Jean-Baptiste Saint-Jure

“ A laverité comme la plus grande preuue que Nostre Seigneur nous ait donné de son amour est sa Passion & sa Mort, aussi deuons-nous dire que c'est le plus puissant motif, que nous aions pour lui bailler le nostre. ”

“ Mais c'est le peché seul qui nous auilit & qui nous deshonore, d'autant que c'est de toutes les choses qui font, si encore il merite le nom de chose, la plus infame & la plus abominable, pource que c'est la plus contraire à Dieu & à la Raison, qui n'a pour tout aucun raion de bien ni de raison, & en fuite aucun degré de bonté , de beauté, de sagesse ni de perfection , & qui consequemment est la souueraine Malice, l'extrême Laideur, la méme Folie & le Defaut essentiel. ”

“ Il ne monta jamais si haut pour le zele de leur salut, & ne donna moins de lieu de rechercher des ombres dans l' affection parfaite qu'il leur porte. 1 Il est certain, la croix & les alffidions font le vrai midi de la vie spirituelle, où l' on fait voir plus clairement si on a de la vertu, si nostre amour enuers Nostre Seigneur est enflammé, & si il n'y a point d'ombre & d'illusion. ”

“ Il adioûte la raison : parce que c'est Dieu qui du pur mouuement de sa bonté vous donne le vouloir & l'agir : si donc c'est Dieu qui fait cela en vous, vous faites vostre salut par sa grace & non point par vos forces : & partant puisque vous dépendez si fort de lui, si vous vous rejoüissez, prenez garde de détremper vos joies de crainte, de peur que ce que vostre humilité vous a fait auoir, vostre superbe ne vous l'ôte. ”

“ C'est pourquoi retranchez le peché, vous retranchez au même temps tous les maux, & vous substituez tous les biens : vous éteignez les flammes de l'Enfer & du Purgatoire, vous fermez la porte du Limbe, vous exterminez tous les malheurs de la terre, vous rompez toutes les prisons, vous renuerfez tous les gibets, & vous brisez toutes les épées & tous les instrumens des vengeances de Dieu. ”

“ Nous passons pour des foux à cause de Iesus Christ, nous sommes jusques à cette heure souffletez , nous sommes maudits, nous sommes persecutez & on déchire nôtre renommée: en fin pour vous dire comme nous sommes traités, on nous tient pour les excremens & pour les immondices de la terre, & la poussiere que l'on foule tous les jours aux pieds, & les balieures des maisons que l'on jette dehors, ne sont pas plus viles. ”

“ L'Esprit de Dieu souffle où il veut : il est vrai, aussi est-il parfaitement libre , & comme pour la nature il n'est pas en nôtre pouuoir de faire que le vent souffle, que la pluie tombe, que les éclairs brillent, que les tonnerres grondent, que le Soleil se leue & se couche, que le iour nous montre les choses & que la nuit nous les cache de méme pour la grace,les lumieres & les tenebres, & les autres opérations de l'Esprit diuin ne depédent pas de nous, mais de lui,& il les pro- duit où il veut. ”

“ Aimons & imitons la patience de Jesus-Christ, rendons lui ce qu'il nous a donné, & lui offrons la patience aux peines de nostre esprit & aux peines de nostre chair, nous qui croions& esperons que nostre chair & nostre esprit reunis resusciteront un jour à vne vie impassible & bien-heureuse. ”

“ Qui donc ne voit que Dieu & son fils Nostre Seigneur aians fait pour nostre salut, & pour nous affranchir de nos maux ce qu'ils ont fait, en ontvn desir infini, & que nous en fuite en deuons auoir vne ferme esperance?
A quoi contribuë encore grandement la troisiéme chose, qui est que Dieu & Nostre Seigneur nous aiment parfaitement. L' amour est le plus grand & le plus solide fondement de l'esperance, la Charité espere tout, dit saint Paul ; & vn fils n'a-t'il pas tout sujet de se confier en son Pere, qu'il sçait estre tres-riche, tres-puissant auoir pour lui vne affection extrême ? ”

