Jacques Androuet Du Cerceau

“ Ceste place est fermee d'une muraille portant tallut, ayant huit rauelins, assavoir quatre aiguts és quatre coings de la place , & quatre obtus assis au milieu des courtines, vn au milieu de chacune : & sur chacun rauelin est planté une tourelle quarree, ayant trois toises dans œuure. A lentour des courtines par le dedans, sur les rerraux, est vn berceau de charpenterie, ou treille de huit à neufpieds de large, couuert de vignes , ou couldroyes, ou bien de lierres. L'allee du terraut entre le logis & le berceau, a vingt pieds de large sur chacun des quatre costez. ”

“ Le premier estage est élevé de quatorze pieds fous solive, non comprins trois piedz de montée, à l'entrée du logis, accommodé ausdicts quatre corps, de quatre salles, l'une de la longueur de tout le corps, qui est de vingt & cinq toises : laquelle salle ou allée, si bon semble, pourra estre departie comme les autres trois corps, qui font accomodez de chambres, & garderobbes : & outre en chacun des trois pavillons, audict premier estage y a salle, cabinet, chambre, garderobbe, & privez : & le quatriesme pavillon audict estage servant de cuisine, gardemanger, & fille commune. ”

“ Le premier estage de ce bastiment, est deux ou trois pieds plus bas que le rez de terre de la court : & auquel on descend de dessous le perron, qui est sur le deuant par le milieu: Et seruira iceluy estage pour offices, desquelles on montera par le perron à descouuert, ou bien à couuert par les deux escalliers, estans és deux costez figurez au plan.
Du rez de la court faut monter sept ou huit pieds par ledit perron, pour venir à vne terrace estant deuant la salle. Et entre les deux efcalliers, desquels on va à la salle de chacun costé par les palliers desdits efcalliers. ”

“ Pareillement à l'imitation desdictz plans & dessaings, non seulement les maçons, charpentiers, & autres ouvriers, mais aussi ceux, qui se delectent à la pourtraicture, peuvent prendre instruction à bien dessaigner & accommoder tous logis & bastimens. Chose, qui apporte grand plaisir & proffit.
A PARIS,
La toise de France est divisée en six pieds, dont le pied cy notté & marqué contient douze poulces, & chacun poulce douze lignes. ”

“ Ceste allee est à l'entree du pont par le dehors,& est trauersante,ayant quatre toi- ses de large sur la loncytictit- au bout de laquelle,du costé de l'estang, y a vue descente par degrez ronds pour descédre à l'eauë: de l'autre costé d'icelle est l'entree à la baffe court,& au bout de ladite allee entre le logis du metayer & le iardin à fruias, est un petit iardin pour ledit metayer,ayant son logis à l'entree de ladite baffe court, lequel est accompagné de son fournil,& garderobbe. Sur le costé fenestre est l'escurie & estables pour bestes. ”

“ E quarante & uniesme, est composé de quatre corps, en forme quarrée : ayant chacun angle un pavillon : & court au milieu du logis, de unze toises & demye en quarré, à l'entour de laquelle regne une gallerie faicte a arceaux, couverte en terrasse : ledict bastiment contenant trente sept toises en sa face & largeur, & autant en profondeur, comprins les faillies des pavillons : & en haulteur dix toises : comprins aussi huict piedz pour la fondation. ”

“ Les deux corps estãts à dextre & à fenestre de la court,ont chacun de largeur deux toises dans œuure feulement, éleuez du rez de la court d'vn estage, & le galletas desfus: l'vn seruant de gallerie planchee à arcades par le deuant sur la court: au dessus d'icelle est vne gallerie en galletas,auec lucarnes:l'autre corps opposite est de pareille largeur, & hauteur, dans lequel se peut prendre quelques commoditez necessaires pour vn logis : fous iceux deux corps n'est besoing y faire offices, ains ce seront caues. ”

“ Sur le derrière y a un grãd corps de logis, cõposé de plusieurs mébres, assavoir, la face du codé d'icelle court est aornée de quatre pavillons, dont les deux des bouts servent d'escalliers, & sur le derriere dudict grãd corps, à chacũ bout y a un pavillon à trois estages, à chacun desquels y a une salle, accõpagnée de chãbre, cabinet, & garderobbe, assis audict grãd corps de logis, qui n'est élevé que de deux estages & galletas au dessus. Et pour la commodité desdictes salles, dedans oeuvre est une allée regnant d'un escallier à autre, ayant veue sur la court. ”

“ La closture de la court se peut faire de pierre, si bon semble, ou de terre, y faisant ; vne forte haye ou espallier, ou bien vn parappel de terre, éleué de trois ou quatre pieds. Es quatre coings se peut faire,si on veut,quatre petits forts ronds,ou quarrés de pierre, dont l'vn pourra seruir de colombier: on pourra faire les autres moindres, qui seruiront à quelques comoditez,& feront pour la defence du fossé.Ie ne mets en mon il calcul le toisage de la maçonnerie des clostures,ni des petites faillies estants es coings. ”

