Olivier de Magny

“ Ouure donq, Bertrand, tes oreilles Pour les remplir de ces merueilles, Et paistre, Bertrand, de leur miel Tes espritz descendus du ciel, Te faisant fort puys que ma lyre Se plaist de sonner ton honneur, Et si grauement le redire Dessouz mon pouce fredonneur, Que tu renuerferas l'audace, Et les fiertez de la menace Voire les forces & l'effort Du Temps & de la fiere Mort.
La Mort des Parques la plus fiere, De sa grande faux moiffonniere Tranche la vie aux Empereurs, Aussi bien comme aux laboureurs, Et n'espargne non plus les Princes
Tant soyent ilz richement pompeux. ”

“ Sans toy les grans pompes n'agréent, Sans toy les plaisirs ne recréent, Et sans toy peu fervent les biens : Bref, foit en paix, ou foit en guerre, Bref, foit au ciel, ou foit en terre, Tout sans toy ne vault iamais riens.
Ny Venus feroit si riante, Ny Ceres feroit si plaisante, Ny Flore si gaye sans toy, Et sans toy, Déésse feconde, le ne voudroy de tout le monde, Estre nommé paisible Roy.
Ou que tu fois, iamais n'arriue La paresse lente & tardiue, Qui semble chiche de ses pas, Mais le jeu, le bal & l'adresse,
Mais la jeunesse & l'allégresse, Mais les plaisirs & les esbatz. ”

“ Que faites vous nouuel Espoux, Vous tardez par trop apres elle, Sus fus diligent hastez vous, Dans son cueur elle vous apelle, C'est la compagne que les cieux Vous ont dez long temps destinée, C'est la richesse que les Dieux Vous ont dez longtemps assignée. ”

“ Tu es vrayement heureux, en plaignant ta souffrance D'auoir tant de puissance, Car t'amye ne peult si dur auoir le cueur, Qu'à la fin de ton pleur Tu ne le rendes mol, veu que celluy d'vn arbre Voire le mesme marbre Se rompt auec le temps par les goutes de l'eau Comme auec vn marteau: Mais moy chetif helas ! que fault il que i'espere Qu'eternelle misere Puis que ie crains si fort à descouurir l'amour Qui m'ard & nuiét & iour, Et que d'aultant que plus ie fuis pres de la belle D'aultant plus ie le celle. ”

“ Bref en toutes faisons il nourrit nostre corps, Il tient en paix dans nous les discordans acordz, Il chasse nostre crainte, & croist nostre courage, Il chasse la paresse, & fait bien dauantage, Car d'vne faindle force il fait veoir à noz yeux Les pôles, les cerceaux, & les Astres des cieux, Il faidt veoir de Phebus la flambante carriere, Il faiél veoir de Phébé l'inconstante lumiere, Les douleurs d'Orion, l'extrême ardeur du chien, Et les deux plains tonneaux & de mal & de bien. ”

“ Ah petite tu me baises, Et apaises La guerre de tous mes maulx : le sens bien ta douce aleine De mule plaine Adoucir tous mes trauaulx!
le sens tes leures vermeilles Nompareilles, le touche ces liz bruniz, Et quand ton œil me regarde Il me darde Cent mille aises infiniz.
Encore vn coup ie fuis riche, Ne fois chiche De ces dons delicieux,
Si tu me rebaifes folle le m'en voile Rauy d'aise entre les Dieux, Efiant guindé dessus l'aefle, Rare & belle De ta faueur teinéte en miel, le sens mon cueur & mon ame, Qui se pasme, la defia montez au ciel, Que de Dieux! ”

“ Heureux encor qui sans nul foin Luy vois des armes dans le poing, Et brandir d'vne force adextre, Ores à gauche, ores à dextre, Les piques & les braquemars En faisant honte au mesme Mars.
Mais pour bien ta gloire chanter le ne sçay que ie doys vanter Ou ton heur en telle abondance, Ou la grandeur de ta confiance, Qui franc de ses beaultez iouyr N'as que l'heur de t'en refiouyr, Tu peulx bien cent fois en vn iour Veoir ceste bouche où niche amour, Mais de fleurer iamais l'aleine, Et lambre gris dont elle est pleine
Alléché de sa douce voix, En vn an ce n'est qu'vne fois. ”

