Guillaume de Reboul

“ Sus dites moy qui vous ameyne icy, que faites vous icy, parlez moy ; doutés vous encore, estes vous estasiez ; auez vous perdu la parole ; vostre esprit s’en seroit-il volé par la fenestre d’admiration ? n’appelez le ; & me croyez ; ie suis Panurge, vostre bon amy Panurge, vostre camarade Panurge. Ie voy bien vous mescognoissez ma barbe qui à present n’a que le petit poil foller, & depuis ne l’auiez veuë estoit toute touffue, & couuerte de neige. C’est tout vn ie suis tousiours le mesme Panurge ; mais nouueau Panurge, renouuellé Panurge ; Panurge r’ajeuni ”

“ Or de ce qui se passe maintenant soit en ceste ville ou és proches confederées, esquelles nous ayons droict de fesses & de langues, il me semble que le subject, pour lequel nous voicy, est la plus belle & spatieuse campagne qui se puisse d’icy à long temps rencontrer pour faire monstre de notre puissance : & bien que nous attaquions vn fort & robuste ennemy qui ne respire à mon aduis qu’a faire preuue de sa personne au plus obscur de nos battaillons, afin que sa vaillance soit trompetée : Si est-ce toutefois qu’aucune peur ne doibt prendre place en nostre ame qui pourroit s’espouuanter de ce ”

“ Helas ! si le pauure Panurge fut tombé entre leurs mains, sans doute il fut esté boucané ; mais Dieu m’en garentit, comme aurtresfois il m’auoit sorti de la broche tout lardé. Nous euitames ce danger & vinsmes en l’Amerique, qui est vn pays fort agreable, l’air y estant fort doux, & les gens du tout debonnaires. Ils vont tous nuds tant hommes que femmes ; qui fut cause qu’iceux ayant aborde nostre vaisseau pour nous faire vne bien venue, tous nos gens ; ou ie me donne à S. Borondon ”

“ Celuy qui auoit esté commis des Tribades Lemanes pour assigner l’heure le temps, & le rendez-vous aus autres Tribades de proches Prouinces confederées, s’appelloit Harpetirade, & leur auoit notamment & de raison raisonnante enioinct l’obscurité, d’autant que tel est l’ordre de leur caballe de fuïr la lumiere lors que principalement il s’agist d’vn faict pareil à celuy-ci, auquel la vie & l’honneur d’vn homme court risque & hasard : la raison se trouue telle que la lumiere est odieuse & contraire à qui faict mal. ”

“ Ceft à dire, ii au lieu d'inuiter les Miniftres d'efcrire de calomnies contre mon hôneur,vous euffiez mis vous mefmes la main à la plume, non pour m'eferire trois lignes, comme vousfiftes en la lettre que j'eus de vous, où vous me proposez l'exéple de voftre patience, qui portoit Chreftiennementi ce dittes vous,
v les
17^ APOLOGIE les reprimendes que les Miniftres vous faifoyent, lors que plus ieune vous aymiez defefperément la dâce (exeple à la vérité fort femblable à mon excommunication) mais bie pour refpodre aux argumés, qué ie propofois tirez de l'Antiquité. ”

“ Ie vous en reciteray l’histoire tout à loisir, à present parlons d’autre chose, qui vous ameine icy, qu’achetez vous ? que vendez vous à ceste tant celebre foire de Beau-caire ? Taumaste, ha Panurge mon amy, Scriptum est enim, qui bien aime, de loin cognoit soudain que ie vous ay veu, l’ay recogneu vostre beau nez : il ne vous manque que d’en auoir vn autre sur le derriere ; ainsi on vous porteroit par tout avec deux bastons comme on fait les banastes. ”

“ Celuy-ci (afin que ie ne taise son estre) estoit né dans la mesme ville, où les susdictes Tribades auoient choisi lieu pour leur Synode.
————— Neque illum Argolica de gente negabo.
Et auoit pris son origine des meilleures maisons d’icelles, ces ancestres ayant laissé apres eux vne extreme bonne odeur de leur nom, comme personnes exemptes de la dent des plus aspres Zoiles, & de la main des plus seueres censeurs, ses fortunes estoient telles qu’elles ne cedoient aus mieux mesnagers de toute la prouince, ses merites & galentises (afin que ie le fasse court) sont caracterées dans sa propre vie. ”

“ Là où la Cabale marche d'vn pas gay, bouflone,railiarde, picque tout riant, attirant après foy le ris de tous ceux qui l'entendent. Quel plailïr de la voir vous entreprendre en tous fens, dedans vous mefmes,dâs vos maifons, dans vos Conhftoires, & vos affemblees d'eftat : & puis fauv ter galantemet dans cette nuee de Reformation, pour fe percher fur vos cornes,& vo 9 y defcouurir traictât des affaires du cocuage. (Tout beau, Salmonees, ie ne parle que fuyuantla Cabale.) Vrayemét tous ces effects font bié d'vne autre humeur que de la melancholie,
Uelachola Ç>cft gj-^J cas que yaus eftes cou. ”