“ Apprenez moy la vraye philosophie dans l'échole de vostre cœur &: de vos entrailles, purifiez & perfectionnez mes sciences dans vos playes, & faites moy comprendre la haute doctrine qu'elles enseignent, & que vous, qui en la Croix étes vn Liure rempli de clartez & de lumieres, soyez d' orenauant mon vnique Liure & toute mon étude, en laquelle j'aille de iour en iour profitant, & mourant à l'affection de toutes les creatures, de forte que ie ne fois plus ce que ie fuis, ny en moy, mais que ie fois en vous & vous en moy , vnis ensemble auec le lien d'vn amour inseparable. ”

“ Si vne considération si legere en foi a eu tant de pouuoir pour adoucir vn esprit outré, & lui faire digerer vn affront si cruel dans l'estime des hommes, celle de Nostre Seigneur qui par tout droit est infiniment plus forte, puis qu'il est la Sagesse eternelle, qu'il est nostre Amour, & nostre Tout, ne deura-t'elle pas faire dessus nous sans comparaison dauantage? ”

“ Pour le premier, quand on a de l'amour pour quelqu'vn, on a aussitôt de l'affliction & de la compassion de les maux. Ainsi voions-nous que les meres, parce qu'elles aiment beaucoup leurs enfans, ont de grandes compassions & vne extreme pitié des douleurs qu'ils souffrent, qui ne leur feroient pas à beaucoup prés si sensibles, s'ils leur étoient indifferens. L'amour est la source & la mesure de la Compassion; car comme il fait aimer & auoir fort chers les biens de l'aimé, il n'est pas possible qu'il ne baille de la tristesse & de l'ennui de ses maux. ”

“ Helas ! on ne traite pas ainsi les criminels parmi les hommes ; on leur cache les instrumens de leur supplice , & on leur bande les yeux, pour ne point voir l'épée qui les doit décapiter. Mais on expose, & on met e& veuë à Nostre Seigneur,qui est l'Innocence méme, les foüets, les épines, les clouds, l'infamie de la Croix, & l'opprobre de la mort, qui l'attendent , afin qu'il souffre dauantage, & que son cœur en soit gesné par auance, & son ame plustôt percée que son corps : & nous en sommes la cause. O quel suiet de larmes , & quel obiet de pitié ! ”

“ Toutes & quantes fois que nous hommes pour endurer quelque chose, mettons-nous en esprit à genoux deuant cette Croix qui nous est preparée, comme on dit que Nostre Seigneur se mit sur le Caluaire deuant la sienne, la baisant tendremét & adorant Dieu en elle : regardons de même la nostre d'un bon œil, & nous abandonnons auec resignation à Nostre Seigneur, pour prendre part auec lui & en lui au mystere de nostre redemption, & disons lui. ”

“ Il y a des maux en Enfer, il y en a aux Limbes, il y en a en Purgatoire, & sur la terre : tous ces maux generalement sans en excepter vn seul, viennent du peché: parce que les maux de l'Enfer, & les flammes eternelles, qui y brûlent les méchans, ne font que les peines des pechez qu'ils y portent : les feux du Purgatoire font les châtimens des fautes, dont les amis & les enfans de Dieu font foüillez : le Limbe est fait pour punir le seul peché originel; & tous les maux & toutes les miseres que us souffrons au corps & en l'esprit sur la terre font les effets & les supplices de nos pechez. ”

“ Mais comme les avions vertueuses du Paradis font necessaires & sans aucun trauail, elles n'ont aussi aucune recompense, où celles de la terre, pour étre volontaires & rencontrer beaucoup d'obstacles, font de tres-grand mérite. ”

“ Si nous le faisons, Dieu demeure en nous, & nous témoignons que nous l' aimons en vérité, l' aimans dans les hommes qui font ses images, & les hommes en lui. Nous reconnoissons à la participation qu'il nous donne de l'amour qu'il a pour les hom- mes, que nous sommes en lui & en sa grace, & qu'il est en nous. ”

“ Il faut de méme qu'en toutes les victoires que nous remporterons sur le Diable, sur le monde, sur la chair & sur tous les vices, dans l'abondance de toutes les richesses & de toute la gloire, que nous pourrons iamais auoir en ce mode aupres de Dieu pour les bonne oeuures que nous seros, nous songions, afin de nous point enorgueillir,que nous femmes homes, que toutes nos victoires dependent de Dieu, ôc que nous pouuons être dépouillez de tous ces biens, & tom- ber au pouuoir des Diables, qui nous tourmenteront à jamais. ”