“ D'vne tombe si prochaine, Vault il pas mieux viure ainsi Sans soucy, Cliafiant l'angoisse & la peine?
Le Soleil meurt bien aux cieux, Et noz yeux Priue au foir de sa lumière, Puys au matin enfuiuant, Reuiuant, Nous rend sa clarté premiere.
Mais dez qu'une fois là bas Le trespas Nous a faiét ombres descendre, De venir encor reueoir Ce manoir, Il ne nous fault plus attendre.
Car d'vn asseuré destin Tout prend fin, Et rien ferme ne feiourne, Mesmes le temps qui nous suyt, Quand il suyt, lamais plus il ne retourne. ”

“ Par ainsi le bien qui me vient Est tousiours vne chose vaine, Et le mal qui tousiours me tient Demeure vne chose certaine: Comme vn chetif qui sommeillant, Se trouue en fortune prospere, Et puis se trouue en s'efueillant Plus que iamais en sa misere. ”

“ C'est pourquoy bien heureux i'estime Celuy qui tient quelque regime, Pour fain tousiours se maintenir.
Car s'il se maintient d'autre forte, Tant foit il de nature forte, Il s'en repent à l'aduenir.
Vous doncq qui ne sentisses oncques Caterre ny fieure quelconques, Et qui croyez pour estre fortz, Et ieunes qu'vne maladie N'oseroit troubler vostre vie, le vous pry soyez plus acortz.
Et ne pen fez que la jeunesse Ny le bon-heur, ny la richesse, Vous empechent de la sentir : Car ny le temps, ny le courage,
Ny la faueur, ny le lignage, Ne vous en sçauroyent garentir. ”

“ Mais sur tout ie te prie Amour, Amour mon Seigneur, ie te prie, De dire comme nuiét & iour Nuiét & iour il fault que ie crie : Qui vouldra sans monter aux cieux, Veoir des cieux toute la richesse, Vienne contempler les beaux yeux Et le beau front de ma maistresse.
Et qui vouldra veoir la douleur Qu'aux enfers souffre vne pauure ame, Vienne contempler mon malheur, Mon malheur, ma peine & ma flamme.
Vn ennuy n'efi point assez fort Pour faire qu'vn homme se meure, Car s'vn ennuy causoit la mort D'ennuy ie mourrois à ceste heure. ”

“ Ta sœur acheuant fortunée Tout le cours de sa destinée, S'en monte maintenant la hault, Où de nulle angoisse fuyuie, Elle va commencer la vie Dont le bien iamais ne deffault.
Nous auons le froid sur la terre, Et le chault qui nous faicft la guerre, Tantost la pluye, & le beau temps : Mais aux lieux aufquelz à cette heure Ta sœur va faire sa demeure, On ne veoid iamais qu'vn printems.
Tousiours la faison y est vne, Et tousiours le Soleil, la Lune, Et les Astres y font tous vns: Mesmes de fruidz & fleurs les plaines,
Y font tousiours largement pleines, Et les biens y font tous communs. ”

“ Mais en ce temps gardons bien Que le chien, Qui l' extreme chault apporte, Pour trop exceffifz nous veoir, Nous fit cheoir Deuant l'infernalle porte.
Car nostre cueur ne doit poind Estre efpoindt D'autre desir que de viure, Et viuant ne doit penser, Sans cesser, Qu'à viure content & libre.
Quand l'Automne vient vers nous, Le vin doux Caressons & la chassaigne: Ayant apres auoir beu, Pres du feu, La belle & gaye compaigne.
Pour faire dessus l'amour, A son tour, Quelque gaillarde faillie,
A fin que noz ieunes ans, Soient exemptz De toute melancolie. ”

“ Soit que Phebus se leue aux cieux, Ou foit qu'en la mer il se couche, Mille pleurs sortent de leurs yeux, Et mille plaintes de leur bouche.
Le fiel leur semble ore estre doux, Et le doux leur semble amertume, La paix leur semble ore courroux, Et glaçons ce qui nous alume.
Hz n'ont repos ne iour ne nuid, Et n'ont nul plaisir qui leur plaise, Que le desplaisir qui les suyt, Pour les plonger en ce malaise.
Naguiere plourant leurs malheurs,
Pallas qui furuint d'auanture, S'enquit qui leur causoit ces pleurs, Et ceste complainde si dure. ”

“ Comme le soleil nous voyons Endurcir d'vn de ses rayons L'argille sur laquelle il tire, Et quanta quant mollir la cire, Causant tout en vn mesme temps Deux effectz si fort differentz, Ainsi la Dame que ie fers Cause en moy deux effeaz diuers, Me faisant d'vne feulle œillade Tout en vn temps fain & malade, Ore de feu tout enflammé, Ore de glace tout pasmé. ”

