Guillaume de Reboul

“ C’est vne vray-semblance eminente, que le desir dont nos Geniteurs se chatouillent à la descouuerte d’vne maison affluente en toutes especes de fortunes humaines pour y attacher mon vnique Germain, & qu’en soy elle resserre l’Alexipharmarque requis & necessaire à la vuidange de ses melancholiques humeurs Neapolitaines, qui vrays Antropophages se repaissent, cruelles, de la creme de son sang, & du plus pur de ses mouelles il y a tant de temps, apparoist le seul moyen d’escrouller le base des desseins de Calianthe. ”

“ Mes freres & sœurs, ie vous supplie au moings que si quelqu’vne de vous autres sent des inflammations, ou autres douleurs aux outils de Nature que ie ne perde point ma chalandise, & que vous n’alliez à d’autres. ”

“ Seule de tout ce qui a vie, representant vn peu trop naifuement pour le repos de sa moitié, la boiste de Pandore, farcie en sa capacité de toutes les gehennes dont le Ciel a desiré torturer les mortels pour l’expiation du delict du premier homme. ”

“ Or de ce qui se passe maintenant soit en ceste ville ou és proches confederées, esquelles nous ayons droict de fesses & de langues, il me semble que le subject, pour lequel nous voicy, est la plus belle & spatieuse campagne qui se puisse d’icy à long temps rencontrer pour faire monstre de notre puissance : & bien que nous attaquions vn fort & robuste ennemy qui ne respire à mon aduis qu’a faire preuue de sa personne au plus obscur de nos battaillons, afin que sa vaillance soit trompetée : Si est-ce toutefois qu’aucune peur ne doibt prendre place en nostre ame qui pourroit s’espouuanter de ce ”

“ De telle sorte qu’vn long espace s’escoula deuant que de pouuoir resserrer les esprits espars pour la crainte qui l’auoit saisi, que tous les plus vistes Diables ne se fussent deschesnez pour le venir prendre au mot. La peur ayant noué la langue & clos la bouche à celuy-cy, & le grommellement de la tempeste presque accoisé, sœur Diaphonia, qui ne s’estoit aucunement esmeuë au fort de cet orage, comme celle qui n’ignoroit qu’il estoit le precurseur & veritable auancoureur de ses pas ruineux & scandaleux, se leuant furibonde & escumeuse comme vne tygresse qui court à la recousse de ses faons. ”

“ Te donnant parole que le Philosophe Abderite me vient en ce moment de porter aide à la tirer du profond de son Puy, ie l’offre à ta croyãce, accompagnée de la maxime de ce Gymnosophiste, celuy qui s’immortalisa aux despends de sa vie dans le milieu des troupes victorieuses du grand Alexandre. Que la nature a voulu destruire son œuure en la femme, lors qu’à sa creation elle luy a baillé langue & veüe. ”

“ Qui oze proferer dix, vingt, trente, quarante mille escus, pour releuer le premier pousteau, vnique fondement de sa future grandeur ? Qui aye temeraire, l’impudence d’offrir six mille liures de rente, & dix mille escus d’argent content à ceux qui s’egalants desireroient de Maritalement contracter auec elle pour quelqu’vn de ses membres ? Aucune vraymẽt ne se rencontre : & de vouloir estre iusques à la tant effronté que de mettre en ieu ce Papelan de Calianthe, c’est proprement comparer le moindre de tous les flambeaux celestes au general des lumineux rayons du Soleil. ”

“ Luy ceignoit ie ne sçais qu’elle corde remplie de nœux par compas & des deux bouts d’icelle luy en battoit l’extremité de L’Amarri, à l’instar comme ie presume de ces anciens Luperques prestres de Pan qui à la celebration de leur feste courans comme furieux par les rues de Rome, frapoient la palme des mains & le ventre des femmes qu’ils rencontroiẽt auec des courais de peau de cheure, afin qu’elles fussent plus fecondes, & moins trauaillées en leurs couches. ”

