Jacques Androuet Du Cerceau

“ Le premier estage est élevé de quatorze pieds fous solive, non comprins trois piedz de montée, à l'entrée du logis, accommodé ausdicts quatre corps, de quatre salles, l'une de la longueur de tout le corps, qui est de vingt & cinq toises : laquelle salle ou allée, si bon semble, pourra estre departie comme les autres trois corps, qui font accomodez de chambres, & garderobbes : & outre en chacun des trois pavillons, audict premier estage y a salle, cabinet, chambre, garderobbe, & privez : & le quatriesme pavillon audict estage servant de cuisine, gardemanger, & fille commune. ”

“ A chacun costé d'icelle salle commune y a autre salle, de six toises & demye en longueur & quatre
toises en largeur, accompagnée, assavoir du costé des pavillons de derriere, d'antichambres, chambres, cabinets, garderobbes, chacun pavillon ayant fa montée, & les deux autres de devant chacun escallier : l'un d'iceux pavillons servant pour cuisine, gardemanger, & autres commoditez : l'autre accommodé de chambres & garderobbes pour les survenans. ”

“ E quarante & uniesme, est composé de quatre corps, en forme quarrée : ayant chacun angle un pavillon : & court au milieu du logis, de unze toises & demye en quarré, à l'entour de laquelle regne une gallerie faicte a arceaux, couverte en terrasse : ledict bastiment contenant trente sept toises en sa face & largeur, & autant en profondeur, comprins les faillies des pavillons : & en haulteur dix toises : comprins aussi huict piedz pour la fondation. ”

“ Sur le derrière y a un grãd corps de logis, cõposé de plusieurs mébres, assavoir, la face du codé d'icelle court est aornée de quatre pavillons, dont les deux des bouts servent d'escalliers, & sur le derriere dudict grãd corps, à chacũ bout y a un pavillon à trois estages, à chacun desquels y a une salle, accõpagnée de chãbre, cabinet, & garderobbe, assis audict grãd corps de logis, qui n'est élevé que de deux estages & galletas au dessus. Et pour la commodité desdictes salles, dedans oeuvre est une allée regnant d'un escallier à autre, ayant veue sur la court. ”

“ Le quatriesme estage est en galletas, élevé de neuf piedz fous son lambris, contenant pareils & semblables membres que l'estage de dessous. Tout lequel edifice monte & revient au nombre de mil cinquante toises, non comprins les caves, & privez, lesquels on pourra pratiquer à quelque coing de la court, & planchers non quarrelez. ”

“ Le premier corps est aorné dé trois pavillons, l'un au milieu, & en iceluy est l'entrée au logis, & les autres aux deux bouts, élevez de deux estages, & grenier au dessus : chacun d'iceux garny de montée, & chambre, & priuez à chacun estage : & entre lesdicts pavillons a chacun costé de l'entrée y a escuirie élevée d'un estage seulement, & grenier au dessus. ”

“ Pour mesurer une toise quarrée fur quelque superficie, soit terre, ou muraille, il convient entendre que la toise s'estend, &, multiplie par foy-mesme, tant fur la longueur, que largeur de la superficie : tellement qu'une toise de long, sur une toise de large, faict & produict une toise quarrée, valant trentesix piedz : car six piedz multipliez par six piedz, font trentesix piedz. ”

“ Aux deux angles de la court sur le derrière, sont deux pavillõs à quatre estages, leurs galletas dessus.
Le premier estage élevé de cinq piedz du rez de chaussée, & quatre piedz de descente, qui est neuf piedz d'elevation fous fa voulte. Iceluy estage accommodé à offices, & entre iceux deux pavillons : au milieu est un petit pavillon servant d'escallier pour les cinq corps de derrière.
Le deuxiesme estage des deux pavillõs susdicts est élevé de seize piedz fous poultre, accomodez de
poisle, salle, chambre, cabinet, garderobbe, privée & garnye de viz, assize au prochain corps. ”

“ Le troisiesme estage en galletas, a d'elevation unze piedz fous son lambry, de semblable commodite que le dessous, excepte les salles, sur lesquelles y aura chãbres & garderobbes, par le moyen des cloisons necessaires.
Ledict bastiment ayant pour fa commodité les deux escalliers susdicts, par lesquels, au premier estage est l'issue aux jardins par la gallerie : montant le tout, comprins deux fosses à privez, trente cheminées, caves, & tous planchers quarrelez, le nombre de trois mille cent toises. ”

