Guillaume de Reboul

“ Helas ! si le pauure Panurge fut tombé entre leurs mains, sans doute il fut esté boucané ; mais Dieu m’en garentit, comme aurtresfois il m’auoit sorti de la broche tout lardé. Nous euitames ce danger & vinsmes en l’Amerique, qui est vn pays fort agreable, l’air y estant fort doux, & les gens du tout debonnaires. Ils vont tous nuds tant hommes que femmes ; qui fut cause qu’iceux ayant aborde nostre vaisseau pour nous faire vne bien venue, tous nos gens ; ou ie me donne à S. Borondon ”

“ Ie vous en reciteray l’histoire tout à loisir, à present parlons d’autre chose, qui vous ameine icy, qu’achetez vous ? que vendez vous à ceste tant celebre foire de Beau-caire ? Taumaste, ha Panurge mon amy, Scriptum est enim, qui bien aime, de loin cognoit soudain que ie vous ay veu, l’ay recogneu vostre beau nez : il ne vous manque que d’en auoir vn autre sur le derriere ; ainsi on vous porteroit par tout avec deux bastons comme on fait les banastes. ”

“ Dieu veut que toute la terre soit peupler de chats. Epistemon. Attendons demain nous en aurons meilleur marché : car tousiours il en arriue. Cependant mon doux & beatifié Panurge, pour passer ioyeusement ceste iournee ; racontez nous vostre voyage : mais qu’il ne vous fasche, dites nous de point en point toutes vos fortunes & infortunes ; tout ce qu’auez veu, sçeu, cogneu, entendu, & dessus & dessous la terre ”

“ Pour le pauure Hegemon i’en fus long temps en peine, ensemble de mes bons Pilotes, quoy que Polypheme m’eut ietté en la mer. Car i’ay tousiours creu qu’il ne l’auoit fait de malice. Ils arriuerent en fin apres la tẽpeste de l’Isle de fer vne des Canaries ou fortunées comme i’ay sçeu en l’autre monde sains & sauues Dieu soit loüé : il est vray qu’ils furent long temps à chercher l’Isle Imaginaire, mais leur imagination ne la sçeut oncques imaginer. Si iamais vous les voyés mes amis, demandez leur des nouuelles, ils vous en diront. Taumaste. ”

“ Panurge continue son histoire ; la description de l’Isle Imaginaire : la peur qu’eut Panurge voyant rajeunir les hommes : & comme Polymnestor le r’asseurant, print sa vie au peril de la sienne, & le fit son hoste. ”

“ Taumaste. C’est tout vn, allons boire Panurge mon grand amy, venez, ie payeray pour vous, i’ay Dieu merci ma gibessiere encores bien garnie ; & puis ie sçay où l’on vend le bon vin ; ça à la friscade ; suiuez moy ie passeray premier ; Epistemon serrera la fille, auec nostre petit mignon Geophile ; ça l’hostesse couurez la table, apportez vin blanc, vin rouge, vin clairet, ça rincez les verres, faites boüillir la marmite ; apportez quelque langue de bœuf à la vinaigrette, auez vous point d’andoüilles ? mon camarade les aime, il les appelle aiguillõs de vendanges. Panurge. ”

“ Mais parlez moy qu’acheptez vous en ceste foire ? Taumaste. Vous sçauez, Panurge mon bon amy, qu’aux deux prouinces de Salmigondin, & Dipsoin, est arriué cete annee presente, & ce depuis les festes Iuueniles, vne telle abondance de rats que non seulement ils gastent tous nos quaqueroliers & mangent nos hanetons, mais encores se ruent ils tout de nuict sur nous, nos femmes & enfans ; tant helas ! quel creue-cœur ! les vns ont perdu le nez, les autres les oreilles, les autres, ha ie ne l’ose dire, & plusieurs en sont morts. ”