“ Et qu’ils pourroient appertement estre conuaincus d’homicide si leur Mithridat voyoit le Soleil selon le dire de Sidonius Apollinaris qui est tel, homicidij crimen est in hominis salute peccare. La nature au reste de leur assemblée le requerant estant question de machiner, inuenter & mesdire, sourdement, en Tapinois, & traistreusement, d’vn lequel tous ensemble ils n’ont assez de temerité de regarder seulement dedans la face, au midy d’vn iour serein & cler, pource que non rubigo vlla, non erugo neque aliquid aliud in ipso est quod cõsumat vim animi corporisue, minuatque Pondus. ”

“ Iusques à quand retrograderont tes pas en la punition meritée de ce maistre Galand Calianthe, qui comme vn autre Panthée presque seul contemne & se va gabant de nos difformes reformations, & recolemẽts decolez, imitez, & triez au volet sur le modelle (cõme nous voulons faire croire aux idiots) des saincts Apostres tes disciples : double vertu du neceßiteux, & par consequent inuentif froc que ie porte, triple sans goy a petit que vif ie n’enrage, que ie n’entre sans en sortir en vne fureur Orgiale, que
————— Hac media furibundus in aula. ”

“ Mais pour poursuiure : la fortune ayant fait donner (comme ie vous ai dict) dãs nos toiles vn tel subject pour mettre à la lumiere l’effect de notre oysiueté (de laquelle les dieux vengeurs prendront congnoissance vn iour viendra puis qu’elle est employée si mal-heureusemẽt) il est question aussi (laissant à part les excremens d’vn vieil & lasche esprit) d’auoir en nostre manche de plus viues & praignantes vrayes-semblances pour choquer les pretensions de Calianthe. Courage mes enfans ”

“ Chetifs qui trainent mal-heureux à chaque moment leurs bourreaux apres eux, beaucoup & sans comparaison plus barbares que tous ceux desquels les sainctes Danaïdes, Sysiphe, Promethée, Ixion & Tantale sont roüés & gehennés dans l’abisme des Pales, Opaques & espouuentables Royaumes du cadet du tout fouldroyant. La charpenterie aussi & le lambris de ceste sale estoit toute figurée de testes canines, & de serpens demy rouges, & tellement tirés au naturel que vous les eussiez creus petiller, & descoupés, les parties se vouloir reioindre ensemble. ”

“ Le long des bords de ceste mesme piece estoit vne Tribade accouchante Claustralement, & clandestinement au fond d’vn caueau, le fruict du ventre de laquelle se voyoit estre liuré auec deux cens escus à vne pauure femme fripiere de son mestier pour en faire, s’il estoit possible, vn Esplandian : l’enfant auoit apporté du ventre de sa mere ces deux vers imprimez sur sa poictrine.
Mes peres furent A & I, ma mere vne M.
Le monde fist mon corps & l’Eglise mon ame. ”

“ Puis à tout rompre quand bien ses foüets ne seroient pas propres pour ceste trompe : ne voila pas à mes pieds sœur Diaphonia qui par la seule energie de son nom allumera tant elle est bruslante & chaude, le brãdon des dissentions, lequel consumera & reduira en cendre, ce qui osera leuer la teste & paroistre de leurs desseins ? que ie te cheris, nef à tout voile saincte lampe Claustrale, d’auoir esté partagée du ciel, & doüée d’vne telle dexterité à toutes sortes de negoces fœminins. Croy-moi, tu leue la paille sur le general de nostre sexe à ce seul échantillon, on iugera la piece. ”

“ Ventre sainct Quenet ils eussent bien eu plus de profit & d’honneur de passer le temps, comment que ce fust au Soleil, ou à la Lune, ce m’est tout vn, à epuceter les sainctes Brayes de leurs nouueaux hostes, ces bons Kaloucres Enchapouinés, ou bien à former leurs vies sur ceste tant esmerueillable & pieuse histoire depuis trois iours arriuée de Venise où ces bons peres de hault relief, font iouër sur vn Theatre de verre, S. Paul, S. François & vn Euesque à trois personnages reformez. Ils en trompetent le miracle, d’autant que Magna stultorum miracula. ”

