Louis Loiseau

“ Wide tot dins l' choû d' l'èfant qui crie,
S' moman ni vèyant nu bonbon Li d'mande : « Ça v's a-t-i chouné bon ? » — Ohi, moman ! respond Marie.
Les Quate Saisons
Li faubitte pa d'zos les fouïes
Apprustée si nid !
Li solia s' mosse à nos ouïes,
L' prumère fleur ossi ! L'hièbe ravique didins l' prairie,
Annonçant l' bon timps Et l'âme si sint radjonnie, Aux feux de Prétimps !
Li plaine alors est djanie Par on tchaud solia,
Dins l' campagne tote ragayie Tot paraît novia !
L'amour au coeûr des bauchelles Commince à tchanter ! ”

“ Sondgeant à ses amours et rattindant l' viesprée. Ça s' répéta todis. — L'air èsbaumé des boès Appoirteuve ès passant l'écho di leus deux voèx.
I's s'ainmainnent sus les fleurs, sus les pachis tot vettes, Lés floris si bin faits po les djeux d'amourettes !
Il aveuve tot rovi, poésie et tchanson,
I n' sondgeuve qu'à l'amour; l'amour li d'neuve raison. I viqueuve, il ainmeuve, i n' voleuve pupon d' gloère Et troveuve qui l' bonheur n'a nin daudgi d'histoère ! Aquoè bon li chimère, poquoè l'amour tchanté,
Quand tot près, dizos s' mouain, on a l' réalité ? ”

“ Nos estainnes frères et tortos, pleins d'coradge, Nos nos battainnes po sauver noss' pays !
C'est d'zos l' mitraïe qu'on a fait noss' mariadge, Flamiuds, Wallons, les Belges estainnent unis !
A voss't appel, po disfinde vos muraïes, Nos estans v'nu d'tos les coins do pays Et nos avans sti di totes les bataïes ; A c' momint-lâ, nos estainnes « vos amis ! » Et vos vôrîz qui c' passé-là s' rovie,
Quand adlez vos n's avans spaurdu noss' song ! Ah ! quand nos pères morainnent po fer l' patrie, Vos n' sondgiz nin à leu d'mander len nom ! ”

“ Li poète va sins awet keure del vie,
Sins y sondgî s' timps d'épreuves est fini.
Ah ! comme aux autes, li poète donne invie.
Les Cayaux
(ROMANCE WALLONNE)
On va par ci par là, courant d'tos les costès,
On z'est djonne et, chonne-t-i, faut profiter delle vie. Maugré tôt c' qu'on pout vôye di totes sortes dî biatés, Il ess't on coin pierdu qui jamais n' si rovie,
Ci n'est qu'one pitite reuwe, tote fayée, on vrai trau ; On s' dimand'reuve poquoè noss't esprit s'ès rappelle ? C'est qu'on est tot bunauge di r'trover ses cayaux Et qui l' mangeonne di s' père apparaît todis belle. ”

“ Rintrant d' l'ovradge, tissus l' taurd, à l' viesprée, Dji prinds l'èfant tot choûtant ses raisons,
C'ess't avou li qui dj' m'amuse à l' soèrée Ës li tchantant mes pus belles tchansons !
Si pauve qu'on seuye i faut rabelli s' vie,
Gn'a pon d'avance à todi s' disbautchi,
Poinnes ou misères, i faut qui tot s' rovie Et ça vaut mia qui d' s'ès disçoradgî.
Quand on s'ainme bin li vie est co djoèyeuse. L'amour nos douve des novias horizons,
Et c'est d'sos s't aile qu'on passe one vie heureuse Et qui dius l'âme on n' trouve qui des tchansons ! ”