“ Astolphe leur en auoit donné les greffes : car il y fut du temps qui cerchoit le sens de Roland deuenu furieux pour l’amour d’Angelique : le Prophete Henoc les luy auoit donnez, & luy auoit apprins la vertu, qui est telle que l’homme qui la porte sur soy n’a iamais ny faim ny soif, que si l’vn ou l’autre luy arriue, en prenant seulement l’odeur de ceste pomme, il se trouuera soudain guery. Et par droit de succession i’ay acquis ceste pomme, que ie porte tousiours sur moy. Epistemon. Ce sont d’autres nouuelles, ça donc continuez s’il. vous plait vostre histoire.
Panurge continue son histoire ”

“ Tous les elements sembloyent retourner à leur premier chaos, nostre vaisseau s’attachoit tãtost aux cornes de la Lune, & puis soudain redescendoit iusques au fonds des abysmes ; nos patrons se rendent à la mercy des vagues, leur science prend fin, le courage leur manque, adieu pauure Panurge. Hegemon criant misericorde, de peur, de crainte, d’estonnement, print vn grand flux de ventre & chia fort copieusement. ”

“ Et de bonne fortune me treusuay-je en l’Isle Imaginaire où tendoit de tout temps mon voyage, ayant sauué quand & moy, Dieu mercy, ma besace, mon bourdon & ma bouteille, pour ma gibessiere elle pendoit tousiours à ma ceinture, croyant que si quelque poisson la deuoroit, que par hazard on la pourroit treuuer dans son ventre, comme fit autresfois Maguelonne le Sendal où estoient pliez les bagues desquelles elle auoit fiancé son Pierre de Prouence. Et que tel les recouureroit qui diroit vn In viam pacis, ou vn Requiescat in pace, pour le pauure Panurge. ”

“ Ie m’asseure que les Imprimeurs seront bien aises de m’auoir sur leurs presses : & qu’vn chacun ne pouuant voir la face de Panurge rajeuni, voudra sçauoir son histoire, & son raieunissement. Epistem. Si ne tient qu’à cela, nous auons veu en ceste foire le ieune Polygame, le grand pere duquel fut secretaire & Chroniqueur de nostre bon Roy Panurge. C’est vn homme fort capable en matiere d’histoires, nous n’en sçaurions choisir au monde vn meilleur. ”

“ Et tous les Dieux & corps celestes. s’estoyent retirez sur le grand Olympe. Desia Iupiter auoit enuoyé Mercure assembler son conseil, croyant que la guerre gigantine ne fut de retour. I’estois là à la misericorde de Dieu & de mes pilotes, & ce qui augmentoit ma douleur, estoit que moy mesme estois cause de mon malheur. Ie me prepare pour boire plus que manger, dis adieu à Hegemon qui pleuroit comme vn veau : Ie prie que s’il se sauue qu’il apporte de mes nouuelles à Salmigõdin & Dipsoin. ”

“ Ie fus possible dix ans à cheual sur le dos de ce Dauphin sans prendre terre ioüant tousiours des cymbales. Le vnziesme ie commençay à descouurir Polux & Castor, Heleine estant absente. Ses feux me donnarent presage que les tempestes cesseroyent bien tost, ce qui fut vray ; car tost apres ie vis le ciel serain, la mer demeura calme, à cause des Alcions qui pour lors couuoyẽt leurs œufs. I’aperçeu de loin la terre, & y eusse desia voula estre ; quand mon cheual habile nageur m’y ietta. ”

“ Commẽt, n’est-il pas bon auoir la puce à l’oreille gauche ? Hegemon, non ma foy, monsieur, il est beaucoup meilleur à la droite ; car de ce costé arriuent toutes bonnes nouuelles & bons presages. Panurge. ”

“ Et lors que nous eusmes franchy ce peril, voila la tempeste qui soudainement se leuant en la mer : nous fit tost recognoistre l’inconstance de cest Element : le ciel, la mer & la terre n’estoyẽt plus qu’vn ”