Nicolas Ellain

“ Pour ce vostre venue est autant souhaittée Que de vos deuanciers la mort est regrettée. Depuis que le dernier a ce monde quitté Pour reprendre la haut vn corps d'eternité, Le ciel obliquement a veu la grand'lumiere Recommencer deux fois sa course coustumière ; Des lors vostre venue attendant, toutesfois, Sans venir vous laissez escouler ces vingt mois Dont le cours est si lent que rien qu'ennuys n'apporte Tant nous est ennuyeux vostre seiour, de sorte Que les nuicts de l'esté sont longues et les iours De l'hyuer ne sont point, ce nous semble, plus courts ”

“ Mais vos vertus, Prelat, se font assez cognoistre Sans que l'aduersité nous les fasse apparoistre : Si vous n'estes point franc de tribulation Vous n'estes point du tout exempt d'affliction Mais elle est (grace à Dieu) legère et peu durable, Qui semble toutesfois d'autant moins supportable Qu'elle vous vient de ceux que vous auez chéri, Et desquels vous deburiez estre en tout favory. Car ceux qui vous deburoient aimer comme leur vie Ce sont ceux là, Prelat, qui vous portent enùie. ”

“ Car certes c'est par eux que de course élancée On voile d'vn droict fil en la plaine estoillée, C'est en ce beau grauier, en ce spacieux lieu, Où en mille fredons la louange de Dieu Se deuroit annoncer : brief les vers sont vn liure, Qui fait apres la mort icy bas l'homme viure, Qui fait qu'en nostre nom n'y a ne fin, ne bout, Et garde que la mort icy ne mange tout. ”

“ Car tous les elemens et les destins amis Auecq vostre vertu s'opposent à leur rage, Vous commandans encor esperer davantage De richesses, de bien, de gloire et de honneur, De grandeur, de faueur, de louange et d'honneur. ”

“ Heureux, encor heureux, quiconques en tout lieu Ordonne la louange estre donnée à Dieu, Et comme toy, luy rend sa gloire, et son hommage. Heureux encor, Béguin, quiconques comme toy, Au peuple purement presche la vraye foy, Qui est sincèrement grauée en ton courage.
le hay comme vn poison vn ieune audacieux, Qui pensant tout scauoir est la mesme ignorance, Pensant estre constant, n'a rien moins que constance, Sur l'aise et sur le bien d'autruy fort enuieux. ”

“ Dame en beautez plus que l'autre Pandore, Qui auez tous les presens des haultz cieux, Que i'aime plus que ie ne fais mes yeux, Dame de qui la grand beauté i'honore,
Que Iupiter heureusement decore De ses faueurs, à laquelle les dieux Prodiguement ont donné tout leur mieux, Il est besoing que voz grandeurs i'adore :
Car voz beautez et voz rares vertus Me font penser ie ne scay quoy de plus Qu'on ne croyroit d'humaine creature :
Car vous formant les Dieux ont leur pouuoir En vous posé, et leur plus grand sçauoir Pour vous faire vn chef-d'oeuure de Nature. ”

“ Malheureux l'an, et l'heure infortunée, Qui me físt naistre au monde malheureux, Et d'vn plaisant malheur me fist heureux, Par vne amour en moy trop obstinée. Mois malheureux, malheureuse iournée, Astre cruel, qui me fist langoreux, Et me faisant de toy si amoureux, M'assubietist à telle destinée.
Que dis-ie, helas? ô astre fortuné, O Astre humain, lequel m'a destiné Estre amoureux de beauté si cruelle.
Encor' heureux, heureux encor sera L'astre lequel ma mort ordonnera, Mais que ce soit pour cruauté si belle. ”

