Henri Bekkers

“ Mins qwand in' èfant vint sol tére,
Seûye-t-i rossê, bwègne ou houlé, Tôt l' monde dit qui ravisse si pére.
L'onêtité va tot costé !
On côp qui dj' tchantéve à 'ne swèrêye Dinêye par on cèke d'agrémint,
On mimbe qu'aveût prusté l'orèye Mi v'na fé ci p'tit complumint :
« Sûr, qui dj' n'a måy' tant ri di m' vèye ! » Qué bê talent qu' t'as po tchanter ! On n'èl dîreût jamåy' a t' vèye...
L'onêtité va tôt costé !
Hîr-ût djoûs tôt qwitant l'ovrèdje, Dji rèscontra l' frèsé Houbèrt,
Et come dji lî féve on mèssèdje Nos nos arèstîs sol trotwér.
Ni v'ia-t-i nin qu'ine grande souwêye ! ”

“ Pour la Croix de Mutuelliste Que vous venez de remporter Car vous êtes un de la liste Qui puissiez le mieux la porter. Elle est la récompense D'un labeur imposant Que la persévérance Poursuit depuis dix ans ; C'est le bien qu'on hérite D'un travail bien rempli. C'est la palme au mérite, Au devoir accompli.
Aussi le ralliement Se fait spontanément Et nous battons un triple ban En l'honneur du petit ruban. Du même élan réunissons Les décorés dans nos chansons ”

“ Qu'on n' si plains-s nin c'èst qu'on s'a bin plaihou !
V
Si come on l'dit, i fåt qu' tot-à-fait tome,
Li vèye èst coûte èt po n' nin l' rigrèter,
Tchantans l'amoûr tôt côp qui l' coûr s'alome,
Tant qu'on z'èst djon-ne, on deût 'nnè profiter. Qwand on d'vint vî, on z'èst djalot sol s-autes, On z'èst halcrosse, on z'èst flåwe èt tchènou... Et s'on n'èst pus aconté dès crapautes,
On n'si plaind nin qwand on s'a bin plaihou ! bis
VI
On djôn-ne marié lanwihéve è s' manèdje Avou s' bèle-mére ! ”

“ Tot florihéve, adon tôt s' féve al main ;
Et lès ovrîs onorît leû patrèye,
Mins, pol djoû d'oûy' lès treûs qwårts morèt d'faim.
On prind dès feumes èl pièce d'omes al fabrique)
L'ovrî d'adreût, on l'èvôye porminer.
On fait l'ovrèdje, asteûr, al mécanique !
Volà l' aweûre qui l'progrès nos a d'né. (bis)
IV
 bon vî timps li monde èsteût onièsse,
Nolu n'âreût prusté nou fât sièrmint,
Mins, pol djoû d'oûy', on z'èst div'nou cagnièsse ;
On n' pout viker s'on n' si fait dè tourmint.
C'èst po l'årdjint qu'on marèye ine crapaude ”

“ A mi-minme, on m' dèrit st-ine fèye,
Qui dj' n'îreûs pus lon sins d'hoter,
Qui faléve m'ènnè fé 'ne îdèye !
L'onêtité va tot costé !
Lès sotès djins!
Qwand c'èst qu'on tape on côp d'oûy' avå l' monde Et qu'on veût d'près lès cis qu'î sont k'sèmés, S'on voléve måy' fé chèrvi s' pêne di fronde, En' n'åreût bin qui sèrît-st-abîmés.
D'abôrd lès cis qui l' djalos'rèye kimagne Dè vèyî d'ner d'l'ovrèdje a leûs wèzins Et qui rouvyèt qu i fåt bin qu' tôt l' monde magne... Lès sotès djins ! ”

“ Qu'on rèspèctêye èt qu'on mëte è l'istwére Lès nos dès ci s qu'ovrèt po leû nâcyon ;
Pol bin dè peûpe, (on s'ènnè fait ine glwére) ,
Mins d'hans dès cis qui r'boutèt l'instrukcyon Èt qui volèt, sins astème as ravadjes,
Civiliser lès nègues èt lès indyins,
Qwand leûs payîs ridohèt co d'såvadjes ! Lès sotès djins !
I s' pout bin, chal, qui n'a dès cis qu' vont dire : Qui dj' sos hayåve èt vormint mågriyeû ;
Qui, so turtos, dji voveûs taper 'ne pire,
Ét qu' çou qu' dj'a dit ni frèt nin l' monde mèyeû. ”

