António de Faria

“ Ce terme expiré, Antonio de Faria fit ses preparatifs de vaisseaux & de gens, pour s’en aller aux mines de Quanjaparu. Or d’autant qu’il estoit en vne saison fort propre à faire ce voyage, il se resolut de partir le plus promptement qu’il pourroit. Mais il arriua cependant que le Corsaire Quiay Panjan fut saisi d’vne si grande maladie qu’il en mourut quelques iours apres, & ce au grand regret d’Antonio de Faria qui l’affectionnoit infiniment, parce qu’il trouuoit en luy des qualités fort dignes de son amitié ”

“ Antonio de Faria luy en fit donner alors, ensemble vne boëtte de confitures, dont il ne voulut manger ; mais en recompense il beut vne grande quantité d’eau. Puis s’estant derechef enquis de luy touchant les ieunes hommes Chrestiens, il luy respondit, qu’il les treuueroit dans la chambre de prouë. A mesme temps Antonio de Faria les enuoya querir par trois soldats, qui n’eurent pas si tost ouuert l’escotille pour leur dire qu’ils vinssent en haut, qu’ils les virent estendus emmy la place tous esgorgez. ”

“ Antonio de Faria bien aise de cette nouuelle, quoy que d’vn autre costé il fust fort triste du mauuais succés de ceux qui luy en auoient fait le recit ; rendit graces à Dieu d’auoir trouué son ennemy, chose que luy & les siens auoient si fort desirée. ”

“ Antonio de Faria fit arrester l’executeur, & dist à ce vieillard qu’il eust à parler, & dire ce qu’il voudroit, pourueu que ce fut la verité, & que s’il mentoit qu’il s’asseurast que luy & son fils seroient iettez vifs dans la mer, comme au contraire s’il disoit la verité, il luy promettoit de les faire mettre en liberté tous 2. en terre, & qu’il luy rendroit aussi toute la marchandise qu’il iureroit luy appartenir. ”

“ A ces mots Antonio de Faria se frappant le front à belles mains, poussé à cela par l’estonnement que ce discours luy auoit apporté. Mon Dieu, mon Dieu, dit-il, il me semble que ce que i’entends est vn songe, puis se tournant vers ses soldats qui l’entouroient, il leur fit le discours de la vie de ce Quiay, les asseura qu’il auoit tué dans des vaisseaux fouruoyez sur la mer, plus de cent Portugais, & fait butin de plus de cent mille ducats ”

“ Chose qui ne leur reüssit point selon leur desir ; car Antonio de Faria n’eust pas si tost recogneu ce dessein, qu’il leur gaigna le deuant, & les aborda auec toutes les forces des Iuncos & des Lanteaas qu’il auoit. ”

“ Antonio de Faria voyant le chemin ouuert par lequel il pourroit sçauoir ce qu’il desiroit, leur demanda quelle creance ils auoient de ce qu’ils voyoient de nuict vers le Ciel, & de iour en la legereté du Soleil, duquel ils auoient tant de fois parlé. A quoy ils firent responce qu’ils tenoiẽt la vraye verité de toutes les veritez, & qu’ils croyoient qu’il n’y auoit qu’vn seul Dieu Tout puissant, lequel tout ainsi qu’il auoit tout creé, il conseruoit tout ”

“ Antonio de Faria voyant que son messager ne retournoit point, fit voile aussi-tost, mettant au vent force banderolles, comme vn homme qui demonstroit estre ioyeux, & qui ne se soucioit non plus de vendre, ou de ne vendre pas, que de demeurer, ou de ne point faire de seiour en ce lieu. ”

“ Cela fait, Antonio de Faria se hâta d'aller secourir Christovan Borralho. A l'arrivée des nôtres, les ennemis se jetèrent dans la mer ou la plupart se noya, et les deux jonques restèrent en notre pouvoir. Notre perte a été d'un Portugais, 5 garçons et neuf mariniers, sans compter les blessés; mais les ennemis avaient eu 80 tués, et presque autant faits esclaves. ”