“ Les hommes n'ont iamais la fortune si bonne Que tousiours quelque ennuy leur bonheur ne talonne, De sorte qu'il n'est rien de toute part heureux.
— 79 —
0 nous pauures humains, ô pauures malheureux, Puisqu'il est resolu que l'homme, tant qu'il viue, N'aura iamais vn bien, qu'après vn mal ne suyue, Qui le bien et le mal vouldra bien compasser Avoura le malheur de beaucoup surpasser Le bonheur des humains, leur plaisir, leur liesse, Et leur bien n'estre rien auprès de leur tristesse ; Bref, de tout temps le monde estre au mal endurci Et comblé de malheur, de peine et de soucy. ”

“ Si tu ne me guaris ceste playe mortelle, Me perdant, tu perdras vn serviteur fidelle, Lequel ne vit sinon que pour t'estre seruant.
Ie ne veulx pour mes vers autre subiect auoir, Que tes nobles vertus, et ta forte vaillance Conioincte au bon conseil, et la meure prudence De mon Prelat ton frere, et son diuin sçauoir ;
Ie ne me voulois point d'autre subject pourueoir, Mais de me commander soubdain Amour s'aduance N'escrire que de luy ; qui feroit resistance A vn tel Dieu, duquel si grand est le pouuoir? ”

“ Courage doncq, Prelat, portez vous vertueux Comme vous avez faict contre vos enuieux. La victoire est à vous : qu'ils grondent, qu'ils fremissent, Qu'ils iettent leur venin, que leur rage ils vomissent, Fassent ce qu'ils pourront, si luirez vous entre eux Ainsi que fait la Lune entre les moindres feux. Nous verrons, Dieu aydant, vostre honneur tousiours croistre ”

“ Il vous auoit à ce bien destinée.
Combien sussiez plus heureusement née, S'à tant de biens qui vous sont presentez, Le ciel n'eust ioinct ses fières cruautez Et ne vous eust de rigueur tant armée.
Que Grece plus par une gloire vaine Doresnauant ne chante son Heleine, Ou s'elle peult quelqu'vne mieux chanter ;
Doresnauant que Rome ne se vante De sa Marphise, ou de sa Bradamante, Car nous pouuons contre elles vous vanter,
Ronsard à qui la France doibt hommage, Vn vif renom, et immortel honneur, Lis, s'il te plaist, ceste plaisante erreur, Qui me detient si long temps en seruage. ”

“ Reçoit d'aussi bon cueur comme il fait la plus grande ;
Aussi croy ie, Prelat, que vostre saincteté
Ne prendra garde au don, mais à la volunté.
Quand doncques quelquefois pensif et solitaire Discourant à part moy ie songe et considere Nostre condition malheureuse, ie plains Le miserable sort de nous pauures humains ; Car soit que nous voulions regarder la ieunesse, Soit que nous regardions l'importune vieillesse, Nous n'y pourrons trouuer que peines et labeurs, Que lamentations, que soucis et douleurs. Il n'est condition si bonne et si heureuse Qui de quelque costé ne se trouue ennuyeuse. ”

“ Tu ne doibs point, ma PANDORE, estre ingrate Enuers celuy, lequel te veult donner Vn vif renom, et tout abandonner Ce qu'il aura, tant que l'ame luy batte.
Tu ne doibs point, quoy que rigueur te flatte, Si fierement mon coeur emprisonner, Ton doulx regard aussi semble ordonner Quelque repos, mais ta rigueur me gaste.
Eschange donc en douceur cruauté
— 33 —
Eschange aussi en liberalité La chicheté de tes faueurs auares, Change en douceur ta rigueur, si tu veulx Que par mes vers entendent noz nepueux Le grand bon-heur de tes beautez si rares. ”

“ En debonnaireté il l'a sacré pour estre Dessus tous le plus grand et premier apparoistre, Nostre Dieu l'a esleu entre tous les humains, Nostre Dieu a commis son peuple entre ses mains, Il a voulu par luy sa voix estre annoncée Et par luy sa parolle au peuple estre preschée. ”