“ Il aveût-st-ine djambe di bwès,
Come i lî måquéve on bwès,
Il aveût s' bordon è s' main
Po roter pus åhèy'mint : Bwès ! bwès !
Il aveût-st-ine djambe di bwès !
Li lizîre våt mî qui l'drap !
Air : Il est de Landerneau.
I
Mi feume, pol fièsse Saint-Christophe,
Mi dèrit : Valèt,
Dji vins d'atch'ter dèl sitofe
Po fé voss' complèt.
Dji n'a måy' situ hayåve,
Mins qwand dji vèya Çou qu'èle disployîve sol tåve,
D'on côp dji brèya :
Rèspleù
Ha ! li lizîre våt mî qui l'drap,
Ha ! ha ! ha !
C n'èst nin sûr in' saqwè d'èxtra,
Ha ! ha ! ha ! ”

“ Wice qu'avou m' monkeûr dji m'aléve assîr, Dj'ascohe, à grands pas, li vôye qui m' fåt sûre, Sins minme prinde astème ås oûhês dè cîr ! Ca, dispôy' l'iviér, Mayon, m' binamêye,
Dwèm' èl cwène di l'ête, èn' on blan linçoû... Et, tôt seû, r'prindant 1' vôye acoustumêye, Si m'atome èco d'oyî l' råskignoû...
I m' dit : Pauve valèt ! qui l' mwért èst mètchante Di v's aveûr hapé li djôye di vosse coûr ! Paç'qui po viker, sins but, sins amoûr,
Li vèye èst-ine tchèdge, on d'kwèlihe. on moûrt ! Vola, vola, çou qui l' råskignoû tchante ! (bis)
Èn avant lès Pèheûs ! ”

“ Turtqs égâls divant li lwè.
Ås élèkcyons, dji veûs, ma frique,
Qui bêcôp d'ovrîs n'ont qu'ine vwè.
Is n'sont nin pus bastås qui l' s-autes Po casser lès oûs d'vins l' minme plat,
Mins, c'èst d'sogne qui n' gåtèsse li vaute... Li bon Diu n'veût nin tôt çoulà.
VI
Èn n'a dès cis qu' ont tant d'forteune Qu'is n'èl sårît compter tôt seû,
Et qu'is d'hèt todis : « C'èst da meune »,
Sins noie astème å pauvriteû.
Is frît bin âhèy'mint l'âmon-ne,
Mins n' lèyètTUây' tourner 'ne biive d'à ;
C'èst come saint Lambièt qu'on pormon-ne... Li bon Diu n' veut nin tôt çoulà. ”

“ Sol tchamp d'bataye, i fåt qu' tot-à-fait tome ; I n'a pus rin qu'on n'åye imådjiné !
Lès sofoquants distrûhèt tos lès ornes !
Volà l' aweûre qui l'progrès nos a d'né. (bis)
VI
Anfin, d'vins l' peûpe on a 1' grandeûr èl tièsse ;
Di tôt costé, c'èst dès « dji vous, dji n' pous »
Qui, po s' fé gåye, vindrît pus d'ine ahèsse,
Sins mây' tûser qu'is sèront riknohous.
Oûy', onk èt l'aute, on qwîre di s' mète li mantche ;
On vout turtos, come li monde èst tourné,
Sètchî s'cou d'tchâsse bêcôp pus haut qu' sès hantches !
Volà l' aweûre qui l'progrès nos a d'né. (bis)
Dwèrmez marnés ! ”

“ C'èst qu'is v'nèt dè r'sinti d'on côp, Tôt come â bè djoû d'leû marièdje, Après cinquante ans d'bon manèdje, L'amoûr èt 1' boneûr ! C'èst bêcôp ! Moussîs di leûs pus bèlès hâres, Is avancihèt tot doûc'mint, Tôt s'trindant dès pougnèyes di mains, Tôt l' long dèl vôye, à Dj'han, à Båre. Anfin, ci n'èst qu'ine èclameûr Di leû mohone djusqu'à l' Violète,
Wice qui l' vî mayeûr deût l'zî r'mète On sov'nir èt l' bouquèt d'oneûr. C'èst-adon qu'après l' cèrmonèye, Lès djubilaires èt leûs èfants Rotèt-st-à cabasse, tôt sûvant A p'tits pas, podrî l'årmonèye. ”

