Catherine Des Roches

“ Chasse l’orgueil de toy, car la presumption
Entresne ses subjets tous à perdition.
Qui t’aura fait plaisir, vueilles luy aussi plaire :
Ne retiens le Loier du pauvre mercenaire :
Ne fasche ton prochain & ne fais envers luy,
Que ce que tu voudrois mesmes souffrir d’autruy,
Mange auecques le iuste & monstre que tu l’aimes,
Couvre ceux qui sont nuds de tes vestemens mesmes :
Ne frequente iamais les hommes vicieux,
Suis le conseil du sage & honore le vieux.
Benis Dieu en tout temps & tousiours luy demande
Qu’il adresse ton cueur, où sa loy te commande. ”

“ À sa nativité.
Toute chose a son terme,
Et ne le peut passer,
L’inconstance est plus ferme
Qu’on ne sçauroit penser.
La seure sapience,
Suit la grand’-vnion,
Et l’humaine science
N’est rien qu’opinion. ”

“ Qui follatre tousiours dans ta gaye verdure :
Prin-temps fils du soleil cher mignon de nature,
Delices des humains qui doucement nourris,
Tant & tant d’animaux, qui fussent tous peris,
Sans tes herbes & fleurs qu’ils ont pour nourriture. ”

“ Et la Deité encores.
Meurdrir le pere & le frere
Comme Oedipe ou Thyestes,
Comme nouueaux Orestes
Tuer l’innocente mere.
Dessous le tiltre honorable
De vaine religion
Semer la contagion
Dont la France est incurable. ”

“ Que d’vn homme mortel ie deuiens vn grand Dieu.
O bien-heureuse mort, cause de double vie !
Heureux amour qui fais que mon ame rauie,
Heureusement se meurt pour viure en si beau lieu.
Honneur de mes pensers, honneur de mes propos,
Honneur de mes escrits, Charite ma chere ame,
Charite mon soleil, ma singuliere Dame,
Royne de mon plaisir, douceur de mon repos.
Charite qui tenez mon cueur comme vn depos,
Mon cueur enuironné d’une si douce flame,
Et qu’un amoureux traict si doucement entame,
Que plus il est blessé plus ie me sen dispos. ”

“ Aussi vous nourrissez les flambeaux de noz vies
Qui sans vous, saines eaux, nous seroient tost rauies.
O belles, voz vertus decorent les pays :
Mais pour Dieu dittes moy de ce lac de Says,
Lequel rendoit de nuict (sur vous representee)
Toutes les passions d’vne ame tourmentee.
Nymphes dictes le moy ces merueilleux secrets :
Pour m’estre reuelez n’en seront moins sacrez,
Ie ne les diray point, o miracle du monde !
L’esprit de noz esprits nage dedans vostre onde
Qui nous reiette en l’œil par voz perfections
Le simulachre aymé de noz affections. ”

“ Quant aux exterieures, ce seroit mal faict de comparer la main, & le pié, à l’œil & la bouche, pere & mere de la Philosophie : aussi ne voudrois-ie pas faire comparaison de vous à moy, bien que nous soyons toutes deux à vn mesme maistre qui nous a commandé de maintenir (moyennant son ayde) le mõde en son premier estre, vous pour despecer ce que ie fay de tout vostre pouuoir, moy pour luy donner vne force tousiours renaissante : ainsi ne sommes nous iamais oisiues. Vieil. Vrayement vous ne l’estes pas à parler, au-moins si vous auez autant de raison que de parolles, vous triomphez. ”

“ B. He que ie suis mal-heureuse de m’estre venue ranger icy aupres du plus grãd ennemy que i’ay en ce monde ? Si maintenant ie ne suis aydée par la faueur de son bandeau qui me rende inuisible à luy, ie suis en dãger d’estre prise : O Dieu je pense qu’il me voit, il vole apres moy, où fault il que ie fuye ? A. Où allez vous si tost beauté, ie veux parler à vous s’il vous plaist, attendez moy vn peu. B. Si vous ne voulez que parler, ie suis preste de vous entendre : Mais ie crain beaucoup plus voz mains que vostre bouche. ”

“ Et que i’ayme voz mains qui m’ont pris & lié.
Que i’ayme vostre poil blond crespe & delié
Qui tient dedans ses laqs ma liberté rauie.
Vous tenez tellement ma raison asseruie
Par un regard meslé de honte & de pitié,
Voz mains serrent si fort le nœud de l’amitié
Et vostre poil doré si doucement me lie :
Que plustost que sortir de ma captiuité,
Que plustost que manquer à ma fidelité,
Que plustost que faillir à si digne maistresse,
Ie veux mourir cent fois en ma douce prison
Laissant ma liberté, ma vie & ma raison
Dans voz yeux, dans vos mains & vostre blõde tresse. ”