“ Neantmoins il se scait en sorte authoriser Qu'il veult que pour ses biens comme vn Dieu on l'adore, Mais autant qu'il en a, s'il en auoit encore, Ie ne le vouldrois pas autrement courtiser, S'il auoit tant soit peu de scauoir et sagesse,
— 58 —
l'en ferois plus de cas, car la vaine richesse le ne veulx adorer, comme on faict auiourd'huy. S'il est content de moy, de luy ie me contente, S'il me donne vn salut, trois ie luy en presente, S'il ne faict cas de moy, ie n'en fais point de luy. ”

“ Qui s'estant emparé d'vn si riche subiect, Entré dans ce beau champ ne laissera secret Rien de ce qui te faict à tous si aggreable, Te rend du pere en filz à iamais memorable, C'est, PRELAT, ton Ellain, qui d'vn homme mortel Te fera sans faillir à iamais immortel, C'est, disie, ton Ellain, que pour ta seule gloire, Pour haulser ton renom, les filles de Memoire Ont faict naistre icy bas, qui te l'ont allaicté, En leur giron pour toy l'ont doulcement porté. ”

“ O monde malheureux, s'ainsi est que le ciel Si prodigalement espand sur nous son fiel, le dirois voluntiers, voyant, lasl nostre vie Estre à tant de trauaux et d'ennuys asseruie le dirois, si n'estoit l'espoir que nous auons, Et la certaine foy que tenir nous debuons De l'immortalité, qu'il vauldroit mieux ne nàistre Et ne viure iamais en ce monde que d'estre Subiect à tant d'ennuys, de soucis, de trauaux, A tant d'afflictions, de peines et de maux. ”

“ Hélas, bons dieux ! las qu'est ce que ie pense ? Hélas, bons dieux ! que grand' est mon offense, Certes ie croy, que ie suis hors de moy.
Pardonne moy, ie te faisois, Déesse,
— 39 -
Comme vne humaine, et puis, chere maistresse, Qui ayme bien n'est iamais sans esmoy.
Pardonne moy, pardonne moy, Madame,
I'ay offensé bien fort ta deité,
La comparant à vne humanité
Ne t'estimant non plus qu'vne autre femme. Certes i'ay tort, moy mesme ie m'en blasme,
Car ie scay bien que ta diuinité
Imitant bien en tout l'eternité
Ne reçoit point d'inconstance le blasme. ”

“ Cy apres, Messeigneurs, au peuple de bien loing De vostre charité, si ma bonne esperance
- 57 -
Elle ne trompe point, parmy toute la France De nepueux en nepueux ie seray le tesmoing.
Viure en ce monde cy, mon frere, si tu veux, Si tu veulx viure bien, scais tu qu'il te fault faire? Sois courtois à chacun, à chacun debonnaire, A plus petitz que toy ne sois iniurieux.
Sois amy de chacun, à personne odieux, Imite la vertu de deffunct nostre père, La grace et la bonté de nostre bonne mère, Et garde bien la loy que gardoyent nos ayeulx. ”

“ Certes, deux et trois fois celuy là est heureux Qui a l'amour de Dieu tousiours devant les yeux, Comme vous, Monseigneur, qui luy faictes seruice, Qui l'aimez et craignez, qui faites vostre office Sincerement selon vostre vocation, Qui auecq vne bonne et sainte affection Donnant, admonestant, faisant à Dieu prière, Et bien viuant seruez au monde de lumière : Dessus vostre troupeau iour et nuit vous veillez En la vigne de Christ tousiours vous trauaillez, Et d'en desraciner fort diligent vous este Ce qui n'est point planté par le Père céleste ”

“ Car alors qu'il aura suyuant ce nauigagé De dix mille fredons diapré son langage, Quand l'aura embelly, quand en ce beau grauier, S'exerçant deuenu sera grand cheualier, Ce sera lors, PRELAT, que d'un vers heroïque Fera voler ton nom iusqu'au pol Antartique : Lors, dis-ie, s'estant faict plus grand, plus entendu, Quand ses aelles aura plus grandes estendu : Tout ioyeux entrera au temple de Memoire, Où si bien de par luy sera dicte ta gloire Que pour tes grans vertuz seras aimé de tous ”