“ Come dji sortéve, l'aute djoû, dèl rowe dè Rèwe, Adlé l' pass'rèle, dj'ô dès djins qui brèyî :
Abèye, abèye ! c'èst-ine feume qu'èst-è l'êwe...
Vite, å secours ! sûr qu'èle si va nèyî ! Tôt l' monde dihéve qui c'èsteût 'ne djon-ne kimére ; Dji piqua 'ne tièsse èt l' ramina rat'mint.
Qwand so l'êrive dji riknoha m' bèle-mére !
Kimint vôrîz-v' qu'on n' si måvèl'reût nin ? (bis)
Lambert al d'jambe di bwès
Air : Il avait une jambe de bois. I
Nawère å payîs d'Lîdje,
I gn' aveût l' sot Lambèrt !
Lès gamins lî fît l' sîdje Télmint qu' l'èsteût bambèrt. ”

“ Qui d'zos l' misère, si cwérps plôye, Traze méd'cins v'nèt pol sognî ! Qwand c'èst-ine flåw'té qui deûre, Âs Anglès, n'a-t-i nin co ?
Po prinde li bouyon d'onze eûres ; I n'a dèl pièce po turtos ! (bis)
III
Si vos èstez sins ovrèdje Et nol aidan d'raspågnî ;
Qu'è vosse pauve pitit manèdje, Lès èfants sont sins magnî !
Hapez-on pan d'vins 'ne botique, Al vol, on v' hérè st-è pot ! A Saint-Lînå, là, mafrique, I n'a dèl pièce po turtos ! (bis)
IV
L'ovrî d'héve qui d'vins l'årmêye On n' vèyéve nou ritche roter ; Qui po chèrvi leû patrèye On n'lès vèyéve ènn' aler. ”

“ On djoû qu' dji m'trovéve al campagne, Sol côp d'doze eûres, amon m' pârain, Avou lu, n' vout-i nin qu' dji magne, Dismètant qui dj' n'aveûs nin faim. Pol complaire, dji fas quéquès fwèces,
Mins lu m' dihéve : Magnîz, don, fré...
C'est todis po taper ås bièsses !
L'onêtité va tot costé !
Djâsant di sport èt d'gimnastique Divins l' cåbarèt d'mons Grofis,
Volà qu'on randahe, ine pratique,
Vint nos dire tôt djåsant di s' fis :
On pout lî mète lisqué qui c' seûye Po lûter, po s' bate ou boxer,
D'on côp d'pogne i v' sipèye vosse gueûye ! L'onêtité va tot costé ! ”

“ È c' monde chai tot-à-fait passe,
Djôyes èt chagrins ; Li mèyeûs' acîr si casse Al longue dè timps. On tchapê qu' èst passé d' môde,
On nn'èst d'gosté ;
Å fî-fond d'ine vèye comôde On l'va r'trôcler !
Rèspleû
Il a ploût d'sus ! (bis) Turlu turlu tutu. Divins l'lavasse, Li vint qui passe A r'tourné l' paraplu. Il a ploût d'sus ! (bis) Turlu turlu tutu. Po lès riquètes, On l' pout bin mète, Il a ploût d'sus ! ”

“ Å d'joû qu' tôt l' monde sårè lère, Nos avinrans ! (bis) .
V
Gros hères avou vosse ritchèsse, Vos n'èstez nin djènèreûs,
Vos avez 1' grandeûr èl tièsse Et l' mépris dès målureûs.
Sondjîz qui si haut qu'on l' pète, Onk èt l'aute, qwand nos moûrans ; Â grand djârdin d'al copète, Nos avinrans ! (bis) .
CHANSONNETTES
Èle passé ve èl Grande Bètche!
Médaille d'or au concours littéraire du Caveau Liégeois.
A ir : Elle était souriante.
I
Ele ni m'aveût djåsé qu'ine fèye,
On bè dîmègne, å Walhala ;
C'èsteût ine bêle èt grande djon-ne fèye,
Adon, por lèye, dji m'èbala ! ”

