Catherine Des Roches, Madeleine Des Roches

“ Mais qui est plus que vous prompte à nostre besoing ?
Mais qui a plus que vous de nous ayder le soing ?
Et qui rend sinon vous nostre terre fertille ?
Comme sans vous aussi nous la voyons sterile.
L’Égypte ne produit de si riches moissons
Que par vous, sainctes eaux, qui en maintes saisons,
Luy debordez le Nil. La deserte Lybie
Est par faute de vous de tous hommes haye.
L’homme ne pourroit pas viure commodément
S’il n’auoit tousiours l’eau à son commandement
Noz yeux ne verroient point si l’humeur nourriciere
N’entretenoit tousiours leur plaisante lumiere. ”

“ Mais pour Dieu dittes moy de ce lac de Says,
Lequel rendoit de nuict (sur vous representee)
Toutes les passions d’vne ame tourmentee.
Nymphes dictes le moy ces merueilleux secrets :
Pour m’estre reuelez n’en seront moins sacrez,
Ie ne les diray point, o miracle du monde !
L’esprit de noz esprits nage dedans vostre onde
Qui nous reiette en l’œil par voz perfections
Le simulachre aymé de noz affections. ”

“ Et vous pouuoir conduire en plus heureux sentier.
Pour les fautes d’vn serf on s’en prend à son maistre,
Et si vous estes mien, ou desirez de l’estre,
Soyez donc, Sincero, en mœurs pur & entier.
Si ie veux m’acquiter on ne me doit reprendre
De ce dont est repris le prodigue donneur,
Qui depend follement & richesse & honneur
Sans esperer le bien qu’il en pourroit attendre.
Recevant un amour, un amour ie veux rendre
A vous mon Sincero, & confesse mon heur
D’avoir sçeu rencontrer vn si rare sonneur
Pour nostre affection dignement faire entendre. ”

“ D’egaller voz vertus à vostre grand sçavoir
Et que ce ne soit point une aparence feinte.
Si vous estes meschant, las ie seray contrainte,
De vous abandonner : car ie craindroy d’auoir
Vn amy vitieux, & ie ne veux point voir
Mon honneste amitié compaigne de la crainte.
La vertu seulement rend l’homme bien-heureux,
Soyez donc s’il vous plaist de vertu desireux
Suivant de l’ypsilon la moins commune adresse.
Faictes que la raison commande à voz desirs,
En esperant de moy les honnestes plaisirs
Que l’on doit esperer d’vne chaste maistresse. ”

“ Quant aux exterieures, ce seroit mal faict de comparer la main, & le pié, à l’œil & la bouche, pere & mere de la Philosophie : aussi ne voudrois-ie pas faire comparaison de vous à moy, bien que nous soyons toutes deux à vn mesme maistre qui nous a commandé de maintenir (moyennant son ayde) le mõde en son premier estre, vous pour despecer ce que ie fay de tout vostre pouuoir, moy pour luy donner vne force tousiours renaissante : ainsi ne sommes nous iamais oisiues. Vieil. Vrayement vous ne l’estes pas à parler, au-moins si vous auez autant de raison que de parolles, vous triomphez. ”

“ La M. C’est pour luy faire plaisir. La B. S’il est au temple il leue ses mains vers le Ciel pour faire ses oraisons. La M. C’est pour adoucir Dieu enuers luy. La B. S’il est à table la main est tousiours la premiere au plat. La M. C’est pour son proffit. La B. S’il est couché au lit la main est le plus du temps sur sa poictrine. La M. C’est pour sa santé. La B. S’il est aporté de l’argent elle est la premiere à le toucher, le conter, & le serrer souz la clef, comme seule gardienne, si bien que nous autres n’en pouuons auoir que par sa grace. ”

“ Pour garder le tresor du Ciel & de la terre.
Las ie suis mort en moy, mais c’est pour vivre en vous,
Charite : mon honneur, ma vie & ma lumiere
Vostre rare beauté des beautez la premiere
Tient mon esprit rauy d’vn rauissement doux.
De voz cheueux dorez les agreables nœuds
Et de voz yeux diuins la rigueur humble-fiere,
Serrent tant doucement mon ame prisonniere
Que moymesme ie suis de moimesme ialoux.
Mon corps est euvieux de l’honneur de mon ame
Qui brule dedans vous d’vne tant saincte flame,
Que d’vn homme mortel ie deuiens vn grand Dieu. ”

“ Treuuent du feu chez luy que vostre onde leur donne,
Car elle a le pouvoir d’allumer vn flambeau
Et d’esteindre le feu qui n’est pris de son eau.
Vous auez vn ruisseau tout plein de prophetie
À la cime du mont Colophon de Lydie
Qui faicts par sa vertu predire l’aduenir.
Vous en avez aussi perdant le souvenir,
O bien-heureuses eaux, qui auez la puissance
D’effacer de noz maux la triste souuenance,
He qu’à bonne raison ce Prince Athenien
Estimoit vostre oubly la source de tout bien !
Ie voudroy qu’il vous pleust couler en noz riuieres
Pour nous faire oublier noz peines coutumieres. ”