“ Celuy-ci (afin que ie ne taise son estre) estoit né dans la mesme ville, où les susdictes Tribades auoient choisi lieu pour leur Synode.
————— Neque illum Argolica de gente negabo.
Et auoit pris son origine des meilleures maisons d’icelles, ces ancestres ayant laissé apres eux vne extreme bonne odeur de leur nom, comme personnes exemptes de la dent des plus aspres Zoiles, & de la main des plus seueres censeurs, ses fortunes estoient telles qu’elles ne cedoient aus mieux mesnagers de toute la prouince, ses merites & galentises (afin que ie le fasse court) sont caracterées dans sa propre vie. ”

“ Ie veux bien que la bonne femme bigamme esculast les bourriers de ses calesons, & vertu sans iurer, n’est-ce pas faire de l’honneur à sa posterité, que les andouilles soyent penduës en sa cheminée quand le sel de Thibauld Mitaine, son Cousin Geruais, remué d’vne busche de meule y a passé à suffisance ? ”

“ Celuy qui auoit esté commis des Tribades Lemanes pour assigner l’heure le temps, & le rendez-vous aus autres Tribades de proches Prouinces confederées, s’appelloit Harpetirade, & leur auoit notamment & de raison raisonnante enioinct l’obscurité, d’autant que tel est l’ordre de leur caballe de fuïr la lumiere lors que principalement il s’agist d’vn faict pareil à celuy-ci, auquel la vie & l’honneur d’vn homme court risque & hasard : la raison se trouue telle que la lumiere est odieuse & contraire à qui faict mal. ”

“ I’ay dict. Et là-dessus content, gay, dru, buby, vioge, allegre, galland, esbaudy, gallois, gaillard, gent, frisque, poupin, mignon, escarbillat, resiouy, & brusque, il feist en l’air vne vireuolté capriolée en platte forme vn pet, vn rot & vn sifflet : faisant la nicque & la fique à tous ceux & celles qui le regardoient, protestant au reste qu’il ne s’en soucioit non plus d’eux tous, que d’vn crieur de lardoüeres en Caresme : & que par les ciseaux de son maistre estuit, qui estoit son grand iuron, les rouignons en seroient testonnez. ”

“ Au reste du vuide de ceste piece se voyoient les trois susdites disioinctes à part exerceantes de bonne volonté les outils qu’elles auoient emportés de haulte lute chacune sur sa compagne, il y auoit beaucoup de contentement à les contempler toutes trois ; mais sans cõparaison estoit bien plus sublime le plaisir d’arrester l’œil sur l’vne d’icelles qui marioit à son pied vne paire de sandales cucullatiues, & puis comme par mespris les poussant à l’escart, prenoit vne Corne en main, & l’ayant tant soit peu maniée pour en oster l’aspreté s’en seruoit de suppositoire. ”

“ Ie ne dis pas que douze cent francs ne soient bons & honnestes, mais flus pour les dix mille escus, car ie gageray que Dieu se lasse de donner tant aux fricquenalliers plus heureux que sages, si ce n’est d’auanture, les Escrouelles, ou le mau Lubec pour le moings : O que ne suis-ie de la Kyrielle, que de Clysteres par pays, & Barbarins, c’est ce que i’aime, au Court fetu c’est plustost faict quel qu’il soit, Tin, ha ha ha le vieillard, & biẽ il a la queuë verte ; par ma foy ie vous diray que sa voix musiquale me charma & rien plus, à tout prendre il n’y a point de choix ! ”

“ Car le cidre qui vient de ce quartier là enyure (ce dict-on) plus que le vin mesme qui croist sur les costeaux de Souuigné, ou l’attẽdoit le MISTOUREAU, pour y danser vne fatesque. Ils y gaignerent gros nos violons, le gentillastre cedant au villain, & veis homme qui leur en voulut rendre leur argent vne fois payé pour deux années & porté par tout, à ce qu’il disoit chez les trois Maries ou fut beu le denier à Dieu, & donné le vin du marché le 17. ”

