Ligdamis

“ Ligdamis est aussi honneste homme qu’il estoit autrefois : & il vous aime autant qu’il a jamais fait. Ha Ismenie, s’escria-t’elle, ce que vous dites là n’est pas vray ! & quelles prennes en avez vous ? luy dis-je, cent, repliqua-t’elle, si bien que je vous puis assurer que vous vous trompiez, quand vous disiez un jour que l’amour ne pouvoit devenir amitié : estant certain que les sentimens que Ligdamis a pour moy presentement, ne sont tout au plus que ce que je dis. ”

“ Ainsi craignant tantost la perte de la vie de Ligdamis, & tantost celle de la reputation ; elle estoit si affligée, qu’on ne pouvoit l’estre davantage. Mais à la fin, apres avoir imaginé cent choses differentes ; je m’advisay de luy proposer d’avertir un Parent de Ligdamis qui estoit à Ephese, de ce qui s’estoit passé : afin que lors qu’Hermodore seroit le lendemain chez elle, il y vinst la force à la main & qu’il se faillit de sa personne : luy disant qu’il avoit sçeu que Ligdamis estoit en sa puissance : & qu’enfin pour estre delivré, il faloit le delivrer. ”

“ Ces deux nouvelles avantures nous ayant esté racontées en un mesme jour, Cleonice, Ligdamis, & moy estant ensemble ; Cleonice se mit suivant sa coustume à exagerer les bizarres effets de l’amour : Ligdamis apres avoir esté quelque temps sans parler, luy dit qu’elle confondoit les choses : puis qu’il estoit vray que ces especes d’extravagances, estoient plustost causées par la folie de ceux qui les faisoient que par l’amour, qui effectivement n’avoit point de place en leur ame : car enfin, dit-il, Artelinde & Phocylide n’aiment point. ”

“ Que n’y ayant trouvé qu’une Femme, il l’avoit contrainte de parler, & de luy dire qu’il estoit vray que Ligdamis avoit esté pris chez elle, mais qu’il venoit d’en sortir avec deux de ses Gardes. Cleonice me dit encore que ce Parent de Ligdamis estoit allé se refugier chez un ennemy d’Hermodore, jusques à ce que l’on sçeust ce qui arriveroit de ses blessures. ”

“ Apres cela, Ligdamis s’estant fortement déterminé, vint chez Cleonice : qui ne le vit pas plustost, qu’elle se mit à rire, afin de luy faire voir qu’il ne l’avoit pas trompée, & que sa fourbe avoit mal reüssi. Mais Madame, la joye de Cleonice ne fut pas contagieuse pour Ligdamis : au contraire, connoissant par l’air enjoüé de son visage, qu’elle ne l’avoit pas entendu comme il vouloit l’estre ; il nous parut si serieux & si interdit, qu’on ne peut pas l’estre davantage. Neantmoins Cleonice ne laissa pas de prendre la parole, suivant son premier dessein ”

“ Ligdamis, comme le plus honneste homme, estoit estimé de tout le monde, quoy qu’il ne donnast son amitié à qui que ce fust : Phocylide aimoit tout ce qu’il y avoit de beau dans la ville, ou du moins en faisoit semblant : Artelinde estoit aimée de plusieurs, & vouloit l’estre de tous : & Cleonice sans avoir dessein de faire des conquestes, en faisoit pourtant beaucoup. ”

“ En effet, dit Ligdamis, la belle Cleonice a raison ; puis que du moins ceux cy n’ayant pas l’esprit trop engagé, ont tousjours la conversation enjoüée ; ils ne parlent que de musiques ; de bals ; de promenades ; de Festes ; & de plaisirs, où les autres peuvent prendre part : mais ces Amants effectifs, plus ils sont amoureux & fidelles, plus ils sont renfermez en eux mesmes, & plus ils sont propres à troubler la joye des autres gens. Mais tout à bon Ligdamis, dit Cleonice, ne vous desguisez vous point, & pensez vous effectivement ce que vous dites ? ”