“ Le troisiesme corps, assavoir celuy de devant, & les deux des collez, fermans la grand court, ont d'elevation unze toises, à prendre du pied de la fondation, jusques au dessus de l'entablement : assavoir neuf toises pour l'elevation, depuis le rez de chaussée en sus, & deux toises pour ladicte fondation. Iceux corps accommodez : assavoir, celuy de devant à chambres & garderobbes, avec une gallerie à arceaux, sur la grãd court à son premier estage, servant au deuxiesme estage de salle, avec semblables chambres, garderobbes, & cabinetz, & à chacun bout dudict corps y a une mõtée, & privez. ”

“ Toutefois voulant faire seruir lestage bas à oiffces, au dessous de l'une des chambres se fera la cuisine, auec son gardemanger fous la garderobbe. Et fous l'autre chambre de l'autre costé se fera vn fournil , auec quelques commoditez.Sous la salle feront caues, toutesfois y aura vne allee de quatre pieds, voultee,regnant de la cuisine iusques au fournil,pour aller de l'un à l'autre, au milieu de laquelle fera l'entrec de la caue. ”

“ Pour mesurer une toise quarrée fur quelque superficie, soit terre, ou muraille, il convient entendre que la toise s'estend, &, multiplie par foy-mesme, tant fur la longueur, que largeur de la superficie : tellement qu'une toise de long, sur une toise de large, faict & produict une toise quarrée, valant trentesix piedz : car six piedz multipliez par six piedz, font trentesix piedz. ”

“ Pour employer & fournir un millier de tuile ordinaire, faut un cent & demy de latte quarree, mais quand la tuile est grande, il y entre moins de latte à la toise, par cc | qu'il ne faut latter si prés à prés qu'à la tuile ordinaire. ”

“ Se l'autre est vis à vis iceluy, seruant d'issue pour aller au iardin. Les corps de logis font ioignants & contigus entre touts ces six pauillons. Le principal d'iceux corps est à main fenestre en entrant, ayant au premier estage, qui est au rez de la court, une gallerie regnante d'vn pauillon à autre. Et au corps de logis, à main dextre, est seulement vne gallerie regnante : pareillement toute la distance d'entre les deux pauillons des coings. ”

“ Le premier corps est aorné dé trois pavillons, l'un au milieu, & en iceluy est l'entrée au logis, & les autres aux deux bouts, élevez de deux estages, & grenier au dessus : chacun d'iceux garny de montée, & chambre, & priuez à chacun estage : & entre lesdicts pavillons a chacun costé de l'entrée y a escuirie élevée d'un estage seulement, & grenier au dessus. ”

“ Pour h regard des offices, ie n'en ay point fait de mention, d'autant qu'au premier estage du rez de terre, il se pourra trouuer du lieu assez pour cuisines, & autres offices: Il est vray,q ue qui voudroit faire fous le grand corps de derriere vne voulte de sa longueur, là se trouueroit lieux & places de plusieurs commoditez d'offices, & dont les defeentes se prendroient es montees prochaines d'icelles. ”

“ Le quatriesme estage est en galletas, élevé de neuf piedz fous son lambris, contenant pareils & semblables membres que l'estage de dessous. Tout lequel edifice monte & revient au nombre de mil cinquante toises, non comprins les caves, & privez, lesquels on pourra pratiquer à quelque coing de la court, & planchers non quarrelez. ”

“ Es deux coings du grad corps du costé du iardin, sont cõme deux petits pauillõs, lesquels seruiront à chacun estage de petits cabinets : & qui ne voudra les faire seruir dés le bas il se pourra faire fous chacũ vne arcade voultee fort plaisante sur le iardin.
Toute la maçonnerie de la basse court (tant des clostures, lesquelles auront deux toises de haut du rez de terre, & trois pieds de fondation, que tous les bastimẽts comprins en icelle, excepté le logis seigneurial) reuient à quatre cens cinquante toises. ”

“ Aux deux angles de la court sur le derrière, sont deux pavillõs à quatre estages, leurs galletas dessus.
Le premier estage élevé de cinq piedz du rez de chaussée, & quatre piedz de descente, qui est neuf piedz d'elevation fous fa voulte. Iceluy estage accommodé à offices, & entre iceux deux pavillons : au milieu est un petit pavillon servant d'escallier pour les cinq corps de derrière.
Le deuxiesme estage des deux pavillõs susdicts est élevé de seize piedz fous poultre, accomodez de
poisle, salle, chambre, cabinet, garderobbe, privée & garnye de viz, assize au prochain corps. ”

