Fernão Mendes Pinto

“ Par où vous pouuez bien voir que laissant à part toute trahison, il faut necessairement que ie vous sois fidelle comme ie suis & seray toute ma vie, non seulement en ce voyage, mais en toute autre entreprise en dépit de ceux qui en murmurent & qui vous ont fait de faux rapports de moy : que si vous apprehendez ce danger si fort comme vous dites, & voulez que nous allions par vne autre route moins frequentée d’hommes & de vaisseaux, nous mettrons bien plus long temps à ce voyage ; mais aussi nous nauigerons sans crainte d’aucune chose. ”

“ Sur quoy l’Hermite le regardant de trauers, Afsseurément, luy respondit-il, la crainte que tu as de la mort est encore bien moindre, puis que tu employes ta vie à des dictions außi infames & noires que l’ame qui est dans ton corps ; & pour moy ie ne puis croire autre chose, sinon que toute ton ambition n’est que d’auoir de l’argent, comme tu le fais bien paroistre par la soif de ton auarice insatiable, par le moyen de l’aquelle tu veux acheuer de combler la charge de ton appetit infernal. ”

“ Le Roy des Batas tint ceste ville assiegée par l’espace de vingt-trois iours, durant lesquels deux sorties furent faites, où rien ne se passa de memorables, car il n’y fut tué de part & d’autre que dix hommes tant seulement ; mais comme les victoires & les bons succez de la guerre ont accoustumé d’encourager le victorieux, il arriue quelquesfois que les foibles se font si forts, & les poltrons si hardis, que posans bas toute crainte, ils ne feignent point d’entreprendre les choses les plus difficiles & dangereuses ”

“ Apres ces paroles ils se mirent tous à dire, Seigneur Dieu misericorde, auec des cris si pitoyables, qu’il n’y eust celuy qui ne se pasmast de douleur & de tristesse ; & comme tous les hommes qui se trouuent en de semblables afflictions, se laissent porter naturellement à la conseruation de leur vie, sans penser qu’à cela seulement, il n’y eust celuy d’entr’eux qui ne cherchast les moyens de sauuer la sienne, tellement que tous ensemble s’employerent à descharger leur vaisseau, iettant leur marchandise dans la mer. ”

“ Car en ce pays là les personnes de qualité se seruẽt tous en vaiselle d’or, & l’argent n’est que pour ceux de moindre condition. Ils apporterent aussi plusieurs autres pieces de vaisselle toute d’or comme grands bassins, salieres, & couppes fort agreables à la veuë, si de temps en temps elles n’eussent donné de l’enuie à ceux qui les regardoient. Apres qu’on eut congedié ceux qui n’estoient pas du bãquet, il n’y demeura que les conuiez, qui estoiẽt quatre-vingts en nombre, sans y comprendre cinquante soldats d’Antonio de Faria. ”

“ Les deux Procureurs nous oyans parler de cette sorte, Ne dites point cela, nous respondirent-ils, car bien que vostre ignorance vous descharge enuers Dieu, si est-ce que vous ne laissez pas de commettre vn grand peché, pour ce que plus vous serez abbatus dans le monde pour estre pauures, & plus vous serez esleuez deuant les yeux de sa diuine Majesté, si vous prenez, en patience la peine à laquelle la chair s’oppose tousiours, comme reuesche qu’elle est & insupportable. Car comme l’oyseau ne peut voler sans ses aisles, ainsi l’ame ne peut mediter sans les œuures. ”

“ Car ayant esté au seruice de cette Dame enuiron vn an & demy, il me suruint vne affaire qui me mit en vn manifeste danger de ma vie. Tellement que pour m’exempter de la mort, ie fus contraint d’abandonner son logis auec toute la diligence qui me fut possible : Mais comme i’estois en fuite, la peur me talonnoit de telle sorte que ie ne sçauois quelle route prendre, ny mesme où i’allois pour lors. Et sans mentir ie n’estois pas moins troublé que celuy qui void la mort presente à ses yeux, & s’imagine d’en estre suiui. ”

“ Mais enuiron la premiere garde le vent se changea en Nordest, car tels vents sont ordinaires en ceste Isle de Samatra : ce qui fit que la mer fut esmeuë de telle sorte par la violence de la tourmente, que nous pensions tous estre perdus, à cause que nostre Lanchare n’auoit plus, ny mast, ny voile, l’vn & l’autre ayant esté mis en pieces par la tempeste, d’ailleurs l’eau y entroit desia par trois endroits proches de la quille, & l’abondance en fut si grande en fort peu de temps, qu’incontinent nous allasmes à fonds, sans pouuoir sauuer aucune chose que ce fust. ”