“ Dieu veut que toute la terre soit peupler de chats. Epistemon. Attendons demain nous en aurons meilleur marché : car tousiours il en arriue. Cependant mon doux & beatifié Panurge, pour passer ioyeusement ceste iournee ; racontez nous vostre voyage : mais qu’il ne vous fasche, dites nous de point en point toutes vos fortunes & infortunes ; tout ce qu’auez veu, sçeu, cogneu, entendu, & dessus & dessous la terre ”

“ I’eusse desiré alors estre morte, car cette petite mauuaise comme trois loups en empescha la mesure nous aperceuants à nos deduicts le Diable y aye part : mais il est infortuné en endouilles, croyant que tout Soleil faict mal à sa veuë tant il est lourdault cet escouillé, à sept treze ce n’est pas trop, veu qu’a chacun les siens c’est iustice, bien, bien, vn bon gaucher Aduocat, ou marchand, vault mieux qu’vn mauuais droictier : Car ie vous supplie, ne le faict-il pas beau veoir parler d’vn hõme qui suruinst (escu pour baiser) comme les approches se faisoient. ”

“ Pour le pauure Hegemon i’en fus long temps en peine, ensemble de mes bons Pilotes, quoy que Polypheme m’eut ietté en la mer. Car i’ay tousiours creu qu’il ne l’auoit fait de malice. Ils arriuerent en fin apres la tẽpeste de l’Isle de fer vne des Canaries ou fortunées comme i’ay sçeu en l’autre monde sains & sauues Dieu soit loüé : il est vray qu’ils furent long temps à chercher l’Isle Imaginaire, mais leur imagination ne la sçeut oncques imaginer. Si iamais vous les voyés mes amis, demandez leur des nouuelles, ils vous en diront. Taumaste. ”

“ Vn des Miniftres chane par le 0eft *°* foupçon ; les trahiftres pourîuiuis cnmmeilemet ie lauiiec : tout Hierufalem troublé. Ne t-riôpheray-ie pas en ces vegeances diuines,voyât Dieu fortir,par manière de dire,du Ciel, pour prononcer vnarreft de malédiction contre mes ennemis? Allez vous après glorifier , Salmonees , de l'authorité de vos tefmoins, l'infamie defquels Dieu a defcouuert en vn tel iour de fa fureur.Et comment eft-ce au nom de Dieu que tels tefmoins auront eu loin de ma renommée, qu'ils n'en ont point eu de leur Honneur, l'ayant fouillé de cette noire tafche de trahifon ? ”

“ Te donnant parole que le Philosophe Abderite me vient en ce moment de porter aide à la tirer du profond de son Puy, ie l’offre à ta croyãce, accompagnée de la maxime de ce Gymnosophiste, celuy qui s’immortalisa aux despends de sa vie dans le milieu des troupes victorieuses du grand Alexandre. Que la nature a voulu destruire son œuure en la femme, lors qu’à sa creation elle luy a baillé langue & veüe. ”

“ Qui oze proferer dix, vingt, trente, quarante mille escus, pour releuer le premier pousteau, vnique fondement de sa future grandeur ? Qui aye temeraire, l’impudence d’offrir six mille liures de rente, & dix mille escus d’argent content à ceux qui s’egalants desireroient de Maritalement contracter auec elle pour quelqu’vn de ses membres ? Aucune vraymẽt ne se rencontre : & de vouloir estre iusques à la tant effronté que de mettre en ieu ce Papelan de Calianthe, c’est proprement comparer le moindre de tous les flambeaux celestes au general des lumineux rayons du Soleil. ”

“ Mais parlez moy qu’acheptez vous en ceste foire ? Taumaste. Vous sçauez, Panurge mon bon amy, qu’aux deux prouinces de Salmigondin, & Dipsoin, est arriué cete annee presente, & ce depuis les festes Iuueniles, vne telle abondance de rats que non seulement ils gastent tous nos quaqueroliers & mangent nos hanetons, mais encores se ruent ils tout de nuict sur nous, nos femmes & enfans ; tant helas ! quel creue-cœur ! les vns ont perdu le nez, les autres les oreilles, les autres, ha ie ne l’ose dire, & plusieurs en sont morts. ”

“ Ventre sainct Quenet ils eussent bien eu plus de profit & d’honneur de passer le temps, comment que ce fust au Soleil, ou à la Lune, ce m’est tout vn, à epuceter les sainctes Brayes de leurs nouueaux hostes, ces bons Kaloucres Enchapouinés, ou bien à former leurs vies sur ceste tant esmerueillable & pieuse histoire depuis trois iours arriuée de Venise où ces bons peres de hault relief, font iouër sur vn Theatre de verre, S. Paul, S. François & vn Euesque à trois personnages reformez. Ils en trompetent le miracle, d’autant que Magna stultorum miracula. ”

“ Et de bonne fortune me treusuay-je en l’Isle Imaginaire où tendoit de tout temps mon voyage, ayant sauué quand & moy, Dieu mercy, ma besace, mon bourdon & ma bouteille, pour ma gibessiere elle pendoit tousiours à ma ceinture, croyant que si quelque poisson la deuoroit, que par hazard on la pourroit treuuer dans son ventre, comme fit autresfois Maguelonne le Sendal où estoient pliez les bagues desquelles elle auoit fiancé son Pierre de Prouence. Et que tel les recouureroit qui diroit vn In viam pacis, ou vn Requiescat in pace, pour le pauure Panurge. ”