“ V. La cinquiesme representoit les premiers siecles où l’Androgine de Platon estoit notoiremẽt prouuée, vous eussiez creu, tant les couleurs de ceste piece estoient naturellement adaptées, voyr de l’eau viue dans vne fontaine en icelle portraicte, elle s’appeloit Salmacis, és Limphes de laquelle on ne s’estoit si tost baigné que tout soudain, accident estrange, on ne fust des deux natures : il y auoit audessus de son canal fait en forme de quenelle vn escripteau de telle sorte. ”

“ La familiarité qui m’est acquise, il y a long temps auec le Comis, fera que i’auray bien tost sondé la playe pour profonde qu’elle soit, & comme ie iugeray de ses qualitez, mes appositions seront ou attirantes & aperitiues, ou desseichantes & lenitiues : Et puis mon exercice à latere me communique quelque chose de plus singulier que non pas à vous autres. ”

“ Car si ainsi est que le Dabo ( comme nous a cy-deuant representé nostre venerable Abesse) soit simplement rechercheur de richesses nues, & despouillées ne profondant dauantage l’acquisition, & luy touchant peu, ou point la trame de la vie presente, & passée, ny les complexions de ceux desquels il se veut allier ; qui ie vous supplie, peut auec plus de conuenance estre receu & instalé en ses affections que luy ? ”

“ Ce membre, car ce n’est pied, teste, espaule ou main,
Surquoy vous-vous donnez la bataille si forte
Mais le pere germeux de tout le genre humain.
Les tapisseries en la tisseure desquelles consistoit le total de leur Caballe estoient esmerueillables & excellentes en ce qu’elles rapportoient auec vne grace nompareille, les traits, les gestes, le port, voire mesme les entieres intentions de ceux qu’elles representoient touchant ce Prouerbe qui porte, Omne verum, omni vero necesse est consonare. ”

“ Luy qui ne demandoit que fresche marée, desgousté en prescheur de Caresme, & au demeurãt, qui ne voyoit iamais le fond de sa bourse (cela est certain, puisque dans six mois qu’il demeura en ceste ville là il prodigua plus de douze cents escus, comme vous dictes) ne refusa point l’occasion, ains au contraire l’empoignant par les cheueux se trouua à l’heure donnée au rendez-vous. ”

“ Vn Panthée se monstroit au deuant d’iceux tenant d’vne main vn Cameleon & de l’autre vne conque pleine d’Escume marine, Ce qui restoit de vuide merueilleux en sa diuersité pour estre maintenant blanc, tantost iaulne, puis rouge & enflammé, & ce qui troubloit plus mon esprit, vne autre fois noir & obscur, ne contenoit rien si non Chahuans, Cheuesses, Corbeaus, Charonniers, Orfraies, Loups Marins, Scorpions, Remores, Luctes, & autres animaux, de mauuais, funebre & funeste augure. ”

“ Si lassata viris tamen non satiata receßi. Apres suiuoit de mesme costé les Nocturnes accointances de la chair, os & sang du susdict, lesquelles on voyoit interrompuës au coup d’essay & premiere approche par vn medité complot de certains pistolandiers d’vne Abbesse, deceuë toutefois croyant ne faire faire rencontre d’vne proye initiée au sacerdoce : mais bien de quelques-vns qui s’appuyoient auec de l’indiscretion sur la grandeur de leur Maistre. ”

“ Les deux autres comme de moindre estoffe bien que trauaillées par gens experts, plus terrestres & d’esprit moins releué, se iettoient à corps perdu au milieu du reste des bagatelles à qui en auroit : Il leur sortoit vn risible prouerbe de la bouche qu’elles tenoient pour maxime d’estat, Qui ne peut à l’vn, hay à l’autre. ”