“ Antonio de Faria voyant que ces miserables couloient tous à fonds, à cause que le courant de l’eau estoit si impitueux & si grand qu’il les faisoit noyer, s’embarqua dans deux Ballons qu’il fit équipper, prenant quelques soldats auec luy. Puis le plus habilement qu’il peust, il sauua seize hommes, qu’il ne voulut laisser mourir, pour l’extréme besoin qu’il en auoit en la Chiourme de ses Lanteaas, à cause qu’aux combats, qui s’estoient passez on luy auoit tué vne bonne partie de ses gens. ”

“ Il y eust cependant deux Portugais, & sept garçons de tuez, auec ce qu’ils en blesserent plus de vingt. Antonio de Faria receut deux coups d’estramaçon sur la teste, & vn autre sur le bras, dont il fut fort mal traitté. Apres ceste deffaite, & que les blessez furent tous pansez, pour ce qu’il estoit desia pres de dix heures, il fit faire voile, apprehendant les quarante Iuncos qui estoient en cette riuiere. Ainsi nous éloignants de terre, nous allasmes sur le soir anchrer en l’autre costé de Cauchenchina, où Antonio de Faria fit faire inuentaire de ce qui estoit dans le Iunco de ce Corsaire. ”

“ Antonio de Faria s’estant derechef assis, demanda au Corsaire pourquoy il auoit vsé d’vne cruauté si grande contre ces pauures innocens qui estoient là estendus par terre ? A quoy il fit response, que c’estoit à cause qu’ils luy auoient esté traistres, pour s’estre monstrez à des gens qui luy estoient si fort ennemis comme estoient les Portugais ; ioint qu’ayant apperceu comme quoy ils appelloient leur Dieu à leur ayde, il auoit voulu voir par mesme moyen, s’il ne les deliureroit point ”

“ En cette assemblée il fut resolu, que si tost qu’il seroit nuict nous irions ancrer à l’emboucheure de la riuiere où estoit l’ennemy, pour le lendemain matin au Nom de Iesvs-Christ l’attaquer auant le iour. Cét aduis arresté de tous, Antonio de Faria ordonna l’ordre & maniere qu’on deuoit tenir à l’entrée de cette riuiere, & comment l’on attaqueroit les ennemis. Puis partageant ses gens il mit trente Portugais dans le Iunco de Quiay Panjan, tels qu’il luy pleût les choisir, afin de ne luy desplaire en aucune façon, à cause qu’il en estoit besoin. ”

“ A quoy Antonio de Faria y adiousta foy à cause d’vne grosse chaisne d’or qu’il auoit à l’entour de luy, où estoit attaché vne idole d’or de deux testes, faite en forme de lezard, auec la queuë & les pattes esmaillées de verd & de noir, & l’ayant fait traisner vers la prouë, il luy fit coupper la teste, puis tailler le reste du corps en plusieurs pieces qui furent iettées dans la mer. ”

“ Comme il eust fait vne grande reuerence à Antonio de Faria, il luy dit en termes pleins de respect, combien tous les habitans luy estoient obligez, tant pour la grande liberalité dont il auoit vsé en leur endroit, que pour la faueur qu’il leur auoit faicte, pour auoir esté la seule cause de ce qu’ils recouuroient leur marchandise ”

“ Antonio de Faria comme vsité en telles affaires, les voyant tous deux enchaisnez l’vn à l’autre, recognût leur inrention, & fit feinte de se retirer & fuyr, tant pour se donner le temps de se preparer, que pour leur faire croire que nous estions autres que Chrestiens. Mais comme gens aussi vsitez en leur mestier, desirans que la prise qu’ils iugeoient desia estre à eux, ne leur eschappast des mains, ils se destacherent l’vn d’auec l’autre, afin de nous attaquer plus facilement. ”