“ Là-dessus vne femme qui estoit accouruë comme les autres afin de nous voir, Il y a de l’apparence, dit-elle, en regardant tous ceux d’alentour, que les choses que les pauures estrangers nous disent icy sont tres-veritables, aussi veritablement c’est dequoy vous ne deuez pas vous estonner puis que cela est si ordinaire, qu’il arriue le plus souuent que ceux qui hantent sur la mer y font leur tombeau ; c’est pourquoy, mes amis, le meilleur & le plus asseuré c’est d’estimer la terre & trauailler sur terre, puis que c’est la matiere dont il a plû à Dieu nous former. ”

“ À ces paroles demeurant vn peu estonné ; Helas ! me dist-il, Dieu sçait comme quoy ie m’en repens maintenant ; mais puisque ie n’ay fait ce que vous dites, faites maintenant ce dequoy ie vous prie, & le demandez de la part du Seigneur Capitaine, à qui ie m’en vay escrite de tout ce dont ie vous ay parlé, & ie suis bien asseuré qu’il ne prendra pas en bonne part que vous me laissiez icy tout seul auec sa marchandise, qui n’est pas en si petite quantité qu’elle ne passe plus de trente mille ducats d’employ, sans y comprendre ce qui m’appartient qui vaut bien autant. ”

“ Mais lors que durant ce grand trauail nous estions tous bien empeschez, auec vne bonne partie de nos gens blessez, & plusieurs morts, Dieu permist que le feu prist si asprement à l’vn des Iuncos des ennemis, qu’en mesme tẽps il prist aussi à celuy à qui il estoit attaché ; ce qui fut cause que les soldats quitterent le combat, pour empescher qu’ils ne fussent entierement bruslez, ce qu’ils ne peurent faire si promptement, qu’vn d’eux ne fust rasé à fleur d’eau par la violence du feu, si bien que ceux de ce Iunco pour n’estre bruslez, se ietterent incontinent dans la mer où ils se noyerent. ”

“ À ces mots Fingeandono s’estant prosterné par terre, Ie supplie tres-humblement, Seigneur, respondit-il, ceux qui sont là haut au Ciel qui t’ont appris à estre si courtois & si bon, ou de respondre pour moy, ou de me donner vne langue außi desliée que les rayons du Soleil, pour te remercier auec vne musique qui soit agreable à tes oreilles, du grand honneur qu’il te plaist me faire maintenant ; car si ie faisois autrement ie ne pecherois pas moins que ces ingrats qui habitent dans l’estang le plus bas de la profonde & obscure maison de fumée. ”

“ Mais luy qui ne se contentoit pas de ce qu’il auoit fait, recommença ses menaces plus fort que iamais, & me mit deuant les yeux vne infinité de tourments & de choses terribles. À quoy se passerent plus de trois heures, durãt lequel temps il plust à Dieu que le ieune Prince reuinst à luy. Alors il n’eust pas plustost veu le Roy son pere, ensemble sa mere, & ses sœurs qui se fondoient en larmes, qu’il les pria de ne point pleurer, & qu’en cas qu’il vinst à mourir il n’attribuassent sa mort qu’à luy-mesme qui en estoit la seule cause ”

“ C’est pour quoy ie vous aduise de prendre garde à vos personnes. Car l’on tient qu’ils ont iuré, qu’außi-tost qu’il fera iour ils nous tuerons tous. Fuyez donc, ou appellez, des gens à vostre secours, puis qu’estans Religieux, il ne vous est point permis de prendre aucune chose qui puisse faire respandre le sang humain. A cette voix ils s’esueillerent incontinent, & accoururent à la porte où ils trouuerent l’Hermite couché par terre, & demy mort de tristesse & de lassitude, ioint qu’il n’en pouuoit desia plus à cause de la foiblesse de ses années. ”

“ Car c’estoit en ce mesme temps que le Vice-Roy Dom Garcia de Noronha faisoit ses preparatifs pour s’en aller au secours de la forteresse de Diu, qu’il sçauoit asseurément estre assiegée, & en grand danger d’estre prise, par les grandes forces que le Turc y auoit mises deuant : ce qui fut cause que pour y remedier, le Vice-Roy leua à Goa vne puissante armée nauale, composée d’enuiron deux cens vingt cinq vaisseaux, dont il y en auoit quatre-vingt trois de haut bord, à sçauoir grosses Nefs, Gallions, & Carauelles, & pour le surplus il consistoit en Brigantins, en Fustes, & en Galeres. ”

“ Taschez donc à vous sauuer tant que vous voudrez, vous aurez bien de la peine d’en venir à bout ; car ie vous asseure que la terre, l’air, les vents, les eaux, les gens, les bestes, les poissons, les oyseaux, les arbres, les plantes, & toutes les choses crées vous poursuiuront & vous tourmenteront si cruellement, qu’il n’y aura que celuy qui est dans le Ciel qui vous puisse secourir. ”

