Jeanne de Jussie

“ Guillaume de la Baume fut tué en 1360 devant la place de Carignan, dont le. comte de Savoie faisait le siège. Son père le Galois, qui vivait encore, lui décerna de magnifiques obsèques à Rivoli, où il fut inhumé. Ce preux s'était uni en premières noces à Clémence de la Palud, de cette ancienne maison de la Palud, dont la noble devise était :
Morir plus tost que se souiller.
Par un second mariage il s'allia avec Constantine Aleman de laquelle il eut Jean de la Baume, comte de Montrevel et
de Linople en Lalabre. ”

“ Le diable en peut bië emporter ce qui est bien : mais il n'a nullement part en nous. Le Sindique dit, vous nommez le diable, et vous vous faictes si saincte, c'est à vostre exemple, dit-elle, car vous le nommez par plaisir, et moy par vn mespris. Le Sindique dict dame Vicaire taisez-vous, et laissez parler les autres qui ne sont point de nostre opinion : la Mere Vicaire dict ie le veux bien, mes Sœurs (dit-elle) dictes à Messieurs nostre intention. ”

“ Geneue qui te gardera ?
tu pers ta lumiere, les autres crioient à Dieu les souris, elles sont sorties du nid, et vont par les champs comme pauures esgarees. Mais les bons pleureroient amerement à grands sanglots, et mesme le Sindique quand vint à la departie fut meu de telle pitié, qu'il sanglottoit tout haut, et larmoyoit amerement, et toute sa compagnie prenant les Sœurs par ordre, les mettant sur le pont, prenant congé et disant, or à Dieu belles Dames, certes vostre despartie me desplait, et disant entre luy (comme vn autre Caïphas) hà ! Geneue à ceste heure tu perds tout bië et lumiere. ”

“ Comment, dit le Lieutenant, belles Dames où voulez vous aller? là où Dieu et la vierge Marie nous conduira, dit mere Vicaire, seulement nous vous supplions de nous donner quelqu'vn qui nous conduise sans outrage de noz personnes hors de vostre ville, et prenez le Conuent, et tous noz meubles, qui sont de grande estime, tant de l'Eglise qu'autres, lesquels seront visitez et estimez par vous et par voz arbitres, et mis par inuentaire, lequel sera remis entre les mains de Monsieur le Lieutenant, pour le contregarder et pour contenter la Blaisine. ”

“ Nous vous ferons conduire, et rendre chacune a vos parens si ne voulez demeurer auec nous selô nostre maniéré de viure : mais celles de la ville y demeureront, et celles qui y ont esté escolieres, et pour ce faites nous parler à la Sœur Collette, et à la Sœur Iussie, qui a des parens en ceste compagnie. Vous pouuez bien parler à elle, dit mere Vicaire; mais n'y mettez pas la main pour en faire comme de l'autre, car vous nous mettriez plus tost toutes par pieces, veu qu'elles ne sont pas du vouloir de l'autre. ”

“ Hé beau Dieu, dit mere Vicaire, vous me parlez d'vn poignard, et c'est l'anneau de l'Euesque : mais puisque l'auez, et le tenez en si grande estime, gardez le bien pour le mariage que demâdez ; car ie pen sois en bône foy que me demandiez vn poignard, et de faiet elle et toutes les Sœurs l'entendoient, et cela faisoit respôdre Mere Vicaire, tant qu'elle leur dit que iamais ne fit bataille qu'aux pulces, et aux mouches : de quoy leurs aduersaires cuydoient perdre patience, estimant qu'elle parloit en mocquerie. ”

“ Il est bien vray que les Prelats et gens d'Eglise pour ce temps ne gardoient pas bien leurs vœus et estât, mais gaudissoient dissolument des biens de l'Eglise, tenant femmes en lubricité et adultère, et quasi tout le peuple estoit infect de cest abominable et détestable péché : dont est à sçauoir que les pechez du monde abondoient en toutes sortes de gens qui incitoient l'ire de Dieu à y mettre sa punition diuine, et le tout parle moyen de ces faux et desloyaux satellites du Diable, affublez en forme d'hommes. ”

“ Respondit la Mere Vicaire toutes ces œuures sont mauuaises, et contre le diuin cômandement, c'est tres bien fait de vous amader, car c'est mal vescu a vous : mais ma côpagnie ny moy, la mercy a nostre Seigneur ne fismes onques meurtres, ny telles œuures pour prendre autre vie, et pource ne voulons nullemët changer, mais continuer au diuin seruice: et leur parla si viuement auecques la mere Abbesse, et la Portiere que tous estoient esmerueillez. Dame Vicaire (dit le Sindique) vous estes bien arrogante, mais si vous nous faictes mettre en nostre cholere vous en ferons repentir. ”

