Jean de Brébeuf

“ Dans les grãds Villages il y aura quelquefois plusieurs Capitaines tant de la police, que de la guerre, lesquels diuisent entre eux les familles du Village, comme en autant de Capitaineries ; on y void mesme par fois des Capitaines, à qui tous ces gouuernemens se rapportent à cause de leur esprit, faueur, richesses, & autres qualitez, qui les rendent considerables dans le Pays. ”

“ Que si quelqu’vn estoit si hardy que d’aller à vne traitte, sans le congé de celuy qui en est le Maistre, il peut bien faire ses assaires en secret & à la desrobée, car s’il est surpris par le chemin, on ne luy fera pas meilleur traittement qu’à vn larron, & il ne rapportera que son corps à la maison, ou il faut qu’il soit en bonne compagnie : que s’il retourne bagues fauues, on se contente de s’en plaindre, sans en faire autre poursuitte. ”

“ Que si les parens du mort se vengeoient de cette iniure, par la mort de celuy qui auoit fait le coup, toute la peine retomboit de leur costé ; c’estoit aussi à eux à faire des presens a ceux mesmes qui auoient tué les premiers, sans que ceux cy fussent obligez à aucune satisfaction, pour montrer combien ils estiment que la vengeance est detestable, puis que les crimes les plus noirs, tel qu’est le meurtre, ne paroissent quasi rien en sa presence, qu’elle les abolit, & attire dessus soy toute la peine qu’ils meritent. ”

“ C’est ainsi que le diable les abuse dans leurs songes ; c’est ainsi qu’il parle par la bouche de quelques-vns, qui ayans esté laissez comme pour morts, reuiennent par apres en santé, & discourent à perte de veue de l’autre vie, selon les idées que leur en donne ce mauuais maistre : à leur dire le Village des ames n’est en rien dissemblable du Village des viuans, on y va à la chasse, à la pesche, & au bois ; les haches, les robbes, & les colliers y sont autant en credit, que parmy les viuants. ”

“ Il n’y en a point, qui en vertu de leur election soient plus grands les vns que les autres. Ceux là tiennent le premier rang, qui se le sont acquis par leur esprit, eloquence, magnificence, courage, & sage conduite, de sorte que les affaires du Village s’addressent principalement à celuy des Capitaines, qui a en luy ces qualitez ; & de mesme en est-il des affaires de tout le Pays, où les plus grands esprits sont les plus grãds Capitaines, & d’ordinaire il n’y en a qu’vn qui porte le faix de tous. ”

“ Il est vray qu’en France nos Cimetieres preschent puissamment, & que tous ces os entassez les vns sur les autres sans discretion des pauures d’auec les riches, ou des petits d’auec les grands, sont autant de voix qui nous crient continuellement la pensée de la mort, la vanité des choses du monde, & le mépris de la vie presente : mais il me semble que ce que font nos Sauuages à cette occasion touche encor dauantage, & nous fait voir de plus prés, & apprehender plus sensiblement nostre misere. ”

“ Icy vous n’y sçauriez outrager qui que ce soit, que tout le Pays ne s’en ressente, & ne se porte contre vous, & mesme contre tout vn Village ; c’est de là que naissent les guerres, & c’est vn sujet plus que suffisant de prendre les armes contre quelque Village, quand il refuse de satisfaire par les presents ordonnez pour celuy qui vous auroit tué quelqu’vn des vostres. Le cinquiéme se fait pour applanir les chemins, & en oster les brossailles, condayee onsahannonkiai, c’est à dire afin qu’on puisse aller doresnauant en toute seureté par les chemins, & de Village en Village. ”

“ Ceste Nation est fort docile, & sous la consideration des biens temporels vous les flechissez où vous voulez. Ils me respondirent tous, qu’ils n’adioustoient point foy à leurs deuins, & que c’estoient des abuseurs, qu’ils ne vouloient point d’autre Dieu que celuy que nous leur enseignions, & qu’ils feroient ce que nous leur dirions. Ie leur dis donc qu’ils deuoient detester leurs pechez, & se resoudre à bon escient à seruir ce Dieu que nous leur annoncions, & que doresnauant nous ferions tous les iours vne Procession pour implorer son ayde, que c’estoit ainsi que faisoient tous les Chrestiens ”