“ Continuë doncques tes voleries, car puis que pour les choses que tu as desia prises en cette sainte maison, tu dois aller en Enfer, tu t’y en iras encore pour celles que tu voleras ailleurs. Ainsi tant plus pesant que sera le fardeau que tu porteras, tant plustost seras-tu precipité au profond de l’Enfer, où desia tes mauuaises œuures t’ont appresté vne demeure eternelle. ”

“ Antonio de Faria s’estant derechef obligé par serment auec les ceremonies conformes à l’intention du vieillard, l’asseurant qu’il ne luy manqueroit point de parole, le Chinois dit qu’il se tenoit pour content ; & alors il continua de cette sorte. Il n’y a que deux iours que i’ay veu le mener en la Chifanga prison de Nouday les hommes que tu demandes, chargés de gros fers aux pieds ; ce qu’on a fait sur la creance qu’on a euë qu’ils estoient de vrays larrons, qui ne faisoient d’autre mestier que de voler ceux qui n’auigeoient sur la mer. ”

“ Ce fut en ces Isles qu’Antonio de Faria moüilla l’ancre vn Mercredy matin. Mais deuant que passer outre Mem Taborda & Antonio Anriquez, luy demanderent congé de s’en aller aduertir la ville de son arriuée, afin de sçauoir par mesme moyen quelles nouuelles il y auoit dans le pays, & s’il ne s’y parloit point de ce qu’il auoit fait à Nouday. Car en cas que son arriuée fust dommageable à ce lieu en la moindre chose que ce fût, il estoit resolu de s’en aller hyuerner en l’Isle de Pullo Hinhor ; surquoy ils luy promirent de l’aduertir en diligence de tout ce qu’ils apprendroient. ”

“ Asseurément il vous vaudroit mieux pour le salut de vostre ame, distribuer à ces pauures soldats les excessiues richesses que vous possedez, qu’auecque des feintes paroles, pleines d’hypocrisie, & de tromperies, tascher de leur desrober ces esclaues, qui ont cousté la vie à tant de braues guerriers, leurs compagnons d’armes, par la main de ceux-là mesme que vous voyez ainsi liez & captifs ; sans doute ils nous sont assez chers vendus, à nous qui sommes demeurez en vie, pour les auoir acheptez au prix de nostre sang, que nous auons respandu en abondance. ”

“ Dieu vueille que cela soit, luy repliqua l’Hermite, car à tous le moins tu ne seras pas si blasmable que ces autres Ministres de la nuit qui sont si auides, que comme chiens affamez, il semble que tout l’argent du monde ne soit pas capable de les saouler. ”

“ L’on ne sçauroit dire combien est grande l’abondance du poisson qui se pesche dans cette riuiere, principalement de soles & de surmulets, qui sont vendus tous en vie & attachez à des ioncs, qu’on leur passe par les narines, sans y comprendre le poisson de mer fraiz, sec & salé, dont l’abondance y est infinie. Nous apprismes de quelques Chinois, qu’il y auoit en cette ville dix mille mestiers pour accommoder les soyes, que l’on enuoyoit de là par tout le Royaume. La ville est enuironnée d’vne muraille grandement forte, faite de belle pierre de taille. ”

“ Les nostres estant encouragez par le nom de nostre Seigneur Iesvs-Christ qu’ils reclamoient ; joint aussi la victoire que desia ils connoissoient estre à eux, tellement pour auoir l’honneur de la gagner toute, ils acheuerent de les tuer & exterminer tous, sans que de tout leur nombre il en restat que cinq seulement, qu’ils prirent tous en vie, & les ayant fait prisonniers, ils les ietterent dans la sentine pieds & poings liez, afin qu’à force de tourment l’on leur fit confesser certaines choses qu’on leur vouloit demander ”

“ A quoy voulant remedier incontinent, les voyant reduits à vne si grande neceßité, nous auons là dessus formé nostre plainte par vne requeste, à laquelle il a esté respondu en la Chambre du Lyon couronné, Que la misericorde n’auoit point de lieu où la Iustice perdoit son nom. C’est pourquoy poussez d’vn vray zele à l’honneur de Dieu, nous auons derechef eu recours à la Chambre des vingt-quatre de ceux de l’austere vie ; lesquels portez d’vne sainte deuotion se sont incontinent assemblez au son d’vne cloche, en la sainte-maison du remede des pauures ”

“ C’est pourquoy ie te dis que tu ne m’en tiennes point pour excuse : car ie te conffesse que ie ne veux point estre loüé de toy, & touchant le Royaume d’Aaru, tu n’as que faire d’en parler, si tu veux demeurer en vie, il suffit que ie l’ay fait prendre, & qu’il est à moy, comme bien tost sera le tien, si tu t’és marié à dessein auec Anchesiny, afin qu’à ce suiet tu t’en puisses preualoir du droit d’vn Royaume, qui desia n’est plus sien. C’est pourquoy tu demeureras auec elle comme les autres maris auec leurs femmes, qui cultiuans la terre, se contentent du labeur de leurs mains. ”