“ Or ie m’en vay donc commencer à vous conter des merueilles de vous-mesme : On dict que de toutes les choses qui sont icy, les formes en sont au Ciel : il y a vne Idee du bon, il y en a vne du beau, il y a vne destinee qui apres la prouidence de Dieu ha le second pouvoir, cette cy ayant ordonné l’heure de vostre naissance, quand les Planettes plus benignes se regardoiẽt d’un aspect amiable, elle appella les Parques, & leur commanda de mettre sur leur mestier la plus belle vie qu’elles pourroient choisir. ”

“ De vostre majesté, à vostre entendement
Le soing de votre vie, à vostre vigilance
L’espoir de voz suiects, & l’honneur de la France,
Donnez le à vostre sage & prudent iugement.
L’ornement d’vn grãd Roy, son hõneur, sa noblesse,
Vient d’aymer la vertu, trop plus que la richesse
Aymer un bon conseil, trop plus qu’vn grand present,
Plus qu’vn plaisir volage, aymer la Temperance,
Auoir deuant les yeux, les yeux de la Prudence
Qui voit le temps passé, le futur, & present. ”

“ Et bien donc ie le vous diray pour me despecher de vous : auparauant que l’on veit aucune science escrite, l’œil esleuant sa clarté vers les celestes feux, lisoit en la carte du Ciel le pouuoir admirable du Createur de l’vniuerse : de là s’engendra, la Philosophie qui reueillant les premieres puissances de l’ame, la rẽdit desireuse de rechercher le souuerain Dieu, en qui demeure la vraye sapience : depuis ceste ame estãt r’emplie d’vne infinité de belles conceptions les enfanta heureusement par la bouche : mais Adieu bonne femme, ie m’en vois, cest trop demeuré en vn lieu. ”

“ P. Le nombre en est si grand que ie ne le sçauroy nombrer, toutesfois ie connois vne qui seule a plus de grace que toutes les autres ensemble, & parlant de celle là c’est parler de toutes celles qui méritent quelque louange. F. Qui est son nom ? P. Ie le veux voiler de l’honneur du silence, craignant en le disant de le prophaner, te suffise d’entendre par moy qu’elle se rend admirable par la vertu de ses mœurs, la gentillesse de son esprit la grandeur de son sçauoir, & la douceur de ses propos. ”

“ Ie ne vous crain pas beaucoup, sçachant bien qu’vn age moyen vous empesche d’aprocher de moy, pource qu’il est tousiours opposé entre nous deux, comme le prin-temps, & l’automne entre l’hyuer & l’esté. Vieil. Cest age moyen me donne le moyen de vous nuire, car il est Fourrier qui merque pour moy les logis où vous demeurez, & bien souuent que ie suis ennuyee de vostre orgueil, ie le haste de vous chasser des belles personnes, en qui vous estiez presque adoree, de sorte que vous estes contrainte de vous retirer chez quelque laideron. ”

“ Voulez vous consommer vostre fleurissant age
A lamenter sans fin ?
Sarra.
Mon travail soucieux
Quand ie ne dirois mot paroistroit en mes yeux ;
On dit que le silence est vn discret message,
Qui sans rien prononcer se peut lire au visage.
Raguel.
Bien ie vous laisse donc deuant nostre parent,
Ie ne veus pas monstrer mon deuil tant apparent :
Mais la pauure Sarra comme elle est devenue !
Ores elle est sans epoux, ores elle est esmue :
Ie vais trouver sa mere & luy diray comment
Elle change couleur cent fois en vn moment. ”

“ B. He que ie suis mal-heureuse de m’estre venue ranger icy aupres du plus grãd ennemy que i’ay en ce monde ? Si maintenant ie ne suis aydée par la faueur de son bandeau qui me rende inuisible à luy, ie suis en dãger d’estre prise : O Dieu je pense qu’il me voit, il vole apres moy, où fault il que ie fuye ? A. Où allez vous si tost beauté, ie veux parler à vous s’il vous plaist, attendez moy vn peu. B. Si vous ne voulez que parler, ie suis preste de vous entendre : Mais ie crain beaucoup plus voz mains que vostre bouche. ”

“ Fin des vers de Sincero à Charite : S’ensuivent ceux de Charite à Sincero.
Ie veux que Sincero soit gentil & accord,
Né d’honnestes parens, ie veux que la Noblesse
Qui vient de la vertu orne sa gentillesse,
Et qu’il soit temperant, iuste, prudent, & fort.
Ie veux que Sincero m’ayme iusqu’à la mort,
Me retenant du tout pour vnique maistresse,
Ie veux que la beauté auecques la richesse
Pour le fauoriser se trouuent d’vn accord,
Ie veux en Sincero vne douce eloquence,
Vn regard doux & fin, vne graue prudence,
Vn esprit admirable, & vn diuin sçauoir. ”

