François Béroalde de Verville

“ Sçachés que celuy qui sera tant heureux que d’auoir ceste vjerge, pourra sans se preiudicier rendre contans & bien fortunez tous ses amis & les esgaler à luy, sa Belle sera toute à luy, & ses biens & liesse n’auront aucun hazard de communité : mais la belle grace de la Dame entretenant son cher fauory sera tant brillante de lumiere sur ses consors, qu’ils en seront satisfaits : & la sussisance de ceste accomplie leur fera tant d’ombre de bonheur, qu’ils n’auront desir que de la magnifier, estimer tres-heureux son fidele, & se iuger tres-contans de viure en les admirant. ”

“ Ayez pitié des pauures, soulagez les oppressez, ne mesprisez point la voix des supplians, recompensez ceux qui auront employé leurs corps & leurs biens pour vostre seruice : Ne donnez qu’aux gens de merite, & iamais on ne murmurera contre vous. Ne faites point de dons immenses, sur tout à ceux qui peuuent nuire, ou mal conseiller. Tenez aupres de vous gens sçauans & sages, vous seruant de personnes non contemptibles, mais venerables. ”

“ Aux heures des iours assignez pour le plaisir de la Musique, l’Empereur venoit à la Fontaine, où les chantres & les dames ne faisoient pas faute, & Etherine y fit tant de fois tresbien, qu’aisément on recognut qu’il estoit seant que tous ceux qui s’en mesloyent, lui cedassent. C’estoit l’ambition de ceste Belle : Que voudroit-en dire le censeur des opiniōs ? que desireroit-il en penser ? Tout l’excés du cœur en pensees a pour souuerain bien la fin de ce qu’il se propose, cecy est la resolution de ce qu’on en pourroit re, si d’auenture par les succez on ne venoit à d’autres presomptions. ”

“ Quand vous m’auez faict des protestations veritables ie les ay creuës, vous certifiant mon amitié : Si vous m’auez escrit, ie vous ay fait responce ; aussi nostre amour estoit simple, reciproque & fidele, auquel il n’y auoit rien meslé d’estrange, la raison la conduit, & la vertu l’a continué tant que le deuoir nous l’a permis, Si le ciel l’eut ordonné, nous eussions esté l’vn pour l’autre, ioinct que ce n’a pas esté le plaisir de ceux qui ont pouuoir sur nous : parquoy ayans esté vnis d’amitié, nous l’auons esté de conseil. ”

“ Amour qui triomphe de tout, les a reduits sous son obéissance pour les faire trophees de mes artifices : Ce n’est pas aussi pour leur seruices que ie m’occupe ; ie les fay seruir aux intentions qui eslancent ma valeur : Ceux qui sont maistres de leurs pensees sont Rois en leurs courages ; ce qu’ils honorent, est la loy & le loyer qui les contraint à mettre au iour ce qu’ils meditent. Ces escriuains qui se donnent de l’affliction au recueil des Histoires dont possible ils ne sçauent rien, pource que tout ce qui fort des humains, est souuent iuiet à ne conuenir à la verité. ”

“ Il est vray qu’au commencement & durant leur commune demeure, il auoit de l’amitié pour la belle ; mais la pointe d’Amour n’y estoit pas comme maintenant, que ceste affection s’est transmuee en passion amoureuse. Si l’amour trauailloit sur le courage de Gifeol, il ne faisoit pas moins en l’ame d’Aderite, qui eut les mesmes desirs pour celuy qu’elle auoit esleu Prince de ses pēsees, & en ceste separation tous deux souffroient les angoisses que causoit leur importun eslongnement. ”

“ Auancez mes desseins de desseins plus parfaits.
Que l’vnique beauté soit vostre but extresme,
Que la perfection vous esneuue tousiours,
Ie veux aymer ainsi, ainsi le grand cœur ayme,
Car l’ame de valeur n’a point d’autres amours. ”