“ Ne nous font-ils pas responfables de ces dispositions de l’air ? & si Dieu ne nous inspire, ou que nous ne voulions pas cooperer à la foy des miracles ; ne sommes nous pas continuellement en danger, comme ils nous en ont menacé, de les voir courir sus à ceux qui n’auront point le tort ? Certes si celuy qui est la Verité mesme ne l’auoit aduancé, qu’il n’y a pas plus grande charité que de mourir par effect vne fois pour ses amis. ”

“ Souuent quelqu’vn des plus considerables prendra la parole, & confolera la mere & les enfans, tantost s’etendant sur les loüanges du defunct, loüant sa patience, sa debonnaireté, sa liberalité, sa magnificence, & s’il estoit guerrier, la grandeur de son courage : Tantost il dira, Que voulez-vous, il n’y a plus de remede, il falloit bien qu’il mourust, Nous sommes tous sujets à la mort, Et puis il y auoit trop long temps qu’il trainoit, &c. Il est vray qu’en cette occasion, ils ne manquent point de disçours. ”

“ Mon nepueu, voila ce que dit vn tel, que responds-tu à cela ? nous sommes perdus, car les bleds ne meuriront point. Si au moins nous mourrions par la main & les armes de nos ennemis, qui sont prests de venir fondre sur nous, encor à la bonne heure, nous ne languirions pas, mais si estans eschapez de leur fureur, nous tombons dãs la famine, c’est pour aller de mal en pis, qu’en penses-tu ? tu ne voudrois pas estre cause de nostre mort ? ”

“ Ie crains qu’il ne nous faille faire souvent de semblables reformes ; car tous les iours nous allons descouurans de nouueaux secrets en ceste science ; ce qui nous empesche d’enuoyer rien à imprimer pour le present. Nous en sçauons, graces à Dieu, tantoft suffisamment, tant pour entendre que pour estre entendus, mais non encore pour mettre au iour. C’est à la vérité vne chose bien laborieuse de vouloir comprendre de tous poincts vne langue estrangere, tres abondante, & autant differente de nos langues Europeanes qu’est le Ciel de la terre, & ce sans maistre & sans liures. ”

“ Quelquesois l’assemblée se fait au milieu du Village, si c’est en Esté, & quelquefois aussi en l’obscurité des forests à l’ecart, quand les affaires demandent le secret : le temps est plustost de nuict que de iour, ils y passent souuent les nuicts entieres.
Le Chef du Conseil est le Capitaine qui l’assemble. Les affaires s’y decident à la pluralité des voix, où l’authorité des Chefs en attire plusieurs à leur opinion : de fait la commune façon d’opiner est de dire aux Anciens. ”

“ Les gages ordinaires de ces Messieurs sont assignez sur la force de leurs bras, sur leur diligence & bon menage : s’ils essartent mieux que les autres, s’ils chassent mieux, s’ils peschent mieux ; bref s’ils sont heureux à la traitte, ils sont aussi plus riches qu’eux ”

“ Que s’il est question des vertus au fonds, ie me glorifieray, non pas en moy, mais au partage qui m’est escheu, ou s’il faut le recognoistre humblement au costé de la Croix, que nostre Seigneur de sa grace nous donne à porter apres soy ; il est certain que ce Pays, ou l’employ que nous y auons, est beaucoup plus propre à engraisser vne ame des fruicts du Ciel, que de ceux de la terre. ”

“ N’est-il pas vray à ouïr tout cecy, & plusieurs autres traicts de gourmandise, que i’obmets par bienseance, de dire, que si Regnum Dei non est esca & potus ; si le Royaume de Dieu n’est pas à boire & à manger ; si est bien celuy que le Diable a vsurpé sur ces pauures aueugles. Plaise à nostre Seigneur auoir pitié d’eux, & les deliurer de cette tyrannie. ”

“ On dit que les victoires que ceste Fille du Ciel emporte sur son ennemy, se gagnent en fuyant ; mais ie croy que c’est Dieu sans plus, qui fait fuyr ce mesme ennemy aux plus grandes occasions, deuant ceux qui ne craignans rien tant que ses approches, vont la teste baissée, & le cœur plein de confiance en sa Bonté, où sa gloire les appelle. ”