“ Les Princes seront serfs, & les serfs Empereurs
Qui frapperont les Dieux avec le tonnerre.
Plustost seront les Cieux à la terre pareils,
Plustost aparoistront mill’& mille soleils,
Dans le centre profont de cette lourde masse,
Plustost seront tousiours les hommes sans couroux,
Tous les pensers plustost se liront en la face,
Que ie puisse jamais aymer autre que vous.
Ce qui me rend pour vous le cueur tant allumé,
Charite mon doux feu, c’est qu’vne mesme flame,
Embrase vostre cueur, vostre esprit, & vostre ame,
Et que ie suis de vous vniquement aymé. ”

“ Alentissent du tout la vertu de noz ames,
Elançoit dens noz cœurs mille flambeaux ardans :
Mais nostre chasteté qui gardoit cette place
Changeoit incontinent les ardans feux en glace,
Empeschant que l’amour ne logeast au dedans. ”

“ Vous pouuez, sainctes eaux, les guerir de la rage,
Et du fondre tonnant vous empeschez l’orage.
Lüy ouurant le chemin pour le faire couler
Auec moins de fureur par le vuide de l’air,
Tant de proprietez se trouuent aux fontaines
Qui soulagent les maux dont noz vies sont pleines. ”

“ Est digne d’estre ouy en ce qu’il te conseille ;
Qui sçait bien gouverner par ordre en sa maison
Il peut bien conseiller un prince avec raison.
Mon fils, tu és des tiens l’espoir & le refuge,
Ils n’ont que Dieu au Ciel, toy en terre pour iuge :
Pense auant que dire, & iuges sagement
Puis que tout obeit à ton commandement.
Pour nuyre à tes voisins ne dresse point d’armee ;
Et que sert il de voir nostre terre semee
De tant de corps humains ? qui fait guerre à autruy ”

“ Chasse l’ambition, l’enuie, & l’ignorance,
Qui par la cause prend de l’effect connoissance,
Trassant le beau sentier de vie & verité,
Et en tant que permet nostre fragilité,
Nous demontre vn rayon de la grand sapience. ”

“ Que nostre fils est sain, et que dans peu de tens
Il reuiendra icy pour nous rendre contens,
Nous en sçaurons bientost quelque bonne nouuelle,
Car l’homme qui le guide est accort & fidelle.
LE CONGE QUE PRENNENT
Tobie et Sarra de Raguel et de sa femme.
Raguel.
S’Il te plaist, mon amy, i’enuoiray messager
Pour consoler ton pere & pour l’encourager
De suporter vn peu l’ennuy de ton absence :
Car peut-estre qu’icy tu es mieux qu’il ne pense,
Ie luy despescheray vn homme dès demain,
Pour luy faire sçavoir que tu es vif & sain. ”

“ Les morts ne prenent rien aux meubles des viuans :
Mais ie desire bien de vivre plusieurs ans
En repos auec elle, & quelle soit ma femme,
La moitié de mon cueur, la moitié de mon ame :
Ie luy obeiray, comme vn de mes ayeulx
Obeit à la sienne, & je ne veux pas mieux
Que faisoit Abraham : puis elle n’est moins sage
Qu’estoit l’autre Sarra de mesme parentage. ”

“ Ie suis unique fils & de pere & de mere
Qui sentiroient Helas la vie plus amere
Que moy mesmes la mort : ie ne veux point mourir.
Azarie.
Encontre ce danger ie te veux secourir,
Tobie assure toy que ces mal-heureux Diables
Ne se prendront iamais à toy ny tes semblables :
Ils se prendront tousiours à l’homme deshonté :
Moque Dieu, fauce foy, lequel n’est surmonté
Sinon du fol desir de sa concupicence,
Fol desir de Caual de qui l’ame ne pense
Qu’à trouver le moyen de chasser Dieu dehors :
Tels hommes sont ils pas dignes de mille mors ? ”

“ Ie ne vous crain pas beaucoup, sçachant bien qu’vn age moyen vous empesche d’aprocher de moy, pource qu’il est tousiours opposé entre nous deux, comme le prin-temps, & l’automne entre l’hyuer & l’esté. Vieil. Cest age moyen me donne le moyen de vous nuire, car il est Fourrier qui merque pour moy les logis où vous demeurez, & bien souuent que ie suis ennuyee de vostre orgueil, ie le haste de vous chasser des belles personnes, en qui vous estiez presque adoree, de sorte que vous estes contrainte de vous retirer chez quelque laideron. ”

“ S’il y en a qui les reprennent auecques iuste occasion, i’essairay de me corriger tirant profit de leur censure : si quelques vns en iugent sans aduis & discretion, ie penserois estre sans discretion & aduis de m’arrester à leur iugement. Ils diront peut estre que ie ne deuois pas escrire d’amour, que si ie suis amoureuse il ne faut pas le dire, que si ie ne suis telle il ne faut pas le feindre : ie leur respondray à cela, que ie ne le suis, ny ne feins de l’estre : car i’escry ce que i’ay pensé, & non pas ce que iay veu en Syncero, lequel ie ne connoy que par imagination. ”