“ Ie vous pleins, ie vous caresse
Et vous veux taster le poux :
Mais vous estes froide & blesme
Et moymesme
Desireux de vous toucher
Deuien Rocher.
Ayant perdu ma semblance
Ie ne regrette sinon
De n’auoir plus de puissance
De chanter vostre beau nom :
Pource qu’vne froide pierre
Clost & serre,
Ma voix, ma langue, & le son
De ma chanson.
Comme la triste Niobe
Voyant tuer ses enfans,
Sent le cueur qu’on luy derobe
Ainsi (maistresse) ie sens
Et ma parolle, & ma vie
Deffaillie,
Ne me restant que la foy
Que ie vous doy. ”

“ A. Ie vous suplie beauté ne me donnez point le blasme du mal qui vous auient, quant à moy ie ne pense qu’à faire voir & admirer voz perfections : mais que n’allez vous demeurer dans ces grands Palais, vous y seriez plus assuree. B. Ha vrayemẽt ce n’est pas là que ie puis estre seuremẽt, Amour, il n’y a pas long temps que ie m’en allé voir la richesse, mais vous emplistes incontinent toute la maison de Courtisans, qui vouloient desrober mon hostesse & moy. A. Quel mal vous scauroient faire ceux qui vous prendroiẽt, vous estes Deesse immortelle. ”

“ B. Ie n’ay que faire de vostre conduite, ne laissez pas de vous en aller, pensez vous que ie vueille estre guidee par vn aueugle ? A. I’ay bien monstré que ie ne l’estoie pas en vous voyant, asseurez-vous qu’Amour voit tousiours fort clair en presence de la beauté, mais ceux qui ayment les personnes laides & par leurs folies les estiment belles, sont veritablement aueugles, & me font tenir pour tel encores qu’il soit tres faux, comme vous auez peu connoistre. B. Pourquoy dõc portez vous ce bandeau sinon pour cacher l’imperfection de voz yeux ? ”

“ Que ce que tu voudrois mesmes souffrir d’autruy,
Mange auecques le iuste & monstre que tu l’aimes,
Couvre ceux qui sont nuds de tes vestemens mesmes :
Ne frequente iamais les hommes vicieux,
Suis le conseil du sage & honore le vieux.
Benis Dieu en tout temps & tousiours luy demande
Qu’il adresse ton cueur, où sa loy te commande.
Tobie mon amy i’ay preté dix Talens
A Gabel qui demeure entre les medeens
En Rages la cité, i’ay sa cedule au coffre,
Ie te la veus donner afin que tu luy offre
Pour r’avoir cest argent, qui nous faict grand besoin. ”

“ Le P. Comment ne me reprocherois tu mes fautes, si tu ne les pouvois connoistre quand mesme tu me reproches ce que ie fay de bien ? Or dy moy s’il te plaist, qui t’aporteroit la leine, la soye, & l’or si je ne te l’allois querir ? La M. Qui rendroit l’or clair & pur sinon moy, qui suis maistresse des arts ? Le P. Dy que tu en es seruãte, afin de parler plus seurement : car l’esprit les inuente, & te commãde de les executer comme il luy plaist. Ainsi tu ne fais rien que par obeissance, tes actions ne sont point guidees par discretion ny par raison qui soit en toy. ”

“ Raguel.
Ie m’en assure bien, dy les ie te suplie.
Tobie.
Mon pere estant pressé de griefue maladie,
Me parla tout ainsi : mon fils escoute moy,
Recueille mes propos, graue les dedans toy,
Alors que le Seigneur aura repris mon ame,
Ensevely mon corps desouz la froide lame.
Obeis à ta mere & comme humble servant
Honore l’a tousiours tant que seras viuant
Aimes la cherement iusque à sa derniere heure,
Puis quand nostre grãd Dieu permetra qu’elle meure,
Ferme luy doucement la paupiere de l’œil,
Et la mets près de moy dans vn mesme cercueil. ”

“ EXcusez moy s’il vous plaist (Madame) si ie pren la hardiesse de vous demander part en voz bonnes graces, ce n’est pas que ie les pense meriter, mais pource que suiuant leur nom & le vostre, elles se doiuent gratuitement donner, i’ay opinion que vous m’en serez plus liberale, qu’à vn autre qui vous seroit moins prodigue de son affection. C. Comment Syncero, estes vous prodigue de la vostre, vrayement puisque vous estes si mauvais mesnager ie ne veux point loger mes graces chez vous, pource qu’apres auoir dependu vostre bien induëment, vous pourriez perdre le mien aussi par vostre negligence. ”

“ Ouy, mais de tout ce que nous ferons de bien l’honneur vous en sera dõné & ie demeureray sans louange. Ver. Nõ feray ie vous en asseure, tout ainsi que les anciens auoient apris de faire vn mesme temple à Pollux & Castor, encor’que Iupiter fut pere de l’vn, & Tyndare de l’autre, ainsi veux ie que nous soyons honorees toutes deux ensemble, combien que ie me reconnoisse pour la tres-aymee fille de Dieu, & vous pour sa seruãte. For. C’est la raison que l’obeisse à la fille de mon maistre : mais fortune peut elle faire quelque chose de raisonnable. ”