Francis Godwin

“ Cela m’obligea plus particulierement, d’apprendre de bonne heure la langue du Païs, qui est vne, & la mesme dans toutes les Regions de la Lune. Ce qui me semble d’autant moins estrange, que ie ne puis croire que toute la Terre Lunaire soit de la quarantiesme partie si grande que la nostre habitable. Que on en cherche la raison, l’on trouuera qu’elle procede de ce que le Globe de la Lune est beaucoup moindre que celuy de la Terre, & que de ses quatre parties, leur Ocean, ou leur mer, en couure les trois, comme l’on croit ”

“ Mais je ne crois pas vous bien louer, Monsievr, si je me dis qu’à cet Empire absolu que vous avez sur les Passions, se trouuet jointes en quelque temps que ce soit deux grandes Compagnes, la Moderation, & la Modestie. Vous estes ennemy mortel de tout ce qui tient de l’humeur altiere, ou de la fausse galanterie ”

“ En quelque lieu que demeure vostre Amy, soit dans la solitude, soit dans les Villes les mieux peuplées, il vous sera facile de luy descouurir vos pensées, & de faire quantités d’autres choses encore plus admirables. Mais ce qui vaut plus que tout le reste, est que par ces mesmes enseignemens vous aurez connoissance d’vn nouueau Monde, & de plusieurs rares effets de la Nature, qui iusques icy nous ont esté cachez, & mesme inconnus aux plus anciens Philosophes, qui n’y ont pas seulement pensé. ”

“ Au contraire, ce qui me sembloit vne disgrace bien grande, s’est trouué depuis vne faueur signalée, & vn vray moyen d’éternizer ma memoire. La raison est, pour ce que de là s’est ensuiuie vne auanture, qui ne doit pas seulement tourner à ma gloire, mais au commun bon-heur de tous les mortels, mortels. Car apres le merveilleux voyage que j’ay fait sans y penser, si par vn heureux Destin ie puis retourner au lieu de ma naissance, pour y debiter les grandes choses que j’ay veuës, ie ne doute point que tous ceux des siecles à venir ne profitent de la connoissance que ie leur en donneray. ”

“ Aussi quand le temps que la Nature a prescrit à leur vie, est finy ; Ils meurent sans peine, ou si vous voulez, ils cessent de viure par l’extinction de l’humide radical, comme vne Chandelle, allumée cesse de luire, lors que le suif en est consumé. Ie me trouuay vne fois à la mort d’vn de leurs Citoyens, dont i’admiray la Confiance. Car bien qu’il semblât deuoir estre fort affligé de sortir du Mōde, où il auoit vescu tousiours contant, & de quitter ses amis, sa femme, ses enfans, & tous ses plaisirs, si est-ce que cette derniere fin ne l’estonna nullement. ”

“ Vous verrez par leur moyens les hommes fendre les airs, & voler sans aisles. Il ne tiendra qu’à vous, sans bouger, & sans l’aide de personne, d’enuoyer en diligence des Courriers où vous voudrez, & d’en auoir la réponse tout à l’heure. ”

“ Pour respondre à certe question, il faut sçauoir necessairement qu’il y a deux sortes de lumieres ; l’vne du Soleil, l’autre la Terre, qui estoit alors en sa plus haute-éleuation ; car quand la Lune est nouuelle, elle paroist à ses Habitans de mesme qu’à nous, quand elle est pleine ; & à mesure que nous la voyons croistre, ils voyent aussi diminuer la lumiere de la Terre. I’ay donc trouué par épreuue, que mesme en l’absence du Soleil, la clarté se trouue là telle à peu prés que celle de nostre iour, quand l’Astre qui le donne, est enuirōné de sombres nuages. ”

“ Quelles assiduitez ne rendez-vous point à tout ce qui regarde le seruice de Son Altesse, & de ce genereux Prince son Fils, qui dans la Cour de nostre grand Roy, & de la Reine Regente sa Mere ; par ses hautes Qualitez vniuersellement admirées, & dignes du bon accueil qu’il a receu de leurs Majestez, a fait voir à tout le Monde, qu’il n’est pas moins recommandable pour sa Vertu, que pour sa haute Naissance. ”

