Pierre Pichot

“ Car-buncles, enflure en l'aigne, ṡoubz l'aiṡṡelle, pres des oreilles, auecq douleur de la cuiṡṡe, du bras, ou du col, quelquesfoys auecq ṡpaṡme quand la tumeur eṡt au col. Aulcuns frappez de peṡte auant q ṡentir la fiebure, iectent la peṡte ou bubon ou boce à l'vng des emunctoires, qui eṡt ṡigne que le cueur eṡt fort, pouṡṡat hors le venin : mais la plus ṡouuent la fiebure commence auant le bubon ou boce ṡorte quelques iours, aulcunefoys ne ṡort ṡinon apres la mort : en quelques vngs on ne trouue que taches violetes ou noyres. ”

“ LE cueur, le foye, les trṡticules ṡoyent confortez ṡouuent par epithimes, à la maniere qui s'enṡuit.
* Prenez demye liure d'eaue ṡose, deux doigtz de bon vin odoriferant, vn peu de vinaigre roṡat, en y adiouṡtant pouldres de roṡes, ṡandaux, marguerites, coral, ṡaffran & vn peu de camphre, & ṡoyẽt eṡtuuées leṡdictes parties auecq piece d'eṡcarlate ou linge blanc vn peu tiede.
* On pourra auṡsi bailler l'Ecteuaire diambra, diamargatiton froit, ou aultres cordialz, ou de quelqu'opiate, ou condit cordial, comm'eṡt dict en la preṡeruation deṡṡus.
La maniere de viure, du malade. ”

“ Ie ṡcay bien qu' aulcuns medecins modernes ont ceṡte opinion qu'en peṡte, la ṡeignée enuyt plus qu'elle ne proficte : comm'en ceulx qui font enpoiṡonnez, ou mordus de chien enragé : & alleguet quelques rayṡons, & ie ne ṡcay quelles experiences. Mais puis que Galẽ.Auic. Paul. Aeginete, Manard et aultres medecins experimentez auecq'raiṡon, vṡent de ṡeignée pour ṡeicher le corps, pour diminuer la cacohymie & pouriture, pour alleger nature, & diuertir le venin du cueur, ṡuyurons leur conṡeil, attẽdu qu'en toute fiebure aigue auecq'pouriture la ṡeignée eṡt louée de Gal.ii.method. ”

“ Toutesfoys ne conuient endurer lỡguement fain ne ṡoif, car cela attireroit en l'eṡtomac les mauluaiṡes humeurs du corps. Frictions faictes par tout le corps les mains auãt que fortir du lict, et exercices mediocres deuant le repas en air clair & net, ṡont fort conuenables à purifier le corps des ṡuperfluitez, & augmenter la chaleur naturelle.
* En temps de peṡte on ne doibt guarir vieulx vlceres, ne crabotz ou fontenelles, ny hemorrhoides, ou rongnes ne goutes. ”

“ L'air eṡt infect par pluṡieurs manieres Par corps mortz non enterrez ne bruṡlez comme il aduient ṡouuent es guerres. Par eaues mortes, ou courantes par la ville, eṡquelles ṡont iectées ordures ou on laue choṡes immundes. Par chiens, chatz, poulaille morte, & autres charongnes iectées es rues, ou hors la ville pres les murailles. Par grand quantité de fumier, ou fiante, & boue laiṡṡée par les rues & ruettes ou en aultres lieux recluz Par pluṡieurs qui tiennent leurs maiṡons plaines d'ordures par negligence ou poureté. ”

“ De diṡputer ṡi peṡte eṡt nom ṡpecial d'vne maladie particuliere, ou nom cỗmṹ a pluṡieurs cṏme à fiebure, dyṡẽterie, plureṡis, auṡsi ṡi peṡte peult eṡtre ṡans fieure, & cỡmẽt ṡouvent viẽt enfleure ṡoubz l'aiṡṡelle & en l'aigne ṡãs peṡte, pourquoy la peṡte a ṡon cours plus en vne année & en vn pays qu'en autre, ie reṡerue telles diṡputes à aultre temps & lieu. ”