“ Il est d'jà taurd et Djeau-Pierre a bèvu,
I rinterre soûl po l' prumi côp di s' vie.
Li pôve Marie à poène l'a respondu.
L'homme qui n' sait quoè, tot seû berdelle et crie ; Adon doucemint, po l' rapaugî, Marie Li dit : « Doirmans, nos estans si taurdus ! »
Mais v'là qu' dins s' bérce l'èfant tosse et sommadge Et l'homme et l' feume ont stî vôye ès tronnant. Dèdjà, paugère, si rèdoirmeuve l'èfant.
D'sos les ridias, visadge tot conte visadge, Djean-Pierre et s' feume annoyeux si r'waitent-nu, Et l'homme digeuve tot bas : « Dji n' boèrai pus ! » ”

“ Tos les sermints d'amour qui boutent-nu l'âme ès fiesse, Dji vos les fieuve, djolie, et vos vos y fiyiz.
C'est là pa d'zos s't ombradge qui dj'a r'ci vos promesses, Quand d'zos l'ouye do bon Diet nos n's estanss't afiyîs.
Quand quéques années après Diet nos donna noss' fèye, C'est co tot autoû d' li qu'elle fit ses prumîs pas.
Noss' bonheur esteuve grand et noss' djôye sins parèye, Es l' riwaitant couru, nos ès d'visainnes tot bas,
Fiant des sondges po l'avenir, douces illusions d'djonnesse, Qui l' timps tot sûvant s' vôye vint sovint misbridgî. ”

“ Comme one riv'nance des campagnes et des boès, Didins s' prigeon c'est l'aniour qui l' console,
C'est tot heureux qui r'trouve si pus belle voèx Et qui l' mouchon tchante l'amour ès s' gayole.
Si d'astchèyance l'amour ni respondnin Et qui s' compagne ni fait rin po l' complaire, Li pauve mouchon riprind s't air mau contint Et l' pus bia tchant n'a pus rin qu' pout li plaire.
A ses p'tits ouyes gn'a rin qui ragayit,
Tot paraît sombe au mouchon qui s' désole,
Et quand l' tristesse rivint prinde dgîse au nid,
Li p'tit mouchon ni tchante pus dins s' gayole. ”

“ Po noss't intrée là-haut, di fleurs nos f'rans n' couronne,
Nos l' bout'rans su noss' front qui l'amour a béni Et quand i nos vièrait, Diet dirait : « Dji pardonne,
Allez-ès, mes èfants, allez-ès r'fer voss' nid ! »
C'est l'boès qui boute
Voci les bias djoûs qui r'veignent-nu, Li solia nos met l' diale ès l' liesse, Es boès les p'tits mouchons tchantent-nu ; Autoû d'nos tôt prind d's airs di fiesse. Aux prumîs bias djoûs do prétimps, L'amour nos prind sins qu'on s'ès doute, Il accourt pus ratte qu'on n' l'attind. ”

“ Tot l' monde a l' coeûr annoyeux Et noss' pôve âme qui s' désole,
Brait li dairenne fouye qu'èvole Espoirtant les djoûs heûreûx !
Mi p'tit moinnadge
On voèt des dgins di totes sortes didins I' vie, I gn'a des ritches... i gn'a des pauvriteux ! Les caurs jamais n' m'ont fait djairi d'invie, Dins m' position, maugré tôt, dj' soss't heureux.
Todi djoèyeux, dji passe one vie tranquille, M' maugeonne ess't one vraie gayole di pinsons, L' bon Diet qu' m'a d'ué li bonheûr ès m' famille, Au fond di m' coeur a mettu des tchansons !
Dj'a po compagne one bonne feumme di moinnadge. ”

“ On sint qu'on n'a pus l' coeur à l' fiesse Et qu' les atouts sont foûs d'noss' djeu ! One croèx sus les bellès années, One croèx sus tos les amoureux !
Car nos amours sonss't èterrées Et nos galants div'nus croufieux!
Rèfrain, etc.
S'on pôreuve ricommincî s' vie Et s'on saureuve tot ci qu'on sait, Dji sais foirt bin qui mi, Génie,
Dji n' rifreuve nin tot c' qui dj'a fait ! Ci qui dj' rigrette, woisrais-dje li dire ? A c't âge-ci c'est piède li raison ! ”