“ Toutes les nuées estoient sousmises, ou si vous voulez esparses entre moy & la terre. Quāt aux estoiles, pource qu’il n’y auoit là point de nuit, ie les voyois toûjours d’vne mesme sorte ; non pas brillantes à l’ordinaire, mais d’vne couleur blancheastre, & telle à peu prés qu’est au matin celle de la Lune. Elles se faisoient remarquer en fort petit nombre ; & dix fois plus grandes (à ce que i’en pûs juger) qu’elles ne se monstrent aux habitans de la terre. Pour ce qui est de la Lune, qui à deux iours prés, s’en alloit estre pleine, elle estoit d’vne grandeur effroyable. ”

“ I’acheuay mō voyage en moins de neuf iours sans faire depuis aucune rencontre de ces Hommes aériens, que i’auois veus en montant. Comme ie n’eus donc ny cet obstacle, ny aucun autre embarras, ie fis vne diligence incroyable, dont i’attribuay la cause à mes seuls oyseaux ; car il n’est pas à croire combien estoit grande l’impatience qu’ils auoient, de retourner en terre, en vne saison où l’attraction de cét Élément, beaucoup plus forte que celle de la Lune, les hastoit d’aller d’vne façon estrange. ”

“ Comme c’est donc parmy eux vne Loy irreuocable, de ne faire iamais aucun Meurtre ; si par la taille & la mine, ou par d’autres indices du corps, ils remarquent qu’il en ayt quelques vns naturellement enclins au Vice, ils les enuoyent à la Terre, par vn moyè que ie ne sçaurois dire, & les changent à d’autres Enfans, auant qu’ils ayent le pouuoir ou l’occasion de faire du mal. Mais il ne faut pas sur tout, qu’ils bougent du lieu où l’on les a mis, que l’air de la Terre ne leur ait premierement rendu le tein, d’vne couleur pareille à la nostre. ”

“ I’ay à vous dire encore, que soit que ie fusse en l’air, dans le calme, ou porté auec agitation, ie me trouuois tousiours tout droit entre la Lune, & la Terre. Ce que ie pouuois remarquer, non seulement en ce que mes oyseaux n’addressoient leur route, que droit à la Lune ; mais encore, pource qu’il ne nous aduenoit iamais de nous reposer (comme nous fismes par plusieurs heures au commencement de nostre voyage) que nous ne fussions portez insensiblement autour du globe de la terre ”

“ C’estoit, comme i’ay dit cy-deuant, vne des pierres qu’Irdonozur m’auoit donnees, laquelle i’appliquay contre ma chair nuë, & à l’instant mesme ie reconnus que mes oyseaux (comme soulagez d’vn grand fardeau) alloient incōparablement plus viste qu’auparauant : ce qui me fût, sans mentir, vn secours si fauorable au besoin, que sans luy ie n’aurois iamais peû tomber seurement à terre.
La Chine est vn Pays si peuplé, qu’aux endroits mesme les plus steriles, il est difficile de trouuer la moindre piece de terre en friche, & qui ne soit cultiuée. ”

“ Il y en a d’autres hauts de vingt pieds, & vn peu dauantage, qui en des lieux ordinaires endurent quelque clarté que ce soit, tant du Soleil que de la Terre. Mais en vne certaine Isle, dont aucun ne peut sçauoir les Mysteres, il y a des hommes qui n’ont pas moins de Vingt-sept pieds de haut, à le prendre, suiuant la mesure de l’estendart de Castille. Que si pendant le iour de la lune, d’autres que des Originaires y abordent, ils s’endorment incontinent. Cette Isle a vn Gouuerneur particulier, dont le nom est Hiruch, aagé de 65000. ”

“ I’ay trouué par cette espreuve ce à quoy les Philosophes n’ont iamais pensé iusques icy. C’est que les choses pesantes ne tendent point vers le centre de la terre, cōme à leur lieu naturel ; mais semblent plustost estre attirées par vne certaine qualité du Globe terrestre, ou par ie ne sçay quoy qui est au dedans ; de la mesme force que le fer est attiré par l’aimant. Ainsi, bien que sans auoir autre soustien materiel que l’air, ces oyseaux s’y peussent tenir, auec autant d’aise & de repos, que le poisson dans l’eau, quand elle est calme ”

