’aièz affęrɇ a g’ans qui vous montrɇt quɇ lɇ grand chɇmin n’ę́t pas tosjours lɇ plus court. E outrɇ cɇla quɇ vous n’aièz pas tãt dɇ Françoęs a votrɇ eidɇ commɇ vous cuidèz. ”

“ Car an chartier, l’i par manierɇ dɇ dirɇ, nɇ s’appęllɇ point i, d’autant qu’auęq l’e, il nɇ fę̀t qu’vne sillabɇ (laquelɇ toutesfoęs jɇ nɇ voudroęɇ appɇler diftonguɇ commɇ toę) : cɇ qui ótɇ a toutɇs deus la puißancɇ naturęllɇ, qui ę́t d’an fęrɇ chacunɇ vnɇ: E par cɇ qu’an chartier e les samblablɇs íz n’an font qu’unɇ, l’i e l’e nɇ sɇ doęuɇt appɇler lons ni briéz, męs bien la sillabɇ qu’íz font, longuɇ ou briëuɇ. Autant ę́t il dɇ cɇ mot puant duquel tu dìz la prɇmierɇ sillabɇ ę́trɇ lõguɇ, qui ę́t notoęrɇmant briëuɇ. ”

“ Lors lɇ signeur Sauuagɇ vrę́mant dit il, jɇ trouuɇroę’ cɇla bien bõ si chacun an etoę̀t d’accord. Męs il mɇ samblɇ, dit il, an sɇ tournant vęrs moę, quɇ pous prenèz deus chosɇ a votrɇ auantagɇ, quɇ vous pourrièz bien trouuer aucõtrerɇ. Prɇmierɇmant nous n’auions pas tous deliberè dę́trɇ cõtrɇ vous si fort cõmɇ vous dittɇs, e s’an trouuɇra, peùt ę́trɇ, quelcun, n’i út il quɇ moę qui sɇ mõtrɇra autãt pour l’un cõmɇ pour l’autrɇ : Car apręs auoę̀r ouì voz résons, j’es‍tftimɇ qu’ęllɇs nɇ sɇront pas toutɇs si impęrtinantɇs, quɇ jɇ nɇ soęɇ d’auęcquɇs vous an quelquɇs paßagɇs. ”

“ Męs cęrtɇs dɇ tous ceus la jɇ n’an ouì jamę́s vn quj prononcát les moz einsi quɇ tu nous les ecrìz. Gardɇ toę, Meigręt, qu’on nɇ t’es‍tstimɇ trop amoureus dɇ ta fantesiɇ proprɇ: e qu’an nɇ voulant rien lę̀sser paßer des opinions d’autrui, les tiennɇs soę́t trouueɇs mauuęsɇs, auant qu’on ę̀t prís loęsir dɇ pɇser les rę́sons quɇ tu as bonnɇs an beaucoup d’androęz. Quɇ diras tu, si jɇ tɇ montrɇ quɇ toęmę́mɇ tu tɇ troublɇs e confons an tes propos? ”

“ Qu’auons nous affęrɇ, s’íz fęrmɇt mal vn n ou vn u ? Quɇ nous chaud il dɇ leur vítessɇ ? Lę́ssons la trouuer bonnɇ a leur cliaus e aus pöurɇs procedeurs. Lę́ssons leur allõger les ss tant qu’íz voudront. Andurons qu’íz ecriuɇt tót cɇ qui doę̀t tót mourir : ou pour lɇ moins qu’il n’i à forcɇ an quéz tęrmɇs il soę̀t couchè pouruù qu’il soę̀t sɇlon lɇ s‍tftilɇ dɇ procęs. Męs quant a nous, prɇnons anuiɇ d’ecrirɇ doc‍tc‍tɇmant, proprɇmant, e sinificatiuɇmant cɇ quɇ nous dɇsirons qui soę̀t vù, e qui dɇmeurɇ. ”

“ Car quant a cɇ quɇ vous dittɇs, quɇ cɇ mɇ sɇra tãt dɇ peinɇ, si nɇ sɇra ęllɇ si grandɇ, quɇ jɇ nɇ la pregnɇ bien an gre : pour vous montrer quɇ j’è la modɇ dɇ regler mõ Ecritturɇ, e quɇ si vous antrɇprenièz dɇ regler la vótrɇ, vous nɇ saurièz par quel bout vous j prandrɇ. lors dít Ian Martin, Iɇ vous pri’ donq, monsieur Dauron, qu’a sa rɇquę́tɇ e a la miennɇ, vous nɇ vous annuyèz dɇ fęrɇ cɇ qu’il vous à dɇmandè. E ancorɇs qu’il nɇ s’accordɇ a voz rę̀sons (car il ę́t assez antier an sɇs prɇmierɇs apprehansions) si fɇront, peùt ę́trɇ, beaucoup d’autrɇs, aúquéz vous aurę̀z fę̀t plęsir. ”

“ E quand a ceus qui nɇ sont pour prandrɇ telɇ peinɇ quɇ cęllɇ la pour sauoę̀r vnɇ lãguɇ, si ę́t cɇ quɇ s’íz la veulɇt parler, il faut par neceßite qu’íz s’accompagnɇt dɇ ceus qui i ont etè, voęrɇ dɇ ceus qui an sont natíz. ”