“ Comme la nuidt prend sa cariere Quand elle void hors la barriere Des Indes le cler Apollon : Ou ainsi qu'vne obscure nuë, S'enfuit legere à la venuë De l'Aufire, ou du fier Aquilon.
On peut bien en maintes manieres Surmonter les bestes plus fières, Les lyons, les sangliers, les ours : Mais sans toy, Royne, on ne surmonte
La mort, ceste beste si prompte, Quand ell' vient pour trancher noz iours.
Si la fortune est fauorab!e A quelque pauure miserable, C'est vn grand heur qu'auoir du bien : Mais quelque bien qu'elle luy liure, Santé, si tu ne le dois fuyure, Tout son bien ie n'estime rien. ”

“ C'est luy encor qui soustient vostre main Quand vous tirez voz flesches: C'est luy qui fait craindre vostre vertu, Et qui pour vous cent fois a combatu Aux amoureuses brèches.
Sans luy vos traiaz ne feroient iamais craintz, Sans luy vos feux pieça feroient efiainaz, Et vostre arc tousiours courbe Ne feroit point sans luy de si beaux coups, Et moins sans luy trayneroit apres vous Vne si belle tourbe. ”

“ Ce bien duquel ie parle & que ie cerche tant, Et que tout bon esprit doit aller souhaitant, C'est le fouuerain bien, & la vertu s'apelle, Vertu iamais vaincue & tousiours eternelle.
C'est elle feulement qui faiét, Que l'homme est homme tout parfaiét, C'est celle encor qui l'achemine, Le faisant compaignon des Dieux, Et le guidant là haut aux cieux, Lieu premier de son origine.
C'est pourquoy ie la cerche, & c'est encor cornent En cerchant la vertu, ie cerche ensemblement Des amys vertueux, comme toy qui embrasses Vn infiny tresor de vertus & de grâces. ”

“ Bien fust elle encor fortunée, Quand ta bouche fust emmannée De la liqueur du plus doux miel, Par mainte murmurante mouche, Qui dessus ta premiere couche Descendit tout exprez du ciel, Nous faisant par cela cognoistre, Que les Dieux ne te faisoient naistre Que pour estre vn iour le soustien, Fust parmy les pompes plus grandes, Fust parmy les plus humbles bandes, De tout le chœur Aonien. ”

“ T'adiurant par les boys de ces secretz vmbrages, Et par le doux Zephir' qui souffle en ces riuages, Voyre par le repos & par les doux esbatz Des Manes Stygieux qui t'attendent ça bas, Qu'a tel port de bon heur tu le vueilles conduire Que le vent de malheur ne luy puyffe plus nuyre. ”

“ Que diray dauentage! en vous feulle i'adore Les plus beaux dons des Dieux côme en vne Pandore, Cognoiffez donc en vous ces graces & beaultez, Et ne les fouillez poind de tant de cruaultez, Ains en me rappellant de ce piteux orage, Preferuez moy pour Dieu de ne faire naufrage.
Ayant l'oeil larmoyant, le genoil abaissé, Ayant ioindles les mains, l'esprit à vous dressé, Ainsi que si ï efiois ore en vostre presence, le vous requiers pardon si i'ai faict quelque offense.
Et vous pry par le traist qui de vous m'a feru Que ie ne meure poinét sans estre secouru. ”

“ C'est vn cas commun que de veoir Vn homme riche, pour auoir Beaucoup de biens de la fortune: Mais de veoir vn homme vestu, Et riche des biens de vertu, Ce n'est vne chose commune.
le t'ay cherché long tems & t'ay en fin trouué, En te trouuant, Blanchi, i'ay en fin efprouué Qu'entre les grans tresors il n'en est ce me semble Tel qu'vn tresor d'amys qui par vertu s'assemble.
la la Nature nous a mys Au chemin d'estre faictz amys, Faisant noz corps d'vne mesure :
Que pleust aux Dieux que l'esprit mien Fust aussi bien semblable au tien, Que semblable est nostre stature. ”

“ Contez tous mes trauaux passez, Qui m'ont mys en tant de souffrance, A celle qui me veoid mourir Sans qu'ell' me daigne secourir.
Dites luy doucement ainsi, Belle que tout le monde admire, Ne donne plus tant de soucy A celluy qui tant te desire, Ains autant qu'il a de tourment Donne luy de contentement.
Et si vous voiez sa rigueur Tousiours enuers moy se pourfuyure, Sans qu'elle amollisse son cueui, Ny qu'elle ayt foing de me veoir viure, Souspirs, ne venez plus vers moy : Car soubdain ie mourray d'esmoy. ”