“ L'a bin fallu qu'on nos marie Et dji m' sovins bin qui c' djoû-là,
Quand n's estans sortis del mairie A l' vôseure lûgeuve li solia. « Waitiz, c'ti-là, m' dit co Nanette, Sèreuve-t-i v'nu po rire assi ? »
« D'vant tortos, li dis-dje, mi pouyette, Astheure dji poux vos rabressî ! » (bis) .
Quand on est grand'mére !
Quand on est Ion des bias djoûs do djonne timps Et qui l' vyesse dédjà bouche à noss' poite, Comme on royon di noss't heureux prétimps, C'est co l'èfant qui dins l' coeur nos appoite
Li douce sov'nance, écho des prumis ans ! ”

“ Tchants do pays qui jamais on n' rovie Tchessoz bin lon les soucis, les chagrins. Aux pôvès dgîns, li tchanson rind coradge,
Elle rimet l' djôye au coeûr des malheureux.
Elle est por zels, do bonheûr on messadge, Elle rind l'espoèr à nos coeûrs annoyeux !
C'ess't ès tchantant qui l'ovri fait s't ovradge, On gai rèfrain fait rovi l' pauvrité.
Quand l'ovri tchante i r'prind co bon coradge, Nos tchants wallons mettent-nu l'âme ès gaité ! A quoè bon braire et dgèmi tote si vie ? Si disbautchi n'avance toi d'mainme à rin ! Li vie est coûte, n' vaut-i nin mia qu'on rie ? ”

“ On an sût l'ante Sans candgî l' môde Di nos pasquèes, couyonnades et tchansons. Au coeur, li flamme Qui nos inflamme Ci n'est qu' l'amour di noss' pays wallon.
On n' rascoud nin todis totes djaubes flories A fer l' mestî qu' nos avanss't èterpris,
Mais noss' dèvise à nos c'est : « faut qu'on rie ! » Tant pis po l' cia qui n' nos a nin compris,
Dont l' voëx grigneuse Et fafouyeuse Sait critiquer mais n' sait nin nos aidi.
Li cia qui cause Et nos discause F'reuve bin d'fer vôye c' qu'il a dins s' pani. ”

“ Po nos autes, gn'aurait pus qui des bellès samoinnes, Ohi, c'est là, fefèye, qui n's irans fer noss' nid.
Quand li rosée lûraît sus les hièbes totes flories, Les fleurs dôront por nos leus parfums les pus doux ; Les papïons zels mainmes enn' auront djalonserie, Nos autes nos n'aurans keure di leu dispi djaloux.
Noss' coeur sèraiss't ès fiesse et noss't âme amoureuse Connirait l'amour vrai qui jamais ni s' disdit Et dins noss' nid d'amour li vie sèraiss't heureuse, Ohi, c'est là, fèfèye, qui n's irans fer noss' nid. ”

“ I sonneuve d'on air sins souci,
Comme onque qui flaire one bonne affaire. L' mesquenne tôt ès, li d'geant dintrer, L' prévint : « Vos faurait bin rattinde, Monsieu, sus l' momint va rintrer, Moussiz dins l' cabinet d'attinte ! »
Noss't homme qu'est cor assez couyon, Toctée à l'huche d'on air bonasse. « Intrez ! ». Vèyant qu'on li respond, V'là l'aute qu'interre dins l' pitite place.
Et là, saisi di s' vôye tot seu,
Auton d'li, l'homme tape on côp d'ouye, On gros mouchon, d'on air moqueu L' riwaiteuve ès fiant des grands ouyes ! ”