“ Avou lès autes, is sont pés qu' dès ètiques (Et l' gros pèhon magne åhèy'mint li p'tit) . Di leûs principes, is volèt fé 'ne sintince ! Libèråls ! djuifs ! frans-maçons ! calotins ! N'avangn's nin tos nosse libèrté d'concyince ? Lès sotès djins !
Dès autes ont fait dès mèrvèyes, al s'ètinde, Èt lanwihèt après 'ne décoråcyon.
Li spot nos dit qu'on n' piède rin po ratinde, Qu'is n'si mètèsse nin d'vins l' désolåcyon. On nn'a co fait nawère ine grande fornêye Et corne ènn'a pus bêcôp qu'ènn'ont nin, Is porît bin ènnè r'çûr ine pougnêye 1 Lès sotès djins ! ”

“ Is s' djurèt d's'inmer tote leû vèye !
C'èst çou qu'on veût !
Mins, mariêye, èle divins coquète Måltraite si pauve ome di vârin !
Èt l' bê paradis qu'on s' promète,
On n'èl veût nin !
A Lîdje, in' ètrindjîr qu'inteûre,
Admirêye noss' qwårtî d'Avreû,
Li torê, lès autès posteûres,
C'èst çou qui veût.
Dumont, Grètry, n'ont-is nin 'ne bêle ? Charlemagne ossu, qui s'tind l' main ?
Mins l' vî Beekmann èt Laruèlle,
On n'lès veût nin !
L'absoûte
Ine hârdêye cloke hiltêye a mwért !
Li grand neûr cofe èst d'vant l'église. Qui sèreùt-c' bin qu'î va prinde djîse ? ”

“ Tôt d'on côp, ènnè va po Doûves Tôt d'hant qui s' deût rinde à Lovain,
Adon, s'cofe-fôrt, qwand c'èst qu'on l'droûve, I n'a rin d'vins !
On méd'cin si boute è l'idêye Qui vint dè dishoviér li s'crèt Po r'wèri totes lès maladèyes,
Qui mây' pus noie djins ni d'hotrè ! Ci r'wèriheû-là n'èst qu'in' ågne !
On bråkleû come on nn'ô sovint...
L'oû qu'a pinsé ponre n'èst qu'ine hågne, I n'a rin d'vins !
Et l'galant qui hante ine djon-ne fèye, Qui djeûre dèl sipôser, tôt fant Qu'on pô pus tard, i s' moque di lèye, Qwand c'èst qu'èle raskôye in' èfant ! Qui dist-i, qwand l' båcèle èl blâme ? ”

“ L'amoûr di leû payîs lès rassètche, avå l' sîse,
Adlé nosse vî Pèron, po l'^ quél is ont tourné !
(à rèspleû)
III
C'èst tos lès grands èsprits qui s'èvolèt dès êtes Et k'sèmèt st-è bleû cîr tos leûs ârdjintés feûs ;
C'èst les âmes dès årtisses, musicyins èt powêtes : Dèlairesse èt Dèlcour, Grètry èt Dèfrècheux ! Et, qwand on vint d'disdu, sofèle sol Walon'rèye, Lès spéres brèyèt lès nos d'Rodjîr èt Djambe-di-bwès Et lès vwès rataquèt, divins 'ne doûce årmon'rèye, Li bê tchant dès walons èt 1' " Valureûs Lîdjwès ! ,,
(à rèspleû)
Qwand lès foyes toumèt ! ”

“ A tos côp bon, dj' tape ine hahlåde Et dji rèye minme di mès guignons ; Dji rèye ossu qwand dj' sos malade, Dji rèye à totes lès ocåzions.
I m' fåt rire qwand dj' veûs l' gård-civique Et lès pompiers, tos cès pindårts ;
Qui sont fîrs dè pwèrtèr l' fisique, Lès djoûs qui djouwèt-st-ås sôdårts (riyant) Ha ! ha ! ha ! ha ! ha ! ha !
(å rèspleû)
Kimint vôrîz-v'
qu'on n' si mâvèl'reût nin ?
Air : Dans un grenier (Béranger) .
I
Ciète, nos wårdans po todis l' caractère
Qui tot nêhant nos avans-st-apwèrté ”

