Catherine Des Roches

“ Las nous t’avons causé tant de mal & d’ennuy !
Et tu es de nous deux le baston et l’apuy :
Tu es nostre bon-heur, nostre plaisir, nostre aise,
Et sans toy nous n’auons aucun bien qui nous plaise
Nous n’auons autre espoir de la posterité
Qu’en toy nostre seul fils, & t’auons irrité !
En toy nostre seul fils, nous auions toutes choses,
En l’ame de toy seul trois ames sont encloses,
Et nous t’auons chassé ! ah Dieu quel creue cueur ! ”

“ Quand vous sautelez en un sein,
Fuyant la rigueur d’une main.
Quelquesfois vous faites la morte,
Puis, d’une ruse plus accorte,
Vous fraudez le doigt poursuivant,
Qui pour vous ne prent que du vent. ”

“ Comme celles qui sont vivantes feront connoistre a la posterité, empéchant leurs renommées de mourir, par la perfection de leurs vertus & sciences. Autres, que le temps & la mort ont fauchées en fleur, resembleront l’Amarante, qui ne pert jamais sa beauté. Mais quel est cet image qui se presente a moy avec une douce melancholie ? ”

“ Pour adoucir les mœurs.
Si l’ame est harmonie
Qui par diuins accords
Diuinement se lie
Pour animer noz corps
Si l’eternelle dance
Qui faict mouuoir les Cieux
Imite la cadance
D’vn son harmonieux. ”

“ Hé ! pourquoi ne veut-elle pas
Que vous preniez vostre repas ?
Vostre blesseure n’est cruelle,
Vostre pointure n’est mortelle,
Car, en blessant pour vous guerir,
Vous ne tuez pour vous nourrir. ”

“ Chasse l’orgueil de toy, car la presumption
Entresne ses subjets tous à perdition.
Qui t’aura fait plaisir, vueilles luy aussi plaire :
Ne retiens le Loier du pauvre mercenaire :
Ne fasche ton prochain & ne fais envers luy,
Que ce que tu voudrois mesmes souffrir d’autruy,
Mange auecques le iuste & monstre que tu l’aimes,
Couvre ceux qui sont nuds de tes vestemens mesmes :
Ne frequente iamais les hommes vicieux,
Suis le conseil du sage & honore le vieux.
Benis Dieu en tout temps & tousiours luy demande
Qu’il adresse ton cueur, où sa loy te commande. ”

“ Les Femmes simples & de foible entendement ressemblent ces rares nüées, qui craignant de fondre vont fuïant l’Astre journalier, ou s’il passe au travers d’elles, il n’y reste aucune trace de ses raions, mais comme la nue espaisse reçoit la clarté du Soleil, redoublant plusieurs fois en elle cete belle face, qui la rend illustre : Ainsi la Femme prudente, aiant rendu son Esprit fort par les discours de la Philosophie morale, reçoit humblement tel image, que luy veut donner son Mari, de qui le bien-aimé pourtrait paroist toujours en ses pensées, en ses paroles, & en toutes ses actions. ”

“ Qui follatre tousiours dans ta gaye verdure :
Prin-temps fils du soleil cher mignon de nature,
Delices des humains qui doucement nourris,
Tant & tant d’animaux, qui fussent tous peris,
Sans tes herbes & fleurs qu’ils ont pour nourriture. ”

“ Miracle est un euvre de Dieu, & non pas d’Homme : Seulement je veus nourrir ma Fille, en une chaste-gaie solitude, lui donnant pour exemple les illustres vertus des Dames excellentes, que je desire qu’elle ensuyve. ”

“ À sa nativité.
Toute chose a son terme,
Et ne le peut passer,
L’inconstance est plus ferme
Qu’on ne sçauroit penser.
La seure sapience,
Suit la grand’-vnion,
Et l’humaine science
N’est rien qu’opinion. ”

“ Apres avoir veu ce que les livres enseignent sans courroux & sans flaterie, (car ilz sont maistres qui monstrent franchement) elles tâchent de faire leur devoir envers leurs espoux, leurs ménages, leurs familles, leurs parens, se maintenant humbles, modestes, & officieuses envers tout ce qui leur apartient. Elles n’ont pas loisir de recevoir une affection impudique. Sev. Je le croy bien, aussi les femmes que l’on voit mal-famées par leurs fautes, n’ont point d’esprit, & ne sçavent rien que satisfaire aux deshonnestes sentimens. ”

“ Et la Deité encores.
Meurdrir le pere & le frere
Comme Oedipe ou Thyestes,
Comme nouueaux Orestes
Tuer l’innocente mere.
Dessous le tiltre honorable
De vaine religion
Semer la contagion
Dont la France est incurable. ”

“ Voire, mais une Femme s’obligeant pour son Mari, doit elle renoncer au Droit Velleien sans l’entendre ? Héé, ceux qui ont Femmes riches en ce pays, leurs font bien sçavoir qu’elles peuvent donner leurs meubles et acquestz, avec le tiers de leurs heritages aux maris sur-vivans : pource que la loy de la coutume le permet.
Seve. Les hommes font profession de trois sortes de sciences, avec lesquelles ilz pratiquent, de la Theologie, la Jurisprudence, & la Medecine. ”

“ Quant aux exterieures, ce seroit mal faict de comparer la main, & le pié, à l’œil & la bouche, pere & mere de la Philosophie : aussi ne voudrois-ie pas faire comparaison de vous à moy, bien que nous soyons toutes deux à vn mesme maistre qui nous a commandé de maintenir (moyennant son ayde) le mõde en son premier estre, vous pour despecer ce que ie fay de tout vostre pouuoir, moy pour luy donner vne force tousiours renaissante : ainsi ne sommes nous iamais oisiues. Vieil. Vrayement vous ne l’estes pas à parler, au-moins si vous auez autant de raison que de parolles, vous triomphez. ”

“ IE croy que le bonheur ne dépend que de nous,
Madame & gue chascun peut forger sa fortune :
Le fol trop indiscret se la rend importune,
Le sage la conduit d’vn mouuement plus dous.
La preuue s’en fait claire aux actions de roms,
Au theatre mondain de la fable commune,
Tous les humains enclos soubz le Ciel de la Lune,
Trament leur bien & mal leur plaisir & courrous. ”

“ Que d’vn homme mortel ie deuiens vn grand Dieu.
O bien-heureuse mort, cause de double vie !
Heureux amour qui fais que mon ame rauie,
Heureusement se meurt pour viure en si beau lieu.
Honneur de mes pensers, honneur de mes propos,
Honneur de mes escrits, Charite ma chere ame,
Charite mon soleil, ma singuliere Dame,
Royne de mon plaisir, douceur de mon repos.
Charite qui tenez mon cueur comme vn depos,
Mon cueur enuironné d’une si douce flame,
Et qu’un amoureux traict si doucement entame,
Que plus il est blessé plus ie me sen dispos. ”

“ Non, mais elles aprendront la parole Divine, pource qu’elle commande aux Femmes d’obeïr a leurs maris, ainsi que l’on peut voir dans Genese. Aiant des Enfans, il leur sera plus facile aussi de les maintenir en la crainte de Dieu, de leurs Peres, & d’elles mémes. Davantage elles se guident heureusement par les preceptes des vertus, qui sont les plus riches Benefices, que l’on puisse aquerir. Sev. J’aimerois mieux une Femme simple, qu’une qui voudroit subtiliser ses opinions. Aiant apris ce que vous dites elles s’estiment trop fortes. ”

“ B. He que ie suis mal-heureuse de m’estre venue ranger icy aupres du plus grãd ennemy que i’ay en ce monde ? Si maintenant ie ne suis aydée par la faueur de son bandeau qui me rende inuisible à luy, ie suis en dãger d’estre prise : O Dieu je pense qu’il me voit, il vole apres moy, où fault il que ie fuye ? A. Où allez vous si tost beauté, ie veux parler à vous s’il vous plaist, attendez moy vn peu. B. Si vous ne voulez que parler, ie suis preste de vous entendre : Mais ie crain beaucoup plus voz mains que vostre bouche. ”

“ Les Femmes ne doivent jamais étudier. Plac. Pourquoy haissez vous tant les innocentes Muses ? Et qui vous meut a les vouloir chasser de vostre chambre, de vostre table, de vostre feu, vu qu’elles ny despendent rien, & profitent beaucoup ? Sev. Je sçay que les lettres sont entierement inutiles aux Femmes. Plac. Comme elles sont aux Hommes ! Seve. Vous moquez. Aprendront elles la Theologie, pour se presanter en chaire, faire un Sermon devant le peuple, aquerir des Benefices ? ”

“ Et que i’ayme voz mains qui m’ont pris & lié.
Que i’ayme vostre poil blond crespe & delié
Qui tient dedans ses laqs ma liberté rauie.
Vous tenez tellement ma raison asseruie
Par un regard meslé de honte & de pitié,
Voz mains serrent si fort le nœud de l’amitié
Et vostre poil doré si doucement me lie :
Que plustost que sortir de ma captiuité,
Que plustost que manquer à ma fidelité,
Que plustost que faillir à si digne maistresse,
Ie veux mourir cent fois en ma douce prison
Laissant ma liberté, ma vie & ma raison
Dans voz yeux, dans vos mains & vostre blõde tresse. ”

“ Car ie n’aime personne en ce monde que moy : aussi n’ay-ie occasion d’aimer aucun. Pla. Hé dea ! n’auez vous point cause de tenir vostre Fẽme chere ? Sev. Ah ! qu’il vous est aisé à dire pour-ce que vous n’en auez plus. Que ie voudrois de bõ cueur estre aussi heureux cõme vous ! la vostre est morte & la miẽne seulemẽt absente : qui par sa déplaisante vie me fait mourir a toute heure. Pla. Nous auõs les opiniõs fort diuerses de nos Femmes, qui estoient peut estre encore plus diferentes entre elles. Sev. Ie ne sçaurois pẽser qu’il y ait diference :
Car toutes sont des Hommes aduersaires. ”

“ Alentissent du tout la vertu de noz ames,
Elançoit dens noz cœurs mille flambeaux ardans :
Mais nostre chasteté qui gardoit cette place
Changeoit incontinent les ardans feux en glace,
Empeschant que l’amour ne logeast au dedans. ”

“ Vraiment si l’on estime utile tout ce qui est honneste, elles font assez de gain suivant des exercices tant louables. Au demeurant il ne faut croire que les Filles vertueuses veulent composer de leurs graces & perfectons aucuns liens amoureux, pour surprendre les Hommes. ”

“ Les Princes seront serfs, & les serfs Empereurs
Qui frapperont les Dieux avec le tonnerre.
Plustost seront les Cieux à la terre pareils,
Plustost aparoistront mill’& mille soleils,
Dans le centre profont de cette lourde masse,
Plustost seront tousiours les hommes sans couroux,
Tous les pensers plustost se liront en la face,
Que ie puisse jamais aymer autre que vous.
Ce qui me rend pour vous le cueur tant allumé,
Charite mon doux feu, c’est qu’vne mesme flame,
Embrase vostre cueur, vostre esprit, & vostre ame,
Et que ie suis de vous vniquement aymé. ”

“ Si l’Amour luy descoche vn beau trait de sa trousse,
Si son Amant la treuue humble, courtoise & douce,
C’est viure mille-fois & mille-fois mourir.
Flev.
Ie ne mourray iamais aymant de telle sorte.
Viol.
Vous n’aymerez iamais, si vostre ame en foy morte
N’est vive en son aymée.
Flev.
Il me plaist d’estre ainsi,
D’aymer sans paßion.
Viol.
Moy bien que ie souspire
Enflamé des vertus & beautez que i’admire,
Ie treuue mes plaisirs au sein de mon souci.
Flev.
Ma Maistresse s’en vient, ô mon Dieu qu’elle est belle,
La voyez vous Berger ? chantons pour l’amour d’elle. ”

“ Aussi vous nourrissez les flambeaux de noz vies
Qui sans vous, saines eaux, nous seroient tost rauies.
O belles, voz vertus decorent les pays :
Mais pour Dieu dittes moy de ce lac de Says,
Lequel rendoit de nuict (sur vous representee)
Toutes les passions d’vne ame tourmentee.
Nymphes dictes le moy ces merueilleux secrets :
Pour m’estre reuelez n’en seront moins sacrez,
Ie ne les diray point, o miracle du monde !
L’esprit de noz esprits nage dedans vostre onde
Qui nous reiette en l’œil par voz perfections
Le simulachre aymé de noz affections. ”

“ Ie voy les yeux fermez, le discours en absence.
O gracieux penser tu charmes doucement
Mes sens qui sont par toy priuez de sentiment.
Flevrion.
Le Ciel me rit tousiours ie saulte d’alegresse,
I’oeillade les beautez de ma chere maistresse,
Ie nourris mon esprit de ses propos tant dous,
Ie suis favorisé de la fortune heureuse,
Et i’ay tant de plaisir en ma vie amoureuse,
Que le Bonheur seroit de mon bonheur ialous. ”

“ Vous pouuez, sainctes eaux, les guerir de la rage,
Et du fondre tonnant vous empeschez l’orage.
Lüy ouurant le chemin pour le faire couler
Auec moins de fureur par le vuide de l’air,
Tant de proprietez se trouuent aux fontaines
Qui soulagent les maux dont noz vies sont pleines. ”