“ Que si on la met dans quelque cheminée, elle s’eschauffe aussi-tost, & rend autant de chaleur dans vne chambre, que si on y auoit allumé vn grand feu, La pierre appellée Macrbus, de mesme couleur que la Topaze ; est beaucoup plus pretieuse que les autres ; & si resplandissante, qu’encore qu’elle ne soit pas plus grosse qu’vne febue, si est-ce qu’estant posée de nuit dans quelque grand Temple, elle le rend aussi clair, que s’il y auoit cent lampes allumées. ”

“ Car il arriue là, par ie ne sçay quelle puissance de la Nature, ineuitable & fatale que quand le iour commence à poindre, & la Lune à luire, esclairée par les rayōs du Soleil ; tous ceux qui se trouuent en ce Païs là n’estre gueres plus grands que nous sommes d’ordinaire en nostre monde, tombent dans vn sommeil si profond, qu’il n’est pas possible de les éueiller, que le soleil ne se soit dérobé de leur veuë, pource qu’ils n’en peuuent souffrir la clarté ”

“ Permettez-moy maintenant de reuenir au reclt de mon voyage, que i’aduançay sans discontinuer vnze ou douze iours, pendant lesquels ie fus sans cesse porté droit au Globe de la Lune, auec vne violence si grande, qu’il m’est impossible de vous l’exprimer. Car ie ne croy pas que le tourbillon le plus rapide luy soit comparable ; ny qu’vn boulet sortant de la bouche d’vn Canon, puisse fendre auec pareille vistesse l’air humide, vaporeux & grossier, pour estre prés de la terre. ”

“ La principale cause des grands auantages qu’ils ont, est que par vne inclination merueilleuse, qui se tourne en habitude, & jeunes & vieux abhorrent le Vice, autant qu’ils cherissent la Vertu, & menent vne vie si calme, qu’il n’y a rien qui en puisse troubler le repos. Il est vray pourtant, que les dispo^sitions des vns sont meilleures que celles des autres, selon les influences, ou plus, ou moins fauorables à leur naissance. ”

“ Bien au contraire de nous, qui la pluspart du temps, en pareil cas paroissons tristes sans l’estre ; ou si nous le sommes, c’est en effet pour nos interests particuliers, plustost que pour aucun regret que nous ayons à la perte de nos amis. ”

“ Apres auoir fait vnze iours de chemin, sans relascher d’vn vol si rapide ; i’aperceu que i’approchois insensiblement d’vne autre terre iusques alors inconnüe, si toutesfois ie la puis ainsi nommer, estant le vray corps de cet Astre que nous appelons communément la Lune. La premiere difference que ie trouvay entr’elle & et nostre Terre, quand elle eust cessé de m’attirer, fut, que ie la vis tousiours dans ses couleurs naturelles ; au lieu que parmy nous vne chose esloignée de nos yeux d’vne ou de deux lieuës, nous semble noire ordinairement. ”

“ Leurs Corps ne pourrissent point apres la mort ; & voila pourquoy ils ne font pas enseuelis, mais soigneusemèt gardez en des lieux exprés ; si bien que plusieurs d’entr’eux peuuent monstrer ceux de leurs Ancestres en leur entier, sans estre nullement corrompus par la longueur des années.
Il n’y a iamais en ce Pays là ny vent, ny pluye, ny aucun changement d’air. Les excessiues froideurs de l’Hyuer en sont bannies, aussi bien que les trop ardantes chaleurs de l’Esté. Vn Printemps perpetuel y regne, auec toute sorte de contentement, & sans incommodité quelconque. ”

“ Il suffit que tu luy laisses la liberté d’imaginer, comme il te la laisse de juger de ce qu’il imagine. Possible que ce nouueau Monde qu’il te découure, ne trouuera pas vn meilleur accueuil en ton opinion, que fit d’abord celuy de Colomb, dans les sentimens de tous les Esprits de son Siecle ”