“ Elle respondit nous ne la voulons pas forcer, ny d'autres aussi, si ce n'est de leur gré : mais ie scay bien qu'elle voudroit estre dehors, et que la pauure fille y demeure en grand regret, et nostre Seigneur donne à chacun son arbitre de bien et de mal : quand nous luy aurons parlé vous verrez bien son vouloir, et comme ces caffardes la contraignent, et les autres aussi. Et puis se prindrent à chercher, et crier Sœur Blaisine monstrez vous, et parlez à nous, ma Sœur ne vous doutez, car ie ne cherche que vostre bien et consolation : mais la malheureuse n'osoit respondre. ”

“ Certes trescheres Dames il nous desplaist grandement, et s'il estoit en notre pouuoir nous amanderions bien tout: mais vous sçauez que force n'est pas droict; Les mauuais sont maintenant en puissance sur les seruiteurs de Dieu, et les bons n'ont refuge qu'abonne patience, consolez vous en nostre Seigneur, et nous dites priuément s'ils ont point touché à vos personnes : Neriny, dit la Mere Vicaire , ie croy que nostre Seigneur ne leur a pas permis. ”

“ Apres, pour augmenter douleur, sans faire semblant qu'ils en auoient faict, vindrent prëdre Mere Vicaire, qui leur dit, hé Messieurs ie vous prie en l'hôneur de Dieu dictes moy ce que vous voulez faire de nous, et si me voulez mettre en prison, ie ne le refuse pas pour le nom de mon Dieu ; si par tourment ou menaces me cuidez gaigner, vous estes bien deceus : faictes nous ceste grâce de nous occire ensëble, et ne nous separez pas ainsi. ”

“ La mere Vicaire, et plusieurs autres les suyuirent, disant Sœur Blaisine gardez vous bien de consentir, et vous monstrez maintenant Cheualiere de nostre Seigneur, et ne parlez point à eux : mais les mauuais vont dire retirez vous, et nous laissez parler à elle : car si elle ne veut sortir de sa bonne volonté, nous ne le luy ferons point de violence, et pource retirez vous, de peur que ne soyez cause d'vn plus grand mal et de quelque meurtre, car nous sçauons bien que ne pourriez tenir vos langues de parler. ”

“ Toute ceste Saincte semaine le peuple fut en doute, car on les voyoit aller par grosses bandes, et le bruit couroit qu'ils vouloient empescher le diuin Seruice, et que le iour de Pasques ne se diroit point de Messe : parquoy chacun se tenoit en armes : et mesmes les Prestres n'osoient aller par les ruës sans armes. Et pour le moins le peuple se cômunia, et fut determiné par Messieurs du Chapitre que la Passion se prescheroit le Vendredy sainct dedans l'Eglise Sainct Pierre, ce que de vie d'homme n'auoit esté faict. ”

“ Messieurs (dirêt les Soeurs) sauue vostre grâce car toutes sommes venues inspirees de la grace du S.
Esprit, et non par côtrainte , pour faire penitence, et prier pour le monde, et non pour oisiueté
et ne sommes point hypocrites, comme vous dites : mais pures Vierges.
Alors vn des Syndiques respondit, vous estes bien descheuës de verité : car Dieu n'a point comandé tant de reigles, que les hommes ont con- trouué, et pour deceuoir le monde, et soubz titre de Religion sont minstres du grand Diable. ”

“ Et apres ce maudit presche ils briserent plusieurs belles images, et abbattirent entièrement l'Autel de la Chapelle de la Royne de Cypre, et briserent l'Image de nostre Dame, qui estoit grande, et excellemment belle et riche, entaillee en pierre d'albastre : et prindrent le Ciboire où estoit le sainct Sacrement, et l'emporterent, et ne sçait-on qu'ils en firent. Ils abbattirent aussi les quatre pilliers deuât le grand Autel, dont les Religieux voyant cela, osterent le reste des Images. ”

“ Chose admirable, miraculeuse, et digne de grande memoire pour la diuine louange, et pour estre plus certain de la bonté, et misericorde de Dieu, que iamais ne laisse ceux, qui de vray cœur le seruent, et se confient en sa bonté : car à celle heure furent tellement changez, illuminez, et meus de pitié les mauuais, que plus ne desiroient la perdition des Sœurs, ains furent leurs conducteurs, et les gardoient des autres ennemis heretiques. ”