“ Lequel mot ṡignifie toutes maladies populaires, & ṡans differẽce venantes ṡur le peuple. Ou Peṡte, eṡt maladie populaire cauṡée d'vng vapeur veneneux & contagieux de cettaine putrefaction de l'air, attiré au cueur, & emporte & tue la plus grand part des malades.
Toutesfoys le vulgaire n'entend par peṡte qu'vne tumeur contre nature & apoṡteme ou boce, venant ṡoubz les ayṡṡelles, en l'aigne, pres les oreilles, accompaignée le plus ṡouuḗt d'vn carbuncle ou pluḟieurs, & auṡsi de taches & ṡpaules ṡemées par le corps comme dirons cy apres. ”

“ Et certes nous ṡommes ṡi deprauez & aueugles que combiẽ que telles verges ṡoient venues ṡur nous, quaṡi tout en meme tẽps pour nous ouurir les yeux, & nous ṡeruir d'exercice en la cognoiṡcence & repentence de noz pechez, touteffoys demourỡs touṡiours endurciz & miṡerables & crains que Dieu nous ṡera comme au peuple d'Iṡrael rebelle et obṡtiné, ṡi nous ne nous reduiṡons à luy. ”

“ Telle eṡt la paille, ṡillace, eṡtouppes, laine, plume, linge, tapis, couuettes, meṡmement veluz, habillemens de drap, robes fourrées, coffres, armaires, Deṡquelles choṡes les vnes fault bruṡler, Les aultres hault en greniers ou galataz fault eṡtendre au vent et soleil : & que ceulx qui les maniront n'obmettent les remedes preṡeruatifz. ”

“ Doncq la cṏclusion & ṡommaire de ce traicté eṡt, que la preṡeruation & curation de la peṡte, cỡṡiṡte en la purification & deṡiccation vniuerṡelle de l'air de la ville, pus en particulier de l'air des maiṡons, & des habitans : Leṡ quelz ṡeront ṡeichez par ṡeignée, comme dict eṡt.
Purgations & benefice de vẽtre ordinaire : vomit en ceulx qui facilemẽt vomiṡṡent : prouocation de ṡueur d'vrines, & aultres euacuatiỡs d'exremens & ṡuperfluitez, principalement par ṡobriete, continẽce, tolerance de ṡsoif. Par l'vṡage des :
Alimens de bon ṡuc, ṡans grandz exremẽs, pour nourriture ordinaire. ”

“ Et que quelque vieille perṡỡne ṡeiche enfermée ṡeule, ṡoit ignorante ou negligẽte de faire aulcun cṏte de curer, nettoyerla maiṡỡ, nul ṡage de long tẽps ne s'y fourre, au moins pour menger & coucher.
* Au contraire ṡi vn eṡt mort en maiṡon ṡituée en hault lieu, ayant grandes & pluṡieurs feneṡtres prenant le Soleil & vent de nort, ou pluṡieurs enfermez promptement ayant faict bruṡler paille & linceux les plus contagieux a ṡalles. ”

“ Car ṡelỡ Hippocrats en tẽps ṡuṡpect de ceṡte maladie, fault peu menger & boire, meṡmement à gens humides, & conuient procurer en toutes manieres, de ṡeicher les corps humides, de garder les ṡecz en leur ṡechereṡṡe, & purifier ceulx qui abundent en excremens & ṡuperfluitez. ”

“ Preṡeruation de peṡte
TOuteffoys nul ne ṡe fie en bonne complexion & force: car la lṏgue conuerṡationen lieu peṡtilent ou malignité de la contagion faict que tous y peuuẽt eṡtre attrapez: & les chaultz ieunes attirent plus d'air infect que les aultres. ”

“ Pluṡieurs aultres remedes cṏtre la peṡte et tout venin, on trouue en Galen es libures de antidotz, en Dioṡcoride lib. 6. en Auincenne lib. 4. Fen. 5. Guydon a faict vn'opiate excellente contre la peṡte. Et Manard l'autre au.5. lib. de ṡes apiṡtres.
* Matthiol en ṡes commentaires ṡur Dioṡcoride a faict vng recueil de tous les ṡimples qui ont vertu contre la peṡte, & tout uenin : & d'iceulx en faict pluṡieurs cỡpoṡitiỡs et antidotz. Auṡṡi les medecins durãt la peṡte ordonnent opiate, tabletes, formules, eaus deṡtillées, pouldres, cỡditz, reṡtaurans, quintes eṡṡences. ”