“ Quand le temps & l’honneur le commanderont, ie vous rendray preuue certaine de l’amitié que ie vous doy : aduisez donc à paruenir à quelque belle fin, au contentement de nous tous, à ce qu’ayans du plaisir d’vne sorte, ie ne ressente aucune disgrace de l’autre, mais toute liesse par vostre moyen, ce qui me redondera à perfection de felicité, pource que ie ne fay estat d’autre bon-heur que de celuy qui vous est preparé. ”

“ Mon cœur ne sera plus eslongné de regret, — Ma vie de douleur, mon ame de detresse, : Mais en me desolant en mon depit secret, Mon ennuy ne sera cognu qu’à ma maistresse. #Belle vous scauiez bien qu’à vous seule obligé, Ie ne respirois rien que vostre seul seruice, Et que mon humble cœurpar l’amour affligé Se brusloit à vos yeux en humble sacrifice. c’est fait ie ne puis plus, & ne veux esperer, Car vous auez conceu sur moy quelque di sgrace, — Quand encor ie voudrois tousiours perseuerer, Tout ce que i’ay d’espoirpar vos desdains s’ef face. ”

“ Dauantage mon su ject est de tant de merite, que ie ne peux rien Penser de plus desirable. Soyez asseuree de ceste’erité, & que mes paroles sont tousiours l’image de ma pensee. Ie cognoy bien que ie suis trop esloigné de toutes graces pour meriter que vous me croyez, ou que vous me voulez du bien, toutefois i’estime tant de moy, veu la belle impression que i’ay en l’ame, qu’il m’est auis qu’il faut que vous soyez certaine que ie suis veritable & constant à vous seruir, & par cela ie me persuade que vostre esprit tout accompli, reçoit quelque gloire de triompher de moy. ”

“ C'est l'ordinaire que quand le mal ou le bien auiennent, ils abondent en leur exquise rencontre, & l'excès s'en remarque en la suite de ce qu'ils produisent. Nous le voyons en cette court, & nous participions à ce bien, comme au doux ombre qui delecte les amis. ”

“ Ces obseruations n’auoient esté practiquees que pour faire paroistre l’excellence des ouuriers, le bon loisir du Prince & ses desirs vertueux s’occupans à soulager son peuple, le rendre à son ayse, pour en estre benit, luy faire iustice, se recreer en suiets de merite : & faire paroistre aux peuples qu’il est seant que chacun tienne son rang és assemblees notables, où la confusion faict voir de quel esprit sont menez ceux qui la causent : & l’ordre demonstre la bonté de cœur, excellence de courage, & grandeur vertueuse qui gouuerne les ames de ceux qui sçauent bien faire. ”

“ Embleme est vn pourtrait qui peut estre entendu seul sans escrit, & bien que l’on en face vn discours qui l’interprete, si est-ce qu’il n’y doit point estre sujet, mais cognu de soy-mesme. Deuise est vne figure qui seule n’est qu’vn corps, qui ne porte pas toute son intelligence, car il faut l’ame pour l’entendre, laquelle est la parole qui luy est tellement coniointe, qu’aussi seule elle ne peut rien signifier. Auise est vn petit propos fort simple suyuant la pensee de son inuenteur, & s’entend de soy mefme. ”

“ En ce Royaume cōmande le plus sage de tous les Rois, & qui est tel que la grandeur & magnanimité des autres, est sō appuy, & son estat posé sur la vertu, se maintient en l’asseurance de la vertu de tous ceux qui y pretendent ; il est en parfaite concorde auec tous ceux qui le cognoissent, aussi vit-il sans auarice, sans enuie, & sans inimitié : Ce Roy est magnifique en pieté, modeste chez soy, fidele à ses amis, & l’innocence est le comble de ses grandeurs. ”