“ Au milieu d'iceluy cft vne allee pour desassubjettir, tant la salle que les chambres: & à l'enrree est aussi vne allee ser; uant comme vestibule: & aux deux costez d'icelle, deux escalliers regnants de fond en comble. Tout le principal corps est couuert fous vn seul comble, sur le feste duquel est vne petite terrace couuerte de plomb, auec vn petit dosme, feruant, tant d'amortissement à ladite couuerture que d'vne guette, ou pour mettre vn horloge. ”

“ Le galletas élevé de dix piedz fous son lambry, de semblables mébres que dessous. Plus audict logis a un escallier servant à tout le logis, dixhuict cheminées, planchers quarrelez, valant la toise de plãcher toise de mur. Tout ledict bastiment montant unze cens soixante & dix toises. ”

“ Les commoditez du logis font, vne salle de vingt pieds de large, sur six toises deux pieds de long: es angles d'icelle,font quatre petits pauillons, lcfquels entrent dedans ledit corps de logis,qui font & rendent en partie la salle quarree comme vne chambre : & des deux costez d'icelle, ce font deux arcs, vn de chacun costé,voultez en parquets,qui donnent beauté a la salle par le moyen de ces renfondremens. Dans chacun d'iceux arcs se fera vne croisee, en forte que le iour se trouuera dedas ladite salle ou c ham bre des quatre costez. ”

“ E bastiment trenteneusiesme, contient en face & largeur, trente trois toises : en longueur, & profondité vingt deux toises demye : ayant au milieu une gallerie voultée à arceaux, à deux allées, ou
promenoirs : à chacun bout d'icelle gallerie y a deux pavillons, & court entredeux d'un & d'autre costé:
costé: milieu de chacune court, & joignant icelle gallerie, d'une part & d'autre, est un escallier, & au bout de ladicte gallerie a chacun costé sont deux viz, chacune servant a son pavillon, & entre deux d'icelles viz y a deux croisées, pour donner iour a la gallerie. ”

“ Le carrelage,tant du premier estage du rez de terre,que le deuxiesme, Se celuy des greniers,reuient à deux cens dix toises.
Les couuertures de tous les corps, couuerts en pauillons, comme le dessein de le-* leuation le monstre, reuiennent à cent quatre vingt toises.
Il y a cinq cheminees à chacun estage, & deux à celuy des offces, qui font douze pour le tout.
Il y a à chacun estage quatre croirees, & quatorze demies, qui font huid croisees & vingt & huitt demies, pour le logis, auec seize fenestres, tant simples que foufpi- raux,pour le iour de l'estage des ofifces & caues. ”

“ Au dessous du perron sont les offices, ausquelles faudra descendre du rez de | terre de trois ou quatre pieds,& icelles s'accomoderont selon le dessein du plan. Au petit corps de logis du milieu, qui est entre iceux pauillons, est l'escallier,auec quel- j ques cabinets, dont le passage susdit est entre deux. D'iceluy escallier on defeendra à couuert aux offices, & qui voudra à defcouuert par le perron. 'i Le iardin est au costé fenestre du logis du Seigneurjequel a vingt toises de largeur, il & vingt & cinq en profondeur,le tout enclos dans la place, comme dit est. ”

“ Les escalliers susdits font comprins en deux d'icelles, & peuuent iceux efcalliers seruir pour toutes les parties & estages de ce corps : car par iceux peut on aller aux greniers & commoditez qui font au deuxiesme estage de la baffe court: comme aussi en touts les membres du logis Seigneurial, estant sur la terrace.
Les quatre places voultees (ci dessus) font separees les vnes des autres par le moyen des allees qui le trauersent : & pourront icelles places, en leur premier estage, seruir de ji caues, celiers, & bûchers. ”

“ Il y a à chacun estage six crauees, & deux poultres, sans les petites du petit corps du milieu, & les combles.
Les trois petits pauillons des coings feruent de defense, & se couuriront de pierre de taille,en forme pyramidale,comme apparoit par le desseing de l'éleuation.
IL
E dessein demonstre vne masse de bastiment d'assez legere ordonnance, n'ayãt qu'vn estage manable, leq uel est éleué du rez de terre de cinq à six pieds : & dessous se pourra faire quelques caues, ou celiers, cõme le pre- mier plan le figure : la court fera sur le deuant, & le iardin sur le derriere. ”

“ Sur les costez dextre & fenestre de la grange, sont deux corps de logis, l'un desquels feru ira d'efcuries, & l'autre opposite d'estables à bestail: au dessus font greniers. Entre laditte grange & iceux corps, est de chacun costé une petite allee, de laquelle on va à une montée pour aller és greniers; d'iceux corps,& prochain icelles, font petites estables pour porcs,oisons,poullets d'Inde,& autres volailles. ”