“ Que si quelcun a d'autres sèntimens & dit qu'il est riche, il n'est pas Chrestien, mais vn vaisseau d'erreur & vn instrument du Diable. Plus vne ame f'auance en vertu ôe amane de biens spirituels, plus elle s'eftinie indigente, plus elle est vile à ses yeux,& dit dans vne sincere croiance, ie ne fuis pas digne -que le Soleil me regarde : parce que la marque du Christianisme est l'humilité. Ce font les paroles de saint Macaire, qui dit encore autre part : l'homme spirituel a moins d'opinion de foi que tous les pécheurs, & cette opinion lui est passee comme en nature tant elle lui est ordinaire. ”

“ Mais comme cette plaie est la plaie d'amour, c'est là aussi que l'on vaque particulièrement à l' amour, qu'on quitte toutes les creatures, qu'on renonce à toutes leurs affettions dereglées, & qu' on aime excellemment Nostre Seigneur & son prochain. L'Histoire raconte qu'Othon le huitiéme des Cefars aiant resolu d'aller au peril & à la mort pour ses soldats, leur dit, vous verrez par l'action que ie feray deuant vos yeux, qui vous auez choisy pour vous commander,&quel amour ie vous porte, qui ne veux pas que vous mouriez pour moi, mais qui veux mourir pour vous ”

“ Jesus-Christ est fondateur & architecte de l'une, le diable l'est de l'autre; l' vne est faite par l'humble, & l' autre par le superbe: La première pour s' élever avec solidité décend, & la seconde s'éleve pour miserablement tomber: Au bâtiment de Jesus-Christ on va de bas en haut, & au contraire en celui du diable on roule de haut en bas. ”

“ Tuncparebit, dit-il, Signum Filij hominis in cælo: alors le Signe du Fils de l'homme, c'est à dire la Croix, où il a versé son sang & donné sa vie pour racheter les hommes, fera vû de tous dans l'espace de l' air. 0 combien terrible & effroiable se fera-t'elle voir aux yeux des méchans Chrestiens, qui l'ont euë toute leur vie en mépris & en horreur? qui par paroles & par actions se font bandez contre elle, & où elle ne préche que l'humilité, la pauureté, la patience, & le mépris du monde, eux au rebours nontrecherché que les honneurs, les richesses, & les plaisirs. ”

“ Nostre Seigneur donc étant le vrai & vnique Fils de Dieu, ôc Dieu d'vne majesté infinie, a voulu endurer ce genre de mort le plus ignominieux de tous, & pour en accroître encore le deshonneur & enfler l'infamie, il disposa tellement les affaires qu'il l'endura en la plus grande celebrité de l'année, deuant vne multitude presque innom brable de spèstateurs, non point en prison mais sur vne montagne, non pas au soir ni aux flambeaux mais à midi & en la plus grande lumiere du iour, & entre deux larrons comme le plus insigne & le plus criminel. ”

“ Car, comme il dit autre part, ainsi que tous les hommes font deuenus pecheurs par la desobeissance d'vn seul, de même l'obeissance d'vn autre, de pecheurs les a faits justes. Et la perfection de cette obeissance paroît dans vn grand iour en ce que cette vertu est excellente, lors qu'elle est difficile,& que pour l' executer on se roidit contre sa propre inclination, qui étant naturelle à tout homme pour la vie & pour l'honneur, & Nostre Seigneur aiant obeï iusques à endurer la mort, & la mort de la Croix qui étoit la plus infame, il est clair que son obeissance a été tres-parfaite & consommée. ”

“ Nostre Seigneur Iesus-Christ est nostre regle, & sa vie le Liure, que nous deuons porter par tout, & y apprendre les instructions de la nostre : la souuenance de sa Passion & de sa Mort doit estre inuiolablement imprimée dans nostre memoire, & nous ne deuons point permettre, que chose aucune en efface les idées: voila nostre viande ordinaire, & le Liure qui doit estre familier aussi bien aux fçauans, & aux esprits plus teleuez, qu'à ceux du commun & au peuple. ”