“ L’Empereur luy remanda, qu’à ceste occasion il desiroit encor plus de parler à elle, & pourtant la prioit de n’en faire aucune difficulté. A la fin ayant beaucoup fait l’empeschee, elle pria quelques Dames de reputation ses voisines qui l’accompagnerent. Estans venues, l’Empereur les receut courtoisement, & prenant Promustee par la main, lui dit : On n’a pas alegué sans occasion, en disant que les belles se font prier, & bien ie n’en suis pas marri, ie ne contrediray point à la bonne antiquité, qui a recognu que cela ne leur vient que de grandeur de cœur. ”

“ Cest en quoy ie desire exceller, & voudrois estre capable de le pouuoir demonstrer ; car mon desir est plus grand que mon pouuoir. Et combien que ie cognoisse mon defaut, & que ie manque d’art, de science, & d’adresse, ie m’auentureray & par vostre commandement, ie souspireray vn hymne qu’Amour m’a dicté en l’hōneur de la Belle qui peut sur tous cœurs. Si c’est vne verité que ie represente, elle le recognoistra. Si c’est vn beau dessein imaginé à l’auanture, elle n’en aura point de desplaisir, pour autant que ce qui est faict pour l’vnique Belle, luy plaira tousiours. ”

“ Ma belle, ie ne veux point vous representer l’estat de ma peine quand i’estois loing de vous, d’autant que vous la scauez bien, aussi vous l’estimerez par mon affection, dont ie vous rendray tant de preuues, que le tesmoignage vous la manifestant, vous vous asseurerez que mon humble amitié n’est point vn proiect inutile pour se plaire, selon les volages fantaisies des esprits legers, mais vn effect substanciel à l’égal de la verité, laquelle sans changer continuant en mon ame, ne me fera respirer autre cōtentement que de me disposer de plus en plus au seruice que ie vous doy. ”

“ Pourquoy l’amour m’ayant voulu esgaler à vous, le destin m’abat de mon degré ? Ie n’ay que du cœur, & vous Sire, toute grandeur, or ie laisse choir ce que i’en auois desia embrassé, & m’enseuelissant dās l’extreme desplaisir que i’ay d’estre esconduite, ie veux mourir, & encore plus instamment ie le veux, pour auoir osé m’auancer à vous requerir puis qu’il vous est desagreable, & mon regret se multiplie pour auoir en ceste fortune tant auguste trouué ce qui resiste au bon-heur de nostre mutuelle conuenance. ”

“ Non, mon braue Prince non, celuy qui estes mien, ie ne veux pas celà, ie n’aurois plus de gloire, ma belle presomption seroit esteincte, mon heureuse emulation n’auroit plus de suiect : & puis celles qui ont de l’honneur ne sont point sanguinaires, ie ne veux la perte de sa vie, ny l’ex altation de son industrie : ie le veux vaincre, & si ie veux qu’il viue, afin que i’aye l’honneur, & luy le regret, & que ie sçache que ce que i’ay surmonté par ma vertu, est & vertueux & en vie. Parquoy ce que ie veux de vous est vn office signalé pour cest effet. ”

“ La sagesse est l’vnique fruict des labeurs, elle est le remede à tous mauuais accidens, l’ornement de la bonne Fortune, & le bien accomply de toutes sinceres actions, comme but parfait des ames genereuses, organe de leurs en treprises & conduicte de tous leurs desseins. Le temps escheu, & que Sarmedoxe auoit faict entendre au Roy, que les Princes estoient capables de suiure les erres de Fortune, il fut tres-aise, & gratifia les sages à leur desir, leur commandant de continuer & de demeurer tousiours en l’hermitage pour y receuoir ses commandemens. ”

“ Mais il faut fuir ceste piteuse resolution, & ayant des desirs accomplis en bien, les reigler par la vertu : selon ceste loy quand l’amour m’a eslancé i’ay souspiré d’amour, & me determinant à suyure son enseigne, ie m’y suis maintenu selon ce que i’y auois trouué d’exquis, en l’espluchant par les plus auantureuses recherches de ce qui est de ceste passion ayant tousiours eu le cœur en bon lieu, sans rien aimer de bas, ny rechercher le contemtible, ains volant hardiment à ce qui est galant, & de merite. ”