“ Estoit Ligdamis ? mais il n’en voulut rien faire : de sorte que passant tout d’un coup des prieres aux menaces, elle luy dit tout ce que la colere, & la douleur peuvent faire dire, à une personne qui aime. Puis un moment apres, craignant que cela ne hastast la perte de Ligdamis, elle passoit encore des injures aux supplications : mais comme elle ne pouvoit pas dire à Hermodore qu’elle l’espouseroit, il la quitta sans changer de sentimens : luy disant tousjours qu’il sçauroit sa response le lendemain : & qu’il luy donnoit ce temps là à se resoudre ”

“ Car Ligdamis aprenant à Artabase, que Cyrus avoit esté pris, le desespera estrangement ; & Adusius aprenant en fuite à Tigrane, que le Roy d’Assirie l’estoit aussi, & à Ligdamis que le Prince Artamas estoit blessé & prisonnier tout ensemble ; ils n’eurent plus rien à faire, qu’à mesler toutes leurs douleurs. Mais enfin la nuit estant venuë, & Ligdamis, qui sçavoit tous les détours du Bois, estant allé descouvrir s’il estoit seur pour eux de s’en retourner : trouva en effet qu’il n’y avoit plus personne, & que toutes les Troupes estoient passées. ”

“ Pour moy, dit Cleonice, je suis si espouvantée de vous entendre parler comme vous faites, que je ne sçay presques ce que je dois dire : si ce n’en : qu’il ne se faut fier à personne, & se deffier mesme de sa propre raison. C’est pourquoy Ligdamis, luy dit elle, il faut que je vous refuse ce que vous voulez : & que je vous prie de ne me voir plus, ou du moins de ne me voir de tres long temps. Vous voulez donc que je meure ? ”

“ Ligdamis raconta à Cleonice, toutes ses souffrances & toutes ses inquietudes, depuis qu’il estoit party : mais comme elle ne vouloit pas luy dire les sien nés, ce fut moy qui malgré elle luy en apris une partie : ce qui luy donna tant de joye, qu’il ne pensa jamais se lasser de me remercier, de luy avoir apris une chose qui luy estoit si glorieuse. Nous passasmes donc tout le soir ensemble : Cleonice luy faisant promettre qu’il partiroit le lendemain à la pointe du jour, ne voulant pas l’ex poser plus long temps au danger d’estre descouvert. ”

“ Il en faloit pourtant excepter Ligdamis, qu’elle ne pût jamais assujettir, quelque soing qu’elle y peust prendre : il est vray qu’elle disoit pour sa consolation qu’il ne l’avoit jamais esté par personne : & en effet Ligdamis n’avoit jamais rien aimé, & mesme selon les aparences il ne devoit jamais rien aimer. ”

“ Cependant Ligdamis se trouva fort surpris, de sentir que peu à peu sa tranquilité estoit troublée sans en voir de cause aparente : sa fortune estoit en meilleur estat qu’elle n’avoit jamais esté ; sa santé n’estoit point mauvaise ; il ne pouvoit pas estre mieux avec Cleonice qu’il y estoit ; & il ne luy manquoit rien pour estre heureux, que de se le croire comme il faisoit quelque temps auparavant. Sa raison luy disoit encore quelques fois qu’il l’estoit, mais il ne se le trouvoit pourtant plus, sans pouvoir dire ce qui l’en empeschoit. Quand il ne voyoit point Cleonice, il ne pouvoit durée ”

“ Il faut ne se fier à personne : il faut n’aimer qui que ce soit : & il faut vivre enfin avec autant de precaution parmy ceux qui se disent nos Amis, qu’avec ceux qui se declarent estre nos ennemis. Elle resolut pourtant de ne dire pas encore à Ligdamis ce qu’elle croyoit sçavoir de luy : ne sçachant pas mesme encore bien si elle luy feroit seulement la grace de l’accuser de son crime, & de le luy reprocher.
Comme elle estoit donc en cet estat, Ligdamis entra dans sa Chambre, qui venoit de la part de Stenobée la querir pour aller à son Apartement. ”