“ A quoy respondit l'effrontec, si auez, car mon pere vous l'a baillé quand ma sœur entra céans, et que la pauure fille par le moyen de vos flatteries, ignorant la verité de bien viure, se rendit, et puisque le seul Dieu l'a illuminée de vraye cognoissance luy faut auoir son bien pour viure, et d'auantage, demande partage à tous les biens de la Religion, qu'elle a seruy par l'espace de quatorze ans, et y a bien employé son temps. ”

“ La mere Vicaire respondit, les biens de la Religion ne sont point à elle, ny pour estre partis : mais sont donnez des bonnes gens pour faire le diuin seruice : nos bonnes Meres trespassees les nous ont laissez, et nous les laisseront à celles qui viëdront apres nous, et la Blaisine n'y a rien apporté, mais sont tous des aumosnes des bonnes creatures : et en telles angoisses fut employé tout ce iour, iusques à la nuict, qu'ils sortirent. ”

“ Adonc elle, et sa Vicaire se dresserent, et de leur pouuoir luy recommàde ceste pauure desolee compagnie, et lors commandèrent aux Sœurs de le saluer, et demander misericorde, qu'il luy pleust les laisser seruir à Dieu en clausture entiere, et ainsi qu'il pleut à Dieu son cœur fut tout transmué de pitié, et ne sçauoit que dire, sinon de les reconforter, promettant que par luy iamais n'auroient aucun desplaisir, mais que de tout son pouuoir les contregarderoit que personne ne leur feroit dommage, et s'en retourna tout edifié, sans qu'aucun mal leur fut faict. ”

“ Et finalement la vont choisir au milieu de toutes aupres de la mere Abbesse, qui luy va dire Sœur Blaisine mon enfant, iusques à maintenant ie vous ay preseruee, ie vous prie gardez bien de vous separer du troupeau, et vous monstrez bonne championne de nostre Seigneur : car en ceste bataille ie ne vous peux secourir, vous avez vostre arbitre du bien et du mal, nostre Seigneur soit en vostre cœur, et pensee. ”

“ La mere Vicaire leur dit, Messieurs, nous vous prions au nom de Dieu, deportez vous de nous vouloir contraindre à telle chose, et ne nous empeschez point à faire le seruice diuin, nous ne croyons point que vous soyez Messieurs les Sindiques, attendu vos simples questions : car nous les tenons bien si sages, et aduisez, qu'ils ne daigneroiët imaginer de nous vouloir faire quelque ennuy ou desplaisir : mais ce sont les mauuais garçons qui n'ont autre passetemps que de molester les seruiteurs de Dieu. ”

“ Vray est que souuentefois ils menaçoient la mere Vicaire de prison criminelle, et craignions quelquefois que de faict ils ne le fissent: mais aucuns doutoient disant elle est de trop grande parenté, et pourroit estre cause de quelque grande esmotion contre la ville ; aussi le Duc de Savoye les soustient, et pource elles ne prient que pour luy : et aussi nous seroit reproche de nous prendre à vne femme idiote. ”

“ Etienne de la Baume fut nommé par le comte Vert son lieutenant-général en deçà des monts, lorsqu'en 1350 ce prince se rendit en Piémont. Il fut le premier des grands maréchaux de Savoie, charge instituée par le susdit comte en 1353, et supprimée sept années plus tard, par EmmanuelPhilibert. ”

“ Certes (dirent-ils) vous estes bien inspiree, et sera pour le mieux à ce que pouuons entendre, combien certes que vostre despartie nous sera trop amere, mais encor plus grief s'ils vous faisoient violence, comme entendons par leur complot. Or sus au nom de Dieu (dit mere Vicaire) faictes venir Messieurs qui sont là, et leur dites nostre vouloir.
Adonc les appellerent disant Messieurs voicy ces pauures Dames qui pour vray ne nous sçauroient donner argent, mais sont contentes vous laisser tous leurs meubles et auoir, et elles aller autre part. ”

“ Ces paroles furent bien picquantes au cœur des pauures Sœurs, disant, hé mere Vicaire nous laissez-vous? et qui nous conduira? Pour l'amour de Dieu Messieurs permettez que nous suyuions nos bonnes Meres, et que nous mourions ensemble : Hé que douloureuse nous est ceste departie !
et disoient l'vne à l'autre, Ores est venu le iour d'angoisse, et de séparation. Hé nos tres-cheres
meres de la Religion de saincte Claire quad vous sçaurez ceste dure séparation, que pourrez vous faire, et quand oyrez dire comment voz pauures Sœurs sont deuorees des loups rauissans. ”