“ Dequoy n’estant pas content il le fist mõstrer du haut de la muraille à toute la flotte, afin de nous faire vn plus grand affront. Cét acte tragique fut cause qu’Antonio de Faria perdit entierement le peu d’espoir que quelques-vns luy donnoient de la deliurance des prisonniers ; surquoy les soldats irrités plus fort qu’auparauant, luy dirent, que puis-qu’il auoit resolu de descendre en terre, il ne tardât pas dauantage, à cause que ce delay ne seruiroit qu’à donner loisir aux ennemis de ramasser quantité de gens. ”

“ Antonio de Faria voyant ce que luy disoit cet esclaue, qui luy asseura plusieurs fois que ce chien de Similau auoit amené auec luy tous ses hommes de guerre, & que dans son Iunco il n’estoit demeuré que quarante Mariniers Chinois, il se resolut de s’ayder de cette bonne fortune, apres auoir fait mourir Similau & ses autres compagnons, leur faisant sauter la ceruelle de la teste auec vne corde, comme Similau auoit fait en Liampao à Gaspar de Melle, & aux autres Portugais. ”

“ Cette Iustice estant faite, tant du Corsaire que des autres, Antonio de Faria voulut qu’il se fit vn inuentaire de tout ce qui estoit dans le Iunco, qui fut iugé se monter à la valeur de quarante mille Taeis en soyes cruës, pieces de satin, damas, soye retorse, musc, & en quantité de pourcelaines fines, & autres hardes que nous fusmes contraints de brusler auec le Iunco, à cause que nous manquions de Mariniers pour nostre nauigation. ”

“ L’on fist donc à mesme temps requeste conforme au stile dont l’on auoit accoustumé de se seruir en iugement, & Antonio de Faria l’enuoya au Mandarin par deux des Chinois qu’il auoit pris, & qui sembloient les plus honorables. Par mesme moyen il luy fist tenir vn present qui valoit deux cents ducats, luy semblant que cela deuoit suffire entre gens d’honneur, pour l’obliger à rendre ces prisonniers ; mais il en arriua bien autrement comme l’on verra cy-apres. ”

“ Antonio de Faria, qui iugeoit bien dequoy cela luy importoit, leur fit response, que puis qu’il estoit desia sorty du port, qu’il n’y rentreroit point en aucune façon, à cause qu’il n’auoit pas le temps de faire tant de seiour ; mais que s’ils vouloient achepter en gros sa marchandise, apportant auec eux des lingots d’argent pour ce faire, qu’il leur vendroit, sinon qu’en aucune autre maniere il ne s’accorderoit auec eux, à cause qu’il se tenoit beaucoup offensé du peu de respect que le Nautarel luy auoit porté, mesprisant ses messages ”

“ Quant aux femmes leur taille n’estoit pas tout à fait de dix pans : à voir leur mine ie iugeay aussi tost qu’ils estoient fort rudes & grossiers, & moins raisonnables que tous les autres peuples que nous auions veus en nos conquestes. Or Antonio de Faria estant bien aise qu’ils ne fussent point là venus inutilement, leur fist donner soixante pourcelaines, vne piece de taffetas verd, & vn panier tout plein de poivre ; dequoy ils tesmoignerent estre si contens, que se prosternans à terre, & leuans les mains au Ciel, ils se mirent tous à dire, Vumguabileu opomguapau lapaon lapaon lapaon ”

“ Ce fust donc en cette Lanteaa qu’Antonio de Faria s’ambarqua, & ainsi il arriua au quay auec vn grand bruit de hauts-bois, tambours impériaux, fifres, tambours ordinaires, & plusieurs instruments de musique à la mode des Chinois, Malayoes, Champaas, Siames, Borneos, Lequios, & autres gens de telle nation, qui estoient en ce port soubs la sauuegarde des Portugais, de peur des Corsaires qui couroient cette mer en grand nombre. ”

