Joachim du Bellay

“ Que la Langue francoyse n’est si pauvre que beaucoup l’estiment
Chap. i i i i .
IE n’estime pourtant nostre vulgaire, tel qu’il est maintenant, estre si vil, & abiect, cõme le font ces ambicieux admirateurs des Langues Grecque, & Latine, qui ne penseroint & feussent ilz la mesme Pithô, Déesse de persuasion, pouuoir rien dire de bon, si n’étoit en Langaige etranger, & non entendu du vulgaire. ”

“ d’autãt que chacune Langue à ie ne scay quoy propre seulement à elle, dont si vous efforcez exprimer le Naif en vn autre Langue obseruant la Loy de traduyre, qui est n’espacier point hors des Limites de l'Au&eur , vostre Diction sera contrainte , froide, est de mauuaise grace, Et qu’ainsi soit, qu’on me lyse vn Dem0!ihcne,& , Homer: Latinszvn Ciceron, 8: Vergile Frmg c0ys,pour voir Pilz vouxengendreront telles Afîeâions , voyre ainfi qu’vn Prothëe vous trànsfcrmeronr en diuerfes (0rtes,comme v0°, ième: lyfant ces Auëteurs en leurs Langues. ”

“ Car cõme les etrãgers venans à Athenes s’efforcoint de parler Grec, ilz tũboint souuẽt en ceste voix absurde βάρβαρας. Depuis les Grecz trãsportarent ce nõ aux meurs brutaux, & cruelz, appellant toutes nations hors la Grece, Barbares. Ce qui ne doit en riẽ diminuer l’excellẽce de notre Langue : veu q̃ ceste arrogãce Greque, admiratrice seulemẽt de ses inuentiõs, n’auoit loy ny priuilege de legitimer ainsi sa Nation, & abatardir les autres : comme Anacharsis disoit, que les Scythes etoint Barbares entre les Atheniens, mais les Atheniens aussi entre les Scythes. ”

“ Encores moins doit auoir lieu, de ce que les Romains nous ont appellez Barbares, veu leur ambition,& insatiable faim de gloyre : qui tachoint non seulement à subiuguer, mais à rendre toutes autres nations viles, & abiectes aupres d’eux : principalement les Gauloys, dont ilz ont receu plus de honte, & dommaige, que des autres. ”

“ Mais eux en guise de bons Agriculteurs, l’ont premierement transmuée d’vn lieu sauuaige en vn domestique : puis affin que plus tost, & mieux elle peust fructifier, coupant à l’entour les inutiles rameaux, l’ont pour échange d’iceux restaurée de Rameaux francz, & domestiques, magistralement tirez de la Langue Grecque, les quelz soudainement se sont si bien entez, & faiz semblables à leur tronc, que desormais n’apparoissent plus adoptifz, mais naturelz. ”

“ Ainsi donques toutes les choses, que la Nature a crées, tous les Ars, & Sciences en toutes les quatre parties du monde, sont chacune endroict soy vne mesne chose : mais pour ce que les hommes sont de diuers vouloir, ilz en parlent, & ecriuent diuersement. ”

“ De la sont nées en la Langue Latine ces fleurs, & ces fruicts colorez de cete grande eloquence, auecques ces nombres, & cete lyaison si artificielle, toutes les quelles choses non tant de sa propre nature, que par artifice toute Langue a coutume de produyre. ”

“ Toutesfois tu doibz penser, que les Arz, & Sciẽces n’õt receu leur perfection tout à vn coup, & d’vne mesme Main : aincoys par succession de longues Années, chacun y conferant quelque portion de son Industrie, sont paruenues au point de leur excellẽce. Recoy donques ce petit Ouuraige, comme vn Desseing, & Protraict de quelque grand & laborieux Edifice, que i’entreprẽdray (possible) de conduyre, croissant mon Loysir, & mon Scauoir: & si ie cõgnoy’ q̃ la Nation Frãcoyse ait agreable ce miẽ bõ vouloir (vouloir dy-ie) qui aux plus grandes choses a tousiours merité quelque louange. ”

“ Au contraire les faiz des autres nations singulierement des Gauloys, auant qu’ilz tumbassent en la puyssance des Francoys, & les faiz des Francoys mesmes depuis qu’ilz ont dõné leur nom aux Gaules, ont eté si mal recueilliz, que nous en auons quasi perdu non seulement la gloyre, mais la memoyre. ”

“ Recoy donques auecques ceste accoutumée Bonté, qui ne te rend moins aymable entre les plus petiz, que ta Vertu, & Auctorité uenerable entre les plus grãds, les premiers fruictz, ou pour myeulx dire les premieres fleurs du Printens de celuy, qui en toute Reuerence, & Humilité bayse les mains de ta R. S. Priant le Ciel te departir autant de heurense, & lõgue uie, et à tes haultes entreprises estre autãt fauorable, comme enuers toy il a eté liberal, uoyre prodigue de ses Graces. ”

“ A ce propos, ie ne puis assez blamer la sotte arrogance, & temerité d’aucuns de notre nation, qui n’etans riens moins que Grecz, ou Latins, deprisent, & reietẽt d’vn sourcil plus que Stoïque, toutes choses ecrites en Francois : & ne me puys assez emerueiller de l’etrange opinion d’aucuns scauãs, qui pensent que nostre vulgaire soit incapable de toutes bonnes lettres, & erudition : comme si vne inuention pour le Languaige seulement deuoit estre iugée bonne, ou mauuaise. A ceux la ie n’ay entrepris de satisfaire. ”

“ Cela faisant (fy-ie) les Romains ont baty tous ces beaux Ecriz, que nous louons, & admirons si fort : egalant ores quelqu’vn d’iceux, ores le preferant aux Grecz. Et de ce, que ie dy, font bonne peuue Ciceron, & Virgile, que volũtiers, & par Honneur ie nomme tousiours en la Lãgue Latine, des quelz comme l’vn se feut entierement adonné à l’Immitation des Grecz, contrefist & exprima si au vif la copie de Platon, la Page:Du Bellay - La Deffence, et illustration de la langue francoyse.djvu/24
D’amplifier la Langue Francoyse par l’immitation des anciens Aucteurs Grecz, & Romains. ”