“ Pour ce nous a commis le conseil de faire, et d'en scauoir la verité d'vne par vne, sans le sceu des autres, car celle vieille ne permettroit iamais que sortiez sans seauoir le courage dvne chascune et sans nous remonstrer la voye de vérité : Car c'est grand dommage de plusieurs belles ieunes filles qui perdent leur ieunesse en oysiueté, qui pouroient faire de grands fruictz au monde, cecy fut vn petit de reconfort aux Sœurs, pensant que puisqu'ils nous laissoient nostre arbitre n'estoit pas encore la fin, et séparation, car toutes se monstroient de grand vouloir, et constance. ”

“ Ils diuulguerent et mirent la Vierge Marie comme femme de mauuaise vie, et qu'elle n'auoit nulle puissance, ne merite enuers Dieu; et aussi que tous les Saincts, et Saincles de Paradis ne sont estimez par eux non plus que les hommes de ce monde, et encor moins. Derechef condanerent qu'il n'y auoit aucun Purgatoire, et que apres la mort on ne doit point prier pour les trespassez , disantz qu'ils sont au partir de ce monde iugez et enuoyez en Paradis ou en enfer éternellement ; et tant d'autres heresies que Ion ne sçauroit escrire, et quant à moy i'ay grand horreur de les penser et escrire. ”

“ Le mois d'Aoust apres le Predicant heretique vint à Orbe de par Messieurs de Berne, pour prescher et peruertir la pauure ville, mais nostre Seigneur ne le voulut permettre : ains la plus grande partie tint ferme, et firent grosse resistêce Et combien que longuement il continuast a prescher, iamais la ville ne fut entièrement subuertie ; les femmes se comportoient vaillâment, le Baillif le fit prescher àu conuentlong temps, et les Sœurs estaient contraintes de sonner les sermons, et d'y assister à la treille les draps leuez, qui leur estoit bien grief, il n'en faut douter. ”

“ Secondemët que sur peine d'estre pendu et estranglé, nul n'eust amesdire ny mespriser l'Eglise, et les diuins Sacremës ni chanter Ballade contre le Sacrement de l'Autel, comme ils auoient faict au parauant. Tiercement, que nul Prescheur n'eust à prescher sans licence de l'Euesque, ou de son Vicaire. Que nuls citoyens de quelque estat que ce fust, n'eust à tenir Predicant heretique en sa maison, en secret, ni autrement, sur peine de la vie, et quiconque le sçauroit, et ne le reueleroit, encouroit ladite peine comme coulpable. ”

“ Lors les pauures Sœurs estoient demy mortes d'angoisse et de paour : dont ils en eurent telle pitié, qu'il leur promirent qu'ils les garderoient, et qu'ils mettroient leur vie pour elles, si besoing estoit; et se tindrent depuis au Conuent, pour les garder desdits Heretiques : et Dieu leur fit ceste grace que iamais nul n'y entra deuers elles. ”

“ Plusieurs mauuais garçons enyurez et tentez de l'ennemy, venoicnt souuent la nuict faire leur effort à l'entour du Conuent, pensant entrer deuers elles pour leur faire du mal, et violence : mais nostre Seigneur y mettoit la main tellement qu'ils trouuoient tousiours quelque empeschement, qui les en gardoit : et par le moyen aussi d'vn bon frère Conuers, nommé Nicolas des Arnaud, qui les entretenoit et addoucissoit leur rage et fureur ainsi qu'il plaisoit à Dieu, et lequel auoit laissé l'habit, parce qu'il n'estoit point astraint de le porter. ”

“ Le Predicateur en taisant le signe de la Croix est tiré de la chaire à bas, et la chaire renuersée sur luy.
geoises de la ville en grand nombre, auec beaux presens l'ont requis en don, et supplié à Messieurs de Berne de le deliurer, mais rien n'y a vallu : car par vn infidelle nommé Michel Balthasard, pour - lors Syndic, fut côdamné mourir en prison, s'il ne vouloit se desdire de verité et maintenir erreur, ce qu'il ne fera moyennant la grace de Dieu: car il est ferme comme vn rocher pour maintenir la verité de la saincteEscriture. ”

“ Celle mesme Dimanche fut faicte Procession generale par la ville, bien ordonnée en grade deuotion, rendant louange a Dieu, que ceste iournee estoit pacifiee sans effusion de sang. Les Lutheries y assistèrent tant hommes que femmes, qui rëdoit vn chacun ioyeux, estimât que tous fussentreduits : mais helas! ce n'estoit que feintise, comme ils le monstrerent puis apres se decouurat, et augmentant leur heresie peu a peu. ”