“ Cependant que les entendus chantoient, Lofnis fort attentiue à ceste harmonie, remuoit aussi ses pensees, disant en soy-mesme : Il faut que cet estranger soit de bon lieu, ait beaucoup de courage, ou soit follement raui de quelque subjet. Car si c’est pour l’amour de moy qu’il ait tracé cecy, il faut qu’il ait recognu que ie luy veux du bien, & ne puis croire que ce soit pour vne autre, si tant soit peu il s’est imaginé de m’aimer ; parce qu’en toutes ses actions il se manifeste si respectueux qu’il ne veut point offencer, ains tousiours complaire. ”

“ Ie vous diray s’il y a quelqu’vn qui ait intelligence auec eux, qu’il le die, & ie luy pardonne, dés ceste heure, que s’il craint qu’il se retire, ie ne le feray point poursuiure. Ceux qui en scauront quelque chose, qu’ils le disent & iy mettray ordre leur pardonnant. Tous les assistans iurerent n’en auoir iamais ouy parler, & de fait qu’ils ne scauoyent que c’estoit, & que par tout l’Empire il n’en estoit point de mention, & que l’on croyoit que l’absence des Fortunez estoit pour quelque galantise au soulas de l’Empereur. ”

“ Ma vie, vn amant desolé qui ne s’arresteroit que au sentiment de sa douleur, diroit auec passion, Pleut à Dieu que mes yeux n’eussent iamais rencontré ceux de ma Maitresse, à fin que ie fusse en repos : car l’amour qui m’afflige, n’eust point eu de puissance sur mon cœur pour le troubler de tant de trauerses, dont l’absence l’afflige : Mais moyplus reso lu en mes desseins, glorieux de l’estat de ma fortu me, seruant l’vnique entre celles qui sont de merite, ie benis l’heure de vostre rencontre, n’ayant autre regret que n’auoir eu plustost ce bien. ”

“ La Fee disoit comme vray, mais elle blasphemoit cōtre la beauté, l’höneur & l’amour, & toutesfois elle remuoit l’esprit de l’Empereur, le faisant peiner extrememét, à cause qu’il auoit de la consideration. Il est certain que quand vn cœur a receu en soy quelque venin qui l’a detraqué de son œconomie, il est susceptible de toute autre mauuaise & maligne qualité, & pourtant l’Empereur estant en ceste agonie d’incertitude, lui respondit en perplexité, Ie n’entēs point vos discours, esclaircissez moy. ”

“ Viuarambe eut l’oreille prompte, & l’œil soudain, & aduisant ceux qui venoient, en recogneut l’habit : parquoy il va droict à eux, il fremit, le cœur luy saute, il cuide voir ses freres & il est vray, il s’aduance, ils se hastent, il se despesche, ils s’efforcent d’approcher, & chacun porté de mesme intention, ils font rencōtre : Ce que les autres voyans s’esmerueillent, les freres s’entr’embrassent, & auec telle liesse, qu’il n’y a point de plaisir extreme qui ne semble estre simplement vne douce figure de cestuy-cy. ”

“ Le Conseil vint à l’Empereur par trois fois à cause que l’affaire le meritoit, & puis ayant bien digeré le tout, prononça.
Ceux qui seront temeraires, porteront l’iniquité de leur faute, & celui que la Belle gratifiera, seul se pourra tenir pour tel qu’il sera accepté, car le tout est remis à sa volonté. ”

“ Le sujet de la musique fut le despit de l’amant en la defaueur de la belle desdaigneuse, & pource que l’accent en plaisoit à quelques vnes, l’Empereur l’auoit fait reduire à l’antique façon de chanter, & à la nouuelle aussi sous les loix des douze tons de musique, où les accords pathetiques auoient esté obseruez selon la rencontre du sujet, & en la douceur de ceste harmonie, s’oublians presques en la delicieuse occupation de leur esprit, ils remplirent l’air de ces souspirs :
C’est trop patienter, il faut que ie me vange. ”