“ Nous taschons de purifier ceste intention, & les disposer à reveuoir également de la main de Dieu la maladie & la santé, la mort & la vie, & leurs enseignons que les eaux viuifiantes du S. Baptesme, nous conferent principalement la vie de l’ame, & non celle du corps. Cependant ils ont de ceste opinion si fort imprimée, que les baptisez, nommément les enfans, ne sont plus maladifs, qu’ils l’auront tãtost diuulguée & publiée par tout, de sorte qu’on nous apporte plusieurs enfans à baptiser de deux, de trois, voire mesmes de sept lieuës. ”

“ Sortons-nous hors du logis, le Ciel nous est ouuert, & ces grands bastiments, qui portent leur teste dans les nuës, au milieu des bonnes villes ne nous en dérobent point la veue ; de façon que nous pouuons faire nos prieres en toute liberté deuant ce bel Oratoire, que sainct François Xauier aymoit mieux qu’aucun autre. ”

“ COmme ces pauures Sauuages pour estre hommes n’on pu mécognoistre Dieu tout à fait, & pour estre vicieux n’en ont sceu auoir que des conceptions indignes de sa grãdeur, ils ne l’ont ny cherché, ny recogneu qu’en la surface des creatures, où ils ont esperé leur bon-heur, ou redouté quelque malheur. Ils s’addressent à la Terre, aux Riuieres, aux Lacs, aux Rochers dangereux, mais sur tout au Ciel, & croyent que tout cela est animé, & qu’il y reside quelque puissant Demon. Ils ne se contentent pas de former de simples vœux, ils les accompagnent souuent d’vne espece de sacrifice. ”

“ Que pour eux s’ils vouloient aller au Ciel nous leur enseignerions le chemin ; & pour autant que toutes les affaires d’importance se font icy par presens, & que la Pourcelaine qui tient lieu d’or & d’argent en ce Pays, est toute puissante, ie presentay en ceste Assemblee vn collier de douze cens grains de Pourcelaine, leur disant, que c’estoit-là pour applanir les difficulez du chemin du Paradis, ce sont les termes dont ils font quelques presens pour venir à bout de quelque difficile entreprise. ”

“ Les sepultures ne sont pas perpetuelles ; comme leurs Villages ne sont stables que pour quelques années que dure la commodité des bois : les corps ne demeurent dans les Cimetieres que iusques à la feste des Morts, qui se fait d’ordinaire de douze en douze ans. ”

“ Les ames qui sont plus fortes & plus robustes, ont leur rendez-vous, comme i’ay deja dit, vers l’Occident, ou chaque Nation a son Village particulier, & si l’ame d’vn Algonquin estoit si hardie de se presenter au Village des ames de la Nation des Ours, elle n’y seroit pas la bien venue. ”

“ Ces bonnes gens ne sont pas comme beaucoup de Chrestiens, qui ne peuuent souffrir qu’on leur parle de la mort, & qui dans vne maladie mortelle, vous mettent en peine toute vne maison pour trouuer moyen de faire porter cette nouuelle au malade, sans le faire mourir par auance. Icy quand on desespere de la santé de quelques-vns, non seulement on ne fait point de difficulté de leur dire, que c’est fait de leur vie ; mais mesme on prepare en leur presence tout ce qui est necessaire pour leur sepulture : on leur monstre souuent la robbe, les chausses, les & la ceinture qu’ils doiuent emporter ”

“ Adioustez à tout cela que nostre vie ne tient quasi qu’à vn filet, & si en quelque lieu du monde que nous soyons nous deuons attendre la mort à toute heure, & auoir tousiours nostre ame entre nos mains, c’est particulierement en ce pays. Car outre que vostre Cabane n’est que comme de paille, & que le feu y peut prendre à tout moment, nonobstant le soin que vous apportez pour destourner ces accidens, la malice des Sauuages vous donne sujet de ce costé-là d’estre dans des craintes quasi perpetuelles : vn mescontant vous peut brusler, ou fendre la teste à l’escart. ”