“ La puissance d'Amour est donc plus que Royalle, Mais ton commandement, ou ta main liberalle Me peult plus commander que l'Amour ne les cieulx.
Celuy qui semble auoir vne teste estourdie, Le plus souuent rassis vn grand oeuure entreprend Et celuy sur son dos quelque grand fardeau prend,
4
— 50 —
Qui semble attenué de longue maladie.
Si est ce, mon Pouin, qu'vne eau, qui est courpie, Vne bonne senteur de soy iamais ne rend, Et ne croys que cest' eau porte vn basteau si grand, I'entens au moins cest' eau que tu dis endormie. ”

“ Or monstre donc, monstre le pouuoir tien, Et fais de moy quelque methamorphose, Echange moy de rien en quelque chose, Ce que feras en me donnant du bien.
Car l'artisan vit de son artifice, Le iusticier tire de sa iustice Communement quelque commodité,
Nostre art sans plus son artisan abuse, Et si ie crois que iamais de la Muse Nul ne tira aulcune vtilité.
Ne pense point que la mort ayt pouuoir Dessus les vers qu'icy ie te façonne, Car la Muse est des grans Dieux la mignonne, Qui n'est subiecte aux loix de l'Orque noir. ”

“ Il y a quelques gens lesquelz d'vn bouillant coeur Vont furieusement ramper à la muraille, Entrer en vn combat, en vne grand'bataille, Pour la victoire auoir de l'ennemy vainqueur.
Vn autre mesprisant si perilleux honneur A chercher oultre mer du bien il se trauaille, Craignant que quelquefois le sien ne luy defaille En vn tresor mondain mettant tout son bon heur.
Vn autre espouuanté du fouldre de la guerre Paisible tout le iour est labourant sa terre, Et ne prend autre soin qu'à son champ cultiuer. ”

“ L'homme qui est coqu, pensans qu'en ceste vie On ne sceut pourpenser plus grande ignominie, Chose plus miserable, ou mal plus douloureux.
Mais ie croys, quant à moy, qu'vn mal plus langoureux Règne auiourd'huy de dans l'humaine fantasie, C'est ce facheux tourment qu'on nomme Ialousie, Mal, plus que cocuage, à craindre et dangereux. ”

“ Parquoy sera inutile ma peine Si desormais tu n'enrichis ma veine Pour te chanter vn peu plus hautement.
Or d'vne main qui ne fust iamais chiche Fais moy, Prelat, bien tost deuenir riche, Lors i'escripray de toy plus richement.
Qui vouldra veoir tout ce que peult Nature, Qui vouldra veoir ce que peuuent les Cieux, Qui vouldra veoir ce que peuuent les Dieux, Qui vouldra veoir plus qu'humaine figure,
Vienne sans plus contempler la parure, Qui est posée en la grace et aux yeux De cell' qui m'est vn Soleil gracieux, Voire vn Soleil en pleine nuict obscure. ”

“ Ie croys qu'vne telle eau a bien peu de puissance
Pour porter vn basteau, mais toutesfois cest'eau Que tu dis endormie, a porté ce vaisseau, Tu en vois maintenant, Pouin, l'experience.
Le Maire, ce Caron, ce Caron passager, Lequel nous fist payer au double le passage De nostre si facheux triennal nauigage, Se puisse pour iamais de nos yeux estranger.
Il est plus qu'vn Protée inconstant et leger, Et neantmoins il veult sembler constant et sage; Mais ie prie les dieux qu'vn malheureux orage Nous puisse quelquesfois de ce meschant vanger. ”

“ Quand ie te veois receu humainement de l'oeil De ta belle Phylis, ie n'ay aucun enuie Sur les doulx passetemps et plaisirs de ta vie Pour son plaisant baiser, ny pour son doulx accueil.
l'ayme mieux de Madame vn fier et chaste orgueil Que l'accueil de la tienne, ou plustost sa folye, Qui pour te veoir vu peu chery d'vne autre amye, S'afflige tendrement d'vn lamentable dueil. ”