“ Carie ne veux pas dire, adjousta-t’elle, que vostre mal heur l’ait augmentée : puis que ce seroit faire tort à vostre merite, & à l’affection que vous avez pour moy, si ces deux choses n’avoient pas fait naistre dans mon cœur, toute l’amitié dont il est capable. Comme ce discours estoit assez obligeant, Ligdamis en fut transporté de joye, & il y respondit avec des paroles si passionnées, qu’il estoit aisé de voir que son ame estoit remplie d’une amour tres violente. ”

“ Cependant les frequentes visites de Ligdamis à Cleonice, commencerent de faire quelque bruit, & de blesser l’esprit d’Artelinde : qui ne pouvoit croire, suivant la coustume des Dames galantes, qu’il pûst y avoir de societé entre un homme & une Femme sans galanterie. Et comme elle avoit un despit estrange d’avoir fait tant de choses inutilement, sans pouvoir gagner le cœur de Ligdamis ; elle vint à les haïr tous deux. Phocylide en mesme temps desesperé de n’avoir jamais pû persuader Cleonice ”

“ Lors qu’il fut arrivé à sa Tente, il donna ordre à Feraulas d’avoir soing de ce Prisonnier, comme d’un homme de qui il vouloit gagner l’amitié : cependant comme il avoit remarqué certaines paroles que Ligdamis avoit dites, & que Cleonice avoit rougy deux fois en parlant de luy : il s’imagina qu’il en estoit amoureux, ou pour mieux dire il le connut. Toutesfois pour s’en esclaircir, il ordonna à Chrisante qui s’en retournoit à son Quartier, de dire à Araspe en passant, qu’il fist tout ce qu’il pourroit, pour sçavoir si Ligdamis n’estoit point amoureux de Cleonice ”

“ Si Ligdamis, adjoustay-je, estoit un homme que vous n’estimassiez point ; & que bien loin de l’estimer & de l’aimer comme vous faites, vous eussiez une aversion estrange pour sa personne ; & qu’en effet il la meritast ; que pourriez vous faire davantage ? je ferois beaucoup moins, me dit-elle le n’en comprends pourtant pas la raison : luy repliquay-je : toutesfois je ne laisse pas de vous croire : car ne voyons nous pas que vous laissez vivre Hermodore à Ephese, quoy qu’il y ait longtemps qu’il soit amoureux de vous ? ”

“ Vous adjoustiez à cela, que cette dangereuse passion, faisoit des fourbes des Amis les plus fideles : & qu’un Amant devoit tousjours estre regardé, comme un homme incapable de respondre de luy mesme : & comme un homme en estat de commettre tous les crimes qui pourroient servir à son amour. Voulez vous apres cela, Ligdamis, que je vous considere comme estant amoureux ? ”

“ Mais ma chere Ismenie, pour estre comme je le dis, il faut que cét homme ne soit point amoureux : car je vous confesse que je ne me confierois jamais à un homme qui le seroit. Comme nous en estions là, Ligdamis entra dans la Chambre, qui sçachant que Stenobée n’y estoit pas, avoit demandé à voir Cleonice : je ne le vy pas plustost entrer, que prenant la parole, venez, luy dis-je, Ligdamis, venez : car si vous ne me faites trouver ce que Cleonice cherche, je ne le trouveray jamais. ”

“ Ce bruit qui s’est espandu, s’esteindra bien tost : car comme vous le sçavez, Artelinde donne si souvent de nouvelles matieres de conversation, que je suis assurée que dans trois jours on ne parlera plus de l’amour de Ligdamis. Je vous conjure du moins, me dit-elle, de ne luy aller pas dire que je vous ay advoüé que je ne le pouvois bannir : Mais, luy dis-je en riant, puisque l’affection que vous avez pour luy n’est qu’amitié, pourquoy voulez vous luy en cacher la grandeur ? ”