“ E quarante deuxiesme bastiment contient en soy six corps de logis: dont les quatre du milieu ferment une court : autour laquelle, & joignant lefdicts quatre corps regne une gallerie couverte en terrasse : iceux quatre corps accommodez de salles, chambres, cabinets, estuves, & garderobbes, & au tres membres necessaires, élevez, asavoir les deux corps a dextre & fènestre, de trois estages, & leur galletas au dessus : & les deux autres fur le devant, & derrière, de deux estages, & leurs galletas. ”

“ E bastiment trenteneusiesme, contient en face & largeur, trente trois toises : en longueur, & profondité vingt deux toises demye : ayant au milieu une gallerie voultée à arceaux, à deux allées, ou
promenoirs : à chacun bout d'icelle gallerie y a deux pavillons, & court entredeux d'un & d'autre costé:
costé: milieu de chacune court, & joignant icelle gallerie, d'une part & d'autre, est un escallier, & au bout de ladicte gallerie a chacun costé sont deux viz, chacune servant a son pavillon, & entre deux d'icelles viz y a deux croisées, pour donner iour a la gallerie. ”

“ Supposé qu'une pierre quarrée contiéne six piedz de face, de tous ses costez : il est certain qu'elle contient une toise massive : assavoir, six piedz de long, sur six piedz de large, valans trente six piedz, &: encores six foys trente fix piedz pour son espoisseur & massif : qui font en tout deux cens seize piedz. Et s'il se trouve avec le nombre des toises cubes, quelques piedz, ou poulces, les fault avalluer, & multiplier fur lesdictes toises, piedz, & poulces, comme en la toise quarrée, & y adiouster la mesure de la profondeur ou espoisseur, comme dict est. ”

“ Les deux autres corps ont chacun trois pans de logis joignans & contiguz d'un & d'autre costé, ausi quatre corps, fermant un jardin : l'un desdicts corps servant pour escuiries, & l'autre partie à offices, & partie à salles communes & chãbres pour les survenans : estans lesdicts deux corps élevez feulement d'un estage, & greniers au dessus.
Tout ledict bastiment, garny de quatre vingts dixhuict cheminées, avec deux caves, les planchers desdicts quatre corps quarrelez, & les autres non, montant au nombre de six mil six cens soixante & dix toises. ”

“ Les dessaings de ce bastiment contiennent deux fueillets.
XVI.
E seiziesme basiment est en forme de croix: au milieu, & centre de laquelle y a une court ronde, de deux toises & demye de diametre, fermée en façon de tour a petits arceaux, couverte a sa sommité en dosme. ”

“ Nombre total desdictes toises de maçonnerie cinq cens trente neuf toises seize piedz. 539. t.16.p.
Quant aux vuydanges des terres massives pour les caves, elles ne font comprinses audict toisé dû bastiment susdict, ne semblablement au nõbre total des autres edifices du present livre : Parce qu'en plusieurs païs, faisant marché de la toise de maçonnerie, l'entrepreneur par mesme moyen est tenu faire icelles vuydanges massives, lesquelles aussi quelquefois le proprietaire faict faire par ses serviteurs à petitz fraiz. ”

“ Chose plus que necessaire à ceux qui veulent entreprendre de bastir : affin qu'avant que commencer l'edifice, on soyt adverty de la despense qu'il convient faire, et quel moyen on aura de le parachever : à faulte de quoy, plusieurs se trouvent bien souvent trompez, et deceuz. ”

“ Qui fera pour enrichir, & embellir de plus en plus cestuy vostre si florissant Royaume : lequel de jour en iour on voyt augmenter de tant beaux & sumptueux édifices, que doresnavãt voz fugectz n'auront occasion de voyager en estrange païs, pour en veoir de mieux composez. ”

“ Le grand pavillon contient en face hors oeuvre, huict toises, ayant sa cheminée au milieu faicte fur quatre arceaux à jour, & en quadrature : & sert ce mébre de salle, ayant veuë fur les quatre cours. ”