“ Est vn Dœmon de l’eau, auquel la Cytheree
Cheminant mollement par la plaine asuree,
Faict porter de son fils, l’arc, la trousse & les traicts,
Le Dœmon qui vous guide à ce graue marcher,
C’est celuy qui conduit la vierge chasseresse :
Il frequente la terre, & reconnoist l’adresse
Des lieux qu’il faut fuyr, & ceux qu’il faut chercher.
Le Dœmon qui conduit les sainctes actions.
De vostre chaste, belle & honorable vie
Est vn Dœmon du Ciel : le Ciel auoit enuie
De se faire admirer par vos perfections. ”

“ Estimoit vostre oubly la source de tout bien !
Ie voudroy qu’il vous pleust couler en noz riuieres
Pour nous faire oublier noz peines coutumieres.
Venez, Nymphes, venez, voicy le petit Clain,
Qui humblement vous offre, & les bras & le sein,
Ne le desdaignez point, venez, ô vive source,
Courez prompte vers luy d’vne legere course,
Et si comme Tagus il n’a le sable d’or
Asseurez vous pourtant qu’il tient un grand tresor,
Tant de gentils esprits ornement de nostre aage,
Qui reverent ses eaux, & luy rendent hommage. ”

“ Voulez vous consommer vostre fleurissant age
A lamenter sans fin ?
Sarra.
Mon travail soucieux
Quand ie ne dirois mot paroistroit en mes yeux ;
On dit que le silence est vn discret message,
Qui sans rien prononcer se peut lire au visage.
Raguel.
Bien ie vous laisse donc deuant nostre parent,
Ie ne veus pas monstrer mon deuil tant apparent :
Mais la pauure Sarra comme elle est devenue !
Ores elle est sans epoux, ores elle est esmue :
Ie vais trouver sa mere & luy diray comment
Elle change couleur cent fois en vn moment. ”

“ Raguel.
Ie m’en assure bien, dy les ie te suplie.
Tobie.
Mon pere estant pressé de griefue maladie,
Me parla tout ainsi : mon fils escoute moy,
Recueille mes propos, graue les dedans toy,
Alors que le Seigneur aura repris mon ame,
Ensevely mon corps desouz la froide lame.
Obeis à ta mere & comme humble servant
Honore l’a tousiours tant que seras viuant
Aimes la cherement iusque à sa derniere heure,
Puis quand nostre grãd Dieu permetra qu’elle meure,
Ferme luy doucement la paupiere de l’œil,
Et la mets près de moy dans vn mesme cercueil. ”

“ SI le marbre bien taillé, ou les couleurs du pinceau employé d’vne docte main, nous ont fait congnoistre, non la seule beauté du corps, mais encores les mœurs & complexions de ceux qu’ils ont representez : i’ay pensé que la parolle, vraye image de l’ame, & la voix fuyante arrestee par la plume sur le papier, dõnoit vn certain indice, non seullement de la richesse de l’esprit & de ses sens acquis ou naturel, mais de l’integrité naïfue de ceux qui parlent ou escriuent. ”

“ A. Ie vous suplie beauté ne me donnez point le blasme du mal qui vous auient, quant à moy ie ne pense qu’à faire voir & admirer voz perfections : mais que n’allez vous demeurer dans ces grands Palais, vous y seriez plus assuree. B. Ha vrayemẽt ce n’est pas là que ie puis estre seuremẽt, Amour, il n’y a pas long temps que ie m’en allé voir la richesse, mais vous emplistes incontinent toute la maison de Courtisans, qui vouloient desrober mon hostesse & moy. A. Quel mal vous scauroient faire ceux qui vous prendroiẽt, vous estes Deesse immortelle. ”

“ Aux meditations quelque plaisir se cree.
Mais quand on est blessé en la teste sacree,
Le cours de nostre bien est du tout arresté,
Ce mal a tout soudain l’indiuidu gasté,
Nous metamorphosant trop pis qu’vn autre Ascree. ”

“ Si mes yeux enfoncez, si ma voix depiteuse,
Font tant d’horreur au monde, & ne m’estonne pas
Si me voyant de loing tant sale & décrépite,
Plustost que d’aprocher, chafsun se met en fuite
Pour s’esloigner de moy plus vite que le pas. ”

“ Raguel.
O dommageable perte !
Si la vuë ne peut luy estre recouverte,
En vain donc le soleil eslance ses beaux rais
Sur les yeux de mon frere, he que je me desplais
De son triste malheur vn point me reconforte :
Si son corps est trop foible, il a une ame forte.
Ma femme vous pleurez & vous ma fille aussi.
Chascun de nous prend part en ce nouveau souci.
Allez, retirez-vous, faites couurir la table ?
Traitons nostre parent d’vne grace honorable,
Tobie mon Amy va donc te reposer.
Tobie.
Vous pouuez bien de moy pour iamais disposer. ”

“ Et la plus douce Musique
M’ennuyent de leurs chansons.
Ie ne veux ouyr personne,
Pour discourir ou parler,
Ie n’entens rien qui resonne
Que ma plainte dedans l’air :
Mes compaignes qui s’ennuient. ”