“ Avou mi, fèt todi bèrwète,
Ca, dji lès traite di panêcous.
Ci n'èst qui l' grandeûr qui lès bloûse, Po quéqu' frans qu'is-ont st-è leû boûse. Mi, qwand dji m' vous mète è ribote, Si minme dji n'a nou patacon,
Sins djin-ne, a crédit, dji beûs l' gote N'a d'dju nin bon ? (bis)
IV
On dit qui m' visèdje si boûzèle Po çou qu' dji beûs trop' di pèkèt ;
Qu'ènnè pous-dj', don mi, si dj'infèle ! Si dj'inme mî l' gote qu'on bon boquèt ! Dji d'vins tot rond, dji n' pous pus hope... Mins, vormint, dji n' sos nin plin d'sope ! Come santé, dj'èn' a sûr ine rare,
Et mi stoumak n'èst nin d'cårton ! ”

“ Totes lès s'teûles qui blawtèt-st-avå l' cîr, èl nutêye, Sont lès åmes di nos péres, nos tåyes èt ratayons ;
Eles riv'nèt vès nos autes, ås-eûres qui tôt sok'têye, Nos djåser dè passé dè bê payîs walon ;
Dès cis qu' ont fait r'glati leû nô divins l'istwére ; Qu'ont-st-afranki lès-omes tôt 1' z-î d'nant l'liberté ; Dès cis qu' ont rèpwèrté lès iawris dèl victwére Et qu' on-z-a réclamé lès glwéres di nosse cité ! ”

“ Totes lès feumes sont curieûses, C'èst-ine laide quålité ; Pôr qu'èles sont d'ja vîreûses, Çoulà s' veût tôt costé.
Qwand c'èst qu'on lès r'mosteûre, I flreût bouhî d'sus ;
Eles candjît st-à posteûre, Dè timps dè vî bon Diu.
VI
S'on s' pormon-ne avå l' vèye, On èst sol côp nåhî ;
On qwîre, å pus abèye,
On tram po s' fé k'hèrtchî. On rotéve, qui dj'arawe,
Quatwaze eûres èco pus ; On n'èsteût nin si nawe Dè timps dè vî bon Diu.
VII
Lès auteûrs, pol djoû d'oûy', Fèt turtos dès tchansons, Mins, c'èst dèl poûde ås ouy's, Sins rîme èt sins raison. ”

“ Nos n'avans qu'ine vwè chaskeune Qwand lès ritches ènn' ont bråmmint. Sol peûpe, is ont l'avintèdje,
Mins qwand nos nos ètindrans,
D'aveûr turtos 1' minme vôtèdje,
Nos avinrans ! (bis) .
III
Tos lès ans l' djoû dè tirèdje,
On veût passer lès conscrits ;
Et s'lét-on so leù visèdje,
Çou qu'èst cåse di leûs displis.
Abolihez cisse lotrèye Qui done avintèdje ås grands ! A siervi turtos l' Patrèye, Nos avinrans ! (bis) .
IV
On dit qui d'vins l' classe ovrîre, Bêcôp måquèt d'instrukcyon ; Is n' savèt ni lère ni s'crîre Et n'ont noie édukâcyon. ”

“ Oûy', â Câveau, tos lès plankèts
D'hèt leûs novès bokèts.
Aprèstez hayèt'mint l' soper Nos îrans lès hoûter.
Est-c' conv'noû ?
Etindou ?
Vos n' m'avez nin rèspondou !
Rèspleù
Djans, Nanète, (bis) , Djans !
Lèyîz-v' a dîre, alez,
Ni m' fé nin tant piler,
Ah 1 djans, Nanète, djans, Nanète, djans! Vinez, vos årez bon D'oyî nosse vî walon !
II
I n' fât wère di timps po s' moussî,
On z'è vite ahèssî ;
Mètez vosse rôbe èt vosse tchapê,
Ci sèrè sol côp fait.
Vos savez qu'amon cès djins-là, On n' fait nou falbala,
Mi, dji n'ârè qu'a mète on col Et dj' sèrè prêt' al vol. ”