“ O humeur timide, debile & enfantine, qu’vn corps materiel & essentiel se donne en proye à l’appréhension de son ombre, comme si nous n’estions pas paistrys d’assez forte paste & complexion, & si nous n’auions iamais monté sur l’ours pour gagner cette victoire sur nous mesmes, en la desroutte de ces nostres folles & tendres terreurs ! ”

“ Taumaste. C’est tout vn, allons boire Panurge mon grand amy, venez, ie payeray pour vous, i’ay Dieu merci ma gibessiere encores bien garnie ; & puis ie sçay où l’on vend le bon vin ; ça à la friscade ; suiuez moy ie passeray premier ; Epistemon serrera la fille, auec nostre petit mignon Geophile ; ça l’hostesse couurez la table, apportez vin blanc, vin rouge, vin clairet, ça rincez les verres, faites boüillir la marmite ; apportez quelque langue de bœuf à la vinaigrette, auez vous point d’andoüilles ? mon camarade les aime, il les appelle aiguillõs de vendanges. Panurge. ”

“ Ie ne dis pas que douze cent francs ne soient bons & honnestes, mais flus pour les dix mille escus, car ie gageray que Dieu se lasse de donner tant aux fricquenalliers plus heureux que sages, si ce n’est d’auanture, les Escrouelles, ou le mau Lubec pour le moings : O que ne suis-ie de la Kyrielle, que de Clysteres par pays, & Barbarins, c’est ce que i’aime, au Court fetu c’est plustost faict quel qu’il soit, Tin, ha ha ha le vieillard, & biẽ il a la queuë verte ; par ma foy ie vous diray que sa voix musiquale me charma & rien plus, à tout prendre il n’y a point de choix ! ”

“ Astolphe leur en auoit donné les greffes : car il y fut du temps qui cerchoit le sens de Roland deuenu furieux pour l’amour d’Angelique : le Prophete Henoc les luy auoit donnez, & luy auoit apprins la vertu, qui est telle que l’homme qui la porte sur soy n’a iamais ny faim ny soif, que si l’vn ou l’autre luy arriue, en prenant seulement l’odeur de ceste pomme, il se trouuera soudain guery. Et par droit de succession i’ay acquis ceste pomme, que ie porte tousiours sur moy. Epistemon. Ce sont d’autres nouuelles, ça donc continuez s’il. vous plait vostre histoire.
Panurge continue son histoire ”

“ Ie veux bien que la bonne femme bigamme esculast les bourriers de ses calesons, & vertu sans iurer, n’est-ce pas faire de l’honneur à sa posterité, que les andouilles soyent penduës en sa cheminée quand le sel de Thibauld Mitaine, son Cousin Geruais, remué d’vne busche de meule y a passé à suffisance ? ”

“ Panurge continue son histoire ; la description de l’Isle Imaginaire : la peur qu’eut Panurge voyant rajeunir les hommes : & comme Polymnestor le r’asseurant, print sa vie au peril de la sienne, & le fit son hoste. ”

“ Le long des bords de ceste mesme piece estoit vne Tribade accouchante Claustralement, & clandestinement au fond d’vn caueau, le fruict du ventre de laquelle se voyoit estre liuré auec deux cens escus à vne pauure femme fripiere de son mestier pour en faire, s’il estoit possible, vn Esplandian : l’enfant auoit apporté du ventre de sa mere ces deux vers imprimez sur sa poictrine.
Mes peres furent A & I, ma mere vne M.
Le monde fist mon corps & l’Eglise mon ame. ”

“ Tous les elements sembloyent retourner à leur premier chaos, nostre vaisseau s’attachoit tãtost aux cornes de la Lune, & puis soudain redescendoit iusques au fonds des abysmes ; nos patrons se rendent à la mercy des vagues, leur science prend fin, le courage leur manque, adieu pauure Panurge. Hegemon criant misericorde, de peur, de crainte, d’estonnement, print vn grand flux de ventre & chia fort copieusement. ”

“ Mes freres & sœurs, ie vous supplie au moings que si quelqu’vne de vous autres sent des inflammations, ou autres douleurs aux outils de Nature que ie ne perde point ma chalandise, & que vous n’alliez à d’autres. ”

“ Et tous les Dieux & corps celestes. s’estoyent retirez sur le grand Olympe. Desia Iupiter auoit enuoyé Mercure assembler son conseil, croyant que la guerre gigantine ne fut de retour. I’estois là à la misericorde de Dieu & de mes pilotes, & ce qui augmentoit ma douleur, estoit que moy mesme estois cause de mon malheur. Ie me prepare pour boire plus que manger, dis adieu à Hegemon qui pleuroit comme vn veau : Ie prie que s’il se sauue qu’il apporte de mes nouuelles à Salmigõdin & Dipsoin. ”