“ Ah qué bia sondge, aviès l' viesprée,
D'enn' aller là quand on est deux,
D'sos li stoèli, dire qu'on s'ainmée, Es s' rabressant, gais amoureux.
Les bias p'tits ouyes di nos pouyettes Dins l'ombe rilûgent-nu co bin mia, Gn'a tôt qu'invite aux amourettes Dissus l' rampe des Panoramas.
O chér paysl etc.
Del tienne des biches jusqu'à Salzennes, C'ess't on côp d'ouye qu'on n' rovie nin, C'est totès roses qui sont sins spennes, C'ess't on bonheûr di tos momints. Dji soss't amoureux di m' patrie,
On est fiér quand ou est di d'là,
Et dji tchante : Vive li Wallonie ! ”

“ Dispeu les ans qu'elle est là Et bin qu'elle seule vie astheure Nos autes nos nè l'ainmans qu' mia. « Djè l' connais dispeu m' djonnesse ; Nos dit m' pére ès l' rimontant, Et l' seul espoèr di m' vyesse,
C'est d'co l'ètinde ès morant ! »
Maugré l'âge et bin qu' fayée, Elle n'a co jamais clincî,
Tote noss' vie a stî marquée Au tic tac di s' balançî. Nos l'ainmans, nos li fians fiesse Et pus taurd, dins saquants ans, Elle sonn'rait co noss' vyesse Et l' djonnesse di nos èfants ! ”

“ Po qui m' chère ainmée seuche bin tôt Tôt c' qui dji'n' woise dire.
L' mouchon dins s' gayole
Comme les poètes, les mouchons, po tchanter, Ont dandgî d'air, di liberté, d'espace ;
Didins leus tchants nos l's ètindans conter Tos les p'tits secrets qu'on s' dit quand l'amour passe. Mais quand il est prigeonni, l' pauve mouchon N' pout grusiner qu'one douce plainte qui s'èvole, Et c'est des lâmes qu'on sint dins ses tchansons,
Quand li mouchon tchante tot seû dins s' gayole. ”

“ Ah ! comme aux autes, li poète donne invie !
Quand adlez l' tauve, sus quèques bribes di papis, Dj' fais des tchausons po ragayi mes frères, I m' choune dè jà vôye tos ces braves ovrîs Tchanter gaimint po rovî leus misères.
Momint d'bonheur qui dj' donne aux malheureux, Vos m' payoz bin di totes les poinnes del vie,
Quand dj' les ètinds tchanter dji soss't heureux. Ah ! comme aux autes, li poète donne invie !
Nos vèyans tot avon des ouyes d'èfant,
Nos avans co l's illusions del djonnesse,
Et maugré l'âge on a todis vingt ans,
Car tos les djoûs sont por nos des djoûs d' fiesse. ”

“ D' vôye l'amour, djolie,
D'lez vos dji m' rafie,
N'ètindoz nin s' voèx Au fond do grand boès :
Tra la la, etc.
L'amour vint au coeûr des bauchelles, I waurde ses pus bias tchants por zelles,
1 vint avou l' solia d'avri Quand les mouchons faient-nu leû nid !
Marie, si vos m' vôriz comprinde, Noss' bonheur f' reuve bin des djaloux, Causez, dji m' rafie d'vos ètinde, On mot d'amour, ça chonne si doux Vos causez, diolie,
O bonheur di m' vie ! ”

“ C'ess't alors qui l' pramère nîve Vint blanqui les boès !
Les pôves mouchons trônnant d' five Ont pierdu leû voèx !
Et l'homme qui sint v'nu l' vyesse A l'âme tote au d'vièr !
I r'sondge au timps di s' djonnesse, Quand arrive l'hivièr !
D'sos les tyoux
Dins l'allée qui longe li pachi Nos irans sondgî d'sos les fouïes ; Nos lirans l'amour dins nos ouïes, Nos sèrans deux po li spèli ! Car nos n'estans co qu'à l' creûgette Et studî l'amour c'est si doux ! Nos irans d'viser d'amourette,
D'sos les tyoux ! ”