“ Cependant il ne desista point de son dessein, & encouragea si bien ce petit animal qui luy restoit de compagnie, qu’il se resolut en fin de se plonger, & comme il ne s’imaginoit pas qu’il y eust si peu de fond, il le fit si rudement, qu’il se heurta bien fort contre la terre, & en rapporta le muzeau tout couuert de vase ; l’homme bien resiouy de ceste heureuse descouuerte, l’exhorte de continuer, & d’apporter de la terre pour croistre ceste Islette ; ce qu’il fit auec tant d’assiduité, qu’il luy fit perdre son nom, & la changea en ces vastes campagnes que nous voyons. ”

“ Ce tonnerre, à son conte, est vn homme semblable a vn coq-d’Inde ; le Ciel est son Palais, il se retire là quand l’air est serain ; il en descend & vient sur terre faire sa prouision de couleuures & de serpens, & de tout ce qu’ils appellent Oki, quand les nues grondent ; les éclairs se font à mesure qu’il étend ou replie ses aisles. ”

“ Au reste la diuine Bonté, qui agit en nous suiuant la mesure de la Foy, a conserué iusques à present ces petits enfans en bonne santé : de sorte que la mort de ceux qui sont decedez, a esté attribuée aux maladies incurables & desesperées dont ils estoient malades auparauant, & si quelqu’autre a esté parfois atteint de quelque petite maladie, les parens bien qu’encore infideles l’ont rapportée à la négligence & au mespris qu’ils ont fait paroistre au seruice de Dieu. ”

“ Il y a quelques villages assez bien fortifiez, où on pourroit demeurer, & attendre le siege & l’assaut, ceux qui peuuvent s’y retirent, les autres gagnent au pied, ce qui est le plus ordinaire, car le petit nombre d’hommes, le manquement d’armes, le grand nombre d’ennemis, leur font redouter la faiblesse de leurs forts, il n’y a que les vieilles gens qui pour ne pouuoir aller attendent de pied quoy la mort dans leurs Cabannes. Voila où nous en sommes d’ordinaire. Cet Hyuer nous fusmes sur le poinct de fuyr, mais où cacher nos petites commoditez ? ”

“ Persone n’ose leur contredire ; ils sont continuellement en festins, qui se font par leur ordonnance. Il y a donc quelque apparence, que le Diable leur tient la main par fois, & s’ouure à eux pour quelque profit temporel, & pour leur damnation eternelle. ”

“ Maintenant pour ce qui est de l’habitation, du viure, & du coucher, oseray-ie dire à vn cœur si genereux, & qui se mocque de tout ce que i’en ay touché cy-dessus ; qu’encore bien que nous n’ayons en cecy gueres d’auantage par dessus les Sauuages, neantmoins ie ne sçay comment la diuine Bonté adoucit tout ce qu’il y pourroit auoir de difficile, & tous tant que nous sommes nous trouuons tout cela quasi aussi peu étrange que la vie de France. ”

“ Oüyda, repart l’autre, à la bonne-heure ; allez, prenez courage, vous voila tantost au Village des ames, vous y trouuerez ce que vous desirez ; toutes les ames sont maintenant assemblées dans vne Cabane, ou elles dansent pour guerir Aataenisic, qui est malade ; ne craignez point d’y entrer, tenez voila vne courge, vous y mettrez l’ame de vostre sœur ; il la prend, & demande en mesme temps congé à son hoste, bien aise d’auoir fait vne si bonne rencontre. Sur le depart il luy demade son nom. Contente toy, dit l’autre, que ie suis celuy qui garde la ceruelle des morts ”

“ Quelques-vns nous disent, Pensez-vous venir à bout de renuerser le Pays, c’est ainsi qu’ils appellent le changement de leur vie Payenne & Barbare, en vne vie ciuile & Chrestienne ? Nous respondons que nous ne sommes pas si presomptueux, mais que ce qui est impossible aux hommes, est non seulement possible, mais facile à Dieu. ”

“ Que tout leur faict soit tromperie ou imagination, cela ne s’accorde gueres bien auec le credit qu’ils ont acquis, & le long-temps qu’il y a qu’ils font cette profession. Quel moyen que leurs fourbes n’eussent point este decouuertes depuis tant d’années, ou que leur mestier eust este si bien accredité, & si bien recompensé de tout temps, s’il n’eust iamais reüssy que par pure fantaisie. ”