“ Tellement qu’à l’heure mesme, par l’ordre que ie tenais à luy cacher, ou luy monstrer la lumiere de temps en tèps, selon que nous l’auions concerté ensemble, ie luy donnois à connoistre tout ce qu’à peu prés ie dèsirois. I’auois d’autres inuentions encore, pour l’aduertir en plain iour de mes diuertissemens ; que ie luy faisois sçauoir, tantost par vn signal de fumée, ou par la poussiere que ie mouuois, tantost par vn moyen plus subtil, & beaucoup plus effectif. ”

“ Si de nuit ie luy voulois faire entendre quelque chose, i’auois accoustumé de mettre vn fallot au plus haut de la Tour, où estoit la cloche ; lieu d’assez large estenduë, qui receuoit le iour par les vitres d’vne fort belle fenestre, & dont des murailles plastrées au dedans, paroissoient extremement blanches ; ce qui redoubloit si fort l’esclat de la lumière, que quand mesme elle n’eust pas esté si grande, on n’eust point laissé de voir encore de bien plus loing, s’il eust esté necessaire ”

“ Aussi, à vray dire, Monsievr, iamais homme ne fut mieux que vous, ny dans l’approbation des honnestes gens, ny dans leur estime : & iamais personne ne les entretint, si agréablement que vous faires. Vostre conuersation est vn Aimant inuisible, qui les attire si bien à vous, qu’ils se font eux-mesmes vne douce violence, pour en estre inseparables. Que si des Vertus morales, qui font vos plus cheres delices, il faut passer aux Politiques ; qui ne voit, Monsievr, avec quels soins vous les cultiuez, & combien vous avez l’Esprit agissant au maniment des grandes affaires ? ”

“ Auant que d’en apprendre l’vsage, il faut que vous sçachiez, que le Globe de la Lune n’est pas entierement destitué d’vne puissance attractiue ; ny mesme moins foible que celuy de la terre. Que si vn homme s’esleue là de toute sa force, comme sont les Baladins, quand ils capriollent, il se peut voir par épreuue qu’il peut monter à quelques 50. ”

“ Car ce qui est bien estrange, ils en auoient d’aussi crocheües que les Aigles : mais ce n’estoit qu’en vn des pieds, ayant l’autres comme les cignes l’on d’ordinaire. Or d’autant qu’il se trouuoit là vne grande quantité de ces oyseaux, qui auoient accoustumé d’y couuer leurs œufs, & de les faire esclorre ; ie pris enuiron trente ou quarante de leurs petits, que i’accoustumay à manger sur le poing, partie pour mon plaisir, partie pour m’en seruir au dessein que i’auois, & que ie mis depuis en praticque. ”

“ Apres que i’eus donné à Pylonas le dernier Bazo las manos, en la presence d’vne prodigieuse foule de peuple, expressement assemblé pour me voir partir, ie laschay les resnes à mes oyseaux ; qui prenans leur vol d’vne grande ardeur, m’enleuerent à l’instant à perte de veue : Le mesme m’aduint icy, qu’à mon premier Voyage : ie n’eus iamais ny faim ny soif, que ie ne fusse arriué à la Chine, sur vne haute Montagne, esloignée d’enuiron trois lieues de la grande Ville de Pequin. ”

“ Vn Ieudy Vingt-neufiesme de Mars, trois iours apres mon réueil de l’assoupissement que m’auoit causé la clarté de la derniere Lune, ie m’attachay fortemèt à ma Machine, sans oublier de prendre auec moy (outre les joyaux qu’Irdonozur m’auoit donnez, dont ie connoissois assez les vertus, par les grādes choses que Pylonas m’en auoit dittes) autant de viures que i’en peûs porter, sans incommodité ; & ie trouuay depuis qu’ils me seruirent extremément, comme il se verra bien-tost. ”

“ Que si cela ne te persuade assez bien, tu n’as qu’à te representer, que ce qui est veritable touchant les Antipodes, a esté autrefois vn aussi grand Paradoxe que celuy-cy ; Qu’il ya dans la lune diuers Peuples qui l’habitent, & qui se gouuernent entr’eux d’vne façon differente de la nostre. ”