“ Nous estans rembarquez bien fournis de viures nous continuasmes nostre voyage encore sept iours, qui faisoient deux mois & demy, depuis le temps que nous estions partis de Liampoo. Deslors Antonio de Faria commença d’entrer en défiance de ce que Similau luy auoit dit, de maniere qu’il se repentit d’auoir entrepris le voyage, comme il le confessa publiquement deuant tous. Neantmoins pour ce qu’il n’y auoit point d’autre remede pour luy que de se recommander à Dieu, & se preparer auec prudence à tout ce qui luy pouuoit arriuer, il le fit auec beaucoup de courage. ”

“ Cela dit, luy monstrans les blesseures de nos testes, nous luy declarasmes quelle reception l’on nous auoit fait. D’abord cette nouuelle embarrassa grandement Antonio de Faria, si bien qu’il y pensa assez long-temps. A la fin regardant ceux qui estoient presens, Messieurs, leur dit-il, qu’il n’y ait aucun qui ne se tienne prest, pource que moyennant la grace de Dieu ie me promets que nous sçaurons bien-tost d’où vient tout cecy. ”

“ Ainsi ils s’enfuirent pesle mesle le long d’vne grande rüe, & sortirent par vne autre porte qui estoit du costé de la terre par où ils s’enfuirent tous sans qu’il en demeurast vn seul. A l’heure mesme Antonio de Faria ayant assemblé tous les siens en vn gros, de peur qu’il n’arriuast quelque desordre s’en alla auec eux droit à la prison, où estoient emprisonnés nos cõpagnons, qui nous voyant firent vn grand cry, disans ”

“ Ceux du Nauire au lieu de nous respondre en la mesme sorte, comme ils sembloient le deuoir faire par raison & recognoissans que nous estions Portugais, à qui ils ne vouloient aucun bien, dirent vne infinité de paroles vilaines & deshonnestes, & nous firent voir sur le haut de leur poupe, le derriere d’vn esclaue Cafre, auec vn grand bruit & tintamarre de trompettes, tambours, & cloches ; en se mocquant de nous comme par mespris. Dequoy Antonio de Faria se sentit tellement offencé, qu’il leur fit tirer vne volée de canon, pour voir si cela les rendroit plus courtois. ”

“ Dauantage par le rapport de quelques Marchands, desquels Antonio de Faria s’informa, il sceut qu’il y auoit en ces lieux beaucoup de mines de cuiure, d’argent, d’estain, de salpetre & de soulphre, auec force campagnes en friche, dont la terre estoit extrémement bonne, & si negligée par ceste foible nation, que si elle estoit soubs nostre pouuoir, peut-estre que nous serions plus aduancez aux Indes que nous ne sommes pas à present par le malheur de nos pechez. ”

“ Il arriua cependant qu’vn matin ayant demandé à Similau en quel lieu il croyoit estre, il luy respondit fort mal à propos, & en homme qui sembloit auoir perdu le iugement, ou qui ne sçauoit quel chemin il auoit fait ; Dequoy Antonio de Faria se mit si fort en colere qu’il le voulut tuer d’vn poignard qu’il auoit à son costé, ce qu’il eust fait sans doute, s’il n’en eust esté diuerty par plusieurs personnes, qui luy conseillerent de n’en rien faire, & que cela seroit cause de son entiere ruïne. ”

“ Surquoy Antonio de Faria iettant les yeux vers le Ciel, & ioignãt les mains, Seigneur, dit-il deuant tous, comme par vostre misericorde infinie vous vous estes chargé en croix de satisfaire pour les pecheurs ; ainsi ie vous supplie que tout misericordieux que vous estes, par le chastimẽt de vostre dinine Iustice, ie puisse endurer seul les offenses que ces hommes que voicy vous ont faites, puisque ie suis la principale cause de ce qu’ils ont peché contre vostre diuine bonté. ”