“ Les autres, dis-je, en descouvrant leur affection, ne sont du moins pas en hazard de rien perdre ; & ils peuvent avoir autant de droit d’esperer, que de craindre. Mais pour moy, je suis presques assuré qu’en descouvrant la mienne, Cleonice m’ostera son amitié. Aussi bien, disoit-il un moment apres, ne sçaurois je plus me contenter de cette sorte d’affection : mais, reprenoit-il encore, je ne suis pas en pouvoir de luy en donner une autre : Ligdamis n’est pas pour Cleonice, ce que Cleonice est pour Ligdamis : toutesfois puis que mon cœur a pû changer, pourquoy le sien ne changeroit-il pas ? ”

“ Elle empescha mesme diverses fois Ligdamis, de tascher de faire persuader à son Pere, de changer le dessein qu’il avoit de le marier : & de luy permettre de faire ce qu’il pourroit pour obtenir Cleonice de Stenobée : disant tousjours qu’il ne faloit point precipiter les choses, que peut-estre ne l’aimeroit-il pas tousjours ”

“ Cleonice donnoit pourtant quelques fâcheuses heures à Ligdamis : parce qu’elle ne pouvoit encore croire que l’amour pust estre durable. Ainsi quand elle luy avoit accordé qu’elle ne doutoit point que son affection ne fust tres grande : elle luy disoit en suite, qu’elle craignoit qu’elle ne la fust pas long temps : de sorte que l’on peut dire qu’elle se faisoit elle mesme des sujets d’inquietude, dans le temps où la Fortune ne luy en donnoit point. ”

“ Aussi bien le despit qu’elle avoit dans l’ame, ne luy eust-il pas permis de faire des visites ; & de passer le reste du jour à parler de choses indifferentes, en ayant une qui luy tenoit tant au cœur. Ligdamis, apres l’avoir veuë r’entrer dans sa maison, ne douta plus qu’il ne fust fort mal avec elle : il creut mesme que ce malheur ne luy estoit arrivé, que parce que quelqu’un y estoit fort bien : & il s’imagina enfin, que la Lettre qu’il avoit veuë, aussi bien que tout ce que Cleonice luy avoit dit, estoit une preuve convainquante, d’un attachement particulier. ”

“ Si bien qu’encore que Ligdamis ne demeurast pas d’accord que cette espreuve fust necessaire, toutesfois il avoit un si grand respect pour elle, qu’il n’osoit la presser de la chose du monde qu’il souhaitoit le plus ; & d’autant moins qu’en ce temps là il n’avoit aucune des inquietudes de l’amour, que la seule impatience. Car encore qu’Hermodore fust tousjours amoureux de Cleonice, que Phocylide le parust aussi estre assez souvent ”

“ Je veux, dit-elle, que vous m’aimiez si vous avez à m’aimer comme un honneste homme en peut aimer un autre : & je vous aimeray aussi de la mesme façon que j’aimerois une honneste Fille, si l’en connoissois une assez aimable, pour luy donner mon affection toute entiere. Je n’en demande pas davantage, respondit Ligdamis : je veux encore, adjousta-t’elle, que vous me promettiez avec ferment, que si par malheur vous sentez malgré vous que vous deveniez amoureux de quelque belle Personne, vous me le direz à l’heure mesme, afin que je vous assiste de mes conseils ; que je fortifie vostre raison ”

“ Quoy qu’il en soit Madame, adjousta-t’il, je vous aime, & je vous aimeray toute ma vie : de sorte que si mon amour vous est insuportable, il n’y a point d’autre voye de vous en delivrer, que de m’ordonner de mourir. Si vous le voulez, Madame, je m’y resoudray sans peine : car dés que je verray que la divine Cleonice sera capable de souffrir plustost ma mort que ma passion, le desespoir s’emparera si puissamment de mon ame, que je ne seray pas longtemps à luy obeïr. Parlez donc Madame, luy dit— il, voulez vous que